సంపత్ కుమార శాస్త్రి గారు, మీపద్యం బహు సుందరంగా ఉన్నది. మొదటి రెండు పాదాలలో - విశ్వరూపంలో వారంతా కనిపిస్తున్నారనుకుంటున్నా, చివరి రెండుపాదములు మీ పద్యం కొద్దిగా అర్థమైతూ ఉన్నా దయచేసి వివరించమని మనవి. తెలుసుకొని ఆనందిద్దామని ఎదురుచూస్తున్నా.
వసంత కిశోర్ గారూ, మీ రెండు పూరణలు బాగున్నవి. అభినందనలు. మొదటిపూరణలో ‘ఇస్తివి’ అని గ్రామ్యాన్ని ప్రయోగించారు. ‘మణి నిత్తువేని’ అంటే సరి! రెండవ పూరణలో ‘బుధజన + ఆశ్రితు’లన్నప్పుడు యడాగమం రాదు. అక్కడ ‘బుధులకు నాశ్రితులకు’ అనండి. * సుబ్బారావు గారూ, మీ పూరణ బాగున్నది. అభినందనలు. * గుండా వేంకట సుబ్బ సహదేవుడు గారూ, మీ పూరణ బాగున్నది. అభినందనలు. * శైలజ గారూ, మీ పూరణ బాగున్నది. అభినందనలు. * సంపత్ కుమార్ శాస్త్రి గారూ, అద్భుతమైన పూరణ చెప్పారు. అభినందనలు, ధన్యవాదాలు. * అన్నపరెడ్డి సత్యనారాయణ రెడ్డి గారూ, మీ పూరణ బాగున్నది. అభినందనలు. * గోలి హనుమచ్ఛాస్త్రి గారూ, మీ పూరణ బాగున్నది. అభినందనలు.
ఆదిమ జాతి వీరు గురు దక్షిణ కోరగ నార్యు డౌర సం వాదము సేయకన్ గదిలి వాక్కు ను నిల్పెను సోమ పాత్రుడున్, మాదము మాన్యు లార యిక మంగళ మౌనట,పాండు మధ్యమున్ వేదన దీర గన్ విబుధ వీరులు బల్కిరి హెచ్చుతగ్గులన్ కొరుప్రోలు రాధా కృష్ణ రావు
మిస్సన్న గారూ, మీ పూరణ బాగున్నది. అభినందనలు. కానీ మీ పద్యం భారతార్థానికి కాక భాగవతార్థానికి సరిగ్గా సరిపోతుంది. ఇంతకూ కృష్ణుణ్ణి స్తుతించిన ‘ఆదిజు’ డెవరు? * శ్రీపతి శాస్త్రి గారూ, మీ పూరణ బాగున్నది. అభినందనలు. * లక్ష్మీదేవి గారూ, మీ ప్రయోగం సరియైనదే. నేనే సరిగా అవగాహన చేసికొనలేదు. మన్నించండి.
అందరికీ వందనములు !
రిప్లయితొలగించండిఅందరి పూరణలూ అలరింప నున్నవి !
శమంతకోపాఖ్యానములో :
01)
_____________________________
ఆది సోమ మంగళ బుధ - యనక, నేడు
వారముల యందు స్వచ్ఛ సు - వర్ణకంబు
నిచ్చు నీ శమంతక మణి - నిస్తివేని
ప్రజల పాలన కొఱకు నే - పదిలపరతు
ననిన కృష్ణున కీయక - నాగ్రహమున
సాగనంపెను దూషించి - సత్రజిత్తు !
_____________________________
అక్షయపాత్ర :
రిప్లయితొలగించండి02)
_____________________________
ఆదు కొనుమంచు "నాది"త్యు - నర్చ జేయ
సోమమిడినట్టి ధర్మజు - బాము నెరిగి
మంగళము నొంద దీవించి - మర్కుడిడెను
అక్షయంబిది బుధ జన ,- యాశ్రితులకు
వలయు నన్నము నిచ్చెడి - పాత్ర యనుచు !
_____________________________
అర్చ = పూజ
సోమము = నీళ్ళు(అర్ఘ్యము)
బాము = సంకటము
ఈ కామెంట్‌ను రచయిత తీసివేశారు.
రిప్లయితొలగించండిఅరుణ కిరణా ల యాదిత్యు నాద రించి
రిప్లయితొలగించండిసోమ మీయగ దనకుగా సూర్యు డపుడు
మంగ ళం బును నక్షయ మ యని దలచి
బుధజ నుల గార వించెడు బుధుడు నైన
ధర్మ జున కిచ్చె నాపాత్ర ధర్మ మరసి
ఆది మధ్యాంత రహితునౌ నాదు యండ
రిప్లయితొలగించండిసోమ శేఖరు నస్త్రమె సొమ్ము కాగ
మంగళముఁ గూర్చు ఫల్గుణా! మదన పడకు
బుధ జనులు మెచ్చు విజయమ్ముఁ బొంద గలవు.
ఆదినకరుని గొలిచి నేనమ్మ నైతి
రిప్లయితొలగించండిసోమమందున వదలితి సూర్యసుతుని
మంగళమ్ముగ వీనిని గంగమాత!
బుధజనుల ప్రాపు జేర్చుమా పొలుపుగాను!
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిఆదిక్పాలకదేవతాగణసమూహంబుల్ దిగంతంబులున్
రిప్లయితొలగించండివేదార్థంబులు సోమసూర్యులు మహా విశ్వాంతరాళంబులున్
గోదేవీమయమంగళప్రకటసాద్గుణ్యంబులున్ ఋష్యసం
వాదంబుల్ బుధమౌనివర్య తతవిభ్రాజిష్ణుఁడై వెల్గగాన్.
శ్రీకృష్ణపరమాత్ముడు తన విశ్వరూపసందర్శన ఘట్టములో.......
రిప్లయితొలగించండిఆదిశేష శయనుడు మీ యండ నుండ
రిప్లయితొలగించండిసోమమును జూపి వైరుల స్రుక్కఁ జేసి
మంగళమ్మును పొందుడు మాన్యు లార
కలుగు బుధవర్గ దీవెనల్ వెలుగు భవిత
ఆది దేవుని యవతార మాతడౌను
రిప్లయితొలగించండిబుధజనమ్ములు మెచ్చగా బోధ జేసె
మంగళమ్మగు సంధిని మనసునొప్ప
భీమరణమింక జరుగును సోమరింప.
సంపత్ కుమార శాస్త్రి గారు,
రిప్లయితొలగించండిమీపద్యం బహు సుందరంగా ఉన్నది.
మొదటి రెండు పాదాలలో - విశ్వరూపంలో వారంతా కనిపిస్తున్నారనుకుంటున్నా, చివరి రెండుపాదములు
మీ పద్యం కొద్దిగా అర్థమైతూ ఉన్నా దయచేసి వివరించమని మనవి.
తెలుసుకొని ఆనందిద్దామని ఎదురుచూస్తున్నా.
వసంత కిశోర్ గారూ,
రిప్లయితొలగించండిమీ రెండు పూరణలు బాగున్నవి. అభినందనలు.
మొదటిపూరణలో ‘ఇస్తివి’ అని గ్రామ్యాన్ని ప్రయోగించారు. ‘మణి నిత్తువేని’ అంటే సరి!
రెండవ పూరణలో ‘బుధజన + ఆశ్రితు’లన్నప్పుడు యడాగమం రాదు. అక్కడ ‘బుధులకు నాశ్రితులకు’ అనండి.
*
సుబ్బారావు గారూ,
మీ పూరణ బాగున్నది. అభినందనలు.
*
గుండా వేంకట సుబ్బ సహదేవుడు గారూ,
మీ పూరణ బాగున్నది. అభినందనలు.
*
శైలజ గారూ,
మీ పూరణ బాగున్నది. అభినందనలు.
*
సంపత్ కుమార్ శాస్త్రి గారూ,
అద్భుతమైన పూరణ చెప్పారు. అభినందనలు, ధన్యవాదాలు.
*
అన్నపరెడ్డి సత్యనారాయణ రెడ్డి గారూ,
మీ పూరణ బాగున్నది. అభినందనలు.
*
గోలి హనుమచ్ఛాస్త్రి గారూ,
మీ పూరణ బాగున్నది. అభినందనలు.
ఆది కాలమునున్న వేదంపు ప్రతిరూప
రిప్లయితొలగించండిమై వెల్గును జయము మహిని యెపుడు,
సోమార్క నక్షత్ర సురనదులు గతులు
తప్పక నడయాడు దనుక నిలుచు.
మంగళమగు పఠింపగ నిత్యమిన్నిల
ధర్మ జయమ్మది తథ్యమనుచు
బుధవరులెల్లరు పుడమిజనాళికి
చెప్పి యుండగలేదె శిష్టులార!
దీని సాటినిలుచు దివ్యగాథలనంగ
నే బృహత్కథలిక నెందు లేవు,
దీనియందునున్న దియెనుండునిలలోన
దీనిలోని లేనిదెందుగలదు?
లక్ష్మీదేవి గారూ,
రిప్లయితొలగించండి‘దీనిలోని లేని దెందుగలదు’ అంటూ చక్కని సీసపద్యంతో భారతప్రాశస్త్యాన్ని వర్ణించారు. బాగుంది. అభినందలు.
‘నిత్యమిన్నిల’?
సోమ వంశంపు కధ యిది సొగసుగాను
రిప్లయితొలగించండిఆదిధర్మము నిలబడె నవని నిందు
మంగళంబును గాంచిన మహిత బోధ
బుధతతిన్ పాండుల వరించె పూర్తి జయము
ఆదిదాయ లసూయను నమరె నిదియె
సోమ వంశాన రారాజు శూరుడనని
మంగళంబులు కోరక మాయజేసె
బుధ నుతులునౌచు,పాండులు పొంద శుభము
బుధనికరములు పొగడనా పొల్పు కధయె
సోమవంశంపు రాజుల శూరచరిత
మగళంబిడు ధర్మంపు మాన్యజయము
ఆది యంతంబు వేదాల నమరు సూక్తి
ఆది నుండియు వేదాల యాత్మగాగ
సోమ వంశంపు కధలను సూక్ష్మ గతిని
మంగళంబుగ గూర్చిన మాన్య గాధ
బుధ జనాళికి భారత భూమి గాధ
బుధ జనులునైన పాండవ పూజ్యచరిత
సోమవంశంపు శూరులై శుభముగనిరి
ఆదిదేవుండు కృష్ణుండు నండనుండ
మంగళంబుల నందిరి మహితకీర్తి
ఆంద్ర మహాభారత రచనార్ధంలో
రిప్లయితొలగించండిఆది కవి యైన న్నన్నయ్య ననుసరించి
సోమయాజుడౌ తిక్కన్న సొబగులద్ద
మంగళ ము గ పూరించె తా మరగు పడిన
యర్ధ పర్వంబు ధన్యు డెర్రన్న వ్రాసి
కొరుప్రోలు రాధాకృష్ణ రావు గారూ,
రిప్లయితొలగించండిమీ పూరణ బాగున్నది. అభినందనలు.
‘కోరెను + ఆర్యుడు’ అన్నప్పుడు యడాగమం రాదు. అక్కడ ‘కోరగ నార్యుడు’ అందామా?
*
మల్లెల సోమనాథ శాస్త్రి గారూ,
మీ ఐదుపూరణలు బాగున్నవి. అభినందనలు.
కొన్ని చోట్ల విసంధిగా వ్రాశారు. ‘సొగసుగాను ఆది.., జయము ఆది, కనిరి ఆదిదేవుండు..’
చంద్రమౌళి సూర్యనారాయణ గారూ,
రిప్లయితొలగించండిమీ పూరణ బాగున్నది. అభినందనలు.
ఆదిమ జాతి వీరు గురు దక్షిణ కోరగ నార్యు డౌర సం
రిప్లయితొలగించండివాదము సేయకన్ గదిలి వాక్కు ను నిల్పెను సోమ పాత్రుడున్,
మాదము మాన్యు లార యిక మంగళ మౌనట,పాండు మధ్యమున్
వేదన దీర గన్ విబుధ వీరులు బల్కిరి హెచ్చుతగ్గులన్
కొరుప్రోలు రాధా కృష్ణ రావు
ఆదిజు డయ్యెడ న్నగము నల్లన నెత్తిన చిన్న దేవునిన్
రిప్లయితొలగించండి' మేదిని నీకు నీవె సరి! మీనమ వై కడ దేర్చి సోమకున్
వేదము లిచ్చినావు మును, వింతయె మంగళ రూప! శైలమున్
దూదిగ నెత్తుటల్ విబుధ! దోయిలి యొగ్గి నుతింతు ' నిన్ననెన్.
శ్రీగురుభ్యోనమ:
రిప్లయితొలగించండిశ్రీకృష్ణ రాయభార సందర్భమున
ఆదిమధ్యాంతరహితుడై యవతరించె
మంగళమ్ములు గూర్చగ మాధవుండు
బుధవరేణ్యులు మెచ్చగా బుద్ధి జెప్పె
భీమసోమము వర్ణించె వివరముగను.
సోమనాథ శాస్త్రిగారు ఎన్నిరకాలుగా చెప్పినారు!!
రిప్లయితొలగించండిమిస్సన్న గారి,శ్రీపతిశాస్త్రిగారి పద్యాలూ బాగున్నాయి.
గురువుగారు,
నిత్యము+ఈ యిల = నిత్యమియ్యిల అనవచ్చునా? నేను ప్రయోగించిన రూపం తప్పనుకుంటా.
భారతాన్ని నిత్యము ఈ ధరణిలో నున్నవారు పఠించినచో ధర్మము దాని ప్రాముఖ్యత తెలిసి ధర్మజయము గలుగుతుందని నా భావన.
శ్రీమతి లక్ష్మిదేవిగారికి వందనములు.
రిప్లయితొలగించండివిశ్వరూపములో కేవలము మనుష్యదేవతలు ఋషిమునిశ్రేష్టులే కాక జంతు పశుపక్ష్యాదులు కూడాఉంటాయనే ఉద్దేశ్యముతో గోదేవీ మయ ( గోదేవీసహిత ) అంటూ గోమాత -- మంగళప్రదమైనదనే మాటను స్ఫురింపజేస్తూ ( ప్రకట ) -- సద్గుణాములకు నెలవై -- అనిచెప్పే ప్రయత్నము చేసినాను.
ఎంతవరకూ అతికిందో తెలీదు.
గురువుగారేమో tick mark కొట్టినారు.
గురువుగారూ ధన్యోస్మి.
శ్రీమతి లక్ష్మిదేవిగారికి వందనములు.
రిప్లయితొలగించండిపద్యాన్ని మెచ్చుకున్నందుకు ధన్యవాదములు.
మిస్సన్న గారూ,
రిప్లయితొలగించండిమీ పూరణ బాగున్నది. అభినందనలు.
కానీ మీ పద్యం భారతార్థానికి కాక భాగవతార్థానికి సరిగ్గా సరిపోతుంది. ఇంతకూ కృష్ణుణ్ణి స్తుతించిన ‘ఆదిజు’ డెవరు?
*
శ్రీపతి శాస్త్రి గారూ,
మీ పూరణ బాగున్నది. అభినందనలు.
*
లక్ష్మీదేవి గారూ,
మీ ప్రయోగం సరియైనదే. నేనే సరిగా అవగాహన చేసికొనలేదు. మన్నించండి.
గురువుగారు,
రిప్లయితొలగించండిధన్యవాదాలు.
సంపత్ కుమారశాస్త్రిగారు,
నా సందేహం- మొదట వ్యక్తుల్ని ప్రస్తావించి అందులోనే సాద్గుణ్యంబులు, సంవాదంబులు అని రావడం తో అర్థం కాలేదు.
దశావతారి శ్రీహరి పాద పంకజములకు ప్రణతులిడుచూ…
రిప్లయితొలగించండిశ్రీ రఘు రామ భక్త నిజ చిహ్న సశస్ర సుఘోటికాది మిం
చారు సువర్ణ దివ్యరథ సారథి దిగ్గన కోటికోటి సో
మారున భాసమాన ఘన మంగళ సుందర విశ్వరూపమున్
ధారణి యందు చూపె విబుధాధిప సూనకు సుప్రసన్నుడై
మారుపాక రఘుకిశోర్ శర్మ గారూ,
రిప్లయితొలగించండిమీ పూరణ బాగున్నది. అభినందనలు.
‘మించారు’...?
గోవర్ధనోధ్ధరణ సమయంలో బ్రహ్మ శ్రీకృష్ణుణ్ణి నుతించినట్లు ఊహించాను గురువుగారూ.
రిప్లయితొలగించండిలక్ష్మీ దేవిగారికి ధన్యవాదాలు.
కంది శంకరయ్య గారూ,
రిప్లయితొలగించండిమీ వ్యాఖ్యానము నకు ధన్యవాదములు
మించు + ఆరు = మించారు => ప్రకాశించు
(ఉకార సంధి)
--మారుపాక రఘుకిశోర్ శర్మ