జిగురు సత్యనారాయణ గారూ, అద్భుతంగా ఉంది మీ పూరణ. అభినందనలు. * సుబ్బారావు గారూ, ‘వేదములు ఏడు’ అని సమస్య ఉంటే మీరు ‘వేదము లేదు’ అని పూరించారు. సవరించండి. * వసంత కిశోర్ గారూ, మీ పూరణ బాగున్నది. అభినందనలు. ‘సన్యాసి + అయ్యెన్’ అన్నప్పుడు సంధి లేదు. అక్కడ ‘సన్యాసి యయెన్’ అనండి.
జిలేబీ గారూ, నమస్కారం! * శ్రీపతి శాస్త్రి గారూ, గీతావేదం, పంచమవేదమైన భారతం, ఆయుర్వేదాలను కలిపి ఏడు వేదాలన్న మీ పూరణ అద్భుతంగా ఉంది. అభినందనలు. * శైలజ గారూ, విరుపుతో మీ పూరణ బాగున్నది. అభినందనలు. ద్వితీయార్ధంలో విజ్ఞుడు, పండితుడు రెండు కర్తృపదాలు వచ్చాయి. ‘పండితుండు’ అన్నదాన్ని ‘పామరులకు’ అంటే ఎలా ఉంటుంది? * రెండుచింతలా రామకృష్ణ మూర్తి గారూ, మీ పూరణ బాగుంది. అభినందనలు. సప్తర్షులు అన్నప్పుడు ఏడుగురు అనవలసింది కదా... అక్కడ ‘చదల ఋషుల సంఖ్యను మీ/ మదికింపుగ...’ అందామా?
కెంబాయి తిమ్మాజీ రావు గారూ, మీ రెండు పూరణలు బాగున్నవి. అభినందనలు. ‘గుఱ్ఱములున్ + ఈ ధరతో’ అన్నప్పుడు యడాగమం రాదు. ‘గుఱ్ఱమ్ములు/ నీధరతో...’ అనండి. ‘అవగను’ అనడం గ్రామ్యమే. అక్కడ ‘‘సాధువు లేడే కాగా’ అనండి. * కె.యస్. గురుమూర్తి ఆచారి గారూ, మీ పూరణ బాగున్నది. అభినందనలు. ‘ధవళాంగుడు’ ఎవరో అర్థం కాలేదు. ధాతముఖాలు నాలుగు. మీ లెక్క అర్థం కాలేదు. * మిస్సన్న గారూ, మీ పూరణ బాగున్నది. అభినందనలు. * మల్లెల సోమనాథ శాస్త్రి గారూ, మీ పది పూరణలు బాగున్నవి. అభినందనలు. పదవపూరణలో మొదటి పాదంలో ‘శరీర’ అని బేసిగణంగా జగణాన్ని వేశారు. * కె. ఈశ్వరప్ప గారూ, మీ పూరణ బాగున్నది. అభినందనలు. * గుండా వేంకట సుబ్బ సహదేవుడు గారూ, అధిక్షేపాత్మకమైన మీ పూరణ బాగున్నది. అభినందనలు. * కొరుప్రోలు రాధాకృష్ణ రావు గారూ, మీ పూరణ బాగున్నది. అభినందనలు. స్వవర్గజప్రాస పేరుతో దధలకు ప్రాసమైత్రిని కొందరు లాక్షణికులు అంగీకరించిన మాట నిజమే! కాని మనం సాధ్యమైనంత వరకు దానిని వదలివేయడమే ఉత్తమం. (‘కాదన కిట్టిపాటి యపకారము దక్షకుఁ డేకవిప్రసం/ బోధనఁ జేసి చేసె నృపపుంగవ...’ నన్నయగారి పద్యం) * అన్నపరెడ్డి సత్యనారాయణ రెడ్డి గారూ, మీ పూరణ బాగున్నది. అభినందనలు. “ఆదిని’ అనండి. * గుండు మధుసూదన్ గారూ, మీ పూరణ వైవిధ్యంగా, విశేషార్థప్రతిపాదమై చమత్కారజనకంగా ఉంది. అభినందనలు.
శ్రీ చింతారామకృష్ణారావు గురువు గారు గతములో చూపిన దారి లో పూరణకు ప్రయత్నిస్తున్నానండీ: "వేదాంతము"కులతిలకుడు శ్రీదత్తాత్రేయమూర్తి చేరక యుంటన్ వేధింపవధానినిటన్ "వేదము" లేడని గణించె విజ్ఞుండు సభన్
వేదము వారిని మరియు ద్వి
రిప్లయితొలగించండివేదుల వారిని కలుపుచు వీరికిని చతు
ర్వేదుల వారిని గలిపిన
వేదము లేడని గణించె విజ్ఞుండు సభన్!!
నాదమయమమే గద యీ
రిప్లయితొలగించండివేదము , లేదని గణించె విజ్ఞుం డు సభ
న్నా దరు వనునది జగమున
వేదములే మూ లమార్య !విజ్ఞు ల కెల్లన్
అందరికీ వందనములు !
రిప్లయితొలగించండిఅందరి పూరణలూ అలరింప నున్నవి !
జీవనసమరం జేయలేక :
01)
________________________________
బాధామయమౌ జీవిత
సాధన సరిజేయలేక - సన్యాసయ్యెన్ !
వేదన హెచ్చగ నలుకను
వేదము లేడని గణించె - విజ్ఞుండు సభన్ !
________________________________
వేదము = బ్రహ్మము
జిగురు సత్యనారాయణ గారూ,
రిప్లయితొలగించండిఅద్భుతంగా ఉంది మీ పూరణ. అభినందనలు.
*
సుబ్బారావు గారూ,
‘వేదములు ఏడు’ అని సమస్య ఉంటే మీరు ‘వేదము లేదు’ అని పూరించారు. సవరించండి.
*
వసంత కిశోర్ గారూ,
మీ పూరణ బాగున్నది. అభినందనలు.
‘సన్యాసి + అయ్యెన్’ అన్నప్పుడు సంధి లేదు. అక్కడ ‘సన్యాసి యయెన్’ అనండి.
శంకరార్యా ! శుభోదయం !
రిప్లయితొలగించండి
రిప్లయితొలగించండిరయ్యన ఋక్ యవన యజుర్
సరస సామ , ఆధార అథర్వ
జప రామ,భగ భారత,తేనియ గీత
వేదము లేడని గణించె విజ్ఞుండు సభన్ !!
శ్రీగురుభ్యోనమ:
రిప్లయితొలగించండివేదమె గీతా శాస్త్రము
వేదమె ఘనభారతమ్ము వేదమె జూడన్
పేదల పాలిటి వైద్యము
వేదము లేడని గణించె విజ్ఞుండు సభన్.
వాదన జేయుచు నొకడనె
రిప్లయితొలగించండివేదము లేడని, గణించె విజ్ఞుండు సభన్
వేదములు నాల్గని తెలిపి
బోధించెను పండితుండు పోడిమి తోడన్!
బోధల నెయ్యవి తెలియవు
రిప్లయితొలగించండివేదము; లేడని గణించె విజ్ఞుండు సభన్
చదలను సప్తర్షులనే,
మదికింపుగ తెలిసికొనుడు మర్మంబనుచున్.
జిలేబీ గారూ,
రిప్లయితొలగించండినమస్కారం!
*
శ్రీపతి శాస్త్రి గారూ,
గీతావేదం, పంచమవేదమైన భారతం, ఆయుర్వేదాలను కలిపి ఏడు వేదాలన్న మీ పూరణ అద్భుతంగా ఉంది. అభినందనలు.
*
శైలజ గారూ,
విరుపుతో మీ పూరణ బాగున్నది. అభినందనలు.
ద్వితీయార్ధంలో విజ్ఞుడు, పండితుడు రెండు కర్తృపదాలు వచ్చాయి. ‘పండితుండు’ అన్నదాన్ని ‘పామరులకు’ అంటే ఎలా ఉంటుంది?
*
రెండుచింతలా రామకృష్ణ మూర్తి గారూ,
మీ పూరణ బాగుంది. అభినందనలు.
సప్తర్షులు అన్నప్పుడు ఏడుగురు అనవలసింది కదా... అక్కడ ‘చదల ఋషుల సంఖ్యను మీ/ మదికింపుగ...’ అందామా?
నాగరాజు రవీందర్ గారూ,
రిప్లయితొలగించండిమీ లెక్క సరిపోయింది. పూరణ చాలా బాగుంది. అభినందనలు.
రిప్లయితొలగించండిపూజ్య గురుదేవులు శంకరయ్యగారికి వందనములు
1 .ఆదిత్యునిగుర్రములున్,
యీధరతో కలిపి జగములేడును స్వరముల్,
సాదువులేడే యవగను
వేదము లేడని గణించె విజ్ఞుండు సభన్!
2. వేదము లనంత మవగా
వేదము లేడని గణించె విజ్ఞుండు సభన్!!
వాదించగ మనకేటికి
సాదముతిని పోదమనిరి సభికులు తాల్మిన్
కె.యెస్. గురుమూర్తి ఆచారి గారి పూరణ
రిప్లయితొలగించండివేదములు నాలుగైనను
వేదము లేడని గణించె విజ్ఞుండు సభన్
యాధవళా౦గుని వదనం
బాధాత ముఖ౦బు విష్ణునాస్యము కలిపెన్
వేదము లెన్నగ నాలుగె!
రిప్లయితొలగించండికాదా ? యీ రీతి మీరు గట్టిగ నాతో
వాదింతురు గద తక్కిన
వేదము లేడని గణించె విజ్ఞుండు సభన్.
(యేడ = యెక్కడ)
ధన్యవాదములు గురువు గారూ. సవరించిన పూరణ
రిప్లయితొలగించండివాదన జేయుచు నొకడనె
వేదము లేడని, గణించు విజ్ఞుండు సభన్
వేదములు నాల్గని తెలిపి
బోధించె పామరులకు పోడిమి తోడన్!
మల్లెల వారి పూరణలు
రిప్లయితొలగించండివేదము నంగము లారును
బాధల తొలగించ జగతి, వాటిని నేర్వన్
పోదొలగు, వాని, కలుపగ
వేదము లేడని గణించె విజ్ఞుండు సభన్
వేదము, నుపనిషదులు, వే
గాధలు నితిహాసములను, కావ్యములెలమిన్
నాదపు స్వరముల వెలుగును
వేదము లేడని గణించె విజ్ఞుండు సభన్
వేదము లనంత మరయగ
భేదపు గణనను విషయపు పేర్మిని నగుగా
వేదపు సంఖ్యయె. కనుకన్
వేదము లేడని గణించె విజ్ఞుండు సభన్
బాధల జీవన మందున
వేదిగఁ జేసియు, పలుగతి వెడలగఁ జేసే
భేదములే, వివిధ గతులు.
వేదము లేడని గణించె విజ్ఞుండు సభన్
భూధవు లెల్లరు, జనులల
వేదము తెలిపిన విషయము పెంచగఁ జూడన్
ఒదవెడు పుణ్యము నొకయెడ
వేదము లేడని గణించె విజ్ఞుండు సభన్
వేదములను నాలుగు గను
వేదవ్యాసుండు తెలిపె. వేదములెన్నో
పొదలెను విద్యలునౌచున్
వేదము లేడని గణించె విజ్ఞుండు సభన్
వేదము నాయువుఁ గూర్చును.
వేదము ధనువునుఁ గొనివిడు వివిధపు నస్త్రాల్
వేదిగఁ జేయును, నిటులా
వేదము లేడని గణించె విజ్ఞుండు సభన్
వేదము జీవన గతిలో
భేదముఁ జూపును. వివిధపు విషయాలందున్
సాధనఁ జేసియు, వానిన్
వేదము లేడని గణించె విజ్ఞుండు సభన్
వేదము నాత్మను, శరీర
శోధన, భూమిని, గ్రహముల సొంపగు రీతుల్
ఈధర భూతాల తెలుపు
వేదము లేడని గణించె విజ్ఞుండు సభన్
.కె,ఈశ్వరప్ప గారిపూరణ
రిప్లయితొలగించండిసాధకు నెంచగ గురువనె
సాధించగ సప్తనిధులు స,రి,గ,మ,ప,డ,నీ,
నాదమునొక్కొక్కటిగా
వేదము లేడని గణించె - విజ్ఞుండు సభన్
వేదములు నాల్గు కాదని
రిప్లయితొలగించండియీ ధరలో బల్కు పల్కు లెకసెక్కెములే!
శోధనల దొరకనివి యే
వేదము లేడని గణించె విజ్ఞుండు సభన్?
వేదము దల్లియు దండ్రియు
రిప్లయితొలగించండివేదము భావింప గురువు విశ్వము నందున్ ,
వేదములు నాల్గు గలుపుచు
వేదము లేడని గణించె విజ్ఞుండు సభన్
కొరుప్రోలు రాధా కృష్ణ రావు
అందరికి నమస్కారములు
రిప్లయితొలగించండిప్రాసలో "ధ "ఒక్క పాదం లో వేసుకోవచ్చని విన్నాను ప్రాస నియమం తెలుప ప్రార్ధన
కొరుప్రోలు రాధా కృష్ణ రావు
ఆదినఁజెప్పిరి నాలుగు
రిప్లయితొలగించండివేదములన్ గూర్చి మునులు పిదపను బుధులా
మోదించగ మూడింటిని
వేదములేడని గణించె విజ్ఞుండు సభన్
ఒత్తు "ధ" ఒకే పాదం లో వేసుకోవాలి
రిప్లయితొలగించండిమిగతా పదాలలో "ద " వేసుకోవాలి
కొరుప్రోలు రాధా కృష్ణ రావు
వేదముల సంఖ్య గణనన
రిప్లయితొలగించండివాదములే వినగబడి యె బండితు లందున్
వాదముల గార వంబున
వేదము లేడని గణించె విజ్ఞుండు సభన్
మిత్రులందఱకు నమస్కారములు!
రిప్లయితొలగించండి(వేదము వేంకటరాయశాస్త్రిగారిని "వ్యావహారికభాషావాది"యనిన నొకనితో నొక విజ్ఞుఁడు వాదించిన సందర్భము)
"వేదము గ్రాంథిక భాషా
వాదియె! వ్యవహారభాష వలయునటంచున్
వాదించెడి వ్యవహర్తల
వేదము లేఁ" డని గణించె విజ్ఞుండు సభన్!
(వేదము లేఁడని=వేదము(వేంకటరాయశాస్త్రి)..లేఁడు+అని)
నా రెండవ పూరణము:
రిప్లయితొలగించండివేదనలఁ బాపు నాయు
ర్వేద ధనుర్వేద భరతవేదమ్ములతో
వేదములు నాల్గుఁ గలిపియు
వేదము లేడని గణించె విజ్ఞుండు సభన్!
కెంబాయి తిమ్మాజీ రావు గారూ,
రిప్లయితొలగించండిమీ రెండు పూరణలు బాగున్నవి. అభినందనలు.
‘గుఱ్ఱములున్ + ఈ ధరతో’ అన్నప్పుడు యడాగమం రాదు. ‘గుఱ్ఱమ్ములు/ నీధరతో...’ అనండి. ‘అవగను’ అనడం గ్రామ్యమే. అక్కడ ‘‘సాధువు లేడే కాగా’ అనండి.
*
కె.యస్. గురుమూర్తి ఆచారి గారూ,
మీ పూరణ బాగున్నది. అభినందనలు.
‘ధవళాంగుడు’ ఎవరో అర్థం కాలేదు. ధాతముఖాలు నాలుగు. మీ లెక్క అర్థం కాలేదు.
*
మిస్సన్న గారూ,
మీ పూరణ బాగున్నది. అభినందనలు.
*
మల్లెల సోమనాథ శాస్త్రి గారూ,
మీ పది పూరణలు బాగున్నవి. అభినందనలు.
పదవపూరణలో మొదటి పాదంలో ‘శరీర’ అని బేసిగణంగా జగణాన్ని వేశారు.
*
కె. ఈశ్వరప్ప గారూ,
మీ పూరణ బాగున్నది. అభినందనలు.
*
గుండా వేంకట సుబ్బ సహదేవుడు గారూ,
అధిక్షేపాత్మకమైన మీ పూరణ బాగున్నది. అభినందనలు.
*
కొరుప్రోలు రాధాకృష్ణ రావు గారూ,
మీ పూరణ బాగున్నది. అభినందనలు.
స్వవర్గజప్రాస పేరుతో దధలకు ప్రాసమైత్రిని కొందరు లాక్షణికులు అంగీకరించిన మాట నిజమే! కాని మనం సాధ్యమైనంత వరకు దానిని వదలివేయడమే ఉత్తమం. (‘కాదన కిట్టిపాటి యపకారము దక్షకుఁ డేకవిప్రసం/ బోధనఁ జేసి చేసె నృపపుంగవ...’ నన్నయగారి పద్యం)
*
అన్నపరెడ్డి సత్యనారాయణ రెడ్డి గారూ,
మీ పూరణ బాగున్నది. అభినందనలు.
“ఆదిని’ అనండి.
*
గుండు మధుసూదన్ గారూ,
మీ పూరణ వైవిధ్యంగా, విశేషార్థప్రతిపాదమై చమత్కారజనకంగా ఉంది. అభినందనలు.
గుండు మధుసూదన్ గారూ,
రిప్లయితొలగించండిసప్తవేదముల లెక్క సరిపోయింది. చక్కని పూరణ. అభినందనలు.
శ్రీ చింతారామకృష్ణారావు గురువు గారు గతములో చూపిన దారి లో పూరణకు ప్రయత్నిస్తున్నానండీ:
రిప్లయితొలగించండి"వేదాంతము"కులతిలకుడు
శ్రీదత్తాత్రేయమూర్తి చేరక యుంటన్
వేధింపవధానినిటన్
"వేదము" లేడని గణించె విజ్ఞుండు సభన్
వే.ద.ము = వేదాంతము దత్తాత్రేయ మూర్తి
వేదములు నాల్గు,పంచమ
రిప్లయితొలగించండివేదము భారతము,కలిపివేయంగ ధను
ర్వేదము,నాయుర్వేదము,
వేదములేడని గణించె విజ్ఞుండు సభన్
వేదములన్నిటిని చదివి
రిప్లయితొలగించండిమోదముతో నాటకములు ముద్రించె నహో...
ఖేదమె! వేంకట రాయలు
వేదము లేడని గణించె విజ్ఞుండు సభన్
"వేదము వేంకటరాయలు శాస్త్రి"