చంద్రమౌళి సూర్యనారాయణ గారూ, పద్యం బాగుంది. రాత్రంతా పూరణ గురించి ఆలోచించి ఉంటారు. మీనుండి చక్కని పూరణకోసం ఎదురుచూస్తాను. శుభం! శుభోదయం! ‘శ్రమం బయ్యెన్’ అన్నచోట గణదోషం. ‘శ్రమ మయ్యెను నా/ తరమా...’ అనండి. * పోచిరాజు సుబ్బారావు గారూ, మీ పూరణ బాగున్నది. అభినందనలు. ‘దరినే యటవిని...’ అనండి. * జిగురు సత్యనారాయణ గారూ, మనోహరంగా ఉంది మీ పూరణ. అభినందనలు. * అన్నపరెడ్డి సత్యనారాయణ రెడ్డి గారూ, మీరు జిగురు వారి బాట పట్టినా మీ పూరణకూడా బాగున్నది. అభినందనలు. ‘హరిమధ్య’ ... టైపాటువల్ల ‘హరిమద్య’ అయింది. * నాగరాజు రవీందర్ గారూ, మీ పూరణ బాగున్నది. అభినందనలు.
గుండు మధుసూదన్ గారూ, మీ పూరణ బాగున్నది. అభినందనలు. ‘మురహరి హరికిన్’ అంటే అన్వయం బాగా కుదురుతుంది కదా! అందుకని అక్కడ ‘హరివర్ణపు నగఁ గని ముర/ హరి హరికిన్...’ అంటే ఎలా ఉంటుంది?
అరుదౌ బంగరు లేడిని కరమాశ్చర్యము కలుగగ కాంచియు వెసగన్ హరియౌ రామున్నికి మనో హరి హరికిన్ హరినిఁ జూపి హరియింపు మనెన్ ( సీత రామునికి బంగారు రంగు గల దానిని చూపి)
వసంత కిశోర్ గారూ, నేను ఎదురుచూస్తున్న భావంతో చక్కని పూరణ చెప్పారు. (నిజానికి వాలిసుగ్రీవుల ప్రస్తావనతో నేను పూరణ వ్రాయాలనుకున్నాను.) అభినందనలు. ‘సర్వమ్’ అని హలంతంగా చెప్పరాదు కదా... అక్కడ ‘ఆస్తుల నెల్లన్’ అనండి. * మల్లెల సోమనాథ శాస్త్రి గారూ, మీ నాలుగు పూరణలు బాగున్నవి. అభినందనలు. మొదటి పూరణలో ‘వెసగన్’ అనరాదు కదా.. అక్కడ ‘వెసఁ దా’ అనండి. ‘రామున్నికి’ అని టైపాటు. * శైలజ గారూ, మీ పూరణ బాగున్నది. అభినందనలు. ‘తరుముచు వచ్చెడి పాముకు...’ అనండి.
నాగరాజు రవీందర్ గారూ, మీ తాజా పూరణ బాగున్నది. అభినందనలు. ‘సాహరి’ అన్నదాన్ని ఏ అర్థంలో ప్రయోగించారు. ‘సాహరి = నేనే సమర్థుఁడను-నేనే సమర్థుఁడను అని ఒకరికొకరు చూపునట్టి అహంకారము.’ అని నిఘంటువు అర్థం చెపుతున్నది.
కె.యస్. గురుమూర్తి ఆచారి గారూ, మీ పూరణ బాగున్నది. అభినందనలు. * కె. ఈశ్వరప్ప గారూ, మీ రెండు పూరణలు బాగున్నవి. అభినందనలు. రెండు పూరణలలోను ‘హరినిఁ జూపి’ని మీరు ‘హరిని జంపి’ అని టైపు చేశారు. మొదటి పూరణలో ‘లేకున్నచొ’ అని విభక్తిప్రత్యయాన్ని హ్రస్వంగా ప్రయోగించారు. ‘లేకున్నన్’ అంటే సరి. రెండవ పూరణ చివరి రెండు పాదాలలో అన్వయం కుదరనట్టుంది. * శ్రీపతి శాస్త్రి గారూ, మీ పూరణ బాగున్నది. అభినందనలు.
కెంబాయి తిమ్మాజీ రావు గారూ, మన్నించాలి. మౌస్‍ను క్రిందికి పైకి త్రిప్పడంలో మీ పూరణను గమనించలేదు. మీ పూరణ బాగున్నది. అభినందనలు. * కొరుప్రోలు రాధాకృష్ణ రావు గారూ, మీ పూరణ బాగున్నది. అభినందనలు.
సరియగు పూరణ కొరకై
రిప్లయితొలగించండిసరసపు మాటలు దొరకక శ్రమంబయ్యెన్
తరమగునా పూరింపగ
హరి హరికిన్ హరినిఁ జూపి హరియింపు మనెన్
(ఉదయాన్నే ప్రయత్నిస్తాను --- శుభరాత్రి )
హరి పేరు గలుగు నిద్దరు
రిప్లయితొలగించండినరిగిరి వేటాడ సింహ మనదగు మృగమున్
దరినే నటవిని గనబడ
హరి హరికిన్ హరిని జూపి హరియింపుమనెన్
హరి యింటి పారిజాతము
రిప్లయితొలగించండిధరకున్ గొని వెడలదలచి దరికిన్ వచ్చెన్
సరసముగ కృష్ణుని మనో
హరి హరికిన్ హరినిఁ జూపి హరియింపు మనెన్!!
హరి యింటి పారిజాతము = ఇంద్రుని యింటి పారిజాతము
కృష్ణుని మనో హరి = సత్యభామ
హరికిన్ = శ్రీ కృష్ణునికి
హరినిఁ జూపి = పచ్చనైన దానిని (పారిజాతమును) జూపి
హరి మద్యతోడ నాహరి
రిప్లయితొలగించండిహరిలోకమ్మునకుఁబోవ, నానందముతో
హరిణేక్షణ కృష్ణ మనో
హరి హరికిన్ హరిని జూపి హరియింపుమనెన్
చంద్రమౌళి సూర్యనారాయణ గారూ,
రిప్లయితొలగించండిపద్యం బాగుంది. రాత్రంతా పూరణ గురించి ఆలోచించి ఉంటారు. మీనుండి చక్కని పూరణకోసం ఎదురుచూస్తాను. శుభం! శుభోదయం!
‘శ్రమం బయ్యెన్’ అన్నచోట గణదోషం. ‘శ్రమ మయ్యెను నా/ తరమా...’ అనండి.
*
పోచిరాజు సుబ్బారావు గారూ,
మీ పూరణ బాగున్నది. అభినందనలు.
‘దరినే యటవిని...’ అనండి.
*
జిగురు సత్యనారాయణ గారూ,
మనోహరంగా ఉంది మీ పూరణ. అభినందనలు.
*
అన్నపరెడ్డి సత్యనారాయణ రెడ్డి గారూ,
మీరు జిగురు వారి బాట పట్టినా మీ పూరణకూడా బాగున్నది. అభినందనలు.
‘హరిమధ్య’ ... టైపాటువల్ల ‘హరిమద్య’ అయింది.
*
నాగరాజు రవీందర్ గారూ,
మీ పూరణ బాగున్నది. అభినందనలు.
మిత్రులకు నమస్కారము!
రిప్లయితొలగించండిహరి మురహరియను చోరులు
హరియింపఁగ నొకరియింట నడుగిడ, నచటన్
హరివర్ణహారముం గని,
హరి హరికిన్ హరినిఁ జూపి "హరియింపు" మనెన్!
(హరినిన్=హరివర్ణహారమును)
గుండు మధుసూదన్ గారూ,
రిప్లయితొలగించండిమీ పూరణ బాగున్నది. అభినందనలు.
‘మురహరి హరికిన్’ అంటే అన్వయం బాగా కుదురుతుంది కదా! అందుకని అక్కడ ‘హరివర్ణపు నగఁ గని ముర/ హరి హరికిన్...’ అంటే ఎలా ఉంటుంది?
నాగరాజు రవీందర్ గారూ,
రిప్లయితొలగించండిమీ పూరణ బాగున్నది. అభినందనలు.
మారీచుని విషయం సీతకు తెలియదు కదా! ‘ఎఱుగని సీతమ్మ’ అనాలనుకుంటాను.
మిత్రులు శంకరయ్యగారికి ధన్యవాదములు. నే నేవిధమునఁ బూరింపవలెనని యనుకొంటినో యటులనే మీరు సవరించుట ముదావహము. నేను టైపు చేయునపు డిది మఱచి పైవిధముగ టైపుచేసితిని. మఱలం జూచుకొననైతి. చక్కని సవరణమును సూచించినందుల కభినందనలు...ధన్యవాదములు. నా సవరించిన పూరణము:
రిప్లయితొలగించండిహరి మురహరియను చోరులు
హరియింపఁగ నొకరియింట నడుగిడ, నచటన్
హరివర్ణపు నగఁ గని, ముర
హరి హరికిన్ హరినిఁ జూపి "హరియింపు" మనెన్!
(హరినిన్=హరివర్ణహారమును)
అందరికీ వందనములు !
రిప్లయితొలగించండిఅందరి పూరణలూ అలరింప నున్నవి !
సుగ్రీవుడు రామునితో :
01)
________________________________
హరియించె నాదు రాజ్యము
హరియించెను నాదు వధువు, - నాస్తిని సర్వమ్
హరియించ దలచు నన్నని
హరి హరికిన్ హరిని జూపి - హరియించు మనెన్ !
________________________________
వధువు = భార్య
హరి =కోతి, విష్ణువు ( సుగ్రీవుడు, రాముడు, వాలి)
అరుదౌ బంగరు లేడిని
రిప్లయితొలగించండికరమాశ్చర్యము కలుగగ కాంచియు వెసగన్
హరియౌ రామున్నికి మనో
హరి హరికిన్ హరినిఁ జూపి హరియింపు మనెన్
( సీత రామునికి బంగారు రంగు గల దానిని చూపి)
కరముల నింపగు సూర్యుని
వరమగు ఫలముగఁ దలచియు బాగుగ మింగన్
పరుగిడ పవనజు, డయ్యెడ
హరి హరికిన్ హరినిఁ జూపి హరియింపు మనెన్
(సూర్యుడు, ఇంద్రునికి కోతిని చూపి)
హరి నీట బయట మెలగును
హరి యేటికి గట్టు పైన హరువుగ మెలగున్
వరమగు తిండిగఁ జేయడె
హరి హరికిన్ హరినిఁ జూపి హరియింపు మనెన్
( విష్ణువు, పాముకు కప్పను చూపి)
భరమగు విసమే పుట్టగ
భరియించెను తాను శివుడు. పావన మశ్వం
బరయగ పుట్టగ, నాపుర
హరి హరికిన్ హరినిఁ జూపి హరియింపు మనెన్
( శివుడు, ఇంద్రునికి ఉచ్చైశ్రమము ను చూపి)
తరుముతు వచ్చెడి పాముకి
రిప్లయితొలగించండిదొరకక తప్పించుకొనుచు దుఃఖ్ఖము తోడన్
సరసకు ఙేరిన కపిగని
హరి హరికిన్ హరిని ఙూపి హరియించమనెన్!!!
వసంత కిశోర్ గారూ,
రిప్లయితొలగించండినేను ఎదురుచూస్తున్న భావంతో చక్కని పూరణ చెప్పారు. (నిజానికి వాలిసుగ్రీవుల ప్రస్తావనతో నేను పూరణ వ్రాయాలనుకున్నాను.) అభినందనలు.
‘సర్వమ్’ అని హలంతంగా చెప్పరాదు కదా... అక్కడ ‘ఆస్తుల నెల్లన్’ అనండి.
*
మల్లెల సోమనాథ శాస్త్రి గారూ,
మీ నాలుగు పూరణలు బాగున్నవి. అభినందనలు.
మొదటి పూరణలో ‘వెసగన్’ అనరాదు కదా.. అక్కడ ‘వెసఁ దా’ అనండి. ‘రామున్నికి’ అని టైపాటు.
*
శైలజ గారూ,
మీ పూరణ బాగున్నది. అభినందనలు.
‘తరుముచు వచ్చెడి పాముకు...’ అనండి.
హరివర్ణముతో నటునిటు
రిప్లయితొలగించండిచరియించుచు విందుఙేయు చతురను గనుచున్
మురియుచు రాఘవుని మనో
హరి హరికిన్ హరినిఙూపి హరియించమనెన్!!!
నాగరాజు రవీందర్ గారూ,
రిప్లయితొలగించండిమీ తాజా పూరణ బాగున్నది. అభినందనలు.
శైలజ గారూ,
రిప్లయితొలగించండిమీ రెండవ పూరణ బాగున్నది. అభినందనలు.
గుండు మధుసూదన్ గారి రెండవ పూరణ....
రిప్లయితొలగించండి(2)
హరియింతు నను కశిపునకు
హరి నా ప్రహ్లాదుఁ డపుడు "హరి హరి"యనుచున్
బరగంగఁ బిలిచి మదమో
హరి హరికిన్ హరినిఁ జూపి హరియింపు మనెన్!
(మదమోహరి హరికిన్=మదమును, మోహమునుం గలవాఁడును, దివిజపురాపహారియునగు హిరణ్యకశిపునకు)
గుండు మధుసూదన్ గారూ,
రిప్లయితొలగించండిమీ రెండవ పూరణ బాగున్నది. అభినందనలు.
అయితే ప్రహ్లాదుడు హిరణ్యకశిపునకు హరిని చూపించి చంపు మన్నాడు. ఇక్కడ ‘కుమారా! నాకు హరిని చూపించు. చంపుతా” నన్న తండ్రికి ప్రహ్లాదుడు హరిని చూపించి ‘చంపుతాను అనావు కదా! ఏదీ చంపు చూద్దాం’ అన్నట్టు అర్థం చేసికొనవలసి ఉంటుందన్నమాట!
విరినొకదానిని కృష్ణుఁడు
రిప్లయితొలగించండిసరసత నొసగె సవతికన సాత్రాజితి యా
తరువునె కోరె ,హరిమనో
హరి హరికిన్ హరినిఁ జూపి హరియింపు మనెన్.
గుండు మధుసూదన్ గారి మూడవ పూరణ.....
రిప్లయితొలగించండి(3)
హరి హరి! సర్పము కప్పను
హరియింప వెనుఁ దవులఁ గని "హా హా"యనఁగన్
బరగు నిది తిండిగానని
హరి, హరికిన్ హరినిఁ జూపి, హరియింపు మనెన్!
లక్ష్మీదేవి గారూ,
రిప్లయితొలగించండిమీ పూరణ బాగున్నది. అభినందనలు.
*
గుండు మధుసూదన్ గారూ,
మీ మూడవ పూరణ బాగున్నది. అభినందనలు.
నాగరాజు రవీందర్ గారూ,
రిప్లయితొలగించండిమీ తాజా పూరణ బాగున్నది. అభినందనలు.
‘సాహరి’ అన్నదాన్ని ఏ అర్థంలో ప్రయోగించారు. ‘సాహరి = నేనే సమర్థుఁడను-నేనే సమర్థుఁడను అని ఒకరికొకరు చూపునట్టి అహంకారము.’ అని నిఘంటువు అర్థం చెపుతున్నది.
సిరి పెనిమిటి యెవరయ్యా?
రిప్లయితొలగించండిసరి యా శశ మేమి జేసె సరగున బావిన్
దరి జని మంచి యుపాయము
హరి హరికిన్ హరినిఁ జూపి హరియింపు మనెన్.
మిస్సన్న గారూ,
రిప్లయితొలగించండివాహ్! చిన్నప్రశ్నకు చిన్న జవాబు... పెద్ద ప్రశ్నకు పెద్ద జవాబు.. మీ క్రమాలంకార పూరణ చాలా బాగుంది. అభినందనలు.
పూజ్యులు గురుదేవులుశకరయ్య గారికీ వందనములు
రిప్లయితొలగించండిఅరయక నాచే జరిగె న
పరాధ మని ఎంచక నను పరిమార్చంగా
తరిమెను వాలి యటంచును
హరి, హరికిన్ హరినిఁ జూపి, హరియింపు మనెన్
ధన్యవాదములు శంకరయ్యగారూ! నాకుం గంప్యూట రందుఁబాటున లేనందున మీకు మెయిలుఁ బంపఁగా, నా మఱిరెండు పూరణములను బ్లాగున నుంచినందులకుం గృతజ్ఞుఁడను.
రిప్లయితొలగించండినా నాల్గవ పూరణము:
రిప్లయితొలగించండి(దీనికిం గవిమిత్రులు జిగురువారు మార్గదర్శకులు)
హరిణాక్షి వెంట రాఁగా,
హరి హరిపురి కరుగుఁదెంచ, హరితవనమునన్
విరి తావిఁ గొని హరిమనో
హరి, హరికిన్ హరినిఁ జూపి, "హరియింపు" మనెన్!
(హరినిన్+చూపి=హరితవనమున విరి తావినిం బ్రసరింపఁజేసెడు పారిజాతమనియెడు దేవతావృక్షమునుం జూపించి)
నాగరాజు రవీందర్ గారూ,
రిప్లయితొలగించండిధన్యవాదాలు.
*
గుండు మధుసూదన్ గారూ,
మీ నాలుగవ పూరణ బాగున్నది. అభినందనలు.
గురువుగారికి ధన్యవాదములు.
రిప్లయితొలగించండికె .యెస్ .గురుమూర్తి ఆచారి గారి పూరణ
రిప్లయితొలగించండిహరి,గోపీలకు ద్వేష౦
బురగిలె,హరి పైకి గోపి పురికొల్పె గదా
హరియను హంతకునిన్,హరి
హరి, హరికిన్ హరినిఁ జూపి, హరియింపు మనెన్
కె.ఈశ్వరప్ప గారిపూరణలు
రిప్లయితొలగించండి1.హరితో చెలగాటంబా
హరి హరికిన్ హరిని జ౦పి హరియింపు మనెన్
పరుగెత్తును లేకున్నచొ
కరుణను జూపించ కయ్య కాటేయు సుమా
2. హరితము నాశన పరచకు
పరిహారము భయము గూర్చు పచ్చని చెట్లే
హరి. నందున గల దొక్కటె
హరి, హరికిన్ హరినిఁ జ౦పి, హరియింపు మనెన్
శ్రీ గురుభ్యోనమ:
రిప్లయితొలగించండికురుమిత్రుఁడు రాధేయుని
సరిపోల్చుచెను కోతితోడ సమరమునందున్
మరిపార్థుఁడు కేసరి యగు
హరిహరికిన్ హరినిఁ జూపి హరియింపుమనెన్.
కె.యస్. గురుమూర్తి ఆచారి గారూ,
రిప్లయితొలగించండిమీ పూరణ బాగున్నది. అభినందనలు.
*
కె. ఈశ్వరప్ప గారూ,
మీ రెండు పూరణలు బాగున్నవి. అభినందనలు.
రెండు పూరణలలోను ‘హరినిఁ జూపి’ని మీరు ‘హరిని జంపి’ అని టైపు చేశారు.
మొదటి పూరణలో ‘లేకున్నచొ’ అని విభక్తిప్రత్యయాన్ని హ్రస్వంగా ప్రయోగించారు. ‘లేకున్నన్’ అంటే సరి.
రెండవ పూరణ చివరి రెండు పాదాలలో అన్వయం కుదరనట్టుంది.
*
శ్రీపతి శాస్త్రి గారూ,
మీ పూరణ బాగున్నది. అభినందనలు.
విరహిణి యాకృష్ణమనో
రిప్లయితొలగించండిహరి హరికిన్ హరిని జూపి హరియించమనెన్
కరుణను శశి కలిగించెడు
విరహపు తాపంపు బాధ వెన్నెల యందున్((హరికిని=చంద్రుని)్
ి
చంద్రమౌళి సూర్యనారాయణ గారూ,
రిప్లయితొలగించండిమీ పూరణ బాగున్నది. అభినందనలు.
హరియన విష్ణువు జిష్ణువు
రిప్లయితొలగించండిహరి భక్తుడు హరియెతాను హరి కీర్తన తో ,
హరి నరసింహుడు వెలువడ
హరి హరియే హరిని( జూపి హరి యింపుమనెన్
కొరుప్రోలు రాధా కృష్ణ రావు
ఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండిశ్రీ కంది శంకరయ్యగారు మీరునాపద్యాన్ని గమనించక పోవదమునిరుత్సహాన్ని కలిగి౦చి౦ది అందుకు నాధన్యవాదములు
కెంబాయి తిమ్మాజీ రావు గారూ,
రిప్లయితొలగించండిమన్నించాలి. మౌస్‍ను క్రిందికి పైకి త్రిప్పడంలో మీ పూరణను గమనించలేదు.
మీ పూరణ బాగున్నది. అభినందనలు.
*
కొరుప్రోలు రాధాకృష్ణ రావు గారూ,
మీ పూరణ బాగున్నది. అభినందనలు.
హరియన కోతియె మరియొక
రిప్లయితొలగించండిహరియన పామౌను నొక్క హరియన కప్పౌ
వరుసగ కనుగొనుడర్ధము
హరి హరికిన్ హరినిఁ జూపి హరియింపు మనెన్
గోలి హనుమచ్ఛాస్త్రి గారూ,
రిప్లయితొలగించండిమీ పూరణ బాగున్నది. అభినందనలు.
హరియన కోతియె మరియొక
రిప్లయితొలగించండిహరియన పామౌను నొక్క హరి కప్పగుటన్
సరియర్ధ వంతమేయిది
హరి హరికిన్ హరినిఁ జూపి హరియింపు మనెన్
రిప్లయితొలగించండిఅందరిలోకి, జిగురు.సత్యనారాయణగారి పూరణ ఉచితంగాను,ఉత్తమంగాను ఉన్నది.
దురుసుగ నా సతిఁ గైకొని
రిప్లయితొలగించండిపరుషమ్ముగ నన్ను వాలి బాధించె! ప్రభూ!
దరిజేర్చ తోడవుదునని
హరి హరికిన్ హరిని జూపి హరియింపు మనెన్!
కమనీయం గారూ,
రిప్లయితొలగించండిధన్యవాదాలు.
*
గుండా వేంకట సుబ్బ సహదేవుడు గారూ,
మీ పూరణ బాగున్నది. అభినందనలు.
అరయగ వానరమోయన
రిప్లయితొలగించండిపరుగిడు మానసము హరిని ప్రార్ధించంగన్
కరుణారస హృదయుండగు
హరి హరికిన్ హరినిఁ జూపి హరియింపు మనెన్
వరుసగా:
హరి = విష్ణువు, విష్ణువు, యముడు, కోతి