17, అక్టోబర్ 2014, శుక్రవారం

పద్యరచన - 709

కవిమిత్రులారా,

పైచిత్రాన్ని పరిశీలించి తగిన పద్యము(ల)ను వ్రాయండి.

9 వ్యాఖ్యలు:

  1. తూనీగా నీలాగా
    నేనే నాడైన స్వేచ్ఛ నెగురగ గలనో
    లేనో కానీ చక్కని
    యీనీ విహరణము జూచి యీర్ష్య జనించున్

    ప్రత్యుత్తరంతొలగించు
  2. తూనీగా నీవు వరుణు
    తూణీరమవనుచు ప్రజకు తోచును నీవే
    వానలు కురియుట ముందుగ
    నీనీ గుంపంత నింగి నెగిరెదరటగా !

    ప్రత్యుత్తరంతొలగించు
  3. తూనీగా! తూనీగా!
    వానలరాకడను తెలిపి వయ్యారముగా
    పూనికతో గుంపులుగా
    సూనములో నెగురు తావె సుందర గతితో!!

    ప్రత్యుత్తరంతొలగించు
  4. తూనీగల బట్టుకొనగ
    పూనికతో బాల్యమందు పొలములు, పుట్రల్,
    కానలలో తిరుగాడుచు
    నానాడు గడిపిన గురుతు లన్నియు వచ్చెన్!

    ప్రత్యుత్తరంతొలగించు
  5. తూనీగలతో నాడుచు
    పూనితునిమి రెక్కలప్డు పొందితి ముదమున్
    దానవుడనై, వయసుడుగ
    నానా పాపఫలమిప్డు యనుభవమయ్యెన్

    ప్రత్యుత్తరంతొలగించు
  6. పచ్చని పంటపొలమ్ముల
    విచ్చినపూదోటలందవిచ్చ్హిన్నముగా
    నచ్చికములేక తిరిగెద
    వెచ్చోటను సేదదీరుటేతూనీగా!

    ప్రత్యుత్తరంతొలగించు
  7. వానల రాకను దెల్పును
    తూనీగ లనుచుఁ దలపక దుశ్శకునమనే
    బాణీ పాశ్చాత్యులు నీ
    వే నేరముఁ జేయకున్న నేర్పరచి రటన్!

    ప్రత్యుత్తరంతొలగించు
  8. శ్రీగురుభ్యోనమ:

    తూర్పు తెల్లవారె తూనీగ తిరుగాడె
    చేల లోని గఱుకు చెఱకు పైన
    నెగురుచుండు తాను సొగసుగా నిటునటు
    ఘన విమాన మట్లు గాలి లోన

    ప్రత్యుత్తరంతొలగించు
  9. తూనీగపై చక్కని పద్యాలను రచించిన కవిమిత్రులు...
    చంద్రమౌళి సూర్యనారాయణ గారికి,
    గోలి హనుమచ్ఛాస్త్రి గారికి,
    శైలజ గారికి,
    బొడ్డు శంకరయ్య గారికి,
    అన్నపరెడ్డి సత్యనారాయణ రెడ్డి గారికి,
    సంపత్ కుమార్ శాస్త్రి గారికి,
    గుండా వేంకట సుబ్బ సహదేవుడు గారికి,
    శ్రీపతి శాస్త్రి గారికి,
    అభినందనలు, ధన్యవాదాలు.

    ప్రత్యుత్తరంతొలగించు