కవిమిత్రులారా,
ఈరోజు పూరించవలసిన సమస్య ఇది...
కౌంతేయుల మేనమామ కర్ణుండు గదా.
(ఈ సమస్యను సూచించిన సంపత్ కుమార్ శాస్త్రి గారికి ధన్యవాదాలు)
ఈరోజు పూరించవలసిన సమస్య ఇది...
కౌంతేయుల మేనమామ కర్ణుండు గదా.
(ఈ సమస్యను సూచించిన సంపత్ కుమార్ శాస్త్రి గారికి ధన్యవాదాలు)
అందరికీ వందనములు
రిప్లయితొలగించండిఅందరి పూరణలూ అలరింప నున్నవి !
శల్య సారథ్యం :
01)
__________________________________
దొంతిగ కర్ణుని దూరగ
కౌంతేయులమేనమామ , - కర్ణుండు గదా
కుంతీసుతుడౌ విజయుని
పంతంబున మడిసె నకట - పంచకమందున్ !
__________________________________
దొంతి = అధికము(విపరీతముగా)
పంతము = శౌర్యము
పంచకము = యుద్ధభూమి
శ్రీగురుభ్యోనమ:
రిప్లయితొలగించండికుంతీ సోదరుడెన్నగ
కౌంతేయుల మేనమామ, కర్ణుండు గదా
కుంతికి సుతుడై పుట్టియు
వింతగ నగచాట్లనొందె, విధి చిత్రముగా!
కాంతా ! శకునియు నగుగద
రిప్లయితొలగించండికౌంతేయుల మేనమామ, కర్ణుండు గదా
కౌంతే యగ్రజు నన్నయ
కౌంతేయులు నైదుమంది గౌరవ వంతుల్
పొంతన కరువైన పలుకు,
రిప్లయితొలగించండివింతౌ సారధ్యము నిడి విసిగించగనే
యంతిమ బాధితు డెవ్వడు?
కౌంతేయుల మేనమామ, కర్ణుండుగదా!
శాంతా! విను వసుదేవుడు
రిప్లయితొలగించండికౌంతేయుల మేనమామ, కర్ణుండు గదా
కుంతీ సుతుడుగ బుట్టిన
పంతము తో సోదరులకు వైరిగ నిలిచెన్ !
వంతుకు రారాజు పిలువ
రిప్లయితొలగించండికౌంతేయుల, మేనమామ, కర్ణుండు గదా
మంతనములాడి పాండవు
లంత పరాభవమునొంద రమయుచు మురిసిరి
శాంతస్వభావులగు నా
రిప్లయితొలగించండికుంతీతనయులను కోరి క్రూరముగా న
శ్రాంతము బాధించిరి యీ
కౌంతేయుల మేనమామ, కర్ణుండు, గదా.
భ్రాంతిన వైరులఁ జేరెను
రిప్లయితొలగించండికౌంతేయులమేనమామ, కర్ణుండు గదా!
స్వాంతమును గోలుపోయెను
శాంతనవుడు తనను దూఱి శాంతిని చఱచన్
కె యెస్ గురుమూర్తి అచారిగారి పూరణ
రిప్లయితొలగించండిఅంతమొనర్చునుకర్ణుడె
కౌంతేయుల;మేనమామ!కర్ణు౦డె గదా
యంతటికిని మన బలమని
నంత శకుని గాంచి కౌరవాగ్రజు డనియెన్
తిమ్మాజీగారి విరుపు చక్కగా అతికింది. పూరణ బాగుంది, వారికి అభినందనలు.
రిప్లయితొలగించండిపూజ్యులు గురుదేవులు శంకరయ్యగారికి వందనములు సొంతము గాడట శల్యుడు
రిప్లయితొలగించండికౌ౦తేయుల మేనమామ,కర్ణు౦దు గదా
కుంతీసుతుడై నర్జుని
నంతము సేయంగ దలచి యంతము నందెన్
2.పొంతన వలదనె కురుపతి
పంతముతో, పాండవులు పవరమున గెలువన్
నంతము నొందిరి తానును
కౌంతేయులమేనమామ,కర్ణుండు, గదా
కె ఈశ్వరప్ప గారి పూరణ
రిప్లయితొలగించండికౌంతేయుల వేషములో
నంతా కనుపించు వారి నలరించెడి ధీ
మంతు౦ డెవరనగా నా
కౌంతేయుల మేనమామ, కర్ణుండు గదా
మల్లెల వారి పూరణలు
రిప్లయితొలగించండివింతగ శల్యుడు నయ్యెను
కౌంతేయుల మేనమామ- కర్ణుండగుగా
కౌంతేయుడు వానికినగు
నంతట వేమేనమామ- అంతము చూడన్
కుంతీపుత్రుడు నైనను
కౌంతేయుడు కాడు వాడు కర్ణుండకటా
వింతౌగదరా వినగను
కౌంతేయుల మేనమామ కర్ణుండు గదా
వింతగ శకారుడనియెను
వంతనుఁ జెందెడి వనితగు వసంత సేనన్
చెంతను నగగా నందరు
"కౌంతేయుల మేనమామ కర్ణుండుగదా
వింతగ భంగున దేలుచు
పొంతన లేనట్టి మాట పొలుపుగ పలికెన్
సుంతయు నెరుగని యొక్అరుడు
"కౌంతేయుల మేనమామ కర్ణుండుగదా"
చింతన చేయగ శల్యుడు
కౌంతేయుల మేనమామ-కర్ణుండుగదా
కుంతీ తనయుడు. వానికి
కౌంతేయులవలె ననినటు కాడా రిపుగా
దుర్యోధనుడి మనోగతం...
రిప్లయితొలగించండిఎంతగనో సాయ పడిరి
చెంతన నా గెల్పు కొరకు చెప్పెద వారే
యింతగ నడవుల పంపగ
కౌంతేయుల - మేనమామ , కర్ణుండుగదా !
వసంత కిశోర్ గారూ,
రిప్లయితొలగించండిమీ పూరణ బాగున్నది. అభినందనలు.
కాకుంటే కర్ణుడు శబ్దం పునరుక్తి అయింది.
*
శ్రీపతి శాస్త్రి గారూ,
మీ పూరణ బాగున్నది. అభినందనలు.
*
సుబ్బారావు గారూ,
మీ పూరణ బాగున్నది. అభినందనలు.
శకుని కౌరవుల మేనమామ కదా!
మీ పద్యానికి చిన్న సవరణలు.....
కాంతా ! శల్యుం డగుగద
కౌంతేయుల మేనమామ, కర్ణుండు గదా
కౌంతేయాగ్రజు నన్నయ
కౌంతేయులు నైదుమంది గౌరవ వంతుల్.
*
గుండా వేంకట సుబ్బ సహదేవుడు గారూ,
మీ పూరణ బాగున్నది. అభినందనలు.
*
శైలజ గారూ,
మీ పూరణ బాగున్నది. అభినందనలు.
*
మాజేటి సుమలత గారూ,
మీ పూరణ బాగున్నది. అభినందనలు.
చివరిపాదం గురువుతో అంతం కాలేదు. ఆ పాదాన్ని ‘పాండవు/ లెంతయొ యవమాన మంది యిడుములఁ బడిరే’ అందామా?
*
సంపత్ కుమార్ శాస్త్రి గారూ,
మీ పూరణ బాగున్నది. అభినందనలు.
*
అన్నపరెడ్డి సత్యనారాయణ రెడ్డి గారూ,
మీ పూరణ బాగున్నది. అభినందనలు.
చెఱచెన్... టైపాటు వల్ల చఱచన్ అయినట్టుంది.
*
కె.యస్. గురుమూర్తి ఆచారి గారూ,
వైవిధ్యమైన విరుపుతో మీ పూరణ ప్రశస్తంగా ఉంది. అభినందనలు.
*
కెంబాయి తిమ్మాజీ రావు గారూ,
మీ రెండు పూరణలు బాగున్నవి. అభినందనలు.
మొదటి పూరణలో కర్ణుండు కర్ణుందు అని టైపాటు. మూడవపాదంలో ‘కుంతీసుతుడగు నర్జుని...’ అనండి.
*
కె. ఈశ్వరప్ప గారూ,
మీ పూరణ అర్థం కాలేదు. అన్వయలోపం ఉన్నట్టుంది.
*
మల్లెల సోమనాథ శాస్త్రి గారూ,
మీ ఐదు పూరణలూ బాగున్నవి. అభినందనలు.
మొదటి రెండు పూరణలలో సమస్య చివర కొంచెం మార్చారు ‘అగుగా, అకటా’ అని.
*
గోలి హనుమచ్ఛాస్త్రి గారూ,
చక్కని విరుపుతో మంచి పూరణ చెప్పారు. అభినందనలు.
పంతము తోడుత పలుకుచు
రిప్లయితొలగించండికౌంతేయుల మేనమామ; కర్ణుండు గదా,
మంతిర యుక్తపు శస్త్రము
లెంతయు గలిగిన నొకింత వృథ జేసె గదా!
లక్ష్మీదేవి గారూ,
రిప్లయితొలగించండిమీ పూరణ బాగున్నది. అభినందనలు.
‘మంతిరయుక్తపు’ అనడమే ఇబ్బందిగా ఉంది.
గోలి వారి పూరణ బాగుంది. నేను మొదట్లో అలానే ఆలోచించాను. కౌంతేయులకు శకుని "మేనమామ" అవ్వడు కదా అని ఊరుకొన్నాను. తెలిసిన వారు వివరించగలరు.
రిప్లయితొలగించండిమాస్టరు గారూ ! ధన్యవాదములు.
రిప్లయితొలగించండిచంద్ర శేఖర్ గారూ ! బహుకాల దర్శనం... కౌంతేయులను అడవికి పంపటం లో..నా (దుర్యోధన) మేనమామ, కర్ణుడు ఎంతగానో సాయపడ్డారు కదా ....అని నాభావమండీ... ధన్యవాదములు.
ధన్యవాదములు మాస్టారు . పెట్టిన వెంటనే గుర్తించాను. ఫద్యం వ్రాస్తుండగా ఇంటికి స్నేహితులు వచ్చారు. అందుకని సవరించలేదు.
రిప్లయితొలగించండిమీ సవరణ బాగుంది.
సవరణతో
వంతుకు రారాజు పిలువ
కౌంతేయుల, మేనమామ, కర్ణుండు గదా
తంత్రములు పన్న పాండవు
లెంతయొ యవమాన మంది యిడుములఁ బడిరే
గురువుగారు,
రిప్లయితొలగించండిసవరించిన పద్యమునొక్కసారి గమనించగలరు.
పంతము తోడుత పలుకుచు
కౌంతేయుల మేనమామ; కర్ణుండుగ,దా
దాంతుడె యయి గతి తప్పగ
కుంతీ సుతుడైన మృత్యు గుహరముఁ దోసెన్.
దాంతుడు=ఇంగితజ్ఞుడు, నిగ్రహచిత్తుడు
లక్ష్మీదేవి గారూ,
రిప్లయితొలగించండిసవరించిన మీ పూరణ బాగున్నది. అభినందనలు.
శాస్త్రి గారూ, ఇచ్చిన సమస్యలో షష్ఠీ విభక్తి సూచక౦గా ఉన్నదానిని ద్వితీయా విభక్తి అర్థం వచ్చే విరుపుతో సరిపోతుందా? అదే నాకు అర్థం కాని విషయం.
రిప్లయితొలగించండికుంతి కెవరు ప్రియపురుషులు?
రిప్లయితొలగించండికౌంతేయులు, పాండురాజు, కన్న జనకుడున్,
చెంతనె యుండెడి కృష్ణుడు,
కౌంతేయుల మేనమామ, కర్ణుండు గదా!
‘అపరిచితుడు’ గారూ,
రిప్లయితొలగించండికుంతికి ఇష్టమైనవారు అంటూ ఇచ్చిన లిస్టుతో మీ పూరణ చాలా బాగుంది. అభినందనలు.
ఇంత చక్కని పద్యాన్ని వ్రాసిన మీరు అపరిచితులుగా ఉండడం మాత్రం సబబుగా లేదు. శంకరాభరణం బ్లాగు మీకు స్వాగతం పలుకుతున్నది.
అపరిచితుడు గారు,
రిప్లయితొలగించండిమీ పద్యం నిజంగా బాగుంది.
గురువుగారు,
అన్నోన్ గా మనతెలుగు చంద్రశేఖర్ గారు సైన్ ఇన్ అవుతుంటారు కదా!
త్వరగా వ్యాఖ్యానించే ప్రయత్నంలో ఖాతా వివరాలు పూర్తిగా నింపలేక పోయాను. నాపేరు వేణు దశిగి (వేద). మీలో కొందరితో అన్యవేదికలలో పరిచయమున్నవాణ్ణే! ఏమైనా పరిచయమయ్యే వరకూ అపరిచితులమే కదా!
రిప్లయితొలగించండిమీ ఆదరపూరిత స్వాగతానికీ, అభినందనలకూ ధన్యవాదాలు!
రిప్లయితొలగించండి