మిస్సన్న గారూ, వృద్ధుని పడుచుకూతురు వలచి పెళ్ళాడిందన్న మీ పూరణ బాగున్నది. అభినందనలు. ***** చంద్రశేఖర్ గారూ, మీ మనస్సులో ‘కౌముది’ ఉన్నప్పుడు తేటగీతిని ఎలా తీసుకున్నారు? ఆ అవకాశం ఆటవెలదిలోనే ఉంది కదా! ***** శైలజ గారూ, వయోవృద్ధుడు కాకుండా బౌద్ధికవృద్ధునితో మీ పూరణ బాగుంది. అభినందనలు. ***** సనాతనవృద్ధునితో మీ పూరణ బాగున్నది. అభినందనలు. మొదటిపాదంలో ప్రాసయతి తప్పింది. ‘సతియె చూడగ హిమవంతు సుతగ నయ్యె’ అనండి.
సహదేవుడు గారూ, తన కపకారం చేసిన సుకన్యను తనకిచ్చి వివాహం చేయమని చ్యవనుడు కోరగా ఆమె తండ్రి శర్యాతి వృద్ధుడూ అంధుడూ అయిన ఆ ఋషికి తన కూతురును ఇవ్వడానికి సంకోచిస్తుంటే సకన్యయే వలచి (ఇష్టపడి) తండ్రిని ఒప్పించి పెళ్లిచేసుకుంటుంది. సుకన్య
మాస్టారూ, ఈ రోజు సమస్య చూస్తే నాకు ఈ సమస్య తోచింది - "ముదియె సంతసమ్ముగ వచ్చెముద్దులాడ"
రిప్లయితొలగించండిచంద్రశేఖర్ గారూ,
రిప్లయితొలగించండిధన్యవాదాలు.
‘ముదియె సంతసముగ ముద్దులాడె’ అంటే ఇంకా బాగుంటుందేమో? ‘కౌముదియె...’ అనడానికి అవకాశం ఉంటుంది.
మదిని దోచిన వాడని మరులు గొనెను
రిప్లయితొలగించండిగుణగణమ్ముల మేటితో కుదిరె పొత్తు
తండ్రి మెచ్చెను ప్రియుని సాదరమున గనె
వలచి పెండ్లాడె, వృద్ధుని పడుచుపిల్ల.
మాష్టారు, నా మనసులో మాట కౌముది పట్టేశారు. మీ సవరణ చాలా బాగుంది. అట్లాగే ఇవ్వండి.
రిప్లయితొలగించండితనను మెచ్చిన వానిగా తరుణి యెరిగి
రిప్లయితొలగించండిబుద్ధి కుశలత లోతను వృద్ధుడనుచు
నచ్చి పెద్దల నొప్పించి నయము మీర
వలచి బెండ్లాడె ,వృద్ధుని పడుచుపిల్ల!!!
సతియె జూడగ హిమవంతు సూతియయ్యె
రిప్లయితొలగించండితపము జేయుచు గజచర్మ ధారి హరుని
యాదిదేవు,సనాతను నాత్మ నెంచి
వలచి బెండ్లాడె ,వృద్ధుని పడుచుపిల్ల.
మిస్సన్న గారూ,
రిప్లయితొలగించండివృద్ధుని పడుచుకూతురు వలచి పెళ్ళాడిందన్న మీ పూరణ బాగున్నది. అభినందనలు.
*****
చంద్రశేఖర్ గారూ,
మీ మనస్సులో ‘కౌముది’ ఉన్నప్పుడు తేటగీతిని ఎలా తీసుకున్నారు? ఆ అవకాశం ఆటవెలదిలోనే ఉంది కదా!
*****
శైలజ గారూ,
వయోవృద్ధుడు కాకుండా బౌద్ధికవృద్ధునితో మీ పూరణ బాగుంది. అభినందనలు.
*****
సనాతనవృద్ధునితో మీ పూరణ బాగున్నది. అభినందనలు.
మొదటిపాదంలో ప్రాసయతి తప్పింది. ‘సతియె చూడగ హిమవంతు సుతగ నయ్యె’ అనండి.
మాస్టరు గారూ ! దోష సవరణకు ధన్యవాదములు...సవరణతో...
రిప్లయితొలగించండిసతియె జూడగ హిమవంతు సుతగగాగ
తపము జేయుచు గజచర్మ ధారి హరుని
యాదిదేవు,సనాతను నాత్మ నెంచి
వలచి బెండ్లాడె ,వృద్ధుని పడుచుపిల్ల.
పెండ్లి చేెయగ నెంచుచు వృద్ధ తండ్రి
రిప్లయితొలగించండివెదికి బుద్ధిమంతుని జూపఁ విజ్ఞుడైన
వరుని గుణగణమ్ముల వివరములెరిగి
వలచి పెండ్లాడె, వృద్ధుని పడుచుపిల్ల
వృద్ధు డయ్యును గనిపించ శుద్ధ ముగను
రిప్లయితొలగించండిపడుచు కుఱ్ఱా డు వోలెను బడతి కపుడు
వలచి పెండ్లాడె వృధ్ధుని పడుచు పిల్ల
వారి బంధము బాగుగ వరలు గాక !
వృద్ధ వేషము ధరియించి ప్రేక్షకులకు
రిప్లయితొలగించండినవ్వు దెప్పించు చున్నట్టి నాటకమున
పాత్రధారుని యభినయ ప్రతిభ నెరిగి
వలచి పెండ్లాడె వృద్ధుని పడుచు పిల్ల!
బొడ్డు శంకరయ్య గారూ,
రిప్లయితొలగించండిమీ రెండు పూరణలు బాగున్నవి. అభినందనలు.
*****
పోచిరాజు సుబ్బారావు గారూ,
మీ పూరణ బాగున్నది. అభినందనలు.
బల్లూరి ఉమాదేవి గారి పూరణ....
రిప్లయితొలగించండిబాల్య చేష్టతోడ ఋషిని బాధ పెట్ట
కోప వశముచేతనతడు క్రుద్ధు డవగ
తండ్రి మాటమేర ప్రజల కొరకు తాను
వలచి పెండ్లాడె వృద్ధుని పడుచు పిల్ల.
బల్లూరి ఉమాదేవి గారూ,
రిప్లయితొలగించండిసుకన్య ప్రస్తావనతో మీ పూరణ బాగుంది. అభినందనలు.
‘కోపవశమున’ అన్నతరువాత ‘క్రుద్ధుడు’ అనడం పునర్తుక్తి. మూడవపాదంలో యతి తప్పింది. మీ పద్యానికి నా సవరణ....
బాల్యచేష్టతోడ సుకన్య బాధపెట్ట
కోపవశమున చ్యవనుఁడు శాప మిడగ
ప్రజల రక్షణకై తండ్రి పలుకు మేర
వలచి పెండ్లాడె వృద్ధుని పడుచుపిల్ల.
ఆశయాలకు ననుగుణమైన విధిగ
రిప్లయితొలగించండిచదువు,సంస్కార మున్నట్టి సద్గుణుండు
వలచి పెండ్లాడె|"వృద్దుని పడుచుపిల్ల
ననుటతప్పది?నాటకమందునొకటే"|
నీతినియమాలుగలిగిన నిష్టపరుడు|
నాటిసంస్కృతి చాటెడి న్యాయ వేత్త|
నేటికట్నాల యువతకు పోటిబడక?
వలచిపెండ్లాడె వృద్దుని పడచుపిల్ల
వెడలె నత్తమ్మ! మామేమొ వృద్ధుడాయె!
రిప్లయితొలగించండిబావ మనసైనవాడని పట్టు బట్టి
వలచి పెండ్లాడె , వృద్ధుని పడచు పిల్ల
యోర్పు తోడను సేవల నుద్ధరించె!
కె. ఈశ్వరప్ప గారూ,
రిప్లయితొలగించండిమీ సుదీర్ఘపూరణ బాగున్నది. అభినందనలు.
*****
గుండా వేంకట సుబ్బ సహదేవుడు గారూ,
విరుపుతో మీ పూరణ బాగున్నది. అభినందనలు.
గురువుగారూ నాదో సందేహం:
రిప్లయితొలగించండిసుకన్య చ్యవనుని వలచి పెళ్లాడినట్లా?
నాన్నగారి కోరికమేరకు తప్పనిసరై పెళ్లాడినట్లా?
సహదేవుడు గారూ,
రిప్లయితొలగించండితన కపకారం చేసిన సుకన్యను తనకిచ్చి వివాహం చేయమని చ్యవనుడు కోరగా ఆమె తండ్రి శర్యాతి వృద్ధుడూ అంధుడూ అయిన ఆ ఋషికి తన కూతురును ఇవ్వడానికి సంకోచిస్తుంటే సకన్యయే వలచి (ఇష్టపడి) తండ్రిని ఒప్పించి పెళ్లిచేసుకుంటుంది.
సుకన్య
సహదేవుడు గారూ,
రిప్లయితొలగించండిపై వాఖ్యలో నీలిరంగులో కనిపిస్తున్న ‘సుకన్య’ అన్నదాన్ని క్లిక్ చేసిచూడండి.
ఆది భిక్షుడు,వృద్ధుడు నైన శివుని
రిప్లయితొలగించండిబూది భూతిగ గలవాని,భూతపతిని
పామునగయైన వానిని,-పార్వతి యట
వలచి పెండ్లాడె వృద్ధుని పడుచుపిల్ల
ప్రియుడు శాపాన వృద్ధుడై వెలుగు చుండ,
వాని శాపంబు నెరిగిన పడతి యోర్తు
శాపముడుపంగ తలచియు,సతియె యపుడు
వలచి పెండ్లాడె వృద్ధుని పడుచుపిల్ల
కట్నమిడ లేని తండ్రికి,కన్యయొకతె
భారమును తాను తీర్పంగ బాధ్యతనుచు
కట్నమడుగని వృద్ధుని గనినయంత
వలచి పెండ్లాడె వృద్ధుని పడుచుపిల్ల
వయసు కాదది ముఖ్యంబు భవ్య మనమె
ముఖ్యమంచును నొకతెయు,ముదిమి యైన
నొక్కసద్వర్తనుని గాంచి యుల్లమలర
వలచి పెండ్లాడె వృద్ధుని పడుచుపిల్ల
మల్లెల సోమనాథ శాస్త్రి గారూ,
రిప్లయితొలగించండిమీ పూరణలు బాగున్నవి. అభినందనలు.
ఇద్దరు సుతులంగని యక్కయిలనువీడ
రిప్లయితొలగించండినాదరణలేక విలపించు యర్భకులను
వలచి పెండ్లాడె వృద్ధుని పడుచు పిల్ల
త్యాగమును గాంచి తలిదండ్రి తృప్తినొంద