5, ఏప్రిల్ 2015, ఆదివారం

పద్య రచన - 870

కవిమిత్రులారా,

పై చిత్రాన్ని పరిశీలించి తగిన పద్యము(ల)ను వ్రాయండి.

10 కామెంట్‌లు:

  1. చక్ర దంష్ట్రము రూపున చక్రధరుడు
    దితిసుతుని వెస తెగటార్చి యతిలఘువుగ
    క్ష్మాతలమ్మును కాపాడి ఖ్యాతి పొందె
    బొమ్మ మరి దేవతలు కడు ముదము నొంద

    రిప్లయితొలగించు
  2. అన్నపరెడ్డి సత్యనారాయణ రెడ్డి గారూ,
    పద్యం బాగుంది. కాని అది రాహుగ్రస్త చంద్రుని చిత్రమని గమనించండి.

    రిప్లయితొలగించు
  3. అల గగనమ్మున రాహువు
    చలివెలుగుని బట్టెనదివొ చండము తోడన్
    విలవిల లాడెను తారలు
    కలనము గాకన బడునిది కర్వరి కెపుడున్!!!

    రిప్లయితొలగించు
  4. చంద్ర గ్రహణ మయయ్యది
    చంద్రుని నట పట్టు చుండె సాకా రముగాన్
    చంద్రుని రాహువు పట్టిన
    చందము మఱి చూడు మార్య ! సరిగను బటమున్

    రిప్లయితొలగించు
  5. రాహువు,కేతువుల్గలసిరాక్షసులయ్యును?దేవరూపులై
    సాహసమందు-నమృతముసంతసమందునగ్రోలనెంచ?ఆ
    మోహినిరూపి విష్ణునకు-ముందుగదెల్పెనుచంద్రుడంచు-సం
    దేహము గల్గిమ్రింగుట|నదేకథయే గ్రహణంబనన్|గదా|
    వేసవివేడి,తాపమని-వేదనతగ్గగరాత్రిమిద్దెఫై
    వాసముజేయజంట-సహవాసపుపున్నమిసంబరమ్ముకే
    దాసులుగాగ|నోర్చకనే-దగ్గర జేరియు-రాహుకోరలే
    మోసముచేతమ్రింగుటన?మోదమునింపున?చంద్రకాంతికిన్|

    రిప్లయితొలగించు
  6. విస్తరి వేసిన రీతిగ
    మస్తగు విందనుచు మ్రింగి మరల విడిచినన్
    హస్తా నక్షత్రములో
    విస్తారముగ గగనమున వెన్నెల విరెసెన్

    రిప్లయితొలగించు
  7. చుక్కలుజూచుచుండగనె?సూర్యుడులేడను-ధైర్యమందునే
    టక్కునచంద్రబింబమును-టక్కరియందునరాహు దంష్ట్రముల్
    గ్రక్కునబట్టగా?వెలుగురాకనుకోరలు నిల్పివేయగా?
    దిక్కులుచీకటుల్-నెగడ?దీనుని చంద్రునిదాడివీడేగా|

    రిప్లయితొలగించు
  8. శైలజ గారూ,
    మీ పద్యం బాగుంది. అభినందనలు.
    *****
    పోచిరాజు సుబ్బారావు గారూ,
    పద్యం బాగున్నది, కానీ చివరిపాదంలో ప్రాస తప్పింది.
    *****
    కె. ఈశ్వరప్ప గారూ,
    మీ పద్యాలు బాగున్నవి. అభినందనలు.
    *****
    జిగురు సత్యనారాయణ గారూ,
    మీ పద్యం ‘మస్తు’ బాగున్నది. అభినందనలు.

    రిప్లయితొలగించు
  9. చందమామను వెస స్వర్భానుడే మ్రింగ
    చీకటి జగమంత చిక్కుకొనియె
    నాధు పొడను కనక నక్షత్ర కాంతలు
    దిగులు చెందు చుండ్రి దిశను కనక

    రిప్లయితొలగించు
  10. వెన్నెల రాజును సైతము
    పన్నగమై రాహువట్లు పట్టేయునుగా
    నెన్నున్న వారికందున
    నున్నాయిగ కష్టసుఖము లోరిమి వలయున్!

    రిప్లయితొలగించు