10, ఏప్రిల్ 2015, శుక్రవారం

పద్య రచన - 875

కవిమిత్రులారా,

పై చిత్రాన్ని పరిశీలించి తగిన పద్యము(ల)ను వ్రాయండి.

18 కామెంట్‌లు:

  1. తారల నడుమను చంద్రుడు
    మారుని వలెవెలుగు చుండె మక్కువ తోడన్
    కోరుచు ముదముగ కలువలు
    చేరగ తమప్రియుని చెంత చేడియ లంచున్

    రిప్లయితొలగించండి
  2. పున్నమి చంద్రుని జూడుము
    మిన్నున వెలుగొందు చుండె మెఱు పుల కాంతిన్
    వన్నెలు గలిగిన తారలు
    పన్నుగ నడయాడు చుండ పడమర కేగెన్

    రిప్లయితొలగించండి
  3. నింగి నున్న చందమామ నేలకు దిగి రాడుగా
    చెంగు మనుచు గంతు లేయు చెల్లి తోడ నాడగా
    తొంగలించు చుక్కలార తొగల ఱేని పంపరే!
    సంగడీల మనుచు దెల్పి సంతసముగ నుర్వికిన్ !!!

    రిప్లయితొలగించండి
  4. గురువుగారూ మీ అబ్బాయి సమస్య ఏమిటి? ఇప్పుడెలా ఉంది?

    రిప్లయితొలగించండి
  5. రాజేశ్వరి అక్కయ్యా,
    మీ పద్యం బాగున్నది. అభినందనలు.
    *****
    పోచిరాజు సుబ్బారావు గారూ,
    మీ పద్యం బాగున్నది. అభినందనలు.
    *****
    శైలజ గారూ,
    మీ పద్యం బాగున్నది. అభినందనలు.
    *****
    మిస్సన్న గారూ,
    గత సంవత్సరం మా అబ్బాయి ఇంట్లో జారి పడగా ఎడమ మోచేయి, మణికట్టు విరిగి ఆపరేషన్ జరిగి స్క్రూలు ఎక్కించారు. మొన్న ఆపరేషన్ చేసి ఆ స్క్రూలు తొలగించారు. ఇప్పుడు ఆరోగ్యంగానే ఉన్నాడు. ధన్యవాదాలు.

    రిప్లయితొలగించండి
  6. పండు వెన్నెల దినమున పరవశించి
    పులక రించగ మానసము మరునిహతి
    ప్రేమజంటలు చేరిరి విధుని గాంచ
    సుందరమగు దృశ్యము కడు సొంపు గూర్చె

    రిప్లయితొలగించండి
  7. వెన్నెలవానలున్గురియ?వేడి-ప్రపంచముమార్పుజెందు|సం
    పన్నులపంటనింట బడ?పండుగెకార్తికపౌర్ణమౌనుగా|
    ఎన్నగమానసాకృతులు-నేపుగపండును-వెండివెల్గులో
    కన్నమువేసి దోచుగద?కన్యమనస్సునుకాంతి-బ్రాంతిలో
    వెన్నెలకాంతులున్నిడగ?విందును-గ్రోలుజకోరపక్షులున్
    పున్నమికాంతిమంత్రమును-పూర్తిగబంచగ?కామ-కాంక్షలున్
    కన్నమువేసి వెన్నెలలుకామితసిద్ధినిదోచిపెట్టు|సం
    పన్నులకొక్కటియనక పంచును లోకపు నిండుజాబిలై|

    రిప్లయితొలగించండి
  8. పువ్వులనవ్వులెక్కడివి?పున్నమిలేకనునవ్వగల్గునా?
    గువ్వలుగుడ్లుబెట్టుటకు-గూళ్ళనుగూర్చెడిమార్గమేదియో
    దివ్వెగరాత్రిచీకటినితీరికచేతనుసాగనంపుచున్
    దవ్వుననాకసాన?మనదగ్గర?నుండెడిచందమామయే|

    రిప్లయితొలగించండి
  9. అన్నపరెడ్డి సత్యనారాయణ రెడ్డి గారూ,
    మీ పద్యం బాగున్నది. అభినందనలు.
    *****
    కె. ఈశ్వరప్ప గారూ,
    మీ పద్యాలు బాగున్నవి. అభినందనలు.

    రిప్లయితొలగించండి
  10. చుక్కల చంద్రుడు యువతకు
    మక్కువగాకానుపించి మనసునుదోచే
    టక్కరి నేర్పుట తగునా?
    చిక్కులతోసిగ్గు దుడుపు-సిరివెన్నెలవై|.

    రిప్లయితొలగించండి
  11. Balluri Umadevi గారి పద్యం.....

    చుక్కల నడుమన చంద్రుడు
    మక్కువ తోడను గనుచును మదిలో కలువన్
    మిక్కుటముగ దలపోయుచు
    నెక్కడ దాగెనొ యనుచును నివ్వెర బోయెన్.

    రిప్లయితొలగించండి
  12. కె. ఈశ్వరప్ప గారూ,
    మీ పద్యం బాగుంది. అభినందనలు.
    *****
    బళ్ళూరి ఉమాదేవి గారూ,
    శంకరాభరణం బ్లాగు మీకు స్వాగతం పలుకుతున్నది. మీ పద్యం బాగున్నది. అభినందనలు.

    రిప్లయితొలగించండి
  13. చక్కని చుక్కయె కౌగిట
    చిక్కగ నా చిన్నవాని సేవము జూడన్
    చుక్కల్లో చందురుడే
    నిక్కుచుఁ దా తెల్లబోయె నేలకు వెలుగై!

    రిప్లయితొలగించండి
  14. గుండా వేంకట సుబ్బ సహదేవుడు గారూ,
    మీ పద్యం బాగున్నది. అభినందనలు.

    రిప్లయితొలగించండి
  15. రంగులుపలు కలబోసిన
    అంగారక గ్రహమె మెరియు తారకలవియే
    బంగరు తరువిదె రంగా
    చంగలువల రేడు జూడు చల్లనిధరణే !!!!

    రిప్లయితొలగించండి
  16. మంద పీతాంబర్ గారూ,
    మీ పద్యం బాగుంది. అభినందనలు.
    రెండవపాదంలో యతి తప్పింది. ‘ధరణి+ఏ’ అన్నప్పుడు సంధి లేదు. యడాగమం వస్తుంది.

    రిప్లయితొలగించండి
  17. పీతాంబర్ గారూ,
    ‘చెంగలువ’ను ‘చంగలువ’ అన్నారు.

    రిప్లయితొలగించండి
  18. సవరించినపద్యం

    రంగులుపలు కలబోసిన
    అంగారక గ్రహమె మెరియునవితారకలే !!!
    బంగరు తరువిదె రంగా
    చెంగలువల నేస్తమిచట చెలువపు ధరయే !!!

    రిప్లయితొలగించండి