9, ఏప్రిల్ 2016, శనివారం

సమస్య – 1998 (మండు వేసవిఁ గ్రమ్మెను...)

కవిమిత్రులారా,
ఈరోజు పూరించవలసిన సమస్య ఇది...
మండు వేసవిఁ గ్రమ్మెను మంచుతెరలు.

43 కామెంట్‌లు:

  1. మండె నెండలు తలమీద! మత్తు గ్రమ్మె,
    కవివరులు నిదురన జారి కలలు గనెర !
    మండు వేసవిఁ గ్రమ్మెను మంచుతెరలు
    పండు వెన్నెల దెచ్చెను పరిమళములు :)

    రిప్లయితొలగించండి
    రిప్లయిలు
    1. జిలేబీ గారూ,
      మీ పూరణ బాగుంది. అభినందనలు.
      ‘కలలు గనిరి’ అనండి.

      తొలగించండి
  2. గురువుగారికి ప్రణామములు
    నిన్నటి నా ఉగాది పద్యములలో గల దోషాలను యెంతో ఓపికతో సవరించి నందులకు ధన్యవాదములు.

    ఈ రోజు నా పూరణములు

    వేళ దప్పియె తిరుగాడు విభుని పట్ల
    నెలత కనుమాన బీజాలు మొలక లెత్త
    శాంతి యనునదె కరువయ్యె సతికి మదిన
    మండు వేసవిఁ గ్రమ్మెను మంచు తెరలు

    గ్రీష్మ ఋతువున కాలమ్ము కేమి పేరు?
    ముసురు కొనుటకు పర్యాయ మొకటి తెలుపు,
    శిశిర మందున పుడమిని ముసురు నేమి?
    మండు వేసవిఁ గ్రమ్మెను మంచు తెరలు.

    రిప్లయితొలగించండి
  3. కవి వరేణ్యుడొకడు తన కావ్యమందు
    వెన్నెలను కురిపించెను వేడి గాను
    పూల వర్షమ్ము కురియగ న్నేల మురిసె
    మండు వేసవిఁ గ్రమ్మెను మంచు తెరలు
    కవులు తలచినన్ జాలదే కానిదేమి?

    రిప్లయితొలగించండి
    రిప్లయిలు
    1. ఆంజనేయ శర్మ గారూ,
      మీ మూడు పూరణలు బాగున్నవి. అభినందనలు.
      మొదటిపూరణలో ‘మదిని’ అనండి.
      రెండవపూరణలో ‘కాలమ్ముము’ అనరాదు. అది ‘కాలమ్మునకు’. అక్కడ ‘గ్రీష్మఋతువు కాలమ్మున కేది...’ అనండి.
      మూడవపూరణలో ‘తలచినన్ జాలును’ అనండి.

      తొలగించండి
  4. తరణి వేడికి తరువులు కాలి పోయె
    నీటి నదములు భాష్పమై నింగి కెగసె
    మలయ మారుత మరుదెంచె హేల గాను
    మండు వేసవిఁ గ్రమ్మెను మంచు తెరలు

    రిప్లయితొలగించండి
  5. చిత్ర భానుడొక వలను చెండు చుండ
    పయన మైతిని నేప ర ప్రాంతమునకు
    చేరి మిలిపిటాసు ను కంటి చిత్రముగను
    మండువేసవి గ్రమ్మెను మంచు తెరలు

    రిప్లయితొలగించండి
    రిప్లయిలు
    1. అన్నపరెడ్డి సత్యనారాయణ రెడ్డి గారూ,
      మీ అమెరికా అనుభవాలను పూరణలలోనూ చూపిస్తున్నారన్నమాట! సంతోషం! మీ పూరణ బాగున్నది. అభినందనలు.

      తొలగించండి
  6. ఎండ లెంతయొ మండగ నెల్ల జనులు
    ఏసి కూలర్లు గొనగాను యిష్ట మలర
    పవరు చార్జీల దడవక పండుకొనగ
    మండు వేసవిఁ గ్రమ్మెను మంచుతెరలు.

    రిప్లయితొలగించండి
    రిప్లయిలు
    1. టేకుమళ్ళ వెంకటప్పయ్య గారూ,
      బహుకాల దర్శనం... సంతోషం!
      మీ పూరణ బాగున్నది. అభినందనలు.
      ‘కొనగాను+ఇష్టము’ అన్నపుడు యడాగమం రాదు. ‘కొనసాగి రిష్ట మలర’ అంటే ఎలా ఉంటుంది?

      తొలగించండి
    2. యడాగమం తో పెద్ద పేచీ వచ్చేస్తోంది మాస్టారూ!!!!

      తొలగించండి

  7. మండువేసవిగ్రమ్మెనుమంచుతెరలు హిమముతెరలుతెరలుగామహినిబడగను నంధకారబంధురమయ్యెనాకసంబు నేమియాపదవచ్చునోనెరుకకాదు

    రిప్లయితొలగించండి
  8. ఏండవేడిమి తాళక నేగి నేను
    తెచ్చినానుర "ఏసీ"ని తెగువజేసి
    గదిని బెట్టగ మాయింట, మదిని గూడ
    మండువేసవి గ్రమ్మెను మంచు తెరలు

    రిప్లయితొలగించండి
    రిప్లయిలు
    1. గోలి హనుమచ్ఛాస్త్రి గారూ,
      మీ పూరణ బాగున్నది. అభినందనలు.
      ‘అక ప్రత్యయాంతావ్యయము కళ’. కనుక ‘తాళక యేగి’ అనండి.

      తొలగించండి
    2. మాస్టరుగారూ ! ధన్యవాదములు.మీరు చూపిన సవరణతో...

      ఎండవేడిమి తాళక యేగి నేను
      తెచ్చినానుర "ఏసీ"ని తెగువజేసి
      గదిని బెట్టగ మాయింట, మదిని గూడ
      మండువేసవి గ్రమ్మెను మంచు తెరలు

      తొలగించండి
  9. మండువా యింటి మధ్యన చెండుమల్లె
    దండ చేకొని మామిడి పండు తినుచు
    పండు వెన్నెలట కురియు చుండ భళిర
    మండు వేసవిఁ గ్రమ్మెను మంచుతెరలు.

    రిప్లయితొలగించండి
    రిప్లయిలు
    1. పోచిరాజు కామేశ్వర రావు గారూ,
      మీ పూరణ బాగున్నది. అభినందనలు.
      ‘వెన్నెల+అట’ అన్నపుడు సంధి లేదు. యడాగమం వస్తుంది. అక్కడ ‘పండు వెన్నెలలు కురియుచుండ..’ అనవచ్చు కదా!

      తొలగించండి
    2. పూజ్యులు శంకరయ్య గారికి వందనములు. మీ సవరణకు ధన్యవాదములు.ముంద”వెన్నెలలు” అనే వ్రాసాను. అక్కడ అంటే బాగుంటుంది కదా యని యలా మార్చాను. అత్వ సంధి యెప్పుడూ సంశయాత్మకమే నాకు.

      తొలగించండి
    3. మండువా యింటి మధ్యన చెండుమల్లె
      దండ చేకొని మామిడి పండు తినుచు
      పండు వెన్నెలనిండారియుండ భళిర
      మండు వేసవిఁ గ్రమ్మెను మంచుతెరలు.

      తొలగించండి
  10. ధనము దేశమ్ము దాటించి దాచ, పెట్టు
    బడులఁ బెట్టిరని 'పనామ'ప్రతులుఁ జెప్ప
    పదవులందున్న దేశాది పతుల భవిత
    మండు వేసవిఁ గ్రమ్మెను మంచు తెరలు!

    రిప్లయితొలగించండి
    రిప్లయిలు
    1. గుండా వేంకట సుబ్బ సహదేవుడు గారూ,
      మీ పూరణ బాగున్నది. అభినందనలు.

      తొలగించండి
  11. అగ్ని గుండము గా మార నాంధ్ర భూమి
    మండు వేసవిఁ గ్రమ్మెను మంచుతెరలు
    కురియ గా జేయ హిమమును '' కులు '' '' మనాలి ''
    నరసి నవవధూవరు లందు నాట్య మాడ

    రిప్లయితొలగించండి
    రిప్లయిలు
    1. భాగవతుల కృష్ణారావు గారూ,
      విరుపుతో మీ పూరణ బాగుంది. అభినందనలు.
      ‘గ్రమ్మెను’ తరువాత కామా పెడితే బాగుండేది.

      తొలగించండి

  12. ఎండలెప్పుడెక్కుడగునొ నెరుగ వోయి
    చలియు మిక్కుటంబవ్వనేమిసంభవించు
    కాలధర్మంబు కనులార గాంచవోయి
    మండు వేసవందు మంచు గురియు.


    తాప మధికమవును గను దారి నడువ
    మండు వేసవందు :మంచు గురియు
    గనుము హేమంత ఋతువందు కస్తి పడగ
    చలికి వణకుదు రిలయందు జనులు నతిగ.

    రిప్లయితొలగించండి
    రిప్లయిలు
    1. డా. బల్లూరి ఉమాదేవి గారూ,
      మీ మొదటి పూరణ క్రమాలంకారంలో బాగుంది. ‘...డగునొ యెరుగవోయి’ అనండి.
      రెండవపూరణ మొదటిపాదంలోని ‘గను’..? రెండవపాదంలో గణదోషం. పద్యం పూర్వార్ధంలో అన్వయం లోపించింది. సవరించండి.

      తొలగించండి
  13. అన్నయ్యగారూ నమస్తే.నిన్నటి పద్య పూరణమోసారి చూడగలరు.
    అనయము మండెడి వేసవి
    జనగణ బాధాకరము వసంతము వచ్చెన్
    తనువునకుపశాంతి కల్గి తాపము
    మనమున తగ్గగ ముదమది మంచిగ హెచ్చెన్

    రిప్లయితొలగించండి
  14. నవవసంతపు సంతను భవిత కొసగు
    మండువేసవి|”గ్రమ్మెను మంచుతెరలు
    చెట్లనీడన చెంతన చెలియ గలియ
    కుసుమ గంధాల బంధాన కునుకుదీయ|”
    2.ప్రేమజంటను విడ దీయ?కాముకులకు
    మండువేసవి| గ్రమ్మెను మంచు తెరలు
    మల్లెపువ్వుల నవ్వుల మమతలందు
    పల్లెపడచుల పలుకుల పరవశాన|

    రిప్లయితొలగించండి
    రిప్లయిలు
    1. కె. ఈశ్వరప్ప గారూ,
      మీ రెండు పూరణలు బాగున్నవి. అభినందనలు.
      మొదటి పూరణలో ‘సంతను’..? అది ‘సంతును’ అయి ఉంటుంది.

      తొలగించండి

  15. తాప మధికమవును గను దారి నడువ
    మండు వేసవి,గ్రమ్మెను మంచు తెరలు
    గనుము హేమంత ఋతువందు,కస్తి పడగ
    చలికి వణకుదు రిలయందు జనులు నతిగ.
    'తాపమధికమగును గను'(చూడు)అనేఅర్థంలో వ్రాశాను.
    సరిపోదాండీ.

    రిప్లయితొలగించండి
  16. వట్టి వేళ్ళతో పరదాలు కట్టి నారు,
    మట్టి కుండలో నింపిరి మంచి నీరు ,
    పడక గదిలోన చలినింపి వరుసగాను
    మండు వేసవి c గ్రమ్మెను మంచు తెరలు
    కొరుప్రోలు రాధా కృష్ణ రావు

    రిప్లయితొలగించండి
  17. అరయ కాశ్మీరమందున నహరహమ్ము
    కాల్పు లిరు పక్షముల రేగి కదన మనెడి
    మండువేసవి గ్రమ్మెను. మంచు తెరలు
    నలు దిశల హిమశైలమ్ము నలము కొనగ

    రిప్లయితొలగించండి
  18. మంచు దుప్పటి మాటున మహిని జూడ
    పారవశ్యము కలిగించె ప్రతిదినమ్ము
    శీతగాలులు వణికించి చిత్రముగను
    మండువేసవి గ్రమ్మెను మంచుతెరలు
    లంబసింగిన జూడంగ సంబరమయి
    ఆంధ్ర కాశ్మీరమనిపించె నద్భుతముగ!!!


    లంబసింగి (కొర్రుబయలు) = వైజాగ్ దగ్గర నున్న ఏజెన్సీ గ్రామం (వేసవి విడిది) దీనినే ఆంద్రా ఆంధ్రాకాశ్మీరు అంటారు..

    రిప్లయితొలగించండి
  19. గ్రీష్మతాప ముపశమింప కేసరి చనె
    కందరంబుల, గొనెను సుఖమ్ము; మనకు
    తమిళదేశస్థమౌ "ఊటిఁ" విమలవాటిఁ
    మండువేసవి గ్రమ్మెను మంచు తెరలు

    రిప్లయితొలగించండి
  20. దండివీరులై యుండియు పాండవాళి
    విధికి తలవంచి యోర్పుతో వేచినారు
    కౌరవుల పని పట్టెడి కాలమునకు
    మండు వేసవిఁ గ్రమ్మెను మంచుతెరలు.

    రిప్లయితొలగించండి
  21. ఎండ మావుల నీరము దండి గుండు
    కొండ చరియల వంపున కొలను లుండు
    పండు వెన్నెల కురియును నెండ లోన...
    మండు వేసవిఁ గ్రమ్మెను మంచుతెరలు :)

    రిప్లయితొలగించండి