ఆహా ఏమి నా భాగ్యము? ఇంతమంది నిర్దోషంగా, చక్కని భావాలతో పూరణలను పంపి నా బ్లాలును శోభాయమానం చేస్తున్నారు. రవి గారు, గన్నవరపు నరసింహ మూర్తి గారు, మందా పీతాంబర్ (అంబర్ 50) గారు, నారాయణ గారు, నేదునూరి రాజేశ్వరి గారు, చంద్రశేఖర్ గారు అందరూ ఒకరిని మించి మరొకరు మనోహర పూరణలు పంపించారు. అందరికీ వందనాలు, అభినందనలు.
భైరవభట్ల కామేశ్వర రావు గారూ, పూరణ పద్యాలు మీకు నచ్చుతున్నందుకు సంతోషం. ధన్యవాదాలు. ఈనాటి సమస్యకు సంస్కృత మూలం ఉందన్నారు. నిజమే కావచ్చు. నేనైతే ఎప్పుడూ వినలేదు. ఈ సమస్యను రవి గారు పంపించారు.
@కామేశ్వరరావుగారు, శంకరయ్య గారు: ఏమోనండి, సంస్కృతమూలం ఉందేమో, కానీ ఈ సమస్య శాంతినారాయణ గారనే అవధాని (అనంతపురం) పూరించారు. పృచ్ఛకులు ఎవరో తెలీదు. అవధాని పూరణ ఇది.
మీ బ్లాగు చదివాను, బాగుంది.నాకు తెలుగు భాష అంటే చాలా అభిమానం..అయితే ఛందస్సు మీద పెద్దగా పట్టు లేదు, కంద పద్య లక్షణాలు, మీరు మీ బ్లాగులో రాయగలిగితే ధన్యురాలను. మీరన్నట్టుగానే,అందరూ ఒకరిని మించి మరొకరు మనోహర పూరణలు పంపించారు.చంద్రశేఖర్ గారి ఊహ అద్భుతం.
అంతు లెరుగని విశ్వము నందు మనుజు
రిప్లయితొలగించండిడెంత? తలచి చూడను చీమ యంత! కాని
బుద్ధి బలమున ఘనుడేను! భువిఁ జయించి
చందమామను ముద్దాడ, సాగె చీమ!
నమస్కారములండీ. రుద్రాభిషేక సమయములో,
రిప్లయితొలగించండిపాలు పెరుగులు తేనెల ఫాలనేత్రుఁ
జలకమాడెడి తరుణముఁ జటలఁ దూరి
మధుర రసముల నిచ్చెనె మామ యనుచు
చందమామను ముద్దాడసాగె చీమ.
చిన్న మనుమడు గీసిన చిత్రమందు
రిప్లయితొలగించండిపరమ పావను ముద్దాడె పార్వతమ్మ
పంచదారను సిగ పైన వంచెనేమొ
చందమామను ముద్దాడ సాగె చీమ
క్షీర సాగర మధనాన చీర నంటి
రిప్లయితొలగించండివచ్చె లచ్చివెంట నొకచీమ చ్చెరువున
వరుస బుట్టిన తమ్ముని జేరి వగల
చంద మామను ముద్దాడ సాగె చీమ.
విన్నపము: ప్రాసాక్షర యతి పాటించటానికి ప్రయత్నించాను.
విధేయుడు,
చందమామను చదువుచు చంటిగాడు
రిప్లయితొలగించండిజాంగిరీలను తిన, చుక్క జారి పడెను
ఎట్లు కనుగొన్నదొగాని, ఇంతలోనె
చందమామను ముద్దాడ సాగె- చీమ!
బాగున్నాయి పూరణలు!
రిప్లయితొలగించండిదీనికి మూలం సంస్కృత సమస్య అనుకుంటాను, కదా?
అంద మంతయు నాతని సొంత మనుచు
రిప్లయితొలగించండినింగి నుండియు వెలయును నగవు లెన్నొ
వందనమ్మని మురియుచు మంద గమన
చంద మామను ముద్దాడ సాగె చీమ
ఆహా ఏమి నా భాగ్యము? ఇంతమంది నిర్దోషంగా, చక్కని భావాలతో పూరణలను పంపి నా బ్లాలును శోభాయమానం చేస్తున్నారు.
రిప్లయితొలగించండిరవి గారు, గన్నవరపు నరసింహ మూర్తి గారు, మందా పీతాంబర్ (అంబర్ 50) గారు, నారాయణ గారు, నేదునూరి రాజేశ్వరి గారు, చంద్రశేఖర్ గారు అందరూ ఒకరిని మించి మరొకరు మనోహర పూరణలు పంపించారు. అందరికీ వందనాలు, అభినందనలు.
చంద్రశేఖర్ గారూ,
రిప్లయితొలగించండిమూడవ పాదంలో ప్రాసయతి తప్పింది. దానిని "వరుస బుట్టిన తమ్ముని దరిని జేరి" అంటే సరిపోతుంది కదా?
భైరవభట్ల కామేశ్వర రావు గారూ,
రిప్లయితొలగించండిపూరణ పద్యాలు మీకు నచ్చుతున్నందుకు సంతోషం. ధన్యవాదాలు.
ఈనాటి సమస్యకు సంస్కృత మూలం ఉందన్నారు. నిజమే కావచ్చు. నేనైతే ఎప్పుడూ వినలేదు. ఈ సమస్యను రవి గారు పంపించారు.
@కామేశ్వరరావుగారు, శంకరయ్య గారు:
రిప్లయితొలగించండిఏమోనండి, సంస్కృతమూలం ఉందేమో, కానీ ఈ సమస్య శాంతినారాయణ గారనే అవధాని (అనంతపురం) పూరించారు. పృచ్ఛకులు ఎవరో తెలీదు. అవధాని పూరణ ఇది.
శివజటాజూటమందున్న శ్రీకరమ్ము
లగు విరులమధువులగ్రోలి ఆసదీర
ఆ నళిన శత్రువిభూషితుపైన నుండు
చందమామను ముద్దాడసాగె చీమ.
మీ బ్లాగు చదివాను, బాగుంది.నాకు తెలుగు భాష అంటే చాలా అభిమానం..అయితే ఛందస్సు మీద పెద్దగా పట్టు లేదు, కంద పద్య లక్షణాలు, మీరు మీ బ్లాగులో రాయగలిగితే ధన్యురాలను. మీరన్నట్టుగానే,అందరూ ఒకరిని మించి మరొకరు మనోహర పూరణలు పంపించారు.చంద్రశేఖర్ గారి ఊహ అద్భుతం.
రిప్లయితొలగించండిఆకసంబున జూచితి నర్ధ రాత్రి
రిప్లయితొలగించండినల్లమబ్బులు సాగుచు నచట నిండు
చందమామను ముద్దాడసాగె; చీమ
లట్లు తోచెను చుక్కల రాశి జూడ .
గోలి హనుమచ్ఛాస్త్రి గారూ,
రిప్లయితొలగించండిమనోహరంగా ఉంది మీ పూరణ. అభినందనలు.
శంకరార్యా ! ధన్యవాదములు.
రిప్లయితొలగించండినాటి రాత్రిన గిన్నెలో నావు పాల
రిప్లయితొలగించండిలోన ప్రతిబింబము గాంచి తాను వలచి
చందమామను ముద్దాడసాగె చీమ...
శాప వశమున చీమలు పాప మయ్యొ!
పుట్టి స్వర్గము జేరవె కుట్ట గానె!