చమత్కార (చాటు) పద్యాలు - 38

ఆర్తజన రక్షణోపాయ! ఆంజనేయ! - 3

సీ.
లవణ వారాశి కోలకుఁ దెచ్చె నీ రాజు

నగుచు నంబుధి దాఁటినాఁడ వీవు;

రాతి నాతిగఁ జేసి రక్షించె నీ రాజు

మకరి నంగనఁ జేసి మంచి తీవు;

మాయల మారీచు మడియించె నీ రాజు

చెడు కాలనేమి నుక్కడఁచి తీవు;

లంకేశుఁ ద్రుంచె నాలములోన నీ రాజు

వెస లంక నీఱు గావించె తీవు;

తే. గీ.
ఆశ్రితావనుఁ డగు రాము నంత రాజు
పతిహితుండగు నీ వంటి బంటు గలఁడె?
మహిత శ్రీరామ పదభక్తిమద్విధేయ!
ఆర్తజన రక్షణోపాయ! ఆంజనేయ!

( అజ్ఞాత కవి )