10, సెప్టెంబర్ 2010, శుక్రవారం

సమస్యా పూరణం - 91

కవి మిత్రులారా,
ఈ రోజు పూరించ వలసిన సమస్య ఇది .......
పరహిత మొనరించువాఁడె పాపాత్ముఁ డగున్.

6 కామెంట్‌లు:

  1. ఈనాటి సమస్యను ఒక్కరు కూడా పూరించలేదు. కారణం తెలియదు.
    ఇక నా పూరణ ............

    స్థిర పుణ్య ఫలము నందును
    పరహిత మొనరించువాఁడె; పాపాత్ముఁడగున్
    నిరతము స్వార్థపరుండయి
    కరుణా రస రహితుఁడైన కఠినాత్ముండే.

    రిప్లయితొలగించండి
  2. నరులకు హితములు,దేవుని
    వరములుగా రూపు దాల్చి వనముల బెరుగున్!
    నరుకుచు నట పాదపరూ
    ప రహిత మొనరించువాఁడె; పాపాత్ముఁడగున్!!

    రిప్లయితొలగించండి
  3. చిన్న టైపాటు సవరణ తో ... ..

    నరులకు హితములు,దేవుని
    వరములుగా రూపు దాల్చి వనములె బెరుగన్!
    నరుకుచు నట పాదపరూ
    ప రహిత మొనరించువాఁడె; పాపాత్ముఁడగున్!!

    రిప్లయితొలగించండి
  4. గోలి హనుమచ్ఛాస్త్రి గారూ,
    మనోహరమైన పూరణ. ‘పాదప రూప రహితము’ చక్కని ప్రయోగం. మీకు పాదాభివందనాలు.

    రిప్లయితొలగించండి
  5. అయ్యో ! గురు వర్యా ! అదేమిటండీ! మాకు మీ ఆశీస్సు లదించండి. అదే పదివేలు. మీ పదములకు శత సహస్ర వందనాలు.

    రిప్లయితొలగించండి
  6. అరెవో! ఏమని సెబితివి?:
    "పరహిత మొనరించువాఁడె పాపాత్ముఁ డగున్"!!!
    సరిజేయర టైపాటును:👇
    "పరహత మొనరించువాఁడె పాపాత్ముఁ డగున్" :)

    రిప్లయితొలగించండి