కవిమిత్రులారా,
ఈరోజు పూరించవలసిన సమస్య ఇది ...
వదినను బెండ్లాడెను బుధవర్యులు మెచ్చన్.
ఈ సమస్యను సూచించిన గుండు మధుసూదన్ గారికి ధన్యవాదాలు.
ఈరోజు పూరించవలసిన సమస్య ఇది ...
వదినను బెండ్లాడెను బుధవర్యులు మెచ్చన్.
ఈ సమస్యను సూచించిన గుండు మధుసూదన్ గారికి ధన్యవాదాలు.
కదనమున వాలి కూలగ
రిప్లయితొలగించండివదినెకు దుఃఖమును బాపి వానర ధర్మం
బదియని సుగ్రీవుడు తన
వదినెను బెండ్లాడెను బుధవర్యులు మెచ్చన్
(ఒక పంజాబీ - సిక్కు మతస్థుడు - చెప్పగా వింటిని - వారి సంప్రదాయములో అన్న గతించిన తరువాత తమ్ముడు వదినెను బెండ్లాడుట సమ్మతమేనని)
స్వస్తి.
పదియార్లు గడచినందున
రిప్లయితొలగించండిసుదినంబని షష్టి పూర్తి శోభిల చేయన్
మదిఁ బొంగుచు మా అన్నయ
వదినను బెండ్లాడెను బుధవర్యులు మెచ్చన్
రిప్లయితొలగించండిఅర్జునుడు కుంతితో.....
“ఎదఁ బౌరుష ముప్పొంగగ
ముదమున నా మత్స్యయంత్రమును భేదింపన్
మదిఁ బొంగుచు వధువగు ద్రో
వది నను బెండ్లాడెను బుధవర్యులు మెచ్చన్”
అయ్యా! శ్రీ శంకరయ్య గారూ! శుభాశీస్సులు.
రిప్లయితొలగించండినా యొద్ద నున్న శబ్ద రత్నాకరములో వదిన అనే పదమునీయలేదు. వదినియ అనే రూపము వదినె అయినదని యిచ్చెను. అందుచేత సందేహ నివృత్తి చేయగలరు. స్వస్తి.
ఆహా ! ముగ్గురు గురు వర్యులు వరుసగా వైవిధ్య మైన పూరణలు చేయటం మహదానందం...
రిప్లయితొలగించండిపండిత నేమాని వారూ,
రిప్లయితొలగించండిమీ పూరణ చూసిన తర్వాత నాకూ ‘వదిన’ శబ్దం యొక్క సాధుత్వం గురించి సందేహం వచ్చి నిఘంటువులను చూసాను.
శ్రీ సూర్యరాయాంధ్రనిఘంటువులో వదిన - వదినె - నదినియ అన్న రూపాంతరాలు ఇవ్వబడ్డాయి.
వదిన శబ్దానికి ఆ నిఘంటువులో ఇచ్చిన పూర్వకవి ప్రయోగాలు....
1. ఉ. నావుడు సంతసిల్లి వదినం దగులాగుల బుజ్జగించి లీ
లావతితో... (విక్ర. 8-93)
(పై ఉదాహరణంలో వదిన శబ్దంలోని నకారం యతిస్థానంలో ఉండడం గమనించండి)
2. ఉ. అన్నయశాలి వాని హృదయం బలరంగ బహూకరించి మా
యన్నకు సేమమే వదిన హర్షముఁ గాంచునె పుత్రులెల్ల సౌ
ఖ్యోన్నతులే కదా.... (ఉ.రా. 2-301)
పది తలల వాని గూల్చగ
రిప్లయితొలగించండిముదమారగ సతిని గాంచి మురియుచు రాముం
డెదపొంగున నేటేటన మా
వదినను బెండ్లా డెను బుధ వర్యులు మెచ్చన్ !
మదిలో ప్రేమను చెప్పెను
రిప్లయితొలగించండివదిలేదిక లేదననుచు బాసలు చేసెన్
పదపడి చెల్లెలి నిమ్మని
వదినను, బెండ్లాడెను బుధవర్యులు మెచ్చన్.
నా రాతకి గురువులు తిట్టరు గదా ?
రిప్లయితొలగించండిపండిత వర్యులు మువ్వురూ వరుసగా పూరణలు చేసి ఈరోజు శుభారంభము గావించినారు.
రిప్లయితొలగించండిమది నిండెను సంతోషము
పదియింతలుగా పెరిగెను పందిట నేడే
పెదతండ్రి కొడుకు సుందరి
వదినను బెండ్లాడెను బుధవర్యులు మెచ్చన్.
పండిత నేమాని వారూ,
రిప్లయితొలగించండిసుగ్రీవుడు తారను పెండ్లాడిన సందర్భంతో మీ పూరణ చాలా బాగుంది. అభినందనలు.
ఈ సంప్రదాయం కొన్ని ఆటవిక తెగలలోనూ ఉన్నది.
‘వదిన’ శబ్దానికి సంబంధించిన సందేహం నివృత్తి అయింది కదా!
*
చింతా రామకృష్ణా రావు గారూ,
అన్నయ్య షష్టి పూర్తి సందర్భం ప్రశస్తంగా ఉంది. మంచి పూరణ. అభినందనలు.
*
రాజేశ్వరి అక్కయ్యా,
మీ పూరణ బాగుంది. అభినందనలు.
మూడవ పాదంలో గణదోషం...
‘రాముం/ డిదె యేటేట గుడిని మా/ వదినను...’ అందాం.
*
గోలి హనుమచ్ఛాస్త్రి గారూ,
వదిన చెల్లెల్ని పెండ్లాడిన మీ పూరణ బాగుంది. అభినందనలు.
లక్ష్మీదేవి గారూ,
రిప్లయితొలగించండివరసలు కలపడంలో ఆడబిడ్డలదే అగ్రతాంబూలం. మీ పూరణ చాలా బాగుంది. అభినందనలు.
ముదమున నప్సరసలకో
రిప్లయితొలగించండివది నను బెండ్లాడెను బుధవర్యులు మెచ్చన్
సుదతుల్ విందున కిప్పుడు
కదలుండనిపల్కె నొకడు కలలోని కథన్.
మదిలో "దిన"యను పేరున
రిప్లయితొలగించండిమదనుని బాణమొకటి తన మరదలి రూపై
వదలక గ్రుచ్చుకొనిన బా
వ "దిన"ను బెండ్లాడెను బుధవర్యులు మెచ్చన్.
చదువును సంస్కారము సం
రిప్లయితొలగించండిపదలును పదవులును లేత పరువముగల చి
న్నది నా మది దోచిన యర
వది నను బెండ్లాడెను బుధవర్యులు మెచ్చన్
మది దోచెను పార్థుండను!
రిప్లయితొలగించండిముదమున నొక కోల మత్స్యమును వేసెననున్!
సుదతీ పేరేమన ద్రో-
వది నను! బెండ్లాడెను బుధవర్యులు మెచ్చన్.
ఈ కామెంట్‌ను రచయిత తీసివేశారు.
రిప్లయితొలగించండిమదినిండ నాద రించుము
రిప్లయితొలగించండివదినను , బెండ్లాడెను బుధ వర్యులు మెచ్చన్
ముదమున లక్ష్మిని గోరుచు
చదువులలో మేటి యైన చావలి శివుడున్ .
హరి వేంకట సత్యనారాయణ మూర్తి గారూ,
రిప్లయితొలగించండిమీ ‘కోవ’కు చెందినదన్న పూరణ బాగుంది. అభినందనలు.
*
జిగురు సత్యనారాయణ గారూ,
‘దిన’ అన్నది ముద్దుపేరా? చక్కని ఊహతో మంచి పూరణ నిచ్చారు. బాగుంది. అభినందనలు.
*
పండిత నేమాని వారూ,
తాజా పూరణలో మీరు ‘అరవ పిల్ల’ పెండ్లి చేసారు. అద్భుతంగా ఉంది. అభినందనలు.
*
మిస్సన్న గారూ,
ద్రోవది పేరు చెప్పించి అర్జునునితో పెండ్లి జరిపించారు. మంచి పూరణ. అభినందనలు.
*
సుబ్బారావు గారూ,
విరుపుతో మీ పూరణ బాగున్నది. అభినందనలు.
శ్రీ శంకరయ్య గురువర్యులకు,శ్రీ పండిత నేమాని గురువర్యులకు పాదాభివందనములు జేయుచూ,
రిప్లయితొలగించండిఈ సంవత్సరము నా పద్యములు మూడు అడుగులు ముందుకు ఆరు అడుగులు వెనుకకు పోవుచున్నవి.ఆ పైసినిమా కష్టములు .
వయసులో పెద్దదైన మామ కూతురు వదిన యగును. ఆమెమనసును గెలిచిన మరది
========*=======
వదిన విసరిన సమస్యను
పది విధముల పూరణలను వరుసగ జేయన్
వదిన సుమమాల వేసేన్,
వదినను బెండ్లా డెను బుధవర్యులు మెచ్చన్
పది వత్సరముల నుండియు
రిప్లయితొలగించండిమదిలో నెలకొన్న మగువ మమతల రాశిన్
ముదమున మా యన్నయ ఈ
వదినను పెండ్లాడెను బుధవర్యులు మెచ్చన్ .
చదువును ముగియించు కొనిన
రిప్లయితొలగించండినుదయు డనెడి వాడొకండు యుద్యోగము జే
యు దయిత యగు తన చెల్లెలి
వదినను బెండ్లాడెను బుధవర్యులు మెచ్చన్
ఉదయుడనే వాడు వివాహిత యైన తన చెల్లెలు భర్త సోదరిని పెండ్లాడి నాడని భావం.
వరప్రసాద్ గారూ,
రిప్లయితొలగించండిచాలాకాలం తర్వాత పునర్దర్శనం. సంతోషం.
వయసులో పెద్దదైనా వరస కలిసింది కదా! బాగుంది మీ పూరణ. అభినందనలు.
*
గండూరి లక్ష్మినారాయణ గారూ,
అన్నా వదినలకు పెళ్ళి చేసిన మీ పూరణ బాగుంది. అభినందనలు.
*
నాగరాజు రవీందర్ గారూ,
చెల్లెలికి సంపాదించే వదినను తెచ్చారు. బాగుంది మీ పూరణ. అభినందనలు.
రిప్లయితొలగించండిమదినాశ్చర్యంబందుట
యది యేలను కొన్నికులములందాచారం
బది,యన్న మృతినిమరదియె
వదినెను బెండ్లాడెను బుధవర్యులు మెచ్చన్.
కమనీయం గారూ,
రిప్లయితొలగించండిమీ పూరణ బాగుంది. అభినందనలు.
మది దోచిన మగువైనను
రిప్లయితొలగించండివదినమ్మకు నచ్చ కుండ వద్దను వాడై
యదునున్ గని మెప్పించుచు వదినను, బెండ్లాడెను బుధవర్యులు మెచ్చన్!
పదునారు వేల తరుణులు
రిప్లయితొలగించండిపదిలముగా సత్యభామ పన్నుగ మరియా
పది మణుగుల బంగరు విలు
వది, నను బెండ్లాడెను బుధవర్యులు మెచ్చన్
అదివో చూడర రుక్మిణి!
రిప్లయితొలగించండిపదుగురిలో మెలగుచుండె బాలిక వోలెన్
పది మణుగుల బంగరు విలు
వది, నను బెండ్లాడెను బుధవర్యులు మెచ్చన్