పండిత నేమాని వారూ, ఆంధుల అభిమాన శాకమైన గోంగూరను గురించి అద్భుతమైన పద్యాలను అందించారు అభినందనలు. * సుబ్బారావు గారూ, నిజంగానే మీ పద్యం నోరూరించింది. చాలా బాగుంది. అభినందనలు. * గోలి హనుమచ్ఛాస్త్రి గారూ, చాలా చక్కని పద్యం చెప్పారు. అభినందనలు. * లక్ష్మీదేవి గారూ, మనఃప్రీతిని కల్గించే పద్యం చెప్పారు. అభినందనలు. మీ ఆత్మీయ ఆహ్వానానికి ధన్యవాదాలు.
మాస్టరు గారూ ! ధన్యవాదములు. లక్కరాజు గారూ ..గుంటూరు గోంగూర మీద నా పద్యము మీద మీకున్న అభిమానమునకు ధన్యవాదములు. సహదేవుడు గారూ... మీ గోంగూర పచ్చడిలో కొంచెం "తా " లింపు యెక్కువైనది. ' పచ్చడిని దిని ' అంటే సరిపోతుంది... నా పూరణ చిన్న సవరణ తో...
లక్కరాజు వారూ, ధన్యవాదాలు. * రాజేశ్వరి అక్కయ్యా, మీ రెండు పద్యాలూ బాగున్నవి. అభినందనలు. * సహదేవుడు గారూ, మీ పద్యం బాగుంది. అభినందనలు. గోలి వారి సవరణను గమనించారు కదా!
మిత్రులారా! శుభాశీస్సులు. గోంగూర 3 రకములుగా నుంటుంది మా ప్రాంతములో. (1) ఎర్ర గోంగూర - పుల్లగా నుండి రుచికరముగా నుంటుంది - ఇదే ఎక్కువగా వాడుకలో నుంటుంది. 2. తెల్ల గోంగూర - చిన్న చేదు చప్పదనము ఉండును - అయినా పచ్చడి బాగుంటుంది. 3. కాశీ గోంగూర - అంటే జనప నార కొరకు పంట. 10 - 12 అడుగుల ఎత్తువరకు మొక్కలు పెరుగుతాయి - చిన్న ముళ్ళు ఉంటాయి. దీనిని వంటలలో వాడరు ఈ నారతో గోనె బస్తాలు, త్రాళ్ళు తయారు చేస్తారు. స్వస్తి.
చిన్న సవరణ క్షమించండి శ్రీ పండిత నేమానివారూ ..."కాసి గోంగూర అంటే జనప నార కొరకు పంట" ...అన్నారు ...అది గోగునార కొరకు పంట .గోగు నార వేరు . జానప నార వేరు. .జనపనార జనుమునుంచే తీయబడుతుంది. ...శ్రేయోభిలాషి ...నూతక్కి రాఘవేంద్ర రావు.
పరమ పావనమైన భరత ఖండమ్ములో
రిప్లయితొలగించండి....నాంధ్ర ప్రదేశ మధ్యమున నొప్పు
నగరమ్ము గుంటూరునకు మహాకీర్తిని
....దనరార జేసిన ఘనత నొప్పు
శాకవిశేషమ్ము షడ్రసమ్ముల నదే
....యధిగమించుచునొప్పు నగ్రపీఠి
గోంగూర పచ్చళ్ళు గోంగూర పులుసును
....బహువిధ పాక వైభవములలర
నొకట వెల్లుల్లి, నీరుల్లి నొకట జేర్చి
జన్మ జన్మలకు మరువజాలని గతి
వెల్వరించుచు రుచులను విశ్వమందు
నలరుచుండెడు గోంగూర నభినుతింతు
అమరనాథుండు గొనిపోయె నమరపురికి
సత్యభామ కోర్కెపై గొనిపోయె చక్రపాణి
బళిర! మధురానగరికి, శాంభవియు చాల
ప్రేమతొడ గోంగూరను పెంచు చుండె
రుబ్బి గోంగూర యాకులు రోటి యందు
రిప్లయితొలగించండిఎండు మిర్చిని తాళింపు మెండు గాను
పెట్టి కలుపగ పచ్చడి యట్టు లయ్యి
తినుట మొదలిడ నోరూరి తిందు మెపుడు .
పుంటి కూరయంద్రు పుల్లగా నుండును
రిప్లయితొలగించండిపుల్లలన్ని దీసి పోసి యాకు
పప్పు, పులుసు కూర, పచ్చడి యేదైన
ఉల్లి గలిప చేయ నూరు నోరు.
ఈరోజు గోంగూర చెట్నీ మాయింట్లో.......
రిప్లయితొలగించండిఆంధ్రమాతగా పేరొంది యమితమైన
ఖ్యాతి గొనినట్టి గోంగూర కడుపు కాదు,
మనము నింపును తృప్తిగ మనకునెపుడు,
విందు నారగింపగ రండు పిలుచుచుంటి.
పండిత నేమాని వారూ,
రిప్లయితొలగించండిఆంధుల అభిమాన శాకమైన గోంగూరను గురించి అద్భుతమైన పద్యాలను అందించారు అభినందనలు.
*
సుబ్బారావు గారూ,
నిజంగానే మీ పద్యం నోరూరించింది. చాలా బాగుంది. అభినందనలు.
*
గోలి హనుమచ్ఛాస్త్రి గారూ,
చాలా చక్కని పద్యం చెప్పారు. అభినందనలు.
*
లక్ష్మీదేవి గారూ,
మనఃప్రీతిని కల్గించే పద్యం చెప్పారు. అభినందనలు.
మీ ఆత్మీయ ఆహ్వానానికి ధన్యవాదాలు.
గోలి హనుమచ్ఛాస్త్రి గారూ --- వావ్ ఏమి వర్ణన. గుంటూరు గోంగూర పద్యానికి కామెంట్ పెట్టకుండా ఉండలేను.
రిప్లయితొలగించండిపుంటి కూరయంద్రు పుల్లగా నుండును
పుల్లలన్ని దీసి పోసి యాకు
పప్పు, పులుసు కూర, పచ్చడి యేదైన
ఉల్లి గలిప చేయ నూరు నోరు."
పుంటి కూర రుచిని పోల్చి చూడ తరమె
రిప్లయితొలగించండినెంత వారి కైన వింత గాదె
కవులు మెచ్చి తినుచు కావ్యమ్ము లల్లగ
దివిజు లంత కలసి దివిని నాటె
---------------------------------
పొంగారు రుచులు తెలిపిరి
గోంగూరతొ పలురకములు కోరి తినంగా
కంగారు పడక తినమని
సింగారియె జేసె ముదముగ చెలువము మీరన్ !
గోంగూర పచ్చడిఁ దిని తా
రిప్లయితొలగించండిచెంగున బండిఁ దిగి బకుని చెండాడం గా
బంగరు కొడుకన భీమునిఁ
బొంగిన నుల్లంబుఁ గుంతి పురమున మెరసెన్!
మాస్టరు గారూ ! ధన్యవాదములు.
రిప్లయితొలగించండిలక్కరాజు గారూ ..గుంటూరు గోంగూర మీద నా పద్యము మీద మీకున్న అభిమానమునకు ధన్యవాదములు.
సహదేవుడు గారూ... మీ గోంగూర పచ్చడిలో కొంచెం "తా " లింపు యెక్కువైనది. ' పచ్చడిని దిని ' అంటే సరిపోతుంది...
నా పూరణ చిన్న సవరణ తో...
పుంటి కూరయంద్రు పుల్లగా నుండును
పుల్లలన్ని దీసి పోసి యాకు
పప్పు, పులుసు కూర, పచ్చడి జేయంగ
నుల్లి గలిపి చూడ నుల్ల మలరు.
లక్కరాజు వారూ,
రిప్లయితొలగించండిధన్యవాదాలు.
*
రాజేశ్వరి అక్కయ్యా,
మీ రెండు పద్యాలూ బాగున్నవి. అభినందనలు.
*
సహదేవుడు గారూ,
మీ పద్యం బాగుంది. అభినందనలు.
గోలి వారి సవరణను గమనించారు కదా!
మిత్రులారా! శుభాశీస్సులు.
రిప్లయితొలగించండిగోంగూర 3 రకములుగా నుంటుంది మా ప్రాంతములో. (1) ఎర్ర గోంగూర - పుల్లగా నుండి రుచికరముగా నుంటుంది - ఇదే ఎక్కువగా వాడుకలో నుంటుంది. 2. తెల్ల గోంగూర - చిన్న చేదు చప్పదనము ఉండును - అయినా పచ్చడి బాగుంటుంది. 3. కాశీ గోంగూర - అంటే జనప నార కొరకు పంట. 10 - 12 అడుగుల ఎత్తువరకు మొక్కలు పెరుగుతాయి - చిన్న ముళ్ళు ఉంటాయి. దీనిని వంటలలో వాడరు ఈ నారతో గోనె బస్తాలు, త్రాళ్ళు తయారు చేస్తారు. స్వస్తి.
చిన్న సవరణ క్షమించండి శ్రీ పండిత నేమానివారూ ..."కాసి గోంగూర అంటే జనప నార కొరకు పంట" ...అన్నారు ...అది గోగునార కొరకు పంట .గోగు నార వేరు . జానప నార వేరు. .జనపనార జనుమునుంచే తీయబడుతుంది. ...శ్రేయోభిలాషి ...నూతక్కి రాఘవేంద్ర రావు.
రిప్లయితొలగించండి