శంకరయ్య గురువు గారికి నమస్సులు. చాలా రోజుల తరువాత నా ఈ ప్రయత్నం - జిలేబీ గారి భావానికి - ఉత్సాహ - కంది వారి బ్లాగునందు కవితలున్ చమక్కులున్ విందు గాను యందు, వాని విలువ గట్టలేముగా ! ఎందరెందరో మహానుభావులిచట చేయు రచనలున్ అందనంత విలువ గల్గి అమరమాయె ధరణిపై !
మారెళ్ళ వామన్ కుమార్ గారూ, జిలేబీ గారి భావాన్ని ‘ఉత్సాహం’గా పద్యం వ్రాసినందుకు అభినందనలు. ధన్యవాదాలు. రెండవ పాదంలో ‘విందుగాను యందు’ అన్నచోట యడాగమం రాదు. ‘విందుగాను నుండు’ అనండి. మూడవ పాదంలో గణదోషం. ‘ఎందరో మహానుభావు లిచట చేయు రచనలున్’ అంటే సరి. * సంపత్ కుమార్ శాస్త్రి గారూ, జిలేబీ గారి భావానికి మీరిచ్చిన కందపద్య రూపం బాగుంది. అభినందనలు. * సుబ్బారావు గారూ, బాగుంది మీ పద్యం. అభినందనలు. ‘ఆడపిల్లకు కట్నము’ అన్నారు. అది కన్యాశుల్కం అవుతుంది కదా! అక్కడ ‘ఆడపిల్లలు కట్నము’ అనండి.
పండిత నేమాని వారూ, కృష్ణ తులాభారం నేపథ్యంగల మీ పద్యం ప్రశస్తంగా ఉంది. అభినందనలు. * సుబ్బారావు గారూ, మీ పద్యం బాగుంది. అభినందనలు. * మిస్సన్న గారూ, వ్యంగ్యాత్మకమైన మీ పద్యం చాలా బాగుంది. అభినందనలు. * రాజేశ్వరి అక్కయ్యా, మీ పద్యం బాగుంది. అభినందనలు. 1వ, 3వ పాదాల్లో గణదోషం. నా సవరణ..... సతిని విక్రయించె నొకండు సత్య వ్రతుడు పతిని విక్రయించె నహమున పడతి సత్య తొల్లి విక్రయింత్రు తనయ నల్లుని కట వరుల విక్రయ మనినను వెఱగు గాదె ? మీ రెండవ పద్యం చివరి పాదంలో గణదోషం.. ‘కనకమే మేలు వికయమునకు సాటి’ అందామా? * కమనీయం గారూ, మీ పద్యం బాగుంది. అభినందనలు. * సహదేవుడు గారూ, మీ పద్యం బాగుంది. అభినందనలు.
రిప్లయితొలగించండిబ్లాగ్ వర! కవి వర ! కంది వర !
e-బ్లాగ్ కవితల్ పద్యముల్ చమత్కారముల్
విపణి వీధిన కాణీ కి వేలకి వచ్చునా ?
కవివర విక్రయంబు అనంత కోటి గాదె ?
జిలేబి
జిలేబీ గారూ,
రిప్లయితొలగించండిధన్యవాదాలు.
ఇదేదో పద్యరచన శీర్షికకు వ్రాసిన పద్యంలా కాక సమస్యాపూరణం చేసినట్లుంది. చూద్దాం... కవిమిత్రులెవరైనా ఈ భావానికి పద్యరూపం ఇస్తారేమో?!
శంకరయ్య గురువు గారికి నమస్సులు.
రిప్లయితొలగించండిచాలా రోజుల తరువాత నా ఈ ప్రయత్నం - జిలేబీ గారి భావానికి -
ఉత్సాహ - కంది వారి బ్లాగునందు కవితలున్ చమక్కులున్
విందు గాను యందు, వాని విలువ గట్టలేముగా !
ఎందరెందరో మహానుభావులిచట చేయు రచనలున్
అందనంత విలువ గల్గి అమరమాయె ధరణిపై !
జిలేబీ గారి భావానికి పద్యరూపం...........
రిప్లయితొలగించండివివిధ కవిమిత్ర కవితలఁ
సవరణ సూచించునట్టి సరసోక్తుడు, భా
రవి గురు శంకర విద్వ
త్కవి వర విక్రయముఁ జేయ కాసులు గలవే.
భారవి = సూర్యతేజస్సమానులు
పూ ర్వ కాలంబు నందున పురుషు లరయ
రిప్లయితొలగించండికొలది మందిగ నుండుట కువల యమున
ఆడ పిల్లకు కట్నము నంద జేయ
నండ్రు వరవిక్ర యంబని నార్యు ల య్య !
మారెళ్ళ వామన్ కుమార్ గారూ,
రిప్లయితొలగించండిజిలేబీ గారి భావాన్ని ‘ఉత్సాహం’గా పద్యం వ్రాసినందుకు అభినందనలు. ధన్యవాదాలు.
రెండవ పాదంలో ‘విందుగాను యందు’ అన్నచోట యడాగమం రాదు. ‘విందుగాను నుండు’ అనండి.
మూడవ పాదంలో గణదోషం. ‘ఎందరో మహానుభావు లిచట చేయు రచనలున్’ అంటే సరి.
*
సంపత్ కుమార్ శాస్త్రి గారూ,
జిలేబీ గారి భావానికి మీరిచ్చిన కందపద్య రూపం బాగుంది. అభినందనలు.
*
సుబ్బారావు గారూ,
బాగుంది మీ పద్యం. అభినందనలు.
‘ఆడపిల్లకు కట్నము’ అన్నారు. అది కన్యాశుల్కం అవుతుంది కదా! అక్కడ ‘ఆడపిల్లలు కట్నము’ అనండి.
హరినొసగ నారదునకున్
రిప్లయితొలగించండితరుణీమణి సత్యభామ తగ నా ముని శ్రీ
వర విక్రయమ్మొనర్చిన
చరితము విందౌను గాదె సరసజ్ఞులకున్
పూ ర్వ కాలంబు నందున పురుషు లరయ
రిప్లయితొలగించండికొలది మందిగ నుండుట కువల యమున
ఆడ పిల్లలు కట్నము నంద జేయ
నండ్రు వరవిక్ర యంబని నార్యు ల య్య !
ఒరులెయ్యది యొనరించిన
రిప్లయితొలగించండివర విక్రయమనుచు తాను వాగెనొ దానిన్
గురువర! తన కొమరున కది
జరిపించిన వాని చేష్ట చౌర్యము కాదే?
సతిని విక్రయించె సత్యము నిత్య మంచు
రిప్లయితొలగించండిపతిని విక్రయించె నహమున పడతి సత్య
తొల్లి విక్రయింత్రు తనయ నల్లుని కట
వరుల విక్రయ మనిన వెఱగు గాదె ?
రిప్లయితొలగించండిఈ నవీనకాలమ్మున గాన,తగిన
వధువు దొరకుటే కడు దుర్లభమ్ము కాగ
కొమ్మలే యువకుల నెన్నుకొనుచు నుండ,
నింక 'వరవిక్రయమ్మంచు 'నెచట గలదు ?
రిప్లయితొలగించండినా పద్యం మొదటి పాదాన్ని యీ విధంగా సవరిస్తున్నాను.
' ఈ నవీన కాలమ్మున నెన్నదగిన '
పైకముఁ జెల్లించి కొనగ
రిప్లయితొలగించండిలేకుండునె సర్వహక్కు లెవ్వరి కైనన్
గాకుండగ నిద్ధరణిన్
దా కొన్నవరుడె వధువును తగలన్ బెట్టున్!
(కొందరి విషయంలోనే నని భావించ మనవి)
రిప్లయితొలగించండికాళ్ళ కూరి వారు నేళ్ళ క్రిందట వ్రాసె
కన్య నిచ్చి వరుని కాసు కొఱకు
నేటి వరులు కాంత సాటి కాదని యెంచి
కనక మేను విక్రయ మునకు సాటి
పండిత నేమాని వారూ,
రిప్లయితొలగించండికృష్ణ తులాభారం నేపథ్యంగల మీ పద్యం ప్రశస్తంగా ఉంది. అభినందనలు.
*
సుబ్బారావు గారూ,
మీ పద్యం బాగుంది. అభినందనలు.
*
మిస్సన్న గారూ,
వ్యంగ్యాత్మకమైన మీ పద్యం చాలా బాగుంది. అభినందనలు.
*
రాజేశ్వరి అక్కయ్యా,
మీ పద్యం బాగుంది. అభినందనలు.
1వ, 3వ పాదాల్లో గణదోషం. నా సవరణ.....
సతిని విక్రయించె నొకండు సత్య వ్రతుడు
పతిని విక్రయించె నహమున పడతి సత్య
తొల్లి విక్రయింత్రు తనయ నల్లుని కట
వరుల విక్రయ మనినను వెఱగు గాదె ?
మీ రెండవ పద్యం చివరి పాదంలో గణదోషం.. ‘కనకమే మేలు వికయమునకు సాటి’ అందామా?
*
కమనీయం గారూ,
మీ పద్యం బాగుంది. అభినందనలు.
*
సహదేవుడు గారూ,
మీ పద్యం బాగుంది. అభినందనలు.