లక్కరాజు వారూ, ధన్యవాదాలు. * మారెళ్ళ వామన్ కుమార్ గారూ, మీ రెండు పద్యాల పూరణ పూరణ బాగుంది. మొదటి పద్యంలో నేపథ్యాన్నీ, రెండవ పద్యంలో పూరణ చెప్పడం... అభినందనలు. మొదటి పద్యం చివరి పాదంలో గణదోషం.. ‘నెయ్యపు రేనికి బలువగు నెయ్యమి బుట్టెన్’ అనండి. రెండవ పద్యం మొదటి పాదంలో మూడవ గణంగా జగణం వాడరాదు కదా! ‘కయ్యముల మరచి పువ్వుల/శయ్యకు...’ అందామా? రెండవ పాదంలోనూ గణదోషం. ‘స్వాగత మనగన్’ అంటే సరి. * సుబ్బారావు గారూ, మీ పూరణ బాగుంది. అభినందనలు. * నాగరాజు రవీందర్ గారూ, మీ పూరణ బాగుంది. అభినందనలు. ‘వెలిగించి + అపుడు’ అన్నప్పుడు యడాగమం వస్తుంది. ‘పొయ్యిని వెలిగించి యపుడు’ అనండి. అలాగే ‘కరివేప + అనుకొని’ అన్నప్పుడూ యడాగమమే రావాలి. కనుక ఆ పాదాన్ని ‘అయ్యొ కరివేప యనుకొని’ అని మారుద్దాం.
పొయ్యిని వెలిగించి రమణి
రిప్లయితొలగించండిబియ్యమ్మును కడిగి బెట్టి బెండలు వేపన్ !
సయ్యన దర్శిని ముంగిట
తొయ్యలి తాలింపున నిడె దులసీ దళముల్ !
రాజేశ్వరి అక్కయ్యా,
రిప్లయితొలగించండిఈనాటి ప్రథమ తాంబూలం మీదే...
(దూర)దర్శన్ చూస్తూ పరాకుగా చేసిన పనిగా మీ పూరణ బాగుంది. అభినందనలు.
రాజేశ్వరి నేదునూరి గారూ పూరణ చమత్కారంగా బాగుంది.
రిప్లయితొలగించండిపొయ్యిని వెలిగించి రమణి
బియ్యమ్మును కడిగి బెట్టి బెండలు వేపన్ !
బియ్యము గడుగుచునత్తరి
రిప్లయితొలగించండిపైయ్యెదపై చెఱగు జారి పరువము గనగా
శయ్యను బవళించిన యా
నెయ్యపు రేనికి బలు నెయ్యమి బుట్టెన్,
కయ్యములను మరచిపోయి
శయ్యకు తన నెచ్చెలినిక స్వాగతించగా
నెయ్యపు గినుకను జూపుచు
తొయ్యలి తాలింపున నిడె దులసీదళముల్ !
(నెయ్యపు రేడు = మన్మథుడు, భర్త
నెయ్యమి = కామము
నెయ్యపు గినుక = ప్రణయపు కోపము )
వియ్యాల వారి రాకను
రిప్లయితొలగించండిచయ్యన మఱి వినిన గీ త చకచక వంటన్
చెయ్యగ దొందర బడుచును
తొయ్యలి తాలిం పున నిడె దుల సీ దళముల్ .
పొయ్యిని వెలిగిం చప్పుడు
రిప్లయితొలగించండిచెయ్యగ కూరొకటి తాను చెంగును బిగియిం
చయ్యో ! కరివే పనుకొని
తొయ్యలి తాలింపున నిడె దులసీ దళముల్
లక్కరాజు వారూ,
రిప్లయితొలగించండిధన్యవాదాలు.
*
మారెళ్ళ వామన్ కుమార్ గారూ,
మీ రెండు పద్యాల పూరణ పూరణ బాగుంది. మొదటి పద్యంలో నేపథ్యాన్నీ, రెండవ పద్యంలో పూరణ చెప్పడం... అభినందనలు.
మొదటి పద్యం చివరి పాదంలో గణదోషం..
‘నెయ్యపు రేనికి బలువగు నెయ్యమి బుట్టెన్’ అనండి.
రెండవ పద్యం మొదటి పాదంలో మూడవ గణంగా జగణం వాడరాదు కదా! ‘కయ్యముల మరచి పువ్వుల/శయ్యకు...’ అందామా? రెండవ పాదంలోనూ గణదోషం. ‘స్వాగత మనగన్’ అంటే సరి.
*
సుబ్బారావు గారూ,
మీ పూరణ బాగుంది. అభినందనలు.
*
నాగరాజు రవీందర్ గారూ,
మీ పూరణ బాగుంది. అభినందనలు.
‘వెలిగించి + అపుడు’ అన్నప్పుడు యడాగమం వస్తుంది. ‘పొయ్యిని వెలిగించి యపుడు’ అనండి. అలాగే ‘కరివేప + అనుకొని’ అన్నప్పుడూ యడాగమమే రావాలి. కనుక ఆ పాదాన్ని ‘అయ్యొ కరివేప యనుకొని’ అని మారుద్దాం.
రయ్యిన తననే దిట్టుచు
రిప్లయితొలగించండికయ్యము లాడుచు తన పతి కంగారిడ రా
మయ్యను పూజించఁ గదలి
తొయ్యలి తాలింపున నిఢె తులసీ దళముల్!
బ్లాగర్ nagaraju raveender అన్నారు...
రిప్లయితొలగించండిగురువు గారూ ! మీ సూచన ప్రకారం పద్యాన్ని యిలా సవరించుతున్నాను
పొయ్యిని వెలిగించి యపుడు
చెయ్యగ కూరొకటి తాను చెంగును బిగియిం
చయ్యొ ! కరివేప యనుకొని
తొయ్యలి తాలింపున నిడె దులసీ దళముల్
త్రయ్యంతవేద్యు దలచుచు
రిప్లయితొలగించండినెయ్యెడ తద్భక్తిలోననే నలరుచు దా
నయ్యో తద్గతమతియై
తొయ్యలి తాలింపుననిడె తులసీదళముల్
అయ్యన్న పూజ జేయుచు
రిప్లయితొలగించండికొయ్యకు తగిలించు బుట్ట గోమలి జూడన్
చయ్యన నిట్లనె ' వినుమవి
తొయ్యలి! తా' లింపుననిడె తులసీదళముల్.
(తాలు = పొల్లు కాయలు)
సయ్యాటల రాయునికై
రిప్లయితొలగించండిరొయ్యల శాకంబు జేయు రూపసి తన బా
వయ్యను జూచుచు బ్రమచే
తొయ్యలి తాలింపున నిడె దులసీ దళముల్ !
అయ్యానాడట హరినే
రిప్లయితొలగించండితొయ్యలి తులదూచ నిడెను తులసీ దళమున్
అయ్యది దలచుచు హరి ! హరి !
తొయ్యలి తాలింపున నిడెఁ దులసీదళముల్.
సహదేవుడు గారూ,
రిప్లయితొలగించండిమీ పూరణ బాగుంది. అభినందనలు.
*
పండిత నేమాని వారూ,
అద్భుతమైన పూరణ మీది. అభినందనలు.
*
మిస్సన్న గారూ,
‘మిగతా వారి దొకదారి, మిస్సన్న దింకొకదారి’ అన్నట్టు ఎప్పుడూ వైవిధ్యంగా ఆలోచించి చక్కని పూరణల నిస్తారు మీరు. అభినందనలు.
*
గండూరి లక్ష్మినారాయణ గారూ,
శాకాహారుల మధ్య రొయ్యల పులుసు ప్రస్తావన తెచ్చి, నోరూరించే పూరణ చెప్పారు. అభినందనలు.
గోలి హనుమచ్ఛాస్త్రి గారూ,
రిప్లయితొలగించండికృష్ణతులాభారము నేపథ్యంగా మీ పూరణ చాలా బాగుంది. అభినందనలు.
"కయ్యము నాతో సలుపును -
రిప్లయితొలగించండినెయ్యము రుక్మిణికి గూర్చు - నిలువెల్ల విషం
బయ్యో! శ్రీ కృష్ణుని" కని
తొయ్యలి తాలింపున నిడె తులసీ దళముల్!
గోలి హనుమచ్ఛాస్త్రి గారూ తాలింపు నీ కృష్ణతులాభారము
రిప్లయితొలగించండినీ తులసితో కలిపేయటం బాగుంది.
డా.ఆచార్య ఫణీంద్ర గారూ
కయ్యము నీ, నెయ్యము నీ, తాలింపు నీ తులసీ దళములతో చక్కగా కలిపేసారు. బాగుంది పూరణ.
డా. ఆచార్య ఫణీంద్ర గారూ,
రిప్లయితొలగించండిమీ పూరణ అద్భుతంగా ఉంది. అభినందనలు, ధన్యవాదాలు.
*
లక్కరాజు వారూ,
ధన్యవాదాలు టు ది పవర్ ఆఫ్ ధన్యవాదాలు.
అయ్యది దగ్గుకు జలుబుకు
రిప్లయితొలగించండినెయ్యము మధుమేహమునకు నేస్తమ్మనుచున్
తియ్యగ గూగులు తెలుపగ
తొయ్యలి తాలింపున నిడెఁ దులసీదళముల్
బాగుంది మీ పూరణ. అభినందనలు.
తొలగించండి
రిప్లయితొలగించండికాష్మోరా :)
వయ్యారమ్ముగ చదువుగ
దెయ్యపు కథలను జిలేబి దిమ్మయు తిరుగన్
సుయ్యను శబ్ధము జల్లన,
తొయ్యలి తాలింపున నిడెఁ దులసీదళముల్!
జిలేబి
మీ పూరణ బాగున్నది. అభినందనలు.
తొలగించండిఅయ్యరు వంటకు సెలవిడ
రిప్లయితొలగించండికుయ్యన కుండగ మునగల కూటున నూనెన్
వియ్యపు రాలికి జలుబని
తొయ్యలి తాలింపున నిడెఁ దులసీదళముల్