ద్వార పాలకుండు తనని వదిలి బెట్టి వెళ్ళిన ఈశుండు అస్మదీయ ప్రేమతోవచ్చే ఇలలోన తల్లి ని చెర బట్టి తన్ను పొంద గోరె రావణుండు రామ హృదయమ్ము పొంగెను రావణుఁ గన!!
గోలి హనుమచ్ఛాస్త్రి గారూ, మీ మొదటి ప్రయత్నం ప్రశంసనీయమైనదే... కానీ సమస్యలోని ‘రామ’ శబ్దాన్ని ‘గ్రామ’గా మార్చడం సంప్రదాయం కాదు. సంధిగత సంయుక్తాక్షరం రావచ్చు.. ఉదా.. సమ్యగ్రామ..ఇలా. ‘మన్ననలతొ’ అన్నార. ‘తో’ ప్రత్యయాన్ని హ్రస్వంగా ప్రయోగించరాదు. రామారావు గారిని ఉద్దేశించి వ్రాసిన రెండవ పూరణ బాగుంది. అభినందనలు. * పండిత నేమాని వారూ, మీ పూరణ చాలా బాగుంది. అభినందనలు. * లక్ష్మీదేవి గారూ, మీ పూరణ బాగుంది. అభినందనలు. * కమనీయం గారూ, మీ పూరణ బాగుంది. అభినందనలు. * మిస్సన్న గారూ, మీ పూరణ బాగుంది. అభినందనలు.
అపరిచితము నజ్ఞాతముల్ సుపరిచిత మైన వ్యక్తిత్వమును దాచునా? సుమధుర శైలి పట్టించు మిమ్ము మిస్సన్న! యెందు కిట్టి యిబ్బంది వచ్చెనో, యేది దారి? * సుబ్బారావు గారూ, బాగుంది మీ పూరణ. అభినందనలు. * నాగరాజు రవీందర్ గారూ, మీ రెండు పూరణలూ బాగున్నవి. అభినందనలు. * గండూరి లక్ష్మినారాయణ గారూ, మీ పూరణ బాగుంది. అభినందనలు.
రావణాసుర వేషమ్ము రాజమౌళి
రిప్లయితొలగించండివేసి మెప్పించి పొందెను ' పెద్ద కప్పు '
మరలి రాగను తనయూరు మన్ననలతొ
గ్రామ హృదయమ్ము పొంగెను రావణుఁ గన.
ఆంజనేయుడు పలికె లోకాభిరామ!
రిప్లయితొలగించండిరామ! హృదయమ్ము పొంగెను రావణు గన
నమిత క్రోధమ్ముతో నయ్యు, శమము దాల్చి
వాని కొనరించితిని చాల జ్ఞాన బోధ
సీతఁ గని తెలుప హనుమ చేర చూచి
రిప్లయితొలగించండిరామ హృదయమ్ము పొంగెను; రావణుఁ గన
క్రోధమావహించె రణము కోరిచేసె
రాజ ధర్మమనుసరించి రాముడపుడు.
రిప్లయితొలగించండిమూడు లోకాల గెలిచిన రేడు,సురల
దనవశమ్ముచేసికొనిన దానవేంద్రు
దమితబలుడు గంభీరుండు నతులతేజు
డయిన వాని మందోదరి యలరి చూడ
రామ హృదయమ్ము పొంగెను రావణు గన.
రావణాసుర పాత్రను రక్తి గట్ట
రిప్లయితొలగించండిసీత కల్యాణ మనునొక్క చిత్రమందు
వేసి " ప్రివ్యూను " చూడగా భేషననుచు
' రామ ' హృదయమ్ము పొంగెను రావణుఁ గన.
రామ = రామారావు
సుతులు బంధువుల్ మిత్రులు సోదరులును
రిప్లయితొలగించండిమడియ గతిలేక ననికేగె మాసి పరువు
వీని జంపి సీతను జూతు వేగమె యని
రామ హృదయమ్ము పొంగెను రావణు గన.
నాకు ఇబ్బందిగానే ఉంటోంది ప్రతిసారీ ఇలా చెప్పుకోవడానికి. కానీ పరిస్థితులలా వస్తున్నాయి.
రిప్లయితొలగించండిunknown నేనే.
రిప్లయితొలగించండిద్వార పాలకుండు తనని వదిలి బెట్టి వెళ్ళిన
ఈశుండు అస్మదీయ ప్రేమతోవచ్చే ఇలలోన
తల్లి ని చెర బట్టి తన్ను పొంద గోరె రావణుండు
రామ హృదయమ్ము పొంగెను రావణుఁ గన!!
జిలేబి
అవని సుత వార్త దెలియగ హనుమ వలన
రిప్లయితొలగించండిరామ హృదయమ్ము పొంగెను, రావణు గన
వాని మరణము నూహించి పడతి యనగ
పొంగి పొరలెను దుఃఖము పుర జనులకు .
ఈ కామెంట్‌ను రచయిత తీసివేశారు.
రిప్లయితొలగించండితేజ మలర రావణు డేగె నాజియందు
రిప్లయితొలగించండిరామ హృదయమ్ము పొంగెను రావణు గని
నేల గూలెను దశకంఠు డాలమందు
రామ హృదయ ముప్పొంగెను రాముని గని
ఈ కామెంట్‌ను రచయిత తీసివేశారు.
రిప్లయితొలగించండివనములో నున్న సీతమ్మ గనిన నాకు
రిప్లయితొలగించండిఅగణి తంబైన ముదముతో డమల చరిత
రామ! హృదయమ్ము పొంగెను , రావణు గన
రగిలె నాయెదన్ గ్రోధాగ్ని రామ వినుము .
రాముని ప్రతాపమును గని రయము పరశు
రిప్లయితొలగించండిరామ హృదయమ్ము పొంగెను ; రావణు గని
దివ్యదృష్టి యందు నతడు తెలిసికొనెను
“హరియె యవతార మెత్తె నసురుని జంప"
గోలి హనుమచ్ఛాస్త్రి గారూ,
రిప్లయితొలగించండిమీ మొదటి ప్రయత్నం ప్రశంసనీయమైనదే...
కానీ సమస్యలోని ‘రామ’ శబ్దాన్ని ‘గ్రామ’గా మార్చడం సంప్రదాయం కాదు. సంధిగత సంయుక్తాక్షరం రావచ్చు.. ఉదా.. సమ్యగ్రామ..ఇలా. ‘మన్ననలతొ’ అన్నార. ‘తో’ ప్రత్యయాన్ని హ్రస్వంగా ప్రయోగించరాదు.
రామారావు గారిని ఉద్దేశించి వ్రాసిన రెండవ పూరణ బాగుంది. అభినందనలు.
*
పండిత నేమాని వారూ,
మీ పూరణ చాలా బాగుంది. అభినందనలు.
*
లక్ష్మీదేవి గారూ,
మీ పూరణ బాగుంది. అభినందనలు.
*
కమనీయం గారూ,
మీ పూరణ బాగుంది. అభినందనలు.
*
మిస్సన్న గారూ,
మీ పూరణ బాగుంది. అభినందనలు.
అపరిచితము నజ్ఞాతముల్ సుపరిచిత
మైన వ్యక్తిత్వమును దాచునా? సుమధుర
శైలి పట్టించు మిమ్ము మిస్సన్న! యెందు
కిట్టి యిబ్బంది వచ్చెనో, యేది దారి?
*
సుబ్బారావు గారూ,
బాగుంది మీ పూరణ. అభినందనలు.
*
నాగరాజు రవీందర్ గారూ,
మీ రెండు పూరణలూ బాగున్నవి. అభినందనలు.
*
గండూరి లక్ష్మినారాయణ గారూ,
మీ పూరణ బాగుంది. అభినందనలు.
ఓ సాయంత్రం వేళ మాటల మధ్యలో విష్ణుమూర్తి తో పరమశివుడు:
రిప్లయితొలగించండికరము నిష్ఠకలిఁగి తనకన్నతల్లి
కోర్కె నెరవేర్చగను నన్ను గూర్చి ఘోర
తపము నాచరించుచునుండ, దైత్యగణవి
రామ!హృదయమ్ము పొంగెను రావణుఁ గన.
రామకృష్ణ గారూ,
రిప్లయితొలగించండిమీ పూరణ ప్రశస్తంగా ఉంది. అభినందనలు.
గురువు గారూ,
రిప్లయితొలగించండిధన్యవాదములు
అవనిజాతను గొంపోయి నట్టి తుళువ
రిప్లయితొలగించండియనికి చనుదెంచి కన్పట్టినంత కలగి
రేగు ప్రళయోగ్రజలరాశి లాగు నెగసి
రామ హృదయమ్ము పొంగెను రావణుఁ గన
శ్యామల రావు గారూ,
రిప్లయితొలగించండిమీ పూరణ చాలా బాగుంది. అభినందనలు.
నారదుని శాప వశమున నరుని గాను
రిప్లయితొలగించండినవత రించెను రాముడై యవని పైన
దుష్ట శిక్షణ కొఱకని నిష్ట యనగ
రాము హృదయము పొంగెను రావణుఁ గన !
గురువుగారూ ధన్యవాదములు.
రిప్లయితొలగించండిఊకదంపుడు గారు చాలా కాలానికి దయజేసి సంతోషపరచారు.
రిప్లయితొలగించండిమిస్సనార్యా! ధన్యవాదములు.