పండిత నేమాని వారూ, కాముడు చెప్పిన రాముని కథగా మీ పూరణ బాగున్నది. అభినందనలు. * అక్కయ్యా, వింత కథనంగా మీ పూరణ బాగున్నది. అభినందనలు. మూడవ పాదంలో గణదోషం. ‘లంకేశుని’ అంటే సరి. ‘ఝడిసె’ను ‘జడిసె’ అనండి.
శ్రీ నాగరాజు రవీందర్ గారు! శ్వుభాశీస్సులు. మీ పద్యము బాగుగ నున్నది. అభినందనలు. 4వ పాదము మీరు ప్రాస నియమమును పాటించలేదు. 4వ పాదము మొదటి అక్షరముకూడా దీర్ఘ అక్షరము ఉండే రీతిగా మార్చండి. స్వస్తి.
మల్లెల సోమనాథ శాస్త్రి గారూ, మీ రెండు పూరణలు వైవిధ్యంగా చక్కగా ఉన్నాయి. అభినందనలు. మొదటి పూరణలో ‘అనుజుకు’ అన్నారు. అక్కడ అనుజునకు అనాలి. ‘ప్రేముడి యతని యనుజునకు’ అంటే సరి. ‘దాశరథి + అపుడే’ అన్నప్పుడు సంధి లేదు. యడాగమం వస్తుంది. అక్కడ ‘దాశరథి తగన్’ అందాం. అలాగే రెండవ పూరణలో ‘విభీషణుకు’ అని కాక ‘విభీషణునకు’ అనాలి. ‘ఏమిడెను విభీషణునకు’ అందామా?
వామపు ముగింపు నిమ్మన రామాయణమునకు, మార్చి వ్రాసెనొకండున్: "తా మారెను లంకేశుడు, రాముడు రావణుని మెచ్చి రాజ్యమ్మొసగెన్"
"Literature Studies" తరగతులలో, ప్రసిద్ధమైన పుస్తకాలకు వేరొక ముగింపునిస్తే ఎలాగ ఉంటుందని ప్రశ్నించడము అపుడప్పుడు జరుగుతుంది. ఆ త్రోవలో ఈ పూరణ. ఇక్కడ 'వామపు' అంటే 'వక్రపు' లేదా 'ప్రతికూలమైన' అన్న అర్ధంతో వాడాను. సరియో కాదో తెలియదు.
రామాయణ సారమ్మిదె
రిప్లయితొలగించండికాముండు వచించె వినుడు కమనీయముగా
నా మండోదరి మొరవిని
రాముడు రావణుని మెచ్చి రాజ్యమ్మొసగెన్
ఏమని జెప్పుదు వింతగ
రిప్లయితొలగించండిరాముడు రావణుని మెచ్చి రాజ్యమ్మొసగెన్
కాముండగు లంకా ధీశుని
నీమంబుల ఝడిసె గాన నేరుపు తోడన్
పండిత నేమాని వారూ,
రిప్లయితొలగించండికాముడు చెప్పిన రాముని కథగా మీ పూరణ బాగున్నది. అభినందనలు.
*
అక్కయ్యా,
వింత కథనంగా మీ పూరణ బాగున్నది. అభినందనలు.
మూడవ పాదంలో గణదోషం. ‘లంకేశుని’ అంటే సరి. ‘ఝడిసె’ను ‘జడిసె’ అనండి.
పూజ్యులు పండిత నేమానివారికి, మిత్రులు కంది శంకరయ్యగారికి, సుకవి పండిత మిత్రు లందఱికిని నమోవాకములు.
రిప్లయితొలగించండినీమమునఁ దపముఁ జేయఁగ
సోమాభరణుం డజుండు శుద్ధమనోజ్ఞుం
డౌ మైనాకీ హృదయా
రాముఁడు రావణుని మెచ్చి రాజ్యమ్మొసఁగెన్!
కామాంధు౦డని గూల్చెను
రిప్లయితొలగించండిరాముఁడు రావణుని; మెచ్చి రాజ్య మ్మొసఁగెన్
నీమము గలుగు విభీషణు
డేమాత్రము కామి గాక నేలునటంచున్
రామారావునడుగ సు-
రిప్లయితొలగించండిత్రాముడు సురతోషమునకు రామాయణమున్
కామిత సినిమా కథలో
రాముడు రావణుని మెచ్చి రాజ్యమ్మొసగెన్
గుండు మధుసూధన్ గారి పూరణ బాగున్నది.
రిప్లయితొలగించండిహైమవతీ శ్రీ హృదయారాముడు అని పూరణచేద్దామనుకొన్నాను. గుండు మధుసూధన్ గారి మంచి పూరణతో, లఘుహాస్యమార్గమే నాకు మిగిలింది.
గుండు మధుసూదన్ గారూ,
రిప్లయితొలగించండిమీ పూరణ మనోజ్ఞంగా ఉంది. అభినందనలు.
*
భాగవతుల కృష్ణారావు గారూ,
విరుపుతో మీ పూరణ బాగున్నది. అభినందనలు.
*
నాగరాజు రవీందర్ గారూ,
విరుపుతో మీ పూరణ బాగున్నది. అభినందనలు.
*
యం. ఆర్. చంద్రమౌళి గారూ,
మీ సినిమా కథ పూరణ బాగున్నది. అభినందనలు.
పూజ్య గురుదేవులు శంకరయ్య గారికి వందనములు
రిప్లయితొలగించండిఆ మొన మోక్షమొసంగెను
రాముడు రావణుని మెచ్చి,రాజ్య మ్మొసగెన్
ప్రేమను విభీషణునికే
సామమ్మనె జన్మభూమి స్వర్గము కంటెన్
కెంబాయి తిమ్మాజీ రావు గారూ,
రిప్లయితొలగించండిమీ పూరణ బాగున్నది. అభినందనలు.
కాముకుడని గూల్చె ప్రభువు
రిప్లయితొలగించండిరాముఁడు రావణుని, మెచ్చి రాజ్యమ్మొసఁగెన్
తాముదమున హృదయమునన్!
బ్రేమగ తొల్లి తన సేవ వేడుక జేయన్!
భూమిజను హరించ జిదిమె
రిప్లయితొలగించండిరాముడు రావణుని, మెచ్చి రాజ్యమ్మొసగెన్
ధీమంతు విభీషణునకు,
రాముని సద్గుణ ములున్న రాజెవడి లలో!
శ్రీ నాగరాజు రవీందర్ గారు! శ్వుభాశీస్సులు.
రిప్లయితొలగించండిమీ పద్యము బాగుగ నున్నది. అభినందనలు.
4వ పాదము మీరు ప్రాస నియమమును పాటించలేదు. 4వ పాదము మొదటి అక్షరముకూడా దీర్ఘ అక్షరము ఉండే రీతిగా మార్చండి. స్వస్తి.
సహదేవుడు గారూ,
రిప్లయితొలగించండిమీ పూరణ బాగున్నది. అభినందనలు.
*
గండూరి లక్ష్మినారాయణ గారూ,
మీ పూరణ బాగున్నది. అభినందనలు.
*
నాగరాజు రవీందర్ గారూ,
మీ సవరణ బాగున్నది. అభినందనలు.
చంద్రమౌళి రామారావు గారి పూరణ :
రిప్లయితొలగించండియామినిని కల్లు త్రాగిన
పామరుడు పురాణమిట్లు భామకు చెప్పెన్
రామా! మధు వానిన శ్రీ
రాముఁడు రావణుని మెచ్చి రాజ్య మ్మొసఁగెన్
చందమౌళి రామారావు గారూ,
రిప్లయితొలగించండిమీ పూరణ బాగున్నది. అభినందనలు.
అన్నపరెడ్డి సత్యనారాయణ రెడ్డి గారి పూరణ...
రిప్లయితొలగించండికోమలిని హరించఁ దునిమె
రాముఁడు రావణుని; మెచ్చి రాజ్య మ్మొసఁగెన్
కోమల మనస్కుఁడు తనను
స్వామిగఁ దలఁచిన దనుజుల పతి యనుజునకున్.
అన్నపరెడ్డి సత్యనారాయణ రెడ్డి గారూ,
రిప్లయితొలగించండిమీ పూరణ బాగున్నది. అభినందనలు.
మల్లెల సోమనాధ శాస్త్ర్రి గారి పూరణలు
రిప్లయితొలగించండికాముకుడౌటను జంపెను
రాముడురావణుని,మెచ్చిరాజ్యమ్మొసగెన్
ప్రేముడి యాతని యనుజుకు
తామది ధర్మము దలచియు దాశరధపుడే
క్రమాలంకారము
భీముడు నౌచును లంకను
కోమలికొరకై వధించె కోమలు డెవరిన్?
ప్రేమ విభీషణు కేమిడె?
రాముడు రావణుని; మెచ్చిరాజ్యమ్మొసగెన్
మల్లెల సోమనాథ శాస్త్రి గారూ,
రిప్లయితొలగించండిమీ రెండు పూరణలు వైవిధ్యంగా చక్కగా ఉన్నాయి. అభినందనలు.
మొదటి పూరణలో ‘అనుజుకు’ అన్నారు. అక్కడ అనుజునకు అనాలి. ‘ప్రేముడి యతని యనుజునకు’ అంటే సరి. ‘దాశరథి + అపుడే’ అన్నప్పుడు సంధి లేదు. యడాగమం వస్తుంది. అక్కడ ‘దాశరథి తగన్’ అందాం.
అలాగే రెండవ పూరణలో ‘విభీషణుకు’ అని కాక ‘విభీషణునకు’ అనాలి. ‘ఏమిడెను విభీషణునకు’ అందామా?
భూమిజ గొనెనని జంపెను
రిప్లయితొలగించండిరాముడు రావణుని; మెచ్చి రాజ్యమ్మొసగెన్
ప్రేమగ విభీషణునకును
రాముని పక్షము వహింప రాజిలమనుచున్!
బొడ్డు శంకరయ్య గారూ,
రిప్లయితొలగించండిమీ పూరణ బాగున్నది. అభినందనలు.
వామపు ముగింపు నిమ్మన
రిప్లయితొలగించండిరామాయణమునకు, మార్చి వ్రాసెనొకండున్:
"తా మారెను లంకేశుడు,
రాముడు రావణుని మెచ్చి రాజ్యమ్మొసగెన్"
"Literature Studies" తరగతులలో, ప్రసిద్ధమైన పుస్తకాలకు వేరొక ముగింపునిస్తే ఎలాగ ఉంటుందని ప్రశ్నించడము అపుడప్పుడు జరుగుతుంది. ఆ త్రోవలో ఈ పూరణ. ఇక్కడ 'వామపు' అంటే 'వక్రపు' లేదా 'ప్రతికూలమైన' అన్న అర్ధంతో వాడాను. సరియో కాదో తెలియదు.
పుష్యం గారూ,
రిప్లయితొలగించండిమీ పూరణ వైవిధ్యంగా ఉంది. చాలా బాగుంది. అభినందనలు.
ఏ మాయామోహములను
రిప్లయితొలగించండినేమారక త్వరితగతిని యింటికి చేరం
గా నెంచు సేవకుండని
రాముఁడు రావణుని మెచ్చి రాజ్య మ్మొసఁగెన్.
పిదప లోకనీతి కొఱకు భృత్యు జంపి
తనదు ముక్తి కాంక్షనుఁ దీర్చి ,తల్లడిల్లు
వాని చెంతజేర్చెననియు పరమ పావ
నుండు హరియను మాటను నొక్కి చెప్పె.
దోమల గూడెము నందున
రిప్లయితొలగించండివామకవుల రామలీల వర్ధిల్లంగన్
ధీమంతులు పలికిరచట:
"రాముఁడు రావణుని మెచ్చి రాజ్య మ్మొసఁగెన్"
రిప్లయితొలగించండిఆ మేడంబందడచెను
రాముఁడు రావణుని; మెచ్చి రాజ్యమ్మొసఁగె
న్తా ముందే యభయంబని
శేముషి యైశరణుజొచ్చి చేర దహరుకున్ !
జిలేబి
నీమమునన్ పోరాడుచు
రిప్లయితొలగించండిధీమాతో ప్రాణమిడిన తీరును గాంచన్,...
గోముగ విభీషణునకిక
రాముఁడు, రావణుని మెచ్చి, రాజ్య మ్మొసఁగెన్