కైక పతిన్, రఘూత్తముని గానల కంపకు మంచు వేడెగా కైకను కోసలేశుడును గార్చుచు కన్నుల నీరు నార్తితో ''నాకిక నేమి చెప్పకుము నా యభిలాషను దీర్చివెంటనే నా కిడి నట్టి మాట నరనాధుడ!'' తప్పకు మంచు కోరె నా
గండూరి లక్ష్మినారాయణ గారూ, పద్యం వరకైతే చాలా బాగుంది. అభినందనలు. కాని సమస్య పరిష్కరింపబడినట్లు తోచడం లేదు. కొద్దిగా వివరిస్తే బాగుంటుందేమో? * గోలి హనుమచ్ఛాస్త్రి గారూ, వాహ్.. ఏమి విరుపు! లోకైకపతితో మీరు చెప్పిన పూరణ చాలా బాగుంది. అభినందనలు.
పైకొన దుర్నయమ్ము తన స్వంత కుమారుడురాజ్య మేలగా రాకొమరుండు రాముని కరణ్యనివాసమటంచు గోరగా కైకపతిన్, రఘూత్తముని కానలకంపకు మంచు వేడె గా వ్యాకుల మందుచున్ పురనివాసులు మంత్రులు దండనాయకుల్
మల్లెలవారి పూరణ:కైకయు తాను మంధరయెగట్టిగ జెప్ప వరాలు గోరె గా పోకనురాము వన్యముల పొల్పుగ రాజు ,కుమారు జేయగా కైకపతిన్, రఘూత్తముని కానలకంపకు మంచు వేడె గా శోకము తో నతండతుల సోలుచు నామెను కోసలేశుడే
నాల్గవ పాదములోని '' తప్పకు మంచు కోరె నా ' అను వాక్యము మెదటి పాదములోని '' కైక పతిన్'' అను వాక్యమునకు అన్వయము చేశాను '' తప్పకుమంచు కోరె నా కైక పతిన్'' నా అన్వయము సరిగానే ఉన్నదనుకొంటున్నాను ధన్యవాదములు
యం. ఆర్. చంద్రమౌళి గారూ, మీ పూరణ బాగున్నది. అభినందనలు. * కెంబాయి తిమ్మాజీ రావు గారూ, మీ పూరణ బాగున్నది. అభినందనలు. ‘స్వంతకుమారుడు’ ప్రయోగం ఆలోచించదగింది. సంస్కృతంలో స్వంతము లేదు. తెలుగులో సొంతమునకు పర్యాయపదంగా వాడుతున్నారు. దానితో సమాసం చేయడం కుదరదేమో? * మల్లెల సోమనాథ శాస్త్రి గారూ, మీ పూరణ బాగున్నది. అభినందనలు. * గండూరి లక్ష్మినారాయణ గారూ, మీ వివరణతో నా సందేహం తీరిపోయింది. బాగున్నది మీ పూరణ. అభినందనలు.
కైక పతిన్, రఘూత్తముని గానల కంపకు మంచు వేడెగా
రిప్లయితొలగించండికైకను కోసలేశుడును గార్చుచు కన్నుల నీరు నార్తితో
''నాకిక నేమి చెప్పకుము నా యభిలాషను దీర్చివెంటనే
నా కిడి నట్టి మాట నరనాధుడ!'' తప్పకు మంచు కోరె నా
ఆకఠినాత్మురాలి మది యాశలు సాగగనీకు దైవమా
రిప్లయితొలగించండిమాకను చూపు వీడు మరి మమ్ములవీడిన సైపలేమయా
శ్రీకర యంచయోధ్యపురి చిన్నలు పెద్దలు బాధతోడ లో
కైక పతిన్ రఘూత్తమునిఁ గానల కంపకు మంచు వేడెఁగా.
గండూరి లక్ష్మినారాయణ గారూ,
రిప్లయితొలగించండిపద్యం వరకైతే చాలా బాగుంది. అభినందనలు.
కాని సమస్య పరిష్కరింపబడినట్లు తోచడం లేదు. కొద్దిగా వివరిస్తే బాగుంటుందేమో?
*
గోలి హనుమచ్ఛాస్త్రి గారూ,
వాహ్.. ఏమి విరుపు! లోకైకపతితో మీరు చెప్పిన పూరణ చాలా బాగుంది. అభినందనలు.
ఈ కమలాయతాక్షిని, మహీజను గూర్చి కఠోరనిందలన్
రిప్లయితొలగించండిలోకులు వేయ వింటి, పురిలోనిక నుంచగరాదు లక్ష్మణా!
వేకువనే వనమ్మునకు వేగమె జేర్చు మనన్ జలించి లో
కైక పతిన్ రఘూత్తముని గానల కంపకు మంచు వేడెగా
పండిత నేమాని వారూ,
రిప్లయితొలగించండిచాలా బాగున్నది మీ పూరణ. అభినందనలు.
చీకటి మబ్బినట్లు పురసీమ మునింగెను దుఃఖవార్ధిలో
రిప్లయితొలగించండికైకకు శాపమిచ్చినటు గార్హపతాగ్నుల నార్పెబాష్పముల్
వ్యాకులచిత్తులై సకల పౌరజనుల్ మొరబెట్టి రాజునా
కైకపతిన్, రఘూత్తమునిఁ గానల కంపకు మంచు వేడెఁగా.
చీకటి మబ్బినట్లు - అసాధువేమో. చీకటిగ్రమ్మినట్లు అని చదవ ప్రార్థన.
రిప్లయితొలగించండిపూజ్యులు గురుదేవులు
రిప్లయితొలగించండిశంకరయ్య గారికి వందనములు
పైకొన దుర్నయమ్ము తన స్వంత కుమారుడురాజ్య మేలగా
రాకొమరుండు రాముని కరణ్యనివాసమటంచు గోరగా
కైకపతిన్, రఘూత్తముని కానలకంపకు మంచు వేడె గా
వ్యాకుల మందుచున్ పురనివాసులు మంత్రులు దండనాయకుల్
పూజ్యులు గురుదేవులు
రిప్లయితొలగించండిశంకరయ్య గారికి వందనములు
మల్లెలవారి పూరణ:కైకయు తాను మంధరయెగట్టిగ జెప్ప వరాలు గోరె గా
పోకనురాము వన్యముల పొల్పుగ రాజు ,కుమారు జేయగా
కైకపతిన్, రఘూత్తముని కానలకంపకు మంచు వేడె గా
శోకము తో నతండతుల సోలుచు నామెను కోసలేశుడే
శ్రీ కంది శంకరయ్య గురువరులకు నమస్కారములు
రిప్లయితొలగించండినాల్గవ పాదములోని '' తప్పకు మంచు కోరె నా ' అను వాక్యము మెదటి పాదములోని '' కైక పతిన్'' అను వాక్యమునకు అన్వయము చేశాను '' తప్పకుమంచు కోరె నా కైక పతిన్''
నా అన్వయము సరిగానే ఉన్నదనుకొంటున్నాను
ధన్యవాదములు
యం. ఆర్. చంద్రమౌళి గారూ,
రిప్లయితొలగించండిమీ పూరణ బాగున్నది. అభినందనలు.
*
కెంబాయి తిమ్మాజీ రావు గారూ,
మీ పూరణ బాగున్నది. అభినందనలు.
‘స్వంతకుమారుడు’ ప్రయోగం ఆలోచించదగింది. సంస్కృతంలో స్వంతము లేదు. తెలుగులో సొంతమునకు పర్యాయపదంగా వాడుతున్నారు. దానితో సమాసం చేయడం కుదరదేమో?
*
మల్లెల సోమనాథ శాస్త్రి గారూ,
మీ పూరణ బాగున్నది. అభినందనలు.
*
గండూరి లక్ష్మినారాయణ గారూ,
మీ వివరణతో నా సందేహం తీరిపోయింది. బాగున్నది మీ పూరణ. అభినందనలు.
నూకలు తిన్న మందర వినూత్నగతిన్ పురి కొల్పు చుండగా
రిప్లయితొలగించండిచేకొని రామచందురుని శీఘ్రమె కానలకంప వేడె నా
కైక పతిన్; రఘూత్తమునిఁ గానల కంపకు మంచు వేడెఁగా.
నేకబిగిన్ సుమంతుడును! యెల్ల ప్రజల్ విడలేక నేడ్వగన్!
భాగవతుల కృష్ణారావు గారూ,
రిప్లయితొలగించండిమీ పూరణ బాగున్నది. అభినందనలు.
‘విడలేక యేడ్వగన్’ అనండి.
పూజ్యులు గురుదేవులు
రిప్లయితొలగించండిశంకరయ్య గారికి వందనములు
పట్టి నయోధ్యకు రాజు సేయగా నంటేసరి పోతుందను కుంటాను
తిమ్మాజీ రావు గారూ,
రిప్లయితొలగించండినేను కూడా ‘పట్టి’ శబ్దంతో మొదలుపెట్టి సవరణ సూచించాలనుకున్నాను. ఇప్పుడు బాగుంది. సంతోషం!
గోలి హనుమచ్ఛాస్త్రి గారూ మీ పూరణ చాలా బాగుంది.
రిప్లయితొలగించండిలోకములెల్ల సాక్షి- మదిలోపల సత్యము నమ్మియున్నచో
రిప్లయితొలగించండిసాకులఁ బల్కకుండ నిక జాగునుఁ జేయక యంపు; యట్లుకా
కే కతమున్ నిజాత్మజుని యింటనె నిల్పగ నెంచియున్నచో
కైక పతిన్ రఘూత్తమునిఁ గానల కంపకు మంచు వేడెఁగా
అన్వయలోపం సరిదిద్దుతూ...
రిప్లయితొలగించండిలోకములెల్ల సాక్షి- మదిలోపల సత్యము నమ్మియున్నచో
సాకులఁ బల్కకుండ నిక జాగునుఁ జేయక యంప మంచు;కా
కే కతమున్ నిజాత్మజుని యింటనె నిల్పగ నెంచియున్నచో
కైక పతిన్ రఘూత్తమునిఁ గానల కంపకు మంచు వేడెఁగా
అన్నపరెడ్డి సత్యనారాయణ రెడ్డి గారి పూరణ (గరికిపాటి వారి పూరణకు అనుకృతి...)
రిప్లయితొలగించండికాకమనస్కురాల! సుతుఁ గానల కంపుచు నుంటి వయ్యయో
చీకటి వేళలో మనసు చిందర వందర చేసినావుగా!
శోకములో మునింగి పతి సుందరపుత్రుని నాదు ప్రాణలో
కైకపతిన్ రఘూత్తముని కానల కంపకు మంచు వేడెగా.
లక్ష్మీదేవి గారూ,
రిప్లయితొలగించండిబాగున్నది మీ పూరణ. అభినందనలు.
*
అన్నపరెడ్డి సత్యనారాయణ రెడ్డి గారూ,
మీ పూరణ బాగున్నది. అభినందనలు.
"శ్రీ కరుడంత లక్ష్మణుని, సీతను జేగొని సాగె నమ్రుడై
రిప్లయితొలగించండికైక పతిన్ రఘూద్వహుని కానల కంప వరమ్ము వేడ" వా-
ల్మీకులు జెప్ప నివ్విధిని మీ కెవరయ్య వచించి రాడగా
'కైక పతిన్ రఘూత్తమునిఁ గానల కంపకు మంచు వేడెఁగా'!
మిస్సన్న గారూ,
రిప్లయితొలగించండిమీ పూరణ బాగున్నది. అభినందనలు.
ప్రాకట మైనభక్తి పరిపాలన జేయగ శక్తియుక్తు డౌ
రిప్లయితొలగించండిలోకులు మెచ్చగా నితడు లోకహి తమ్మును గోరువాడన
న్నాకము నుండి ధాత్రి దిగెమాధవు డంచు తలంచి నంత నే
కైక పతిన్ రఘోత్తముని గానల కంపకు మంచు వేడె గా
మాస్టరుగారూ ! , మిస్సన్న గారూ ధన్యవాదములు.
రిప్లయితొలగించండిఅక్కయ్యా,
రిప్లయితొలగించండిమీ పూరణ బాగున్నది. అభినందనలు.
పెరియార్ రామసామి కీమాయణం:
రిప్లయితొలగించండిదూకుచు శయ్యనుండి పడ ద్రోయుచు గూనిది మంథరమ్మనున్
కేకలు వేయుచున్ విరివి కెంపును వోలెడి ముక్కుచీదుచున్
వాకిలి కడ్డుగా నిలిచి బావురు మంచును కళ్ళనీళ్ళతో
కైక పతిన్ రఘూత్తమునిఁ గానల కంపకు మంచు వేడెఁగా