చంద్రమౌళి సూర్యనారాయణ గారూ, పదిజిల్లాల తెలంగాణను చిన్న పద్యంలో దర్శింపజేశారు. బాగుంది. అభినందనలు. ‘కరీమునగరు’ అన్నప్పుడు యతిదోషం... కరీంనగర్‍ను కరినగరం అనికూడా పేర్కొంటారు (ముఖ్యంగా గ్రామీణులు, ఆరెస్సెస్, బీజెపి వాళ్ళు) కనుక ఆ పాదాన్ని ఇలా మారుద్ధాం...“ఖమ్మమును నిజామాబాదు కరినగరము” * గోలి హనుమచ్ఛాస్త్రి గారూ, మీ పద్యం చాలా బాగుంది. అభినందనలు.
సుబ్బారావు గారూ, మీ పద్యం బాగుంది. అభినందనలు. * సహదేవుడు గారూ, మీ పద్యం బాగుంది. అభినందనలు. ‘దశమ’అంటే పదవ అని అర్థం వస్తుంది. ‘దశకమయిన జిల్లా లేలు దశరథుండు’ అనండి.
‘అరువది తొమ్మిది’న్ మరియు నా పయి రేగిన ఉద్యమాలలో ఒరిగిన కంఠ మాలల మహోన్నత త్యాగ ఫలంబునౌచు, నే డరుగుచు నుండె గాదె ’తెలగాణము’ పూర్ణ స్వతంత్ర మొందుచున్! అరువది యేండ్ల స్వప్న మిది, ఆకృతి దాలిచి ముందు నిల్చెడిన్!!
కోటికి మించు నాశలను గుండెను దాచుక నుద్యమించ మా పాటికి మాకు రాష్ట్ర మిడి పంపిన మేలని వత్సరాలుగా ధాటిగ, పండె మీకలలు తమ్ములు నన్నలు నమ్మ లయ్యలూ నేటికి, శాంతి ధామముగ నీనుత మీ తెలగాణ వన్నెలన్.
మిస్సన్న గారూ, “శాంతి ధామముగ నీనుత మీ తెలగాణ వన్నెలన్” అని ఆకాంక్షిస్తూ మీరు చెప్పిన పద్యాలు చాలా బాగున్నవి. అభినందనలు. ‘నందో రాజా భవిష్యతి!’ చూద్దాం... భవిష్యత్తు ఎలా ఉంటుందో?
ధన్యవాదాలు మాష్టారు ... మీ సూచనల మేరకు పద్యమును సవరించితిని ఆదిలాబాదు, హైదరాబాదు, ఓరు గల్లు, మెహబూబ్ నగర్, మెదక్, నల్లగొండ, ఖమ్మమును నిజామాబాదు కరినగరము, రంగరెడ్డి తెలంగాణ రాష్ట్ర మయ్యె
Pandita Nemani గారూ మీ పద్యం చాలా బాగుంది. మీ అస్వస్థతల నుండి త్వరలో కోలుకోవాలని ప్రార్ధిస్తున్నాను. ----------------------------- కలకాలమ్ము సమస్త సంపదల కాగారమ్ము కేదారమై యలరుం గాక! వినూత్న రాష్ట్రము తెలంగాణా మహాదర్శ కాం
ఆదిలాబాదు, హైదరాబాదు, ఓరు
రిప్లయితొలగించండిగల్లు, మెహబూబ్ నగర్, మెదక్, నల్లగొండ,
ఖమ్మము, నిజామబాదు, కరీమునగరు,
రంగరెడ్డి తెలంగాణ రాష్ట్ర మయ్యె
కోటి రతనాల వీణలే కోరి మ్రోగ
రిప్లయితొలగించండిబ్రతుకు దిద్దంగ బతుకమ్మ పట్టు జాణ
జానపదులెల్ల కీర్తించు గాన మలర
ఓతెలంగాణ ! సాగుమా ఉజ్వలముగ .
చంద్రమౌళి సూర్యనారాయణ గారూ,
రిప్లయితొలగించండిపదిజిల్లాల తెలంగాణను చిన్న పద్యంలో దర్శింపజేశారు. బాగుంది. అభినందనలు.
‘కరీమునగరు’ అన్నప్పుడు యతిదోషం... కరీంనగర్‍ను కరినగరం అనికూడా పేర్కొంటారు (ముఖ్యంగా గ్రామీణులు, ఆరెస్సెస్, బీజెపి వాళ్ళు) కనుక ఆ పాదాన్ని ఇలా మారుద్ధాం...“ఖమ్మమును నిజామాబాదు కరినగరము”
*
గోలి హనుమచ్ఛాస్త్రి గారూ,
మీ పద్యం చాలా బాగుంది. అభినందనలు.
నూతన రాష్ట్రము నిచ్చెను
రిప్లయితొలగించండిమాతయ మన సోనియమ్మ మనకు న్నిపుడున్
జేతోమోదము తోడన
నేతలు మరి యెన్నుకొనిరి నేతగ జంద్రున్
అరువదేళ్లుగ నిండిన యార్తి తీర
రిప్లయితొలగించండినవ తెలంగాణ పాలనమవతరించె
దశమ జిల్లాల నేలెడు దశరథుండు
రామ రాజ్యము గూర్చునో ప్రాణులలర?
సుబ్బారావు గారూ,
రిప్లయితొలగించండిమీ పద్యం బాగుంది. అభినందనలు.
*
సహదేవుడు గారూ,
మీ పద్యం బాగుంది. అభినందనలు.
‘దశమ’అంటే పదవ అని అర్థం వస్తుంది. ‘దశకమయిన జిల్లా లేలు దశరథుండు’ అనండి.
‘అరువది తొమ్మిది’న్ మరియు నా పయి రేగిన ఉద్యమాలలో
రిప్లయితొలగించండిఒరిగిన కంఠ మాలల మహోన్నత త్యాగ ఫలంబునౌచు, నే
డరుగుచు నుండె గాదె ’తెలగాణము’ పూర్ణ స్వతంత్ర మొందుచున్!
అరువది యేండ్ల స్వప్న మిది, ఆకృతి దాలిచి ముందు నిల్చెడిన్!!
ఈ కామెంట్‌ను రచయిత తీసివేశారు.
రిప్లయితొలగించండికోటి గొంతుక లేకమై కూడబలికి
రిప్లయితొలగించండిమేటి గానము జేయుచు మూటిగాను
పోరు జేసి తెలంగాణ కోరుకొనుచు
క్రొత్త రాష్ట్రమ్ము సాధించుకొనిరి నిజము!
కాకతీయుల శౌర్యము కలుపుకొనుచు
నుద్యమములోన ప్రాణములొడ్డిపోరి
తల్లి దండ్రుల బాసిన తనయులార
అందుకొనుడు తెలంగాణ వదనములు!
నల్ల బంగారు గనులతో వెల్లి విరిసి
కృష్ణ, గోదారి జలముతో తృష్ణదీర్చి
పాడి పంటల నందించి బడుగు ప్రజల
కష్టములదీర్చు మా తెలంగాణతల్లి!
డా. ఆచార్య ఫణీంద్ర గారూ,
రిప్లయితొలగించండిఅద్భుతమైన పద్యాన్ని అందించారు. అభినందనలు, ధన్యవాదాలు.
*
బొడ్డు శంకరయ్య గారూ,
చక్కని ఖండికను వ్రాాశారు. అభినందనలు.
కలసి యుండ మాకు కాదిక న్యాయము
రిప్లయితొలగించండివేరు పడిన సుఖము వేగ కలుగు
నంచు నుద్యమించి రా పది జిల్లాల
ప్రజలు స్వంత రాష్ట్ర ప్రభల కొరకు.
విరిగిన మనసుల కాపుర
మరయగ సాధ్యమ్ము గాని దది యెట్లన్నన్
సరిగమ లెట్లిక మ్రోగును
వరవీణా తంత్రు లూడ వైణిక మణికిన్?
కోటికి మించు నాశలను గుండెను దాచుక నుద్యమించ మా
పాటికి మాకు రాష్ట్ర మిడి పంపిన మేలని వత్సరాలుగా
ధాటిగ, పండె మీకలలు తమ్ములు నన్నలు నమ్మ లయ్యలూ
నేటికి, శాంతి ధామముగ నీనుత మీ తెలగాణ వన్నెలన్.
కాకతీయుల శౌర్యము, కలిపి యుంచు
రిప్లయితొలగించండిభారతీయత, జతగూడి పరమతంపు
సహనమును చాటు రీతిగా చక్కనైన
తేజమును చాటు తెలగాణ రాజముద్ర.
మిస్సన్న గారూ,
రిప్లయితొలగించండి“శాంతి ధామముగ నీనుత మీ తెలగాణ వన్నెలన్” అని ఆకాంక్షిస్తూ మీరు చెప్పిన పద్యాలు చాలా బాగున్నవి. అభినందనలు. ‘నందో రాజా భవిష్యతి!’ చూద్దాం... భవిష్యత్తు ఎలా ఉంటుందో?
చిన్న రాష్ట్రము కనుపించె చెన్ను గాను
రిప్లయితొలగించండిరైతు రాజులు రాష్ట్రాన్ని రయము గాను
ప్రగతి పథమున నడి పింత్రు ప్రతిభ తోడ
భరత దేశపు మకుటమౌ భవిత లోన
అన్నపరెడ్డి సత్యనారాయణ గారూ,
రిప్లయితొలగించండిమీ పద్యం బాగుంది. అభినందనలు.
మిత్రులకు శుభాశీస్సులు.
రిప్లయితొలగించండిఅస్వస్థతతో నేను పూర్వమువలె పాల్గొన లేకున్నాను.
కలకాలమ్ము సమస్త సంపదల కాగారమ్ము కేదారమై
యలరుం గాక! వినూత్న రాష్ట్రము తెలంగాణా మహాదర్శ కాం
తులు దిగ్వీధులలో ప్రశంసితములై ద్యోతింప రమ్యమ్ములై
యిలకున్ భూషణమై సుధీనిలయమై హృద్యప్రదీపంబునై
మాస్టరుగారూ ! ధన్యవాదములు.
రిప్లయితొలగించండిధన్యవాదాలు మాష్టారు ... మీ సూచనల మేరకు పద్యమును సవరించితిని
రిప్లయితొలగించండిఆదిలాబాదు, హైదరాబాదు, ఓరు
గల్లు, మెహబూబ్ నగర్, మెదక్, నల్లగొండ,
ఖమ్మమును నిజామాబాదు కరినగరము,
రంగరెడ్డి తెలంగాణ రాష్ట్ర మయ్యె
Pandita Nemani గారూ మీ పద్యం చాలా బాగుంది. మీ అస్వస్థతల నుండి త్వరలో కోలుకోవాలని ప్రార్ధిస్తున్నాను.
రిప్లయితొలగించండి-----------------------------
కలకాలమ్ము సమస్త సంపదల కాగారమ్ము కేదారమై
యలరుం గాక! వినూత్న రాష్ట్రము తెలంగాణా మహాదర్శ కాం
శ్రీ లక్కరాజు వారు! శుభాశీస్సులు.
రిప్లయితొలగించండిమీ ప్రశంసలకు మా సంతోషము. అభినందనలు.
స్వస్తి.
రిప్లయితొలగించండికోటి గొంతుక లేకమై కూడబలికి
మేటి గానము జేయుచు మూటిగాను
పోరు జేసి తెలంగాణ కోరుకొనుచు
క్రొత్త రాష్ట్రమ్ము సాధించుకొనిరి నిజము
కాకతీయుల శౌర్యము కలుపుకొనుచు
నుద్యమములోన ప్రాణములొడ్డిపోరి
తల్లి దండ్రుల బాసిన తనయులార
అందుకొనుడు తెలంగాణ వందనములు
నల్ల బంగారు గనులతో వెల్లి విరిసి
కృష్ణ, గోదారి జలముతో తృష్ణదీర్చి
పాడి పంటల నందించి బడుగు ప్రజల
కష్టములదీర్చు మా తెలంగాణతల్లి
పండిత నేమాని వారూ,
రిప్లయితొలగించండిమీ పద్యం ప్రశస్తంగా ఉంది. అభినందనలు.
*
లక్కరాజు వారూ,
ధన్యవాదాలు.
*
బొడ్డు శంకరయ్య గారూ,
మీ పద్యాలు చాలా బాగున్నవి. అభినందనలు.
జయ తెలంగాణ!
రిప్లయితొలగించండిఆనంద హేలయై యావిర్భవించిన
....జయ తెలంగాణ రాష్ట్రమ! జయమ్ము!
జనగణాకాంక్షల సాకార రూపమౌ
....జయ తెలంగాణ రాష్ట్రమ! జయమ్ము!
చెన్నొదవెడు పది జిల్లాల భాగ్యమౌ
....జయ తెలంగాణ రాష్ట్రమ! జయమ్ము!
ప్రగతి పథమ్ములో పరవళ్ళు త్రొక్కెడు
....జయ తెలంగాణ రాష్ట్రమ! జయమ్ము!
జయము భూదేవి రత్న భూషణ వరమ్మ!
జయము సంక్షేమ పర్వమా! జయము జయము
జయము సౌజన్య నిలయమా! జయము జయము
జయ తెలంగాణ రాష్ట్రమ! జయము జయము
నేమాని పండితార్యా! మీ పద్యములు హృద్యముగా నున్నవి.
రిప్లయితొలగించండిశ్రీ మిస్సన్న గారు: శుభాశీస్సులు.
రిప్లయితొలగించండిమీ ప్రశంసకు మా సంతోషము. మీ పద్యములును
కడుంగడు రమ్యముగా నున్నవి. స్వస్తి.
పండిత నేమాని వారూ,
రిప్లయితొలగించండితెలంగాణ ప్రజలంతా నిత్యపారాయణం చేసికొనతగిన హృద్యమైన పద్యాన్ని అందించారు. ధన్యవాదాలు.
పల్లెలు పట్నాలు ప్రగతి పథముపైన
రిప్లయితొలగించండిపరుగెత్తిఫలముల బంచు నాడు
బీడు వారిన నేల మోడువారిన చేలు
పులకించి చిగురించి పొంగు వేళ
పొట్ట పోసుకొనంగ పొరుగు దేశముకేగు
బిడ్డల వలసలు బెరగ నపుడు
నిలువెత్తు కొడుకులు విలువైన కొలువులో
చెలరేగి నభివృద్ధి చేయు నపుడు
గడప గడపన గంగమ్మ కాలు మోప
కొమ్మ కొమ్మన కోయిలల్ కూయు చుండ
కోటి తంత్రుల వీణలు మీటు చుండ
గంతు లేయును మా తెలంగాణ సీమ !!!