25, ఏప్రిల్ 2016, సోమవారం

సమస్య - 2014 (యముఁ గని జనులెల్ల...)

కవిమిత్రులారా, 
ఈరోజు పూరించవలసిన సమస్య ఇది.. 
యముఁ గని జనులెల్ల మోద మందెదరు భువిన్.

85 కామెంట్‌లు:

  1. విమలము ధ్యేయము, భయము క్ష
    యమగును రయమున జయ విజయ చయంబులు సా
    యము వచ్చుట ఖాయమిక ప్రి
    యముఁ గని జనులెల్ల మోద మందెదరు భువిన్!!

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      ‘ఖాయము’ అని అన్యదేశ్యాన్ని ప్రయోగించారు.

      తొలగించండి
  2. కమలాసముల్ ముసురుచు
    తిమిరము వ్యాపించినపుడు దినమే రేయై
    న మరుదినము సాకిరి చా
    యముఁ గని జనులెల్ల మోదమొందెదరు భువిన్

    కమలాసనములు = మేఘములు
    సాకిరి చాయముడు = సూర్యుడు

    2.
    శ్రమయనక కేంద్ర సర్కా
    రమాత్యులన్ బం పుచు పలు రాష్ట్ర జనుల క్షే
    మము కొరకై చేయుసహా
    యముఁ గని జనులెల్ల మోదమొందెదరు భువిన్

    రిప్లయితొలగించండి
    రిప్లయిలు
    1. మీ రెండు పూరణలు బాగున్నవి. అభినందనలు.
      ‘రేయి+ఐ’ అన్నపుడు యడాగమం వస్తుంది. అక్కడ ‘నిశియై’ అనండి.

      తొలగించండి
    2. విరించి గారు "కమలాసముల్" లో "న" పోయింది చూడండి.

      తొలగించండి
    3. గురువు గారికి పోచిరాజు కామేశ్వర రావు గారికీ ధన్యవాదములు ఔనండి తొందరపాటు ఫలితం అనుకుంటాను

      తొలగించండి
  3. NVN చారి గారి పూరణ...

    భ్రమయే భౌతిక మంతయు
    క్రమమున నశియించుచుండు కాలక్రమమున్
    గమనించి దైవకృప నభ
    యముఁ గని జనులెల్ల మోద మందెదరు భువిన్.

    రిప్లయితొలగించండి
    రిప్లయిలు
    1. నల్లాన్ చక్రవర్తుల వేంకట నారాయణాచార్యులు గారూ,
      శంకరాభరణం బ్లాగు మీకు స్వాగతం పలుకుతున్నది.
      మీ పూరణ బాగున్నది. అభినందనలు.

      తొలగించండి

  4. నిమిషమువమ్మునుజేయక నమశ్శివాయనమయనుచునతులనునీయ న్జముడేగనిపించగనట యముగనిజనులెల్లమోదమందెదరుభువిన్

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      ‘నిమిషమును వమ్ము జేయక’ అంటే పద్యం నడక సాఫీగా ఉంటుంది కదా!

      తొలగించండి
  5. సమయమిది యాదుకొనవలె
    సమయించుచునుండ్రి జనులు సలిలము లేకన్
    సమర స్థితి జేయు సహా
    యముఁ గని జనులెల్ల మోద మందెదరు భువిన్.

    రిప్లయితొలగించండి
    రిప్లయిలు
    1. ప్రస్తుత పరిస్థితులకు దర్పణంగా మీ పూరణ బాగున్నది. అభినందనలు.

      తొలగించండి
  6. కమలాప్త కరోష్ణ తపన
    సమధిక తప్తాతి ఘోర సమయము లందున్
    విమలము మేఘచ్యుత తో
    యముఁ గని జనులెల్ల మోద మందెదరు భువిన్.

    రిప్లయితొలగించండి
    రిప్లయిలు
    1. మేఘచ్యుత తోయముతో మీ పూరణ మనోహరంగా ఉంది. అభినందనలు.

      తొలగించండి
    2. సుకవులు కామేశ్వర రావు గారూ... నిదాఘమున శీతల జల స్పర్శ వలె మనస్సు నాహ్లాద పరిచెడు పూరణ మందించినారు! శుభాభినందనలు!

      తొలగించండి
    3. మధుసూదన్ గారు ధన్యవాదములు. పండితజనానందకరమైనపుడే కవనానికి సార్థకత. ధన్యోస్మి.

      తొలగించండి
  7. కమనుడు రావణు నన్యా
    యముపై ధర్మమ్మొనర్చు నాభీలపు టా
    లములో శ్రీరాముని విజ
    యముఁ గని జనులెల్ల మోద మందెదరు భువిన్.

    రిప్లయితొలగించండి
  8. కం**
    సమయము నెంచక పనులను,
    విమలమ నస్కుడ యిజేయు విడపరి గానే!
    గమనము దెలిసిన యతని ప్రి
    "యముఁ గని జనులెల్ల మోద మందెదరు భువిన్"

    విడపరి=త్యాగశీలుడు,

    రిప్లయితొలగించండి
  9. రాముని నామముఁ దలచుచు
    భూమిజకై వెదుకఁ జూచు పూనిక తోడన్
    ధీమాంచిత హనుమత్కా
    యముఁ గని జనులెల్ల మోద మందెదరు భువిన్!

    రిప్లయితొలగించండి
    రిప్లయిలు
    1. ప్రాస దోషాన్ని సవరించిన పద్యం:
      రమణీయ నాముఁ దలచుచు
      శ్రమయెరుఁగక వెదుక జూడ సాధ్వీ సీతన్
      సమయోచిత హనుమత్కా
      యముఁ గని జనులెల్ల మోద మందెదరు భువిన్!

      తొలగించండి
    2. ఏమిటో... పెద్దవాణ్ణి అయిపోతున్నాను. మీ పద్యంలోని ప్రాసదోషాన్ని గమనించలేదు (నేనూ ప్రాసదోషంతో పద్యం వ్రాశాను). సవరించిన పూరణ బాగున్నది. అభినందనలు.

      తొలగించండి
  10. క్షేమంకరు లొనరించెడు
    సమాజ హితమూల కార్య సాఫల్య రతి
    స్థేమజ సత్కార్య నికా
    యముఁ గని జను లెల్ల మోద మందెదరు భువిన్.

    (పోచిరాజు కామేశ్వరరావు గారి ఆమోదం పొందితే ధనుణ్ణి!)

    రిప్లయితొలగించండి
    రిప్లయిలు
    1. అద్భుతమైన పూరణం. చాలా బాగున్నది. శుభాభినందనలు!

      తొలగించండి
    2. ధన్యవాదాలు. స్నేహాతిశయం వల్ల దోషాలనూ గుణాలుగా భావించి ఉపేక్షిస్తారన్న శంకతో మీ ఆమోదం అడగలేదు. అదీ సంగతి!

      తొలగించండి
    3. పూజ్యులు శంకరయ్య గారికి వందనములు. మీ పూరణ నాలస్యంగా గమనించినందులకు క్షంతవ్యున్ని. ఆమోదించ గల్గినంతటి వాన్ని కాదు నేను. శరీరబలము కార్యసాధనోత్సాహములతో చేయు సత్కార్యసమూహములు ప్రస్తావించిన మీ పూరణ నిజముగ నాణిముత్యమే.

      తొలగించండి
    4. పూజ్యులు శంకరయ్య గారికి వందనములు. చిన్న సందేహము న్నది మీ పూరణలో. దత్తపాదారంభము లఘువు. కానీ మీ మొదటి , మూడవ పాదాలు గురువుతో ప్రారంభమైనవి.

      తొలగించండి
    5. ‘అందరికీ శకునాలు చెప్పే బల్లి కుడితిలో పడిందట!’ అలా అయింది నా పరిస్థితి... మీ వ్యాఖ్య చూశాక విపరీతంగా నవ్వుతుంటే మా ఆవిడ కంగారు పడింది. సవరించే ప్రయత్నం చేస్తాను. ధన్యవాదాలు...

      తొలగించండి
    6. ఈ సవరించిన పూరణ ఎలా ఉందో కామేశ్వర రావు గారు కానీ, గుండు మధుసూదన్ గారు కాని చెప్పేదాక నాకు నిద్ర పట్టదు....

      సమధిక లోకహితైశులు
      సమాజ హితమూల కార్య సాఫల్య రతి
      స్థిమిత లసత్కార్య నికా
      యముఁ గని జను లెల్ల మోద మందెదరు భువిన్.

      తొలగించండి
    7. పూజ్యులు శంకరయ్య గారికి వందనములు. మీ సవరణ చాలా బాగుంది. “స్తిమిత” అని మీ యభిప్రాయమనుకుంటాను. పొరపాట్లు మానవ సహజమే. ఎవరి పొరపాటు వారికి తెలియదెన్ని సార్లు చూసిన.

      తొలగించండి
    8. కామేశ్వర రావు గారూ,
      ధన్యవాదాలు. నేను ‘స్థిమిత’ శబ్దమే శుద్ధమన్న భ్రమలో ఉన్నాను. మీ సూచనతో నిఘంటువులను పరిశీలిస్తే సాధువేదో తెలిసింది.
      అల్పజ్ఞుడ నే నెవ్వరుఁ
      దెల్పిన మద్దోషములను దిద్దుకొనెడి సం
      కల్పము గలవాఁడ ననుచు
      దెల్పితి మన్నింపవలెను ధీవరు లెల్లన్.

      తొలగించండి
    9. పూజ్యులు శంకరయ్య గారికి వందనములు. ధన్యవాదములు.

      తొలగించండి
    10. మిత్రులు శంకరయ్య గారూ...కామేశ్వర రావు గారూ...నమస్సులు!

      శంకరయ్యగారూ...మీరు సవరించిన ప్రథమ, తృతీయ పాదములు మనోహరముగా ఉన్నాయి. స్తిమిత పద విషయమున మీరు స్తిమితపడినందులకు ఆనందముగనున్నది. "ప్రమాదో ధీమతా మపి" :-)

      తొలగించండి
  11. మిత్రులందఱకు నమస్సులు!

    చెమటలు గ్రక్కుచు వేఁడిమి
    నమితముగా నుక్కపోయ ♦ నడలి జలము కో
    సము గగనమున జలద నిచ

    యముఁ గని జనులెల్ల మోద ♦ మందెదరు భువిన్!

    రిప్లయితొలగించండి
  12. నా రెండవ పూరణము:

    సముచిత పాత్రా సుపరిచ
    యము సేయఁగఁ దొడఁగినట్టి♦దౌ నటి వేదిన్
    బ్రముదిత యయి యిడు నంకా
    స్యముఁ గని జనులెల్ల మోద ♦ మందెదరు భువిన్!

    రిప్లయితొలగించండి
  13. నా మూఁడవ పూరణము:

    రమణీయ దృశ్య వర్ణిత
    సముచిత పాత్రానుగుణ్య ♦ సత్కథను ప్రకా
    శమిడు సుగుణైక యుత కా
    వ్యముఁ గని జనులెల్ల మోద ♦ మందెదరు భువిన్!

    రిప్లయితొలగించండి
  14. నా నాలుఁగవ పూరణము:

    అమృతమును జిందు భావన
    మమృతాక్షర మౌక్తిక నిభ♦మౌ పదయుతమై
    సుమశోభిత దీపిత ప
    ద్యముఁ గని జనులెల్ల మోద ♦ మందెదరు భువిన్!

    రిప్లయితొలగించండి
  15. నా యైదవ పూరణము:

    భ్రమలఁ గలిగించు సంసా
    ర మను భుజగ దంష్ట్రులకును ♦ భ్రమ డుల్పను శ
    క్యమగు తిరుమలేశుని గ
    ద్యముఁ గని జనులెల్ల మోద ♦ మందెదరు భువిన్!

    రిప్లయితొలగించండి
  16. నా యాఱవ పూరణము:

    గమకిత మనోజ్ఞ సంగీ
    తముచే నలరారఁ జేయు ♦ తత్రత్యుల వే
    దము గోపాలుని దౌ గే
    యముఁ గని జనులెల్ల మోద ♦ మందెదరు భువిన్!

    రిప్లయితొలగించండి
    రిప్లయిలు
    1. గుండు మధుసూదన్ గారూ,
      మీ ఆరు పూరణలు దేనికదే ప్రత్యేకతను సంతరించుకుంటూ వైవిధ్యాన్ని చాటుతూ మీ కవితాపాండితికి దర్పణాలై శోభిస్తున్నాయి. అభినందనలు.
      అమృతమును జిందు భావన
      లమృతాక్షర మౌక్తిక నిభ♦మౌ పదయుతమై
      సుమశోభిత దీపిత ప
      ద్యములన్ రచియించు ఘనుఁడ వని నుతియింతున్.
      ఒక్క సందేహం... సమస్య ‘యముఁ గని’ కదా! కాయము, గేయము, న్యాయము, తోయము వంటి పదాలనే కాకుండా సంధిగత సంయుక్తాక్షరంతో (ఉద్యద్యముఁ గని) వ్రాయవచ్చు. కాని సహజ సంయుక్తాక్షరాలైన గద్యము పద్యము, కావ్యము, అంకాస్యము తదితర పదాలను పూరణలకు వినియోగించవచ్చునా? నియమభంగం కాదు కదా! రెండు వేలకు పైగ సమస్యలకు పూరణలను సమీక్షించిన తర్వాత ఇప్పుడీ సందేహం కలిగింది. నాకు అందుబాటులో ఉన్న పుస్తకాల ద్వారా సందేహ నివృత్తికి ప్రయత్నిస్తాను. ఈలోగా మీరు కూడా వివరణ ఇస్తే బాగుంటుంది. గతంలో జరిగిన ప్రసిద్ధ అవధానాలలో పూరణలను పరిశీలించి ఏవైనా అటువంటి ఉదాహరణలు లభిస్తే ఇస్తాను.

      తొలగించండి
    2. మధుసూదన్ గారు మీపూరణా సముచ్చయమత్యంత ప్రశంసనీయముగా యున్నది.

      ఆస్యము, కావ్యము మున్నగు వాటి విషయములో నాకును సందేహము వచ్చినది. ఇచ్చిన పదము “య” కద దాని బదులు స్య , వ్య, లు మొదలగునవి య కి యన్యములైనవి వాడవచ్చునా యని. సంధి వలన వస్తే పరవా లేదు. సంధి విడదీసినపుడు “య” యథాతథము గా ఉంటుంది కదాయని.

      తొలగించండి
    3. సుకవి మిత్రులు శంకరయ్యగారూ...కామేశ్వర రావుగారూ...నమస్సులు!

      మీరు తెలిపిన తరువాత నాకును సందేహము కలుగుచున్నది. సంధివలన కాకుండా సహజ సంయుక్తంగా రాయవచ్చునా అని అనుమానము ఇప్పుడు కలుగుచున్నది.

      అవధానములలో ఇటువంటి ప్రయోగము లేవైన కలవో లేవో....తాము పరిశీలించి తెలిపినచో మరియొక సారి ఇటువంటివి జరుగకుండ జాగ్రత్తపడగలను. ధన్యవాదములతో...

      భవదీయుఁడు
      గుండు మధుసూదన్

      తొలగించండి
    4. మధుసూదన్ గారు మీ సహృదయతకు ధన్యవాదములు.

      తొలగించండి
    5. నా పూరణములలో స్వల్ప సవరణములు చేసితిని.

      సముచిత పాత్రాదుల నిల
      యము సేయఁగఁ దొడఁగినట్టి ♦ యా నటియు నటున్
      బ్రముఖాంకాస్యాఖ్య పరిచ
      యముఁ గని జనులెల్ల మోద ♦ మందెదరు భువిన్!

      రమణీయ దృశ్య వర్ణిత
      సముచిత పాత్రానుగుణ్య ♦ సత్కథను ప్రకా
      శమిడెడి సన్మధుర కవీ
      యముఁ గని జనులెల్ల మోద ♦ మందెదరు భువిన్!

      అమృతమును జిందు భావన
      మమృతాక్షర మౌక్తిక నిభ♦మౌ పదవాక్యో
      ద్యమ శోభిత కావ్య శ్రే
      యముఁ గని జనులెల్ల మోద ♦ మందెదరు భువిన్!

      భ్రమలఁ గలిగించు సంసా
      ర మను భుజగ దంష్ట్రులకును ♦ భ్రమ డుల్పను శ
      క్యము తిరుమల విభు పద తో
      యముఁ గని జనులెల్ల మోద ♦ మందెదరు భువిన్!

      తొలగించండి
    6. అయ్యా, మీరు సవ్యసాచి అని గతంలోనే చెప్పాను. చేతులెత్తి నమస్కరించడం తప్ప ఇంకేం చెప్పలేను. అభినందనలు

      తొలగించండి
    7. గుండు మధుసూదన్ గారు కళంక రహిత పరిపూర్ణ శుద్ధ సిద్ధికి మీ తపన ప్రశంస నీయము.

      తొలగించండి

  17. * గు రు మూ ర్తి ఆ చా రి *

    ,,,,,,,,,,,,,,,,,,,,,,,,,,,,,,,,,,,,,,,,

    { కృష్ణపరమాత్ముని పాద పద్మముల గడిగిన
    యమునా నదీ పవిత్ర జలమును గా౦చిన జనులు మోద మ౦దెదరు }
    …………………………………………………

    ప్రమదమ్మున. గోపీ గజ -

    గమనేష్టుని పద కమలయుగళి గడిగిన. యా

    యమునా నదీ విమల తో

    యము గని జను లెల్ల మోద మ౦దెదరు భువిన్


    { గజ గమన = స్త్రీ ;
    గోపీ గజ గమన + ఇష్టుని = గోపీ స్త్రీ
    ప్రియుడైన కృష్ణుని }

    రిప్లయితొలగించండి
  18. శ్రీరాం కవి గారి పూరణ....

    రమణి ధరణిజ నయనముల
    రమణుడు రాఘవుడు నిండె రాగముతోడన్
    మమత నిడు వీరల పరిణ
    యముఁ గని జనులెల్ల మోద మందెదరు భువిన్.

    రిప్లయితొలగించండి
  19. అమిత ధనాఢ్యుడె యైనను
    క్రమ శిక్షణ, ధర్మయుక్త కార్యోన్ముఖునిన్
    సమయ స్ఫూర్తియు తగు విన
    యముఁ గని జనులెల్ల మోద మందెదరు భువిన్.

    రిప్లయితొలగించండి
  20. .రాముడు లంకాదిపుడౌ
    కాముకునే సంహరించ కౌతుక మందున్
    ధీమా బెరుగ ప్రజకుసా
    యముగని జనులెల్ల మోద మందెదరు భువిన్.

    రిప్లయితొలగించండి
    రిప్లయిలు
    1. మీ పూరణ బాగున్నది.
      ‘ధీమా పెరుగ కపుల సా|యము గని...’ అంటే బాగుంటుందేమో?

      తొలగించండి
    2. మొదటి మూడు పాదాల్లో లఘువును మొదటి అక్షరంగా మరచారు.

      తొలగించండి
  21. క్షమ తాపమధికమయ్యెను
    సమయమ్మాసన్నమాయె స్వసువును కావన్
    సమయోచితంబులౌ కా
    ర్యముగని జనులెల్ల మోదమొందెదరు భువిన్
    స్వసువు, క్షమ: భూమి

    రిప్లయితొలగించండి
    రిప్లయిలు
    1. బాగుంది మీ పూరణ. కాని ‘కార్యము’లో ర్య సహజ సంయుక్తాక్షరము కదా! పైన గుండు వారి పూరణలపై చర్చ చూడండి.

      తొలగించండి
  22. విమలముగా నెలగొల్పెడు
    అమరావతి రాజధాని యద్భుత రీతి
    న్నమరుట గనుచున్ నా నిల
    యము గని జనులెల్ల మోదమందెదరు భువిన్!!!


    తమ మ్రొక్కులు దీర్చుటకై
    శ్రమనంతయు మరచి పోయి సప్తగిరులపై
    సమకొను శ్రీపతి సంస్త్యా
    యము గని జనులెల్ల మోద మందెదరు భువిన్!!!

    రిప్లయితొలగించండి
  23. 1.అమలంబగు మది తోడను
    సముచిత సేవా నిరతిని సద్భావనతో
    సమముగ చేయ దలచు సా
    యము గని జనులెల్ల మోదమందెదరు భువిన్.

    2.భ్రమతో మెలిగెడి వారికి
    రమణీయంబుగ వేలిగెడి రాముని జూపన్
    భ్రమలు దొలగన్ సతతని
    యముగనిమజనలెల్ల మోద మందెదరు భువిన్.

    రిప్లయితొలగించండి
    రిప్లయిలు
    1. మీ రెండు పూరణలు బాగున్నవి. అభినందనలు.
      రెండవపూరణ మూడవపాదంలో గణదోషం. ‘భ్రమలు దొలంగన్ సతత ని...’ అనండి.

      తొలగించండి
  24. మిత్రులు శంకరయ్యగారు వెలుబుచ్చిన అనుమానాన్ని మా మావయ్యగారు శ్రీప్రసాద్ గారితో చర్చించాను.

    యముఁ గని జనులెల్ల మోద మందెదరు భువిన్.

    ఈ సమస్యలో ప్రథమాక్షరం య అన్నది పద్యము గద్యము కావ్యము వంటి మాటల్లో ఉన్న య కారం కావచ్చునా అన్నది ప్రశ్న అంటే ప్రసాద్ గారు 'అలా పూరించుట సరి యైనదే' అని వివరించారు.

    గుండువారి మరొక విడతపూరణలు చూసి అమితాశ్చ్యర్యానందాలు కలిగాయి.

    రిప్లయితొలగించండి
    రిప్లయిలు
    1. సందేహ నివృత్తి చేసినందుకు ధన్యవాదాలు.

      తొలగించండి
    2. సుకవి మిత్రులు తాడిగడప శ్యామలరావు గారికి నమస్సులు...!

      సహజ సంయుక్తాక్షరమందు నిక్షిప్తమైన సమస్యలోని పాదాద్యక్షరం విషయంలో మా అందఱికీ ఉన్న సందేహాన్ని పటాపంచలు చేసినందులకు మనఃపూర్వక ధన్యవాదాలు తెలుపుకొంటున్నాను. కృతజ్ఞతలతో...

      భవదీయ మిత్రుఁడు
      గుండు మధుసూదన్

      తొలగించండి
  25. క్షమ తాపమధికమయ్యెను
    సమయమ్మాసన్నమాయె స్వసువును కావన్ 
    సమయోచితమైన యుపా
    య ముగని జనులెల్ల మోదమం దెదరు భువిన్ 
    స్వసువు, క్షమ: భూమి

    రిప్లయితొలగించండి
  26. శిష్ట్లా. వి.ఎల్.ఎన్. శర్మ గారి పూరణలు....
    (1)
    తమ దరి నెండల బాధల
    దమయిండ్లను నీరు లేని తాపము దీర్పన్
    క్రమముగ వర్షములిడు సా
    యముగని జనులెల్ల మోదమందెదరు భువిన్!
    (2)
    సమయము లేదను వారలు
    క్రమ ఫలముల నందలేరు కాలమునందున్
    సమయముతో సాగు నుపా
    యము గని జనులెల్ల మోద మందెదరు భువిన్!
    (3)
    భ్రమనొదలుచు ఖర్మయనక
    శ్రమదోడుత కర్మపథము సాగి చెలంగన్
    సముదిత ఫలహిత సముదా
    యము గని జనులెల్ల మోదమమదెదరు భువిన్!
    (4)
    అమరిన కోర్కెల వరుసను
    సమరీతిని యన్వయించి జతగొని సాగన్
    సమగూడిన దగ నాదా
    యము గని జనులెల్ల మోదమందెదరు భువిన్!

    రిప్లయితొలగించండి
    రిప్లయిలు
    1. శిష్ట్లా వి.ఎల్.ఎన్. శర్మ గారూ,
      శంకరాభరణం బ్లాగు మీకు స్వాగతం పలుకుతున్నది.
      మీ నాలుగు పూరణలు బాగున్నవి. అభినందనలు.
      మూడవ పూరణలో ‘వదలుచు’ను ‘ఒదలుచు’ అన్నారు. ‘ఖర్మ’ శబ్దం సాధువు కాదు. ‘భ్రమ వదలుచు కర్మ యనక...’ అంటే సరి!
      నాల్గవ పూరణలో ‘సమరీతిని నన్వయించి’ అనండి.

      తొలగించండి
    2. శంకరయ్య గారికి నమస్సులు.....ఖర్మ అనేపదం లేనప్పటికి వాడుక పదముగా వాడితిని

      తొలగించండి
    3. శర్మ గారూ,
      మనం సంప్రదాయ పద్య కవిత్వాన్ని వ్రాస్తున్నపుడు వ్యావహారికాలు, మాండలికాలు, అన్యదేశ్యాలు వాడకుండా ఉండడం మంచిది.

      తొలగించండి
  27. ఆకసాన జలద మారాట పడెనేమొ
    కప్ప యరుపు వినగ గొప్పగాను
    అప్పుడొప్పు నట్టి యాకాశమును జూచి
    కప్ప సంతు గోరి కాళి గొలిచె!

    .....శిష్ట్లా .వి.ఎల్.ఎన్.శర్మ

    రిప్లయితొలగించండి
  28. కప్ప గూడ జీవియే గదాయని నాయభిప్రాయము

    రిప్లయితొలగించండి
  29. కప్ప గూడ జీవియే గదాయని నాయభిప్రాయము

    రిప్లయితొలగించండి
  30. గురిజాల (BVV) ప్రసాద్ గారి పూరణ...

    సుమనస్కుల దోచి విదే
    శము గాదెలు నింపినట్టి శనిగాండ్ర హతం
    బమరిన ప్రధాని సుధ్యే
    యముఁ గని జనులెల్ల మోద మందెదరు భువిన్.

    రిప్లయితొలగించండి
  31. కవులందరూ "యము" ని "ప్రియము", "చాయము", "సహాయము", "అభయము", "తోయము", "విజయము", "కాయము", "నికాయము", "నిచయము", "పద్యము", "గద్యము", "గేయము", "పరిణయము", "వినయము", "కార్యము", "నిలయము", "ఉపాయము", "ఆదాయము", "ధ్యేయము" వగైరాలుగా మార్చివేస్తే "అకవి" నైన నాకింకేమి మిగిలింది...

    అయ్యయ్యో!!!



    అమలుడు భగ్గున నగవుచు
    కమనీయపు డింపులనిట క్రమ్మించిన నా
    సమయమ్మున నయ్యయ్యో!!!
    యముఁ గని జనులెల్ల మోద మందెదరు భువిన్ :)

    రిప్లయితొలగించండి


  32. సముచిత ముగా ననుదినము
    సమూహమున కైపదముల సంహారము జే
    యుము పొలతి, జిలేబీ సా
    మ్యముఁ గని జనులెల్ల మోద మందెదరు భువిన్ :)


    జిలేబి

    రిప్లయితొలగించండి
  33. రమణిని చంపిన క్రూరుల
    సమరము జేయు నెపమందు జంకక పోలీస్
    విమలపు రీతిని తెచ్చిన
    యముఁ గని జనులెల్ల మోద మందెదరు భువిన్

    రిప్లయితొలగించండి