“వినూత్న మహానాగబంధము”
సీ. శ్రీమహావిష్ణుని సిద్ధసంకల్పు స
ర్వంసహానన్తర్ధవర్ధమాను
మానుతు ధర్ము
ధర్మాధ్యక్షు నందనం
దాదిత్యు గోవిందు
నావిలాసు
వాసవు సత్యు
నిర్వాణు సాణుశ్రీశు
భాను చలాచలమానవిశ్వ
శాశ్వతైకవ్యాస
సాధ్యర్తు గోప్త గ
దాధరు ధన్యదు ధామ సామ
గీ. శ్రీరమేశుని సువ్యాసు శ్రీనిలయు ని
యుక్తు సుశ్రద్ధధానతాసక్తు
దిశు మ
హామఖాధ్యక్షు
వాయువాహను సురమ్యు
భక్తభద్రదు
ప్రేముడిన్ ముక్తి గనుమ.
శ్రీ ఏల్చూరి మురళీధర రావు గారి ‘చిత్రభారతము’ కావ్యం భీష్మపర్వము
నుంచి -
గురుతుల్యులు ఏల్చూరి వారికి నమస్కారములతో
రిప్లయితొలగించండిబంధము లన్నిటి గంటె ను
బంధమె మఱి 'నాగ ' గొప్ప బంధము కాదే ?
బంధములు చాల యున్నవి
బంధముగా గవిత వ్రాయ పరులకు వశమే ?
పోచిరాజు సుబ్బారావు గారూ,
రిప్లయితొలగించండిధన్యవాదాలు. మీ పద్యం బాగున్నది. కొన్ని సవరణలు...
బంధము లన్నిటి కంటెను
బంధమె మఱి గొప్ప నాగబంధము కాదే ?
బంధము లెన్నో యున్నవి
బంధకవిత వ్రాయ నెల్లవారికి వశమే ?
నా అల్పకృషిని అనవరతం దయతో ప్రోత్సహిస్తున్న మాన్యులు శ్రీ శంకరయ్య గారికి,
రిప్లయితొలగించండిపద్యాశీస్సుతో ఆదరించిన విద్వత్సత్కవులు శ్రీ పోచిరాజు సుబ్బారావు గారికి,
ప్రణతి!