23, నవంబర్ 2014, ఆదివారం

పద్యరచన - 744

కవిమిత్రులారా,

పై పద్యభావాన్ని తేటగీతిలో వ్రాయండి.

18 వ్యాఖ్యలు:

  1. రాధా కృష్ణుల జూడగ
    వ్యాధులులే దొలగి ,గలుగు పరమప దమ్మున్
    గాధలు వినగను గృష్ణుని
    బాధలు మఱి మఱు వ, వచ్చు బ్రమదము మదికిన్

    కుసుమ కోమలి రాధమ్మ కోర్కె లలర
    కృష్ణ భగవాను మీదన కేలు వేసి
    యధర మధరము గలుపుచు నాస్వ దించు
    రాధ మఱియును గృష్ణుని రహిని గొలుతు

    ప్రత్యుత్తరంతొలగించు
  2. సుదతి కాటుక కనులనా చూపు లేమి
    తలపులందున గలదేమి తరుణి చెప్పు
    చిరునగవులోన సంకోచమెరుగనైతి
    తగదు యధరంబుల వెనుక దాచ నీకు

    ప్రత్యుత్తరంతొలగించు
  3. అద్వైత మూర్తి

    రచన : కరుణశ్రీ
    సంగీతం : ఘంటసాల
    గానం : ఘంటసాల

    అది బృందావనం.
    మంద మలయానిలుని చక్కిలిగింతలకు
    కల కల నవ్వే కాళిందీ తరంగాల్లో
    ఒక ప్రేమ నౌక.

    నౌకలో రాధా కృష్ణులు.
    రాధకు కోపం వచ్చినట్లుంది.
    మాట్లాడవేం?
    ఏమిటీ మౌనం?

    01) || ఉత్పలమాల ||

    చూచెద వేలనో ? ప్రణయ - సుందరి ! కాటుక కళ్ళలోని ,ఆ
    లోచన లేమిటో ? హరిణ - లోచని ! నీ చిరు నవ్వు లోని ,సం
    కోచము లెందుకో ? కుసుమ - కోమలి ! నీ మధురాధరమ్ము లో
    దాచు కొనంగ నేటికి ? సు - ధామయ సూక్తి కళా విలాసినీ !

    ఆ..............................................................................................

    సిగ్గు పడుతున్నావా ? చూడు......

    02) || మత్తేభము ||

    మన దాంపత్యము,సత్యమౌ ప్రణయ సా - మ్రాజ్యమ్ములో,లోతులన్
    గనియెన్ ,సాగెను ,భాగ్య నౌక, కవితా - కాళిందిలో ,నవ్య ,జీ
    వన ,బృందావన ,దివ్య సీమ ,విహ రిం - పన్ ,రమ్ము ,నే, కొల్లగొం
    దును,నీ,కోమల,బాహు బంధనము లం - దున్,కోటి స్వర్గమ్ములన్

    అదిగో ! అలా చూడు దేవీ......

    03) || శార్ధూలము ||

    భావోధ్యానము నందు, క్రొత్త వలపుం - పందిళ్ళలో, కోరికల్

    తీవల్ సాగెను! పూలు పూచెను ! రసార్ - ధ్రీ భూత చేతమ్ముతో

    నీవే నేనుగ , నేనె నీవుగ , లతాం - గీ ! ఏకమై పోద మీ

    ప్రావృణ్ణీరద పంక్తి క్రింద, పులకిం - పన్,పూర్వ పుణ్యావళుల్

    **************
    శంకరార్యా !
    ముందొకసారి - గానగంధర్వుని - అమరగానం - వినండి

    http://www.ghantasala.info/padyaalu/657_Private

    %20Songs_Advytamurti%28Padyam%29.mp3

    ప్రత్యుత్తరంతొలగించు
  4. అందరికీ వందనములు !
    అందరి పూరణలూ అలరింప నున్నవి !

    చిన్నదాని చిత్రాలు :

    01)
    __________________________

    నల్ల కళ్ల వెనుక గల - నవ్వు లేమొ ?
    నవ్వులోని మర్మములను - రువ్వరాదె ?
    చెప్పకుండ పెదవి వెన్క - గప్పు టేల ?
    చిక్కు ప్రశ్న వైతివి గద - చిన్నదాన !
    __________________________

    ప్రత్యుత్తరంతొలగించు
  5. శంకరార్యా !
    కరుణశ్రీ ప్రశ్నకు - సినారె సమాధానం - యిదిగో
    "గుడిగంటలు" సినిమా నుండి - వినండి

    దూరానా నీలి మేఘాలు - నాలోనా కొత్త భావాలు
    పూచేనూ కోటి మురిపాలు - తొంగి చూచేనూ కన్నె సరదాలు

    నల్లని జడలో సింగారించగ - నవ్వుల పువ్వులు కోసితిని
    నచ్చిన ఊహల నాగస్వరానికి - నా జడ నాట్యము చేసినది

    తేనెలు తాగుచు గాలుల తేలుచు - తుమ్మెద ఝుమ్మని ఆడినది
    తుమ్మెద తీరున కమ్మని నా మది - తుళ్ళుచు గెంతులు వేసినది

    *****
    https://www.youtube.com/watch?v=nJb6gbfjzbg


    ప్రత్యుత్తరంతొలగించు
  6. లేడి కన్నుల యోచనలేమొ? నగవు
    లందు మోమాటమేలొకొ? యమృతమొల్కు
    పల్కు దాచుటే తేనియ వాతెఱలను?
    కాటుక కనుల ప్రేయసీ! కళల కలికి!

    గురువుగారు, ధన్యవాదాలు.
    మంచి చాలెంజ్ ఇచ్చినారు. మిత్రులు సమర్థవంతంగా పూరించినారు. పూరింపనున్నారు.

    వసంత కిశోర్ గారు!
    అద్భుతమైన అందమైన కరుణశ్రీ పద్యామృతాన్ని పంచుకొన్నందుకు ధన్యవాదాలు.

    ప్రత్యుత్తరంతొలగించు
  7. చూపుల ప్రణయ సుందరీ!చూడనేల
    హరిణ లోచనాలోచనా సరళి యేదొ?
    చిరు నగవుల సంకోచముఁ జెదర దేల?
    దాచకె! మధురాధరఁపు సుధా రసోక్తి!

    ప్రత్యుత్తరంతొలగించు
  8. పోచిరాజు సుబ్బారావు గారూ,
    మీ పద్యాలు బాగున్నవి. అభినందనలు.
    కాని అవి చిత్రానికే అన్వయిస్తున్నవి. కరుణశ్రీ గారి పద్యభావాన్ని తేటగీతిలో ఇముడ్చాలన్నది మీరు గమనించలే దనుకుంటాను.
    ****
    చంద్రమౌళి సూర్యనారాయణ గారూ,
    మీ పద్యం బాగున్నది. అభినందనలు.
    ‘తగదు + అధరము’ అన్నప్పుడు యడాగమం రాదు. ‘తగ దధరముల వెనుకను దాచ నీకు’ అనండి.
    ****
    వసంత కిశోర్ గారూ,
    మీ ఓపికకు విషయసేకరణాసక్తికి నమోవాకాలు.
    మీరందించిన కరుణశ్రీ పద్యాలకు, సినారె గీతానికి ధన్యవాదాలు.
    మీ పద్యం బాగున్నది. అభినందనలు.
    ****
    లక్ష్మీదేవి గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు
  9. గుండా వేంకట సుబ్బ సహదేవుడు గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు
  10. కాటుక కనులలోనున్న కాంక్షలేమి?
    మూగ సైగల కథయేమి ముద్దు గుమ్మ?
    వెనుక దీయక దెల్పుమా వేడ్క తోడ
    నీదు యధరమ్ములో కాంచు నాదు ప్రేమ.

    ప్రత్యుత్తరంతొలగించు
  11. ప్రణయ భావంబు లొలికించు భామ యలుక ,
    అలుక కన్నులు నిండగ హరిణి కనులు ,
    కనుల కోమలి చిరునవ్వు కానరాదె
    మధుర సుధలను దాచెను అధర ములను
    అలుక తీరుట ఏలకో అప్ప ళించు!
    కొరుప్రోలు రాధా కృష్ణ రావు

    ప్రత్యుత్తరంతొలగించు
  12. అన్నపరెడ్డి సత్యనారాయణ రెడ్డి గారూ,
    మీ పద్యం బాగుంది. అభినందనలు.
    ****
    కొరుప్రోలు రాధాకృష్ణ రావు గారూ,
    మీ పద్యం బాగున్నది. అభినందనలు.

    ప్రత్యుత్తరంతొలగించు
  13. ప్రణయ సుందరి ! జెప్పుము వలపు గలిగె ?
    నేల నీ చూపు లటులుండె ? నిత్తరి మరి
    చిరున గవులలో సంకోచ మౌర ,యేల ?
    హరిణ లోచన ! యాకంటి యర్ధ మేది ?
    కోమలధరా మృ తముదాచు కొనగ నీవు
    నేల ? మఱి నాకు దెలుపుము బేల ! యిపుడు

    ప్రత్యుత్తరంతొలగించు
  14. సుబ్బారావు గారూ,
    మీ తాజా పద్యం బాగున్నది. అభినందనలు.

    ప్రత్యుత్తరంతొలగించు
  15. పూజ్యులు శంకరయ్య గార్కి నమస్సులు
    హరిణ లోచనా నీచూపు యర్థ మేమొ
    కళ్ల కాటుక చాటున కవన మేమొ
    అధర మధురామృతమ్ములనందనీము
    నేడు ఈ సుధా మయ నీడ నాడ నీము

    ప్రత్యుత్తరంతొలగించు
  16. ఏమని పలికేనో… రాధా
    ఆ మాధవుడు అడిగిన వేళల ||ఏమని||

    అదిరే పెదవుల పదములు తొణకుచు
    చెదరిన తలపులు వెదుకులాడుచూ ||ఏమని||

    తొలకరి చినుకులు చలి తెమ్మెరలు
    తలిరాకులనే తడిమిపోవగా ||ఏమని||

    కనుల తహతహలు వీనుల మధువులు
    తనువున పులకలు మునుముప్పిరిగొన ||ఏమని||

    ప్రత్యుత్తరంతొలగించు
  17. లక్ష్మీదేవిగారూ ! ధన్యవాదములు !

    శంకరార్యా ! ధన్యవాదములు !

    ప్రత్యుత్తరంతొలగించు
  18. బి.యస్.యస్. ప్రసాద్ గారూ,
    మీ పద్యం బాగుంది. అభినందనలు.
    ‘నీచూపు యర్థ’మన్నచోట ‘చూపుల యర్థమేమొ’ అనండి. చివరి రెండు పాదాల చివర ‘ఇమ్ము’ను ‘ఈము’ అన్నారు.
    ****
    ఆదిత్య గారూ,
    మీ గీతం బాగుంది. అభినందనలు.

    ప్రత్యుత్తరంతొలగించు