6, డిసెంబర్ 2014, శనివారం

పద్యరచన - 757

కవిమిత్రులారా,

పై చిత్రాన్ని పరిశీలించి తగిన పద్యము(ల)ను వ్రాయండి.

18 కామెంట్‌లు:

  1. అందరికీ వందనములు !
    అందరి పూరణలూ అలరింప నున్నవి !

    హరిత చిత్రము :

    01)
    ____________________________________

    ఆకు పచ్చని గడ్డిపై - నందముగను
    పసుపు చేమంతి పూలతో - వరుస బేర్చ
    చిత్ర మెంతయొ కనువిందు - చేయుచుండె
    చిందు చుండెను చిరునవ్వు - చిత్తమలర !
    ____________________________________

    రిప్లయితొలగించండి
  2. స్మైలీ యాకారములో
    పూలను పూయించినారు పొందికగానా
    నేలను పచ్చికలో నిం
    పై లోచనములకు తోచె బంగరు బొమ్మై

    రిప్లయితొలగించండి
  3. కళ్ళు ముఖమును నోరును గలిగి యుండి
    చంద్ర బింబము బోలిన చంద మచట
    పూయ చేమంతి పూవులు బ్రియము గలిగి
    చూడ ముచ్చట గొలిపెను చూడు డా ర్య !

    రిప్లయితొలగించండి
  4. హేమంతము వచ్చె నదిగొ
    చేమంతులు విరిసె గనుడు చేడియ లారా
    సీమంత మలది కుంకుమ
    హైమవతిని గొలువరండు హర్షము తోడన్

    సీమంతము = పాపట

    రిప్లయితొలగించండి
  5. పచ్చటాకు ల పైన పసుపు చేమంతీ ల
    స్మైలీ లు బెట్టి పద్యములు రాయమనే !
    పంచ్ 'టాక్' ల కాల మాయే ఇది
    పంచు పంచు కీ స్మైలీ లే ఇక జవాబులు !!


    జిలేబి
    (విత్ లవ్ మీ పంచు లచ్చి!)

    రిప్లయితొలగించండి
  6. హరిత వర్ణమ్ము చిందించు హర్షణమ్ము
    పసిడి కాంతులు సర్వత్ర పావనమ్ము
    ధరణి పరిరక్షణ సుజన పరమ పథము
    సస్య శ్యామల పూజయే సాధు సూక్తి

    రిప్లయితొలగించండి
  7. వసంత కిశోర్ గారూ,
    మీ పద్యం బాగున్నది. అభినందనలు.
    ****
    చంద్రమౌళి సూర్యనారాయణ గారూ,
    మీ పద్యం (ఆంగ్లపదాన్ని ఉపయోగించినా) బాగున్నది. అభినందనలు.
    ****
    పోచిరాజు సుబ్బారావు గారూ,
    మీ పద్యం బాగున్నది. అభినందనలు.
    ****
    రాజేశ్వరి అక్కయ్యా,
    చక్కని పద్యాన్ని వ్రాశారు. అభినందనలు.
    ****
    జిలేబీ గారూ,

    ****
    బి.యస్.యస్. ప్రసాద్ గారూ,
    మీ పద్యం బాగున్నది. అభినందనలు.

    రిప్లయితొలగించండి
  8. ఈ లీల పచ్చదనమును
    జాలీగా వృద్ధి జేయ సంతసమనుచున్
    స్మైలీ సింబలు బెట్టెను
    మేలగ చేమంతి తోడ మేదిని గనుడీ.

    రిప్లయితొలగించండి
  9. గోలి హనుమచ్ఛాస్త్రి గారూ,
    మీ పద్యం బాగున్నది. అభినందనలు.
    ‘మేలగు/ మేలుగ’... టైపాటువల్ల ‘మేలగ’ అయింది.

    రిప్లయితొలగించండి
  10. మేలగు పచ్చిక పైనన్
    స్మైలీ ఫేసచట బేర్చె చామంతులతో
    కాలం బేమైన నిలన్
    జాలీగా నుండుడనుచు జనులకు చాటన్!!!

    రిప్లయితొలగించండి
  11. శైలజ గారూ,
    మీ పద్యం బాగున్నది. అభినందనలు.

    రిప్లయితొలగించండి
  12. పూజ్యులు గురుదేవులు శంకరయ్య గారికి వందనములు

    పద్య రచన :హరిత హేమంత సుందరి ఆననముగ
    పసిడి రంగుల చేమంతి మిసిమి యేమొ!
    ఉదయ భాస్కరు కరముల నుర్వి కాంత
    కడగి నర్పింప బూనిన కాన్క యేమొ

    రిప్లయితొలగించండి
  13. కెంబాయి తిమ్మాజీ రావు గారూ,
    మీ పద్యం మనోహరంగా ఉన్నది. అభినందనలు.

    రిప్లయితొలగించండి
  14. పచ్చ గడ్డి పైన పచ్చని చేమంతి
    పూలఁ బేర్చి నారు పొందికగను
    చందమామవంటి యందమౌ మోములా
    శోభ గూర్చె సుమ్మ చూపరులకు

    రిప్లయితొలగించండి
  15. మాస్టారు గారూ ! అవునండీ..టైపాటు...సరిచేసాను....ధన్యవాదములు.


    ఈ లీల పచ్చదనమును
    జాలీగా వృద్ధి జేయ సంతసమనుచున్
    స్మైలీ సింబలు బెట్టెను
    మేలగు చేమంతి తోడ మేదిని గనుడీ.

    రిప్లయితొలగించండి
  16. చేమంతుల నవ్వులతో
    హేమంతపు కళలొకింత హెచ్చెను గనుడీ
    శ్రీమంతుల తోట నిటుల
    మోమంతయు నవ్వులలుమ ముచ్చట గొలిపెన్.

    రిప్లయితొలగించండి
  17. అన్నపరెడ్డి సత్యనారాయణ రెడ్డి గారూ,
    మీ పద్యం బాగున్నది. అభినందనలు.
    ****
    లక్ష్మీదేవి గారూ,
    మీ పద్యం బాగున్నది. అభినందనలు.

    రిప్లయితొలగించండి