18, మార్చి 2015, బుధవారం

పద్యరచన - 852

కవిమిత్రులారా,

పై చిత్రాన్ని పరిశీలించి తగిన పద్యము(ల)ను వ్రాయండి.
(ఈ చిత్రాన్ని పంపిన అన్నపరెడ్డి సత్యనారాయణ రెడ్డి గారికి ధన్యవాదాలు)

16 వ్యాఖ్యలు:

  1. ఏలీల వెలసితివి నీ
    వాలోయలలోన భక్తవత్సల యెరుగన్
    నీలీలల మాతరమా
    శూలాయుధపాణి గరుణ జూడుము మమ్మున్

    ప్రత్యుత్తరంతొలగించు
  2. అలిగితి వాసతి పైనను
    వెలసితి వీలోయ లందు వేడుక పుట్టన్
    కలియుగ మనితెలి సికొనుము
    కలుగదు నీపైన జాలి కాళికి నైనన్

    ప్రత్యుత్తరంతొలగించు
  3. తపముఁజేయ నెంచి దక్షినామూర్తి తా
    లోయలోన వెలసె లీలగాను
    దంతి మోయుచుండె నంతకాంతకు ప్రీతి
    నాది భిక్షు కొలువు డాదుకొనగ

    ప్రత్యుత్తరంతొలగించు
  4. గిరిజా రమణా ! ఘన హిమ
    గిరి నిలయా ! దేవ ! వ్యోమకేశా ! ఈశా !
    గిరిగీచినట్లు కూర్చొన
    గిరిపై మే ' మెట్లు' జేరి కీర్తింతుమయా !

    ప్రత్యుత్తరంతొలగించు
  5. చంద్రమౌళి సూర్యనారాయణ గారూ,
    మీ పద్యం బాగుంది. అభినందనలు.
    *****
    రాజేశ్వరి అక్కయ్యా,
    మీ పద్యం బాగున్నది. అభినందనలు.
    *****
    అన్నపరెడ్డి సత్యనారాయణ రెడ్డి గారూ,
    మీ పద్యం బాగుంది. అభినందనలు.
    *****
    గోలి హనుమచ్ఛాస్త్రి గారూ,
    మీ పద్యం బాగుంది. అభినందనలు.

    ప్రత్యుత్తరంతొలగించు
  6. వాగు దరిన వెలసి భక్తజ నమ్ముల
    గావ దీర్చి యుండె గరళ కం ఠు
    డా ర్య ! వంద నంబు లాభవు నకుజేయ
    బోయి వత్తు నటకు బొరి పొరిగను

    ప్రత్యుత్తరంతొలగించు
  7. పోచిరాజు సుబ్బారావు గారూ,
    మీ పద్యం బాగుంది. అభినందనలు.

    ప్రత్యుత్తరంతొలగించు
  8. వనమున నదిలో నున్న క
    ఠినశిల నేర్పునఁ దొలిచి పటిష్టముగా శం
    భుని నేన్గుపై నిలుపు శి
    ల్పిని మెచ్చుచు వందనము లివే యర్పింతున్.

    ప్రత్యుత్తరంతొలగించు
  9. పారెడు గంగమ్మ హొయలఁ
    దీరుచు శృంగమ్ము పైన తిలకించదవే!
    రా! రా! గంగాధర! మా
    యూరుల నాయమ్మకురియనొప్పించగనే!

    ప్రత్యుత్తరంతొలగించు
  10. గరళము దాచిన ఘనునిన్
    గరిమగ సురనదిని జడను గట్టిన వానిన్
    హరిణాంకుని సిగ దురిమెడు
    హరకుని నే వేడుకొనెద ననవరతమ్మున్

    పఱికన కరి, కరి పై గిరి
    మరువున గొలువుండె నదివొ మదనాంతకుడే!
    పురహర! నిన్నిటుల మలచి
    హరువుగ నందించు వాని కంజలి నిడుదున్!!!

    ప్రత్యుత్తరంతొలగించు
  11. చెక్కి రెవ రటుల శిలపై
    చక్కని కుంజరము మరియు శంభుని ప్రతిమల్ ?!
    జక్కనయా?! మయుడా ?! నే
    మ్రొక్కెద నా శిల్పకళకు, మ్రొక్కుదు స్థపతిన్

    ప్రత్యుత్తరంతొలగించు
  12. గుండా వేంకట సుబ్బ సహదేవుడు గారూ,
    మీ పద్యం బాగుంది. అభినందనలు.
    *****
    శైలజ గారూ,
    మీ రెండు పద్యాలు బాగున్నవి. అభినందనలు.
    శివునకు హరకుడు అన్న పర్యాయపదం ఉన్నట్లు మీ వల్ల తెలిసింది.
    *****
    నాగరాజు రవీందర్ గారూ,
    మీ పద్యం బాగుంది. అభినందనలు.

    ప్రత్యుత్తరంతొలగించు
  13. అవతారంబులనెత్తుచు
    భవితకుభయభక్తినొసగు-బాధ్యతచేతన్
    భువిఫైకొండలమద్యన
    నివశించెడిసాంభమూర్తి|నిన్నేగొలుతున్,

    ప్రత్యుత్తరంతొలగించు