కవిమిత్రులారా,
ఈ రోజు పూరించవలసిన సమస్య ఇది
పండితులను దిట్టువారు పావనచరితుల్.
ఈ సమస్యను సూచించిన
శ్రీ పోచిరాజు సుబ్బారావు గారికి
ధన్యవాదాలు.
ఈ రోజు పూరించవలసిన సమస్య ఇది
పండితులను దిట్టువారు పావనచరితుల్.
ఈ సమస్యను సూచించిన
శ్రీ పోచిరాజు సుబ్బారావు గారికి
ధన్యవాదాలు.
గండమె సాహిత్యమ్మన
రిప్లయితొలగించండిమండి పడును కవితలన్న మాన్యత లేకన్
దండించ నెంచు దుష్టుడు
పండితులను, దిట్టు, వారు పావనచరితుల్.
ముండనము జేయ నర్హులు
రిప్లయితొలగించండిపండితులను దిట్టు వారు ,పావన చరితుల్
దండిగ పూజలు సేయగ
దండములుం దప్ప నింక దారియు గలదే !
అమృ త పాన మ్ము మరణంబు నంద జేసె
రిప్లయితొలగించండి-----------
రాహు కేతుల బ్రతికించె రయము గాను
అమృత పానమ్ము ,మరణంబు నంద జేసె
త్రాగు బోతుని నడి రోడ్డు దారి లోన
మద్య పానం బు నేరికి మంచి గాదు
దండమయా విశ్వంభర
రిప్లయితొలగించండిదండమయా పద్మనాభ దండమ్మనుచున్
దండమిడి హరికి నాస్తిక
పండితులను దిట్టువారు పావనచరితుల్.
మెండుగ దండుచు ధనముల,
రిప్లయితొలగించండిదండిగ రచనల సలుపుచు, ధర్మము లన్నన్
దండుగ యంచును బల్కెడి
పండితులను దిట్టువారు పావనచరితుల్.
పండితుల గౌరవిన్చుచు
రిప్లయితొలగించండిదండము లిడుచుంద్రు వారు, దర్పము తోడన్
మండిపడు చుండి వీరలు
పండితులను దిట్టు, వారు పావనచరితుల్.
గురువులు శ్రీ కంది శంకరయ్య గారికి, శ్రీ పండితనేమానిగారికి, శ్రీ శ్యామలీయంగారికి, శ్రీ లక్కాకుల రాజారావుగారికి మరియు సాటి కవిమిత్రులకు నాయొక్క హృదయపూర్వక నూతన సంవత్సర శుభాకాంక్షలు.
రిప్లయితొలగించండితలచు శుభకార్యములకెల్ల దారిచూపి
జీవితాశయములకుసంజీవినగుచు
సకల సౌభాగ్య కారణ శక్తి యగుచు
నూత్న సంవత్సరంబు సంతోషమిచ్చు.
మండిత సర్వజ్ఞుల వలె
రిప్లయితొలగించండిదండి భ్రమల నెదుటి వారి తప్పులు వెదికే
చండాలపు రోగము గల
పండితులను దిట్టు వారు పావన చరితుల్
శ్రీ సంపత్కుమార శాస్త్రి గారికి ధన్య వాదములు.
రిప్లయితొలగించండిపండితులను దిట్టు వారు పావన చరి-
రిప్లయితొలగించండితులన రాదు వారు తులువ లెన్న
దండనార్హు లట్టి తామస గుణులను-
పేక్ష సేయ దగదు శిక్ష సబబు.
మొండివారు, శాస్త్రవాక్యములను గౌరవింపరే
రిప్లయితొలగించండిపండితులను దిట్టువారు; పావనచరితుల్ గదా
పుండరీకనయను విష్ణువున్ స్తుతించువార లు
ద్దండ కష్టముక్తులై సదా సుఖింతు రీభువిన్.
ఖండించుచు సత్కృతులను
రిప్లయితొలగించండిదండుగ సిద్ధాంతములను ధర్మము లనుచున్
దండిగ వాగెడు కుహనా
పండితులను దిట్టువారు పావనచరితుల్.
ఈనాటి సమస్యకు సంబంధము లేనిదే ఈ నా పద్యము.
రిప్లయితొలగించండిపాండితి భగవద్దత్తము
పండితులను సత్కరింపవలె నెల్లెడలన్
పండువె యగు నిత్యము బుధ
మండలి పరితోషమొంద మహి రంజిల్లున్
పండితులగుటయె వరము
రిప్లయితొలగించండిపండితులను గౌరవించు! భారత వాసీ!
పండిత వర్యుల దీవన
పండించును జీవనమ్ము ఫలితము దక్కున్.
పండిత లోకపు నిందగు
రిప్లయితొలగించండిపండితులను దిట్టు వారు పావన చరితుల్
ఖండించ వలయు నందరు
పండితులను గౌర వించ పాలకు లేనౌ
పండితులము మేమనుచును
రిప్లయితొలగించండిదండిగ డంబములు పలికి తనరెడు వారిన్ !
మెండుగ కొండెడి వారగు
పండితులను దిట్టువారు పావన చరితుల్ !
మొండిగ తెలిసిన యటులవి
రిప్లయితొలగించండితండపు వాదన లతో కుతర్కము సభలన్
దండిగ జేసెడి కుహనా
పండితులను దిట్టు వారు పావన చరితుల్.
------------
మిస్సన్న గారూ,
రిప్లయితొలగించండిమీ నాలుగు పూరణలు చాలా బాగున్నాయి. అభినందనలు.
ముఖ్యంగా నాలుగవ పూరణ ... కందపాదాన్ని ఆటవెలదిలో ఇమిడ్చిన మీ నైపుణ్యం ప్రశంసనీయం.
*
సుబ్బారావు గారూ,
మీ రెండు పూరణలూ బాగున్నాయి. అభినందనలు.
రెండవ పూరణలో ‘నిందగు, పాలకులేనౌ’ శబ్దాల ప్రయోగం సందేహాస్పదం.
‘అమృతపానమ్ము ...’ సమస్య పూరణ చాలా బాగుంది. అభినందనలు.
*
మందాకిని గారూ,
చక్కని పూరణ. అభినందనలు.
ఈ పూరణ చదివి ఉంటే నేను నా పూరణ చేయకుండా ఉండేవాణ్ణి.
*
సంపత్ కుమార్ శాస్త్రి గారూ,
ధన్యవాదాలు.
‘సంజీవినగుచు’ను ‘సంజీవని యయి’ అంటే మేలు!
*
లక్కాకుల వెంకట రాజారావు గారూ,
బాగుంది మీ పూరణ. అభినందనలు.
‘వెదికే’ అనే వ్యావహారికాన్ని ‘వెదుకన్’ అందాం.
*
పండిత నేమాని వారూ,
సమస్యకు సంబంధం లేనిదంటూనే సమస్యను విశ్లేషించే పద్యం చెప్పారు. ధన్యవాదాలు.
*
రాజేశ్వరి అక్కయ్యా,
మీ పూరణ నిర్దోషంగా చక్కగా ఉంది. ధన్యవాదాలు.
‘కమనీయం’ గారూ,
రిప్లయితొలగించండిమీ పూరణ ప్రశంసనీయంగా ఉంది. అభినందనలు.
గురువు గారూ ధన్యవాదాలు.
రిప్లయితొలగించండిమీ రెండు పూరణలూ అద్భుతంగా ఉన్నాయి.
మండూక నేస్తములు మా
రిప్లయితొలగించండిపండితులను దిట్టు వారు , పావన చరితుల్
పండితులు , పూని ప్రజలను
దండిగ చైతన్య పరచు ధన్యులు పుడమిన్
పండించు కష్ట జీవుల
యెండిన డొక్కలను గూర్చిహృదయము పగులన్
దండిగ నేడ్వని దండుగ
పండితులను దిట్టు వారు పావన చరితుల్
'వెదికే' వాడుక పదమని
రిప్లయితొలగించండి'వెదుకన్ 'గా మార్చుకొనిరి వేల నమస్సుల్
పొదుగు గల పాడి యావులు
పదపడి వాడుకను గల్గు పదములు తెలియన్
లక్కాకుల వెంకట రాజారావు గారూ,
రిప్లయితొలగించండిమీ తాజా పూరణలు మనోహరంగా ఉన్నాయి. అభినందనలు.
అదె పనిగా దోషమ్ముల
వెదకుటె యలవాటు నాకు; విజ్ఞుల మనముల్
పదపడి నొప్పించిన న
న్నిదె మన్నింపంగ విన్నవించెద నయ్యా!
దండిగ పాండిత్యముతో
రిప్లయితొలగించండిమొండిగ భారత పురాణ ముల మౌధ్యముతో
ఖండన రచనలు జేసెడి
పండితులను దిట్టు వారు పావన చరితుల్
కొండొక నాంగ్ల పదమ్మును
రిప్లయితొలగించండిమెండుగ నప్పెడిది నైన
మ్లేచ్ఛమ్మనుచున్
దండిగ దూషించు తెలుగు
పండితులను దిట్టువారు పావనచరితుల్
* కొండొక యాంగ్లపదమ్మును
తొలగించండిమెండుగ నప్పెడునదైన మ్లేఛమ్మనుచున్
దండిగ పలుకుచు నీతులు
తొలగించండిగుండున పిలకలను గూర్చి గుట్టుగ గుడిసెన్
ముండల కడకున్ జేరెడి
పండితులను దిట్టువారు పావనచరితుల్