20, జనవరి 2012, శుక్రవారం

సమస్యాపూరణం - 597 (చెడుగులతో దేశమెల్ల)

కవిమిత్రులారా,
ఈ రోజు పూరించవలసిన సమస్య ఇది
చెడుగులతో దేశమెల్ల శ్రీకర మయ్యెన్
ఈ సమస్యను పంపిన
లక్కాకుల వెంకట రాజారావు గారికి 
ధన్యవాదాలు.

25 కామెంట్‌లు:

  1. వడిగా భారత సంస్కృతి
    సడిబడెనిక బహుళజాతి సంస్థల నీడై
    మిడిమిడి జ్ఞానపు ధనముల
    చెడుగులతో దేశమెల్ల శ్రీకర మయ్యెన్

    రిప్లయితొలగించండి
  2. వడివడిగా శ్రీరాముడు
    సుడిగాలి వలె చెలరేగి సురవైరులనే
    యడిచినతోడుత తొలగిన
    చెడుగులతో దేశమెల్ల శ్రీకరమయ్యెన్.

    సురవైరులు తొలగి, లంకాద్వీపమనే దేశము విభీషణుడు రాజై శ్రీకరమయ్యింది.
    తోడుత =వెను వెంటనె

    రిప్లయితొలగించండి
  3. కడు ఘోరముగా నిండెను
    చెడుగులతో దేశమెల్ల; శ్రీకర మయ్యెన్
    బుడి బుడి నడకల బాలల
    యెడ తల్లి యొడియె యొకింత నిలలో నిపుడున్.

    రిప్లయితొలగించండి
  4. సడలెను నీతులు బుద్ధుల
    చెడుగులతో; దేశమెల్ల శ్రీకర మయ్యెన్
    కడిగిన ముత్యము వలెనే
    చెడు బుద్ధుల నడచినంత శీఘ్రముగానే.

    రిప్లయితొలగించండి
  5. గురువు గారి పాదపద్మములకు నమస్కరిస్తూ
    మన నేతల తొందరపాటు నిర్ణయములతో, బహుళజాతి కంపెనీల నిర్వాకములతో
    నేడు మనదేశము అభివృద్ధి జెందినట్లు కనిపించెనా అది శూన్యమే|
    ------------
    మిడిమిడి జ్ఞానపు నేతలు
    వడివడిగా నిర్ణయముల వడ్డనతోడన్
    నడచొచ్చిన పరదేశపు
    చెడుగులతో దేశమెల్ల శ్రీకరమయ్యెన్|

    రిప్లయితొలగించండి
  6. నడవడికను సరి నేర్చిన
    బుడుగుల తో దేశమెల్ల బుద్ధిని వొందన్
    దడ దడ మూలము ద్రుంచిన
    చెడుగులతో దేశమెల్ల శ్రీకర మయ్యెన్

    రిప్లయితొలగించండి
  7. శ్రీపతిశాస్త్రిశుక్రవారం, జనవరి 20, 2012 2:46:00 PM

    శ్రీగురుభ్యోనమ:

    కడకున్ చెఱలవి నిండెను
    చెడుగులతో, దేశమెల్ల శ్రీకర మయ్యెన్
    కడగండ్లు తీరె ప్రజలకు
    మడిచేనులు పంటసిరులు మనకిక కలుగున్

    రిప్లయితొలగించండి
  8. చెడుగుల నడవడి మార్చితి
    చెడుగులె దుర్జనుల బ్రతుకు చెల్లగ చేసెన్.
    చెడుగులె సజ్జన వరులయె.
    చెడుగులతో దేశమెల్ల శ్రీకర మయ్యెన్

    రిప్లయితొలగించండి
  9. పై పద్యం చూచి అతిశయోక్తి అనుకోకండి. నేను కళాశాలలో ఉపన్యాసకునిగా పని చేస్తున్న రోజులలో చెడుగుల మనసు మార్చి మంచి ప్రవర్తన కలవారిగా చేయ గలిగాను. అది గుర్తుకు వచ్చి పై పద్యం వ్రాసాను.

    రిప్లయితొలగించండి
  10. చెడుపై సమరమునకు దిగి
    కడుకొని కవి శంఖమూది కవితల నల్లన్
    కడు చైతన్యము నొందిన
    చెడుగుల తో దేశమెల్ల శ్రీకర మయ్యెన్

    రిప్లయితొలగించండి
  11. నామూడవపూరణ చివరిపాదమునందు
    చెడుబుద్ధులను+అడచినంత .

    రిప్లయితొలగించండి
  12. బడుగుల నిడుముల బాపెడు
    నుడువులు నుడువుచు ముడుపుల నొక్కే బడవల్
    వెడలగ చెఱసాలకు కడు
    చెడుగులతో,దేశమెల్ల శ్రీకర మయ్యెన్!!!

    రిప్లయితొలగించండి
  13. పిడికెడు భక్తితొ మనమున
    కడు మోదము భవుని గొలిచిన తోడన్ !
    విడివడి మైకము మలిగిన
    చెడుగులతో దేశ మెల్ల శ్రీకర మయ్యెన్ !

    రిప్లయితొలగించండి
  14. అందరికీ వందనములు !
    అందరి పూరణలూ అలరించు చున్నవి !

    ఒక సిద్ధుని బోధనా ఫలితం :

    01)
    ___________________________________

    చెడుగును విడుడని నుడివిన
    చెడుగును విడి చెడుగులంత - చిడిముడి పడకన్
    చడకములై చెడు చెండిన
    చెడుగులతో దేశమెల్ల - శ్రీకర మయ్యెన్ !
    ___________________________________
    చెడుగు = క్రూరత్వము , దుష్టత్వము
    చెడుగు = దుష్టురాలు
    చిడిముడి = తడబాటు
    చడకము = పిడుగు
    చెండు = ఖండించు
    (ఇదొక పగటి కల మాత్రమే!నిజమైనా అవ్వొచ్చు
    నారీలోకం రణభేరి మ్రోగించాలే గాని !)

    రిప్లయితొలగించండి
  15. అడుగడుగున డాలరులని
    కడివెడు కలలందు కాంతలు కులుకన్ !
    కడకడ బ్రమలె తొలగిన
    చెడుగులతో దేశ మెల్ల శ్రీకర మయ్యెన్ !

    రిప్లయితొలగించండి
  16. ఎడ మింత లేక దురితము
    లుడుగకఁ జేయంగ హితమితోక్తుల నీతుల్
    నుడివిరి పెద్దలు; మారిన
    చెడుగులతో దేశ మెల్ల శ్రీకర మయ్యెన్.

    రిప్లయితొలగించండి
  17. సడలని సత్యాహింసల
    గడియించెను స్వేచ్ఛ మనకు గాంధీ, సుజనుల్
    తడయక నెంచెడి మంచియు
    చెడుగులతో దేశమెల్ల శ్రీకర మయ్యెన్.

    రిప్లయితొలగించండి
  18. ‘మనతెలుగు’ చంద్రశేఖర్ గారూ,
    మీ పూరణ బాగుంది. అభినందనలు.
    *
    మందాకిని గారూ,
    ప్రశస్తంగా ఉంది మీ మొదటి పూరణ.
    చక్కని విరుపుతో మీ రెండవ పూరణ బాగుంది.
    మీ మూడవ పూరణ కూడా చక్కగా ఉంది. అభినందనలు.
    *
    వరప్రసాద్ గారూ,
    మీ పూరణ నేటి పరిస్థితులకు అద్దం పడుతున్నది. బాగుంది. అభినందనలు.
    ‘నడిచొచ్చిన’ ప్రయోగమే గ్రాంధికం కాదు. అక్కడ ‘నడతెంచిన’ అందాం.
    *
    గోలి హనుమచ్ఛాస్త్రి గారూ,
    బాగుంది మీ పూరణ. అభినందనలు.
    *
    శ్రీపతి శాస్త్రి గారూ,
    మంచి విరుపుతో ప్రశస్తమైన పూరణ చెప్పారు. అభినందనలు.
    *
    చింతా రామకృష్ణారావు గారూ,
    స్వానుభవంతో చెప్పిన పూరణ. చాలా బాగుంది. అభినందనలు.
    *
    లక్కాకుల వెంకట రాజారావు గారూ,
    మీ పూరణ ప్రశస్తంగా ఉంది. అభినందనలు.
    *
    మంద పీతాంబర్ గారూ,
    బాగుంది మీ పూరణ. అభినందనలు.
    ‘నొక్కే’ను ‘నొక్కెడి’ అందాం. ఇంతకీ ‘భడవ’ గ్రాంధికమేనా?
    *
    రాజేశ్వరి అక్కయ్యా,
    చక్కని భావంతో పూరణ చెప్పారు. అభినందనలు.
    మొదటి పాదంలో ‘తొ’ ప్రయోగం, రెండవ పాదంలో గణదోశం. నా సవరణ ...
    ‘పిడికెడు భక్తిని మనమున
    కడు మోదముతోడ భవుని గొలిచిన తోడన్ !’
    మీ రెండవ పూరణ కూడా బాగుంది.
    రెండవ పాదంలో గణదోషం.
    ‘కడివెడు కలలందు మునిగి కాంతలు కులుకన్’ అందాం.
    *
    వసంత కిశోర్ గారూ,
    ఈసారి మీరు ‘మిస్’ కాలేదు :-)
    వృత్యనుప్రాసతో అలరిస్తున్న మీ పూరణ చాలా బాగుంది. అభినందనలు.
    *
    మిస్సన్న గారూ,
    మంచి చెడుగు పడుగుపేకల్లా ఉన్నా మనదేశం ముందుకు సాగుతున్నది. చక్కని పూరణ. అభినందనలు.

    రిప్లయితొలగించండి
  19. డి.నిరంజన్ కుమార్శనివారం, జనవరి 21, 2012 7:29:00 AM

    అడుగడుగున యిడుములనిడి
    వెడు కడుదుడుకులు బడివిడి బిడియములుడుగన్
    నడవడిచెడి గడబిడ నిడు
    చెడుగులతో దేశమెల్ల శ్రీకరమయ్యెన్

    రిప్లయితొలగించండి
  20. నిరంజన్ కుమార్ గారూ,
    పోతన గారి ‘అడిగెదనని కడువడిఁ జను’ పద్యాన్ని గుర్తుకు తెచ్చారు. చంద్రశేఖర్ గారి పద్యమే అనుకుంటే దానిని మించిన అనుప్రాసను ప్రయోగించి మెప్పించారు. అద్భుతమైన పద్యం. అభినందనలు.

    రిప్లయితొలగించండి
  21. "బడవ" శుద్ధ వ్యవహారికం కేవలం అనుప్రాస కొరకు వాడాను . "నొక్కుచు నధముల్" అంటే సరిపోతుందను కొంటాను

    రిప్లయితొలగించండి
  22. వడిగా నోటులు రద్దై

    పడిగాపులు కాసి బేంకు బారులు దీరన్
    సడలించగ నల్ల ధనము
    చెడుగులతో దేశమెల్ల శ్రీకర మయ్యెన్

    రిప్లయితొలగించండి
  23. పొడుముల బీల్చుట ఘనముగ
    పొడుగగు బీడీల వోలు పోకడ లెల్లన్
    వడిగా తొలగింపబడిన
    చెడుగులతో దేశమెల్ల శ్రీకర మయ్యెన్

    రిప్లయితొలగించండి