మిత్రులారా! నిన్నటి నా వ్యాఖ్యలలో "ఆత్మనింద" కూడదని, త్రికరణ శుద్ధి అవసరమని పేర్కొనినాను. త్రికరణ శుద్ధి గురించి భగద్గీతలో 17వ అధ్యాయములో (శ్లో.14, 15, 16) తప్పక అందరూ గమనించ దగినవి - వాటిని చూడండి.
దేవ ద్విజ గురు ప్రాజ్ఞ పూజనం శౌచ మార్జవం బ్రహ్మచర్య మహింసా చ శారీరం తప ఉచ్యతే (శారీరికమైన తపస్సు లేక శుద్ధి)
హాస్యం వ్యంగ్యం జోడిస్తూ దుర్యోధనుడు శకునితో అన్నట్లు ఊహ: మామా! నీనామమహిమ దేమాటలఁ జెప్పలేక నేడ్చితి శకునీ! వేమాటల లేలా! నీ నామంబులలోన పంగనామము మేలౌ! మనవి: పంగనామము=మోసము అనే అర్థంలో; పండితులు నా పూరణకి ఎక్కువ ప్రాధాన్యత ఇవ్వకుండా నవ్వుకోవలసినది.
చి.తమ్ముడు నరసింహమూర్తి ఈనాడు ప్రథమ తాంబూలము పుచ్చుకొన్నాడు. శ్రీ చంద్రశేఖర్ గారు కావలసినంత హాస్యమునకు అవకాశము నిచ్చేరు. "పరిహాస ప్రసంగము లేని వాక్యమున్ గ్రాసములేని కొల్వు కొరగానివి పెమ్మయ సింగధీమణీ!" అని పూర్వము ఒక మహాకవి సెలవిచ్చేరు. తగినంత మోతాదులో హాస్యము కూడ కావలసిందే. అందరికీ శుభాభినందనలు. స్వస్తి.
గన్నవరపు నరసింహ మూర్తి గారూ, మీ పూరణ బాగుంది. అభినందనలు. ‘శతశతసంఖ్యౌ’ కంటే ‘శతశతసంఖ్యా/ నామంబులు’ అంటే బాగుంటుందేమో? మీ రెండవ పూరణ చమత్కారంగా ఉంది. అభినందనలు. ‘నీ నంబై’ .... ? * పండిత నేమాని గారూ, బాహిరచిహ్నంతో ఆంతరంగిక భక్తి ఆవశ్యకతను ప్రబోధించిన మీ మొదటి పూరణ, గురులఘువుల సంబంధాన్ని వివరించిన మీ రెండవ పూరణ ప్రశస్తంగా ఉన్నాయి. అభినందనలు. త్రికరణశుద్ధిని ప్రస్తావించిన మీ వ్యాఖ్య బాగుంది. ధన్యవాదాలు. హాస్యప్రవృత్తిని (sense of hummer) ఆహ్వానించినందుకు కూడా ధన్యవాదాలు. సమస్యలు ఇవ్వడంలో, పూరించడంలో దీనికి ఎంతో ప్రాధాన్యం ఉంది. ఈ మధ్య సమస్యలను ఇవ్వడానికి ముందు ఒకటికి రెండు సార్లు ఆలోచించవలసి వస్తుంది. ఎవరి మనోభావాలను నొప్పించవద్దని. అయితే సమస్యా పూరణలను ఒక సరదా ప్రక్రియగా భావించి, సమస్యలోని విపరీతార్థాన్ని గ్రహించకుండా (నొచ్చుకోకుండా) చమత్కారంగా పూరించడం ఆహ్వానించదగింది. స్వస్తి! * చంద్ర్రశేఖర్ గారూ, చమత్కారభరితమైన మీ పూరణ అలరించింది. అభినందనలు. ‘మహిమ + అది + ఏ మాటల’ అని పదవిభాగమా? ఇక్కడ సంధి సందేహమే. ‘మహిమ నే మాటల’ అంటే బాగుంటుందేమో? ‘వే మాటల లేలా’ అన్నచోట ‘వేమాట లేలనో’ అంటే ఎలా ఉంటుంది? * మందాకిని గారూ, చక్కని పూరణ. అభినందనలు. * మిస్సన్న గారూ, మీ పూరణ ఉత్తమంగా ఉంది. అభినందనలు. ‘నెన్నుదుటన్నౌ’ .... ‘నెన్నుదుట నగున్/దగున్’ ఆంటే? * లక్కాకుల వెంకట రాజారావు గారూ, మీ రెండు పూరణలు చాలా బాగున్నాయి. అభినందనలు. * వరప్రసాద్ గారూ, మీ పూరణ బాగుంది. అభినందనలు.
మీ వ్యాఖ్యలోని ఆంతర్యాన్ని గ్రహించేను. నేను మీతో ఏకీభవిస్తున్నాను. సమస్యలు సాహిత్య ప్రక్రియలే - వినోదము ఉండవలసిందే - అమలిన భావములు ప్రకటించడములో తప్పు లేదు. ఇవి సామాన్య సామాజిక విషయాలను మతేతర విషయాల గురించి చెప్పినంతవరకు బాగానే ఉంటాయి.
పూర్వ జన్మల సుకృత ఫలము, జగన్మాత యొక్క కరుణా కటాక్షము లేనిదే కవిత్వము పాండిత్యము అలవడవు. అట్టి మనము నిరంతరము వాగ్దేవీ వరివస్యను చేస్తూనే ఉంటున్నాము. అందుచేత మనకు ఇంతో అంతో వాక్శుద్ధి ఉంటుంది. పండిత వాక్యము రిత్త వోవునే అని ఆర్యోక్తి కూడా ఉంది కదా. అందుచేత ఎక్కడ దోషమైన వాక్యాలు భావాలు ఉచ్చరిస్తే ఏది నిజమౌతుందో అని కూడా జాగ్రత్తగా ఉండాలి అని నా ఉద్దేశము.
అందుచేత ఈ విషయములను మీరు గుర్తు ఉంచుకొనగలరని నా నమ్మకము. స్వస్తి.
శ్రీ నేమాని వారికీ, మాస్టారికీ ధన్యవాదాలు. మీ సవరణల మీద నావి కొన్ని. ఇప్పుడు ధారబాగుందనిపించింది: హాస్యం వ్యంగ్యం జోడిస్తూ దుర్యోధనుడు శకునితో అన్నట్లు ఊహ: మామా! నీనామమహిమ నేమాటల నుడువఁగలేక నీల్గితి నౌరా! వేమాట లేలనో నీ నామంబులలోన పంగనామము మేలౌ! మనవి: పంగనామము=మోసము అనే అర్థంలో.
పండిత నేమాని వారూ, ధన్యవాదాలు. మీ అభిప్రాయంతో నేను సంపూర్ణంగా ఏకీభవిస్తున్నాను. * చంద్రశేఖర్ గారూ, సంతోషం! * రాజేశ్వరి అక్కయ్యా, పద్యం బాగుంది. కాని పూరణ అన్వయమే కొద్దిగా తికమక పెడుతున్నది.
తమ్ముని అభినందించి అన్వయము = " రామ నామం స్మరిస్తే మనసుకు బాగుంటుంది. పొరబాటున చెడు నామము అనుకోవడం కంటె అసలు మానెయ్యడం మంచిది " అని నాఉద్దేశ్యమ్ [ అందుకేనేమో " ఆడు వారి మాటలకు అర్దాలే వేరులే " అన్నారు ]
విశిష్టాద్వైతులయిన శ్రీ వైష్ణవులలో రెండు తెగలు. తెంగల వారి నామమునకు ముక్కు పాదము ఉండి యిరు ప్రక్కల ఉండే పుండ్రములు కనుబొమల నుండి మీదకు వెడల్పుగా సాగుతాయి. వడగల వారి నామములొ పుండ్రములు విరివి తక్కువగా ఉంటుంది. ముక్కు పాదము లేక అర్ధవలయాకారములో రేఖలు ముక్కు మొదట కలుస్తాయి.
డా.మూర్తి మిత్రమా! మీ తెన్గల్-వడగళ్ నామ వివరణ అమోఘం. నా చిన్నప్పుడు మా ఇంటికి మురళీకృష్ణమాచారి అని మా అన్నయ్య స్నేహితుడొకడు వచ్చేవాడు. అతను చెప్పేవాడు. జయహో, మరలా మీ ద్వారా ఇపుడు!
రాజేశ్వరి అక్కయ్యా, ధన్యవాదాలు. * గన్నవరపు నరసింహ మూర్తి గారూ, ధన్యవాదాలు. నడుమ ఎడం ఉండేవిధంగా తీర్చిన తిరుమణి ‘పంగనామం’ నడుమ ఎడం లేకుండా తీర్చిన తిరుమణి ‘బుంగనామం’ * వసంత కిశోర్ గారూ, మీ మూడు పూరణలూ బాగున్నాయి. అభినందనలు.
శ్రీమంతుఁడు శ్రీహరికిన్
రిప్లయితొలగించండిసామీప్యము నొందఁ గొలువ శత శత సంఖ్యౌ
నామంబుల , నొసటికిఁ దగు
నామంబుల లోన పంగ నామము మేలౌ !
శ్రీమాధవు భక్తులకున్
రిప్లయితొలగించండినామంబులలోన పంగనామము మేలౌ
నామ మొకటె చాలదు శ్రీ
ధామమ్మును జేర్చు భక్తి తాత్పర్యంబే
అన్నగారి పూరణలలో ఆ ప్రత్యేకతే వేరు !
రిప్లయితొలగించండిఆత్మ చింతన:
రిప్లయితొలగించండిమిత్రులారా!
నిన్నటి నా వ్యాఖ్యలలో "ఆత్మనింద" కూడదని, త్రికరణ శుద్ధి అవసరమని పేర్కొనినాను. త్రికరణ శుద్ధి గురించి భగద్గీతలో 17వ అధ్యాయములో (శ్లో.14, 15, 16) తప్పక అందరూ గమనించ దగినవి - వాటిని చూడండి.
దేవ ద్విజ గురు ప్రాజ్ఞ
పూజనం శౌచ మార్జవం
బ్రహ్మచర్య మహింసా చ
శారీరం తప ఉచ్యతే (శారీరికమైన తపస్సు లేక శుద్ధి)
అనుద్వేగకరం వాక్యం
సత్యం ప్రియ హితంచ యత్
స్వాధ్యాయాభ్యసనం చైవ
వాఙ్మయం తప ఉచ్యతే (వాక్శుద్ధి)
మనః ప్రసాదః సౌమ్యత్వం
మౌన మాత్మవినిగ్రహః
భావ సంశుద్ధి రిత్యేతత్
తపోమానస ముచ్యతే (మనశ్శుద్ధి)
ఈ విధమైన త్రికరణ శుద్ధి అవసరమని గీతాచార్యుడు చేసిన బోధ యెంతయునూ ఆచరింపదగినది. స్వస్తి.
మూర్తి మిత్రమా మీ పద్యం హృద్యం.
రిప్లయితొలగించండిమీరన్నట్లు నేమాని పండితార్యుని పద్యపు ప్రత్యేకత విశిష్టం.
హాస్యం వ్యంగ్యం జోడిస్తూ దుర్యోధనుడు శకునితో అన్నట్లు ఊహ:
రిప్లయితొలగించండిమామా! నీనామమహిమ
దేమాటలఁ జెప్పలేక నేడ్చితి శకునీ!
వేమాటల లేలా! నీ
నామంబులలోన పంగనామము మేలౌ!
మనవి: పంగనామము=మోసము అనే అర్థంలో; పండితులు నా పూరణకి ఎక్కువ ప్రాధాన్యత ఇవ్వకుండా నవ్వుకోవలసినది.
చక్కని బోధ ! అన్నగారికి ,గురువు గారికి నమస్సులు !
రిప్లయితొలగించండిమిస్సన్న మహాశయా, ధన్యవాదములు.
రిప్లయితొలగించండిచి.తమ్ముడు నరసింహమూర్తి ఈనాడు ప్రథమ తాంబూలము పుచ్చుకొన్నాడు. శ్రీ చంద్రశేఖర్ గారు కావలసినంత హాస్యమునకు అవకాశము నిచ్చేరు. "పరిహాస ప్రసంగము లేని వాక్యమున్ గ్రాసములేని కొల్వు కొరగానివి పెమ్మయ సింగధీమణీ!" అని పూర్వము ఒక మహాకవి సెలవిచ్చేరు. తగినంత మోతాదులో హాస్యము కూడ కావలసిందే. అందరికీ శుభాభినందనలు. స్వస్తి.
రిప్లయితొలగించండినేమంబున హరి గొల్చెడి
రిప్లయితొలగించండిధీమంతులకును సమమగు దృష్టియు, నాయా
హోమంబుల వేళ నుదుట
నామంబులలోన పంగ నామము మేలౌ.
సోమా విను కొందరికిని
రిప్లయితొలగించండినీమంబు విభూతి రేఖ నెన్నుదుటన్నౌ
రామా మరి కొందరికిని
నామంబులలోన పంగ నామము మేలౌ.
ప్రేమ నటించుచు లోలో
రిప్లయితొలగించండినామంబులు దీయు సఖుని నమ్మకు నీవున్
ధీమమ్మున వాడి కిడుము
నామంబుల లోన పంగ నామము మేలౌ
ఓం శ్రీ వేంకటేశ్వరాయ నమః
రిప్లయితొలగించండిగోమాయువు నీ నంబై
హేమాభరణములు సంగ్రహించెడు వేళన్
క్షేమంబుగ పెట్టెనె !ఆ
నామంబుల లోన పంగ నామము మేలౌ !
నామము గురువుకు పొందుగ
రిప్లయితొలగించండినామంబుల లోన పంగనామము 'మేలౌ'
ధీమంత్ర మెరిగి తీయగ
నేమాత్రము సంశ యింప రిప్పటి శిష్యుల్
శంకరయ్య గారూ!
రిప్లయితొలగించండినిన్నటి మిస్సన్నగారిని గురించిన ప్రశంస లో ...
తమ సందేహం 'మేను దెలుగు'...?
'పరవశించె మిత్రుడా! మేను,దెలుగున మేటి వీవు'(తమరు పూర్తిగా చదివి నట్లు లేదు)
నామమె గురు లఘువుల కిర
రిప్లయితొలగించండివీ మహి ఛందస్సునకు నదే మూలమ్మౌ
సామాన్యమె యా వన్నెలు
నామంబులలోన పంగనామము మేలౌ
సాత్వికుడైన గురువు (తెల్లని రంగు) మరియు రాజసము కల్గిన లఘువు (ఎర్రని రంగు) కలిగిన ఈ చిహ్నము విశేషములెన్నో మన ఊహకు అందవు కదా!.
కందుల వరప్రసాద్ గారి పూరణ .....
రిప్లయితొలగించండిరామాయణమును బూతని
యే మాత్రము సంశయింప కిట్టుల దెలుపన్
నీ మాయ జగతి యందున
నామంబులలోన పంగనామము మేలౌ.
గన్నవరపు నరసింహ మూర్తి గారూ,
రిప్లయితొలగించండిమీ పూరణ బాగుంది. అభినందనలు.
‘శతశతసంఖ్యౌ’ కంటే ‘శతశతసంఖ్యా/ నామంబులు’ అంటే బాగుంటుందేమో?
మీ రెండవ పూరణ చమత్కారంగా ఉంది. అభినందనలు.
‘నీ నంబై’ .... ?
*
పండిత నేమాని గారూ,
బాహిరచిహ్నంతో ఆంతరంగిక భక్తి ఆవశ్యకతను ప్రబోధించిన మీ మొదటి పూరణ, గురులఘువుల సంబంధాన్ని వివరించిన మీ రెండవ పూరణ ప్రశస్తంగా ఉన్నాయి. అభినందనలు.
త్రికరణశుద్ధిని ప్రస్తావించిన మీ వ్యాఖ్య బాగుంది. ధన్యవాదాలు.
హాస్యప్రవృత్తిని (sense of hummer) ఆహ్వానించినందుకు కూడా ధన్యవాదాలు. సమస్యలు ఇవ్వడంలో, పూరించడంలో దీనికి ఎంతో ప్రాధాన్యం ఉంది. ఈ మధ్య సమస్యలను ఇవ్వడానికి ముందు ఒకటికి రెండు సార్లు ఆలోచించవలసి వస్తుంది. ఎవరి మనోభావాలను నొప్పించవద్దని. అయితే సమస్యా పూరణలను ఒక సరదా ప్రక్రియగా భావించి, సమస్యలోని విపరీతార్థాన్ని గ్రహించకుండా (నొచ్చుకోకుండా) చమత్కారంగా పూరించడం ఆహ్వానించదగింది. స్వస్తి!
*
చంద్ర్రశేఖర్ గారూ,
చమత్కారభరితమైన మీ పూరణ అలరించింది. అభినందనలు.
‘మహిమ + అది + ఏ మాటల’ అని పదవిభాగమా? ఇక్కడ సంధి సందేహమే. ‘మహిమ నే మాటల’ అంటే బాగుంటుందేమో? ‘వే మాటల లేలా’ అన్నచోట ‘వేమాట లేలనో’ అంటే ఎలా ఉంటుంది?
*
మందాకిని గారూ,
చక్కని పూరణ. అభినందనలు.
*
మిస్సన్న గారూ,
మీ పూరణ ఉత్తమంగా ఉంది. అభినందనలు.
‘నెన్నుదుటన్నౌ’ .... ‘నెన్నుదుట నగున్/దగున్’ ఆంటే?
*
లక్కాకుల వెంకట రాజారావు గారూ,
మీ రెండు పూరణలు చాలా బాగున్నాయి. అభినందనలు.
*
వరప్రసాద్ గారూ,
మీ పూరణ బాగుంది. అభినందనలు.
గురువుగారూ అవును నుదుట నగున్ అంటే చాలా బాగుంది. ఈ టన్నులు, మణుగులు బాధ ఉండదు. దన్యవాదాలండీ.
రిప్లయితొలగించండిఅయ్యా! శ్రీ శంకరయ్య గారూ! అభినందనలు.
రిప్లయితొలగించండిమీ వ్యాఖ్యలోని ఆంతర్యాన్ని గ్రహించేను. నేను మీతో ఏకీభవిస్తున్నాను. సమస్యలు సాహిత్య ప్రక్రియలే - వినోదము ఉండవలసిందే - అమలిన భావములు ప్రకటించడములో తప్పు లేదు. ఇవి సామాన్య సామాజిక విషయాలను మతేతర విషయాల గురించి చెప్పినంతవరకు బాగానే ఉంటాయి.
పూర్వ జన్మల సుకృత ఫలము, జగన్మాత యొక్క కరుణా కటాక్షము లేనిదే కవిత్వము పాండిత్యము అలవడవు. అట్టి మనము నిరంతరము వాగ్దేవీ వరివస్యను చేస్తూనే ఉంటున్నాము. అందుచేత మనకు ఇంతో అంతో వాక్శుద్ధి ఉంటుంది. పండిత వాక్యము రిత్త వోవునే అని ఆర్యోక్తి కూడా ఉంది కదా. అందుచేత ఎక్కడ దోషమైన వాక్యాలు భావాలు ఉచ్చరిస్తే ఏది నిజమౌతుందో అని కూడా జాగ్రత్తగా ఉండాలి అని నా ఉద్దేశము.
అందుచేత ఈ విషయములను మీరు గుర్తు ఉంచుకొనగలరని నా నమ్మకము. స్వస్తి.
శ్రీ నేమాని వారికీ, మాస్టారికీ ధన్యవాదాలు. మీ సవరణల మీద నావి కొన్ని. ఇప్పుడు ధారబాగుందనిపించింది:
రిప్లయితొలగించండిహాస్యం వ్యంగ్యం జోడిస్తూ దుర్యోధనుడు శకునితో అన్నట్లు ఊహ:
మామా! నీనామమహిమ
నేమాటల నుడువఁగలేక నీల్గితి నౌరా!
వేమాట లేలనో నీ
నామంబులలోన పంగనామము మేలౌ!
మనవి: పంగనామము=మోసము అనే అర్థంలో.
కామ క్రోధములు వదలి
రిప్లయితొలగించండిరామాయని పిలచి నంత రంజిల్లు మదిన్ !
ఏమరు పాటున దురితపు
నామంబుల లోన పంగ నామము మేలౌ !
పండిత నేమాని వారూ,
రిప్లయితొలగించండిధన్యవాదాలు.
మీ అభిప్రాయంతో నేను సంపూర్ణంగా ఏకీభవిస్తున్నాను.
*
చంద్రశేఖర్ గారూ,
సంతోషం!
*
రాజేశ్వరి అక్కయ్యా,
పద్యం బాగుంది. కాని పూరణ అన్వయమే కొద్దిగా తికమక పెడుతున్నది.
తమ్ముని అభినందించి
రిప్లయితొలగించండిఅన్వయము = " రామ నామం స్మరిస్తే మనసుకు బాగుంటుంది.
పొరబాటున చెడు నామము అనుకోవడం కంటె అసలు మానెయ్యడం మంచిది " అని నాఉద్దేశ్యమ్ [ అందుకేనేమో " ఆడు వారి మాటలకు అర్దాలే వేరులే " అన్నారు ]
గురువుగారూ నమస్సులు. నా మొదటి పూరణలో మీ సవరణ బాగుంది.
రిప్లయితొలగించండిరెండవ పూరణలో నంబి + ఐ = నంబై అలా సంధి కుదరక పోతే
నా సవరణ ;
గోమాయువు నంబియ ? తా
హేమాభరణములు సంగ్రహించిన వేళన్
క్షేమంబుగఁ బెట్టెనె ! ఆ
నామంబుల లోన పంగ నామము మేలౌ !
విశిష్టాద్వైతులయిన శ్రీ వైష్ణవులలో రెండు తెగలు. తెంగల వారి నామమునకు ముక్కు పాదము ఉండి యిరు ప్రక్కల ఉండే పుండ్రములు కనుబొమల నుండి మీదకు వెడల్పుగా సాగుతాయి. వడగల వారి నామములొ పుండ్రములు విరివి తక్కువగా ఉంటుంది. ముక్కు పాదము లేక అర్ధవలయాకారములో రేఖలు ముక్కు మొదట కలుస్తాయి.
రిప్లయితొలగించండిఅందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
01)
______________________________________
నామంబిదె "రామా" యని !
నేమంబున దలచుచుండు - నిజ భక్తులకున్
నేమియు నేమీ నొవ్వదు !
నామంబుల లోన పంగ - నామము మేలౌ !
______________________________________
నామము = పేరు(జప మంత్రము)
నేమము = కట్టుబాటు
నేమి = వజ్రాయుధము
నామము = బొట్టు
పంగనామము = వైష్ణవులు ధరించు బొట్టు
ఈ కామెంట్‌ను రచయిత తీసివేశారు.
రిప్లయితొలగించండి02)
రిప్లయితొలగించండి______________________________________
పాములలో వాసుకియును
భామలలో భర్త నెపుడు - బాధించనిదౌ
పామరులకు రామా యన
నామంబుల లోన పంగ - నామము మేలౌ !
______________________________________
03)
రిప్లయితొలగించండి______________________________________
చామలలో సీతా సతి
మోములలో చందమామ - బోలెడి మోమే
కామములో రామా యన
నామంబుల లోన పంగ - నామము మేలౌ !
______________________________________
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిడా.మూర్తి మిత్రమా! మీ తెన్గల్-వడగళ్ నామ వివరణ అమోఘం. నా చిన్నప్పుడు మా ఇంటికి మురళీకృష్ణమాచారి అని మా అన్నయ్య స్నేహితుడొకడు వచ్చేవాడు. అతను చెప్పేవాడు. జయహో, మరలా మీ ద్వారా ఇపుడు!
రిప్లయితొలగించండి04)
రిప్లయితొలగించండి______________________________________
గోముగ జూచే భర్తయు
నోములు నోచుచు పతియెడ - నెనరును జూపే
చామయె భార్యలలో కడు
నామంబుల లోన పంగ - నామము మేలౌ !
______________________________________
రాజేశ్వరి అక్కయ్యా,
రిప్లయితొలగించండిధన్యవాదాలు.
*
గన్నవరపు నరసింహ మూర్తి గారూ,
ధన్యవాదాలు.
నడుమ ఎడం ఉండేవిధంగా తీర్చిన తిరుమణి ‘పంగనామం’
నడుమ ఎడం లేకుండా తీర్చిన తిరుమణి ‘బుంగనామం’
*
వసంత కిశోర్ గారూ,
మీ మూడు పూరణలూ బాగున్నాయి. అభినందనలు.
రాజకీయులు :
రిప్లయితొలగించండి05)
______________________________________
స్కాముల మునుగుచు దేలుచు
హోమంబులు ధనము కొఱకు - నొనరించు చిలన్
నేమము ,నీతీ ,విడి ,చెడు
నామంబుల లోన పంగ - నామము మేలౌ !
______________________________________
పంగనామము = మోసము(ప్రజలకు)
వసంత కిశోర్ గారూ,
రిప్లయితొలగించండిమీ 4వ, 5వ పూరణలు కూడా బాగున్నవి. అభినందనలు.
నాల్గవ పూరణ రెండవ పాదంలో యతి తప్పింది.
06)
రిప్లయితొలగించండి______________________________________
స్వామీ శరణని వేడిన
ప్రేమగ భక్తులను గాచి - పెన్నిధి నిచ్చే
స్వామియె కలిగిన నిలలో
నామంబుల లోన పంగ - నామము మేలౌ !
______________________________________
వసంత కిశోర్ గారూ,
రిప్లయితొలగించండిమీ ఆరవ పూరణ బాగుంది. అభినందనలు.
శంకరార్యా ! ధన్యవాదములు !
రిప్లయితొలగించండిఇది మీరు నేర్పిన పాఠమే :
సరసయతి :
"అయహల మైత్రి నిట్లు విస్తరించి చెప్పవచ్చును.
1) అఆఐఔ - యయాయైయౌ - హహాహైహౌ.
2) ఇఈఋౠఎఏ - యియీయృయౄయెయే- హిహీహృహౄహెహే.
౩) ఉఉఒఓ - యుయూయొయో - హుహూహొహో
‘తెలుగులో ఛందోవిశేషములు’ - యతిభేదపరిశీలనము నుండి)
వసంత కిశోర్ గారూ,
రిప్లయితొలగించండిపాదాద్యక్షరం ‘నో’. యతిస్థానంలో ‘ను,నూ,నొ,నో’లు ఉండాలి కదా. మీరు ‘నె’ వేసారు. దోషమే కదా!
‘నోములు నోచుచు పతియెడ - నెనరును జూపే’ ... ?
హోమంబులు ధనము కొఱకు - నొనరించు చిలన్
రిప్లయితొలగించండిశంకరార్యా ! ధన్యవాదములు !
ఇక్కడ -"హో "- కి -"ఒ" - కి యతి !
ఓహో ! నాల్గవ పూరణలో గదూ ! తప్పే !
నేను రెండవ దానిలో ననుకున్నా !
సవరిస్తా !
04 అ)
రిప్లయితొలగించండి______________________________________
గోముగ జూచే భర్తయు
నోములు నోచుచు పతి యెద - నూగుచు దనరే
చామయె భార్యలలో కడు
నామంబుల లోన పంగ - నామము మేలౌ !
______________________________________
అడ్డ నామంబు బెట్టి తిరపతి కొండ నెక్కంగ
రిప్లయితొలగించండిఎగ నామంబు బెట్టిన ఫాస్టు దర్శన మనిరి
హర నామంబును హరీ నామంబు గావింపగ
నామంబులలోన పంగ నామము మేలౌ.
ఈ కామెంట్‌ను రచయిత తీసివేశారు.
రిప్లయితొలగించండివసంత కిశోర్ గారూ,
రిప్లయితొలగించండిసవరించినందుకు ధన్యవాదాలు.
*
జిలేబి గారూ,
బాగుంది. మీది వచన కవిత అనుకోమంటారా? సరె .. కానీండి. అభినందనలు.
07)
రిప్లయితొలగించండి______________________________________
సోముడు పొరపడి , గురువుల
భామను సల్లాపకేళి - పచరించె నహో
కామార్తి జెంది ; గురునకు
నామంబుల లోన పంగ - నామము మేలౌ ! ???
______________________________________
వసంత కిశోర్ గారూ,
రిప్లయితొలగించండి‘గురువుకు పంగనామాలు’ అన్న లోకోక్తిని ఎవ్వరూ ప్రస్తావించడం లేదే అనుకున్నా ... ఆ పని మీరు చేసారు. బాగుంది మీ పూరణ. అభినందనలు.
శంకరార్యా ! ధన్యవాదములు !
రిప్లయితొలగించండిక్షేమంబును గూరుచు హరి
రిప్లయితొలగించండినీమంబున పూజ జేయ నిశ్చల మతితో
నామ జపము జేయ నుదుట
నామంబుల లోన పంగ నామము మేలౌ.
నామంబన నమ్మించుట
రిప్లయితొలగించండినామంబన వంచనయట నామంబనగా
నేమార్చిదోచుకొనుటట
నామంబుల లోన పంగనామము మేలౌ!!!
నీమముగ బోరు గొట్టెడి
రిప్లయితొలగించండికామేశ్వర రావు గారి కామర్సుల క్లాస్
రూమున హాజరుకు బిలుచు
నామంబులలోన పంగ నామము మేలౌ!