చమత్కార పద్యాలు - 166

ప్రహేళిక

వనే వసతి కో వీరః
యోऽస్థిమాంస వివర్జితః |
అసివత్ కురుతే కార్యం
కార్యం కృత్వా వనే గతః ||

నా అనువాదం 

ఉండు వనమునందు నుండ వస్థులు మాంస
మొనరఁ గత్తివలెను పనులఁ జేయుఁ
గార్యమైన పిదపఁ గడగి వనముఁ జేరు
నట్టి మేటి యెవరొ యరయఁ గలరె?

ఎముకలు, మాంసం లేకుండా, వనంలో నివసిస్తూ, కత్తివలె పనిచేస్తూ, 

పని పూర్తి కాగానే వనానికి పోయే మేటి ఎవరు?
మిత్రులు ప్రయత్నించండి. 

సమాధానం రేపు ప్రకటిస్తాను.