కవిమిత్రులకు, బ్లాగు వీక్షకులకు
కనుమ పండుగ శుభాకాంక్షలు
ఈ రోజు పూరించవలసిన సమస్య ఇది
పసలేని పశువు కడివెడు పాల నొసంగెన్.
ఈ సమస్యను పంపిన
‘మన తెలుగు’ చంద్రశేఖర్ గారికి
ధన్యవాదాలు.
కనుమ పండుగ శుభాకాంక్షలు
ఈ రోజు పూరించవలసిన సమస్య ఇది
పసలేని పశువు కడివెడు పాల నొసంగెన్.
ఈ సమస్యను పంపిన
‘మన తెలుగు’ చంద్రశేఖర్ గారికి
ధన్యవాదాలు.
రసహీనంబగు కవితను
రిప్లయితొలగించండివెస పామరుడొక్క రాజు విని బహుమతిగా
నొసగెను లక్షలను కవికి
పసలేని పశువు కడివెడు పాల నొసంగెన్
మూర్తి గారూ! 'త్రస్తరించు' పద్యము బాగుంది.
రిప్లయితొలగించండినేమాని గారూ! 'రాజు బహుమతి' బాగుంది.
దెస తోచక వరదలలో
గస బెట్టుచు పాల ' కేన్లు' గాడిద పైనన్
వెస మోపి పంచె నొక్కడు
'పస లేని పశువు కడివెడు పాలనొసెంగెన్'
హనుమఛ్ఛాస్త్రి గారూ మీ పద్యము చాలా బాగుంది.ఆ పరిస్థితులలో ' ఖరము పాలు ' బహు పసందుగా ఉంటాయి. నా పూరణ నాకు తృప్తిగా లేదు.
రిప్లయితొలగించండిమూర్తి గారు ధన్య వాదములు.
రిప్లయితొలగించండి' కడివెడు పాల' కోసం చిన్న సవరణ...
దెస తోచక వరదలలో
గస బెట్టుచు ' పాల కడవ ' గాడిద పైనన్
వెస మోపి పంచె నొక్కడు
పస లేని పశువు ' కడివెడు పాల ' నొసెంగెన్.
పిసినారి షావుకారికి
రిప్లయితొలగించండిపసలేని పశువు కడివెడుపాల నొసంగెన్
పసిబాలుడు రుచి లేవని
కసికసిగాలేచిపాల కడవను తన్నెన్!!!
అసలుకె మోసము నిచ్చెను
రిప్లయితొలగించండిపస లేని పశువు ,కడివెడు పాల నొసంగెన్
పస గలిగెడి మా యావులు
రుస రుస లే దాని గుణము రోజంతయునున్
కసవును మెసవుచు బుధ్ధిని
రిప్లయితొలగించండిపసలేని పశువు కడివెడు పాల నొసంగున్
వసుధను మొలిచిన గింజలు
వసువులు గురిపించు మానవాళికి - నరుడో???
అసలే చిక్కిన పశువది
రిప్లయితొలగించండికసువైనను మేయదెపుడు కాసింతైనన్
ముసలితనంబున నేడా
పసలేని పశువు కడివెడు పాల నొసంగెన్
నస బెట్టకు నే నమ్మను
రిప్లయితొలగించండికసవూడ్చుము వేగ ననిన కాముడ దేమో
విసవిస పోయెను నిజమొకొ
పసలేని పశువు కడివెడు పాల నొసంగెన్.
ముసిముసి నవ్వుల కృష్ణుడు
రిప్లయితొలగించండివెస విడువగ వత్స త్రాగె వేకువ జామున్
రుసరుసలు రాక మున్నే
పసలేని పశువు కడివెడు పాలనొసంగెన్ !
మసకేసిన చీకటిలో
రిప్లయితొలగించండిపసువుంగని పాలుపితుక పాలేరరుగన్
కసువేదినకచ్చెరువున
పసలేని పసువు కడివెడు పాలనొసంగెన్
ఉసురుండునొ హింసింపగ
రిప్లయితొలగించండిముసలితనము నమ్మ దాని ముష్కరునకు, నే
వెస బెట్టితి కసవింతయు
పసలేని పశువు కడివెడు పాల నొసంగెన్ !
పసిబాలుడు రేపల్లెన
రిప్లయితొలగించండివసుదేవ సుతుండునాడు పశుపాలకుడై
రసములు పొదుగున నింపగ
పసలేని పశువు కడివెడు పాల నొసంగెన్!!!
శ్రీగురుభ్యోనమ:
రిప్లయితొలగించండిఅసురుని వలె హింసించుచు
పసి దూడను కాల దన్నె పశువా యనుచున్
అసహాయ తిరుగబడుటకు
పసలేని పశువు, కడివెడు పాల నొసంగెన్
రస మురళీగానము విని
రిప్లయితొలగించండివెస గోపాలకుని జేరి వివశంబుననా
ససిధారల చేపుచు వడిఁ
పసలేని పశువు కడివెడు పాల నొసంగెన్!
బసకైనను నోచుకొనని
రిప్లయితొలగించండివ్యసనుఁడు గడియించె 'గాలి' వరుసగ నేవో
దెసలన్నది యే మాయన
పసలేని పశువు కడివెడు పాల నొసంగెన్?
కవిమిత్రుల పూరణలు ప్రశస్తంగా ఉన్నాయి.
రిప్లయితొలగించండిపండిత నేమాని వారూ,
గోలి హనుమచ్ఛాస్త్రి గారూ,
మంద పీతాంబర్ గారూ,
సుబ్బారావు గారూ,
లక్కాకుల వెంకట రాజారావు గారూ,
నిరంజన్ కుమార్ గారూ,
మిస్సన్న గారూ,
గన్నవరపు నరసింహ మూర్తి గారూ,
శ్రీపతి శాస్త్రి గారూ,
‘మనతెలుగు’ చంద్రశేఖర్ గారూ,
మీ మీ పూరణలు దేనికదే ప్రత్యేకంగా, వైవిధ్యంగా, కొండొకచో చమత్కారంగా ఉండి అలరించాయి. అందరికీ అభినందనలు, ధన్యవాదాలు.
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
"సత్యనిష్ఠ "తో
లేగకు పాలుకుడిపి వచ్చి నీ కాహార మౌదునని
పులికి వాగ్దానమిచ్చి దిగాలుపడ్డ మనసుతో
బలహీనమైన పశువు యింటికి చేరి తన పిల్లకు
కడుపారా పాలు పట్టిన వైనంబేమన:
01)
___________________________________
పసి వత్సము పాలు కుడుప
పసితిండిని గడు వడిగిన - పసరము వడిగా
బస జేరి, మదిని సుంతయు
పసలేని పశువు కడివెడు - పాల నొసంగెన్ !
___________________________________
పసితిండి = పులి
వసంత కిశోర్ గారూ,
రిప్లయితొలగించండిమీ పూరణ ప్రశస్తంగా ఉంది. అభినందనలు.
శంకరార్యా ! ధన్యవాదములు !
రిప్లయితొలగించండిఅసలే బక్కటి జీవుడు
రిప్లయితొలగించండిబుసబుస రుసరుసలు లేని బుడతడు గాంధీ
పసగల స్వాతంత్ర్య మొసగె:
"పసలేని పశువు కడివెడు పాల నొసంగెన్"
గాంధీ గారి:
బరువు = 46 kg
పొడవు = 5' 3"
ప్రియంక రోదన:
రిప్లయితొలగించండిఅసలీ టీవీ నాయిక
తసదియ నగవుచు అమేథి తన్నుకు పోయెన్
కసిగొన నిదియెట్లన్నన్:
"పసలేని పశువు కడివెడు పాల నొసంగెన్"
రిప్లయితొలగించండిఅసమాన ప్రతిభ తోడుగ
మసకయె లేని ప్రభుత పలు మానవులన్ మా
ర్చె! సవాలుల నెదురుకొనుచు
పసలేని పశువు కడివెడు పాల నొసంగెన్!
జిలేబి