31, అక్టోబర్ 2014, శుక్రవారం

పద్యరచన - 721 (తేలు కుట్టిన దొంగ)

కవిమిత్రులారా,
ఈనాటి పద్యరచనకు అంశము...
 తేలు కుట్టిన దొంగ

14 కామెంట్‌లు:

  1. దొంగ తనము జేసి గంగమ్మ దొరకంగ
    నూరి జనులు నామె యుసురు దీయ
    కుయ్యు మనక తేలు కుట్టిన దొంగమా
    దిరి సహనము గలిగి దిగులు జెందె

    రిప్లయితొలగించండి
  2. పట్టుకు పోగా వచ్చెను
    దట్టించి గృహంబులోని ధనమంతటినిన్
    కుట్టెనొక తేలు, బాధను
    తట్టుకొనను లేడు యేడ్వ తరమున్ గాదే

    రిప్లయితొలగించండి
  3. సుబ్బారావు గారూ,
    మీ పద్యం బాగున్నది. అభినందనలు.
    *
    చంద్రమౌళి సూర్యనారాయణ గారూ,
    మీ పద్యం బాగున్నది. అభినందనలు.

    రిప్లయితొలగించండి
  4. నల్ల ధనము దాచిన వారి నామములను
    తరచి జూచిన తమవారు తారసిల్ల
    బయట పెట్టిన పోవును పరువనుకొని
    తేలు కుట్టిన దొంగయ్యె ధీర నరుఁడు!!

    రిప్లయితొలగించండి
  5. తెలుగులఁ జీల్చిరి గెలిచెడు
    తలపులు మదిలోఁ గదలగ దారుణ మనినన్
    విలవిల లాడెడు యోటమిఁ
    దలకెత్తుకు మాట రాక ధామము విడరే!

    కుడి యెడమల గట్టులనే
    విడదీసియు విజ్ఞు లెల్ల వేడుకఁ గనిరే!
    ముడిపడగన్ జగడమ్మును
    సడలించగఁ బూను కొనక జారెదరెటకో
    (శ్రీశైలం ప్రాజెక్టు జలవివాదం)

    రిప్లయితొలగించండి
  6. దొంగతనము జేయ దొడ్డిలో మాటేయ
    తేలు గుట్టె నొకని వేలు మీద
    నఱచి గోల బెట్ట నల్లరౌ నని తల్చి
    మిన్న కుండె బాధ మ్రింగికొనుచు
    చింతామణి యింటిలో సుబ్బి శెట్టి ఉన్నప్పుడు పెద్ది శెట్టి వచిన ఘట్టం
    సాని యింటి కొకడు సరస మాడగ బోవ
    నతని తండ్రి వచ్చె నాత్రముగను
    తనయు డపుడు దూరె తల్పము క్రిందను
    దృణము పోటు బడిన దొంగ వోలె
    దృణము - తేలు

    రిప్లయితొలగించండి
  7. జిగురు సత్యనారాయణ గారూ,
    మీ పద్యం బాగున్నది. అభినందనలు.
    *
    గుండా వేంకట సుబ్బ సహదేవుడు గారూ,
    మీ పద్యాలు బాగున్నవి. అభినందనలు.
    *
    అన్నపరెడ్డి సత్యనారాయణ రెడ్డి గారూ,
    మీ పద్యాలు బాగున్నవి. అభినందనలు.
    రెండవపద్యం చివరిపాదంలో యతి తప్పింది. ‘దొంగవోలె’ అన్నదాన్ని ‘తెక్కలి వలె’ అనండి.

    రిప్లయితొలగించండి
  8. చక్కగ దోచగ ధనమున్
    నక్కుతు మరివచ్చి తలుపు నయముగ దీయన్
    టక్కున కుట్టెపృదాకువు
    కిక్కురుమనలేక దొంగ గేటును దాటెన్!

    రిప్లయితొలగించండి
  9. శైలజ గారూ,
    మీ పద్యం బాగున్నది. అభినందనలు.

    రిప్లయితొలగించండి
  10. పూజ్య గురుదేవులు కంది శంకరయ్య గారికి నమస్సులు. తమరి సవరణలకు ధన్యవాదాలు

    రిప్లయితొలగించండి
  11. పూజ్య గురుదేవులు కంది శంకరయ్య గారికి నమస్సులు. నేను “ద్రుణము” పొరపాటున దృణము అని టైపు చేశాను.
    అందువలన “ద్రుణము పోటు బడిన దొంగవోలె” సరి పోతుందా? దయచేసి తెలియ జేయండి.

    రిప్లయితొలగించండి
  12. అన్నపరెడ్డి వారూ,
    చక్కగా సరిపోతుంది. స్వస్తి!

    రిప్లయితొలగించండి
  13. దాచిన సొమ్ములు నావని
    దోచినవారై పలుకరు దోషులు ,భళి! యా
    నీచులు నల్లధనముపై
    వే చల్లిరి నీటిధార, వీడిరి యాశల్.

    రిప్లయితొలగించండి
  14. లక్ష్మీదేవి గారూ,
    మీ పద్యం బాగున్నది. అభినందనలు.

    రిప్లయితొలగించండి