కవి మిత్రులకు నమస్కృతులు. నిన్న బంధువుల ఇంట్లో పెళ్ళికి ఊరికి వెళ్ళి రాత్రి ఎప్పుడో ఇల్లు చేరాను. అందువల్ల నిన్నటి పూరణలను కానీ, పద్యాలను కానీ చూసి వ్యాఖ్యానించే అవకాశం దొరకలేదు. మరి కాసేపట్లో కరెంటు పోతుంది. సాయంత్రం వరకు సమీక్షిస్తాను. ఎలాగూ పరస్పర వ్యాఖ్యలు, నేమాని వారి గుణదోష విచారణ కొనసాగుతున్నాయి కదా! అందరికీ అభినందనలు, ధన్యవాదాలు.
సరస మనోంబుజాతముల సార మనోహర భావజాలముల్
రిప్లయితొలగించండికర మలరారు చుండగ ముఖంబుల నూతన శోభలొప్పగా
సిరియును శౌరియట్లలరు స్నిగ్ధ మనస్కుల కొప్పుగా వధూ
వరులకు గూర్తు దీవెనలు వర్షశత మ్మలరార ప్రేమతో
Pandita Nemani వారూ
రిప్లయితొలగించండిసరస మనోంబుజాతముల సార మనోహర భావజాలముల్
చక్కటి వర్ణన.
శ్రీ లక్కరాజు గారికి శుభాశీస్సులు.
రిప్లయితొలగించండిమీకు పద్యము నచ్చినందులకు సంతోషము.
స్వస్తి.
పృధివీ తలంబు నందున్
రిప్లయితొలగించండివధూవరులకీ వివాహ బంధము సఫలం
బది సఖ్యత, సౌమ్యత, పా
రదర్శకమయి, తెరలేని రాగము గూడన్!
జీవనమెల్ల పాలనము చేయగ బాసను బూనుదంపతుల్
రిప్లయితొలగించండిపావనమైన శాస్త్రముల పై దగు నమ్మిక తోడ నిష్ఠతో
పావకు సాక్షిగా క్రతువు పద్ధతి మీఱక జేయుచో సదా
దీవన జేయ పెద్దలిక తీరరె బారులు, మోదమొప్పగా.
మధుర భావంపు కుసుమము లెదను పొదిగి
రిప్లయితొలగించండితొలగి పోవంగ తెరలన్ని కలల పంట
నిండు నూరేళ్ళు సుఖముల నుండు మనుచు
సురలు దిగివచ్చి దీవించె విరులు కురియ
రాజేశ్వరి నేదునూరి గారూ
రిప్లయితొలగించండిమధుర భావంపు కుసుమము లెదను పొదిగి
చూపులు కలిసిన శుభవేళ హృదయ కుసుమాలు మధురభావాలతో పరిమళిస్తున్నాయి. వావ్.
మరుగేలరా నీకు మాధవా యని తెర
రిప్లయితొలగించండి......................చాటున సిగ్గిలు చపల నయన!
తెర దీయరే చెలి తరియింప నినుజూచి
......................యెంత సేపని యెంచు కాంతు డివల!
సుముహూర్త మునకింక సుముఖమే యంతయున్
......................రవ్వంత యాగుడన్ బ్రహ్మ గారు!
చూపులు కలసెడు శుభవేళ యెప్పుడో
......................యిరువురకని చూడ నింతులచట!
నాల్గు కన్నులు ప్రేమతో నవ్వు వేళ!
రెండు హృదయాల వలపులు పండు వేళ!
క్రొత్త భావాలు మదులలో కొసరు వేళ!
పెళ్లి శుభ వేళ !ఎదలెల్ల త్రుళ్లు వేళ!
శ్రీ లక్కరాజు గారికి ధన్య వాదములు.
రిప్లయితొలగించండికవి మిత్రులకు నమస్కృతులు.
రిప్లయితొలగించండినిన్న బంధువుల ఇంట్లో పెళ్ళికి ఊరికి వెళ్ళి రాత్రి ఎప్పుడో ఇల్లు చేరాను. అందువల్ల నిన్నటి పూరణలను కానీ, పద్యాలను కానీ చూసి వ్యాఖ్యానించే అవకాశం దొరకలేదు. మరి కాసేపట్లో కరెంటు పోతుంది. సాయంత్రం వరకు సమీక్షిస్తాను.
ఎలాగూ పరస్పర వ్యాఖ్యలు, నేమాని వారి గుణదోష విచారణ కొనసాగుతున్నాయి కదా!
అందరికీ అభినందనలు, ధన్యవాదాలు.