కవిమిత్రులారా,
ఈరోజు పూరించవలసిన సమస్య ఇది ...
కరములు దిద్దంగలేని కరము కరమ్మే?
(ఆకాశవాణి సౌజన్యంతో... సూచించిన కవిమిత్రునకు ధన్యవాదాలు)
ఈరోజు పూరించవలసిన సమస్య ఇది ...
కరములు దిద్దంగలేని కరము కరమ్మే?
(ఆకాశవాణి సౌజన్యంతో... సూచించిన కవిమిత్రునకు ధన్యవాదాలు)
మరి తెల్గు ఓనమాలను
రిప్లయితొలగించండివర వీణా పాణి యైన వాణిని కూర్మిన్
స్థిరముగ దలచుచు మోడ్చుచు
కరములు, దిద్దంగలేని కరము కరమ్మే?
మిత్రులారా!
రిప్లయితొలగించండివాక్కు అనే సంపద మానవులకు మాత్రమే భగవంతుడిచ్చిన వరము. దానిని సద్వినియోగ పరచుట ముదావహము కదా.
నరజాతికి వాగ్విభవము
వరము కదా నేర్చుకొనుట భావ్యము భాషన్
వరమతితో నందలి య
క్కరముల దిద్దంగలేని కరము కరమ్మే?
వరముల నిడు విద్య మనకు
రిప్లయితొలగించండిత్వరితము పుత్రా! మొదలిడు వర్ణక్రమమున్
హరుసముగ నకా రాద్య
క్కరములు దిద్దంగలేని కరము కరమ్మే?
గోలి హనుమచ్ఛాస్త్రి గారూ,
రిప్లయితొలగించండివిరుపుతో చక్కని అర్థాన్ని సాధిస్తూ మంచి పూరణ చెప్పారు. అభినందనలు.
*
పండిత నేమాని వారూ,
మీ పూరణ ఉత్తమంగా ఉంది. అభినందనలు.
*
చంద్రశేఖర్ గారూ,
మీ ప్రయత్నం ప్రశంసనీయం. అభినందనలు.
‘అక్కరము’ తద్భవం కదా. దానిని ‘ఆది + అక్కరములు’ అని సంధి చేయరాదు. సవరించండి.
సురుచిర పంచాక్షరములు
రిప్లయితొలగించండిమరువైరిం జూడఁ జేయు, మరువక వానిన్
ధర దిద్దెడి కరములు శ్రీ
కరములు దిద్దంగ లేని కరము కరమ్మే?
చింతా రామకృష్ణారావు గారూ,
రిప్లయితొలగించండిఆహా! అద్భుతంగా ఉంది మీ పూరణ. అభినందనలు, ధన్యవాదాలు.
కరమున బలపము బట్టిం
రిప్లయితొలగించండితురు గురువులు వోనమాలు తొల్తగ వ్రాయన్
కరము సరళములు వ్రాయ సు
కరములు ; దిద్దంగలేని కరము కరమ్మే ?
ఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండిశిరమున కరమిడగా శీ
కరములు శ్రీకరము లగును కరి దీవించన్
కరి నుదుట కుంకుమల్ శుభ
కరములు ; దిద్దంగలేని కరము కరమ్మే ?
కరివరదుని సేవించుచు
రిప్లయితొలగించండిహరిమూర్తి నలంకరించి హారము లిడుచున్
హరిచందన నామము హిమ
కరములు దిద్దంగలేని కరము కరమ్మే ?
హరి పూజ సేయు కరములు
రిప్లయితొలగించండికరములు, దిద్దం గ లేని కరము కరమ్మే ?
హరునకు తిలకము జక్కగ
హరిహరులే నొక్క రూపు నాలోచించన్ .
అరమొర కననీ మనమున
రిప్లయితొలగించండివరదాయిని వాణి మాత వడి నుడికారమ్
కరముల మొక్కగ మొదలిడి
కరములు దిద్దంగలేని కరము కరమ్మే
నాగరాజు రవీందర్ గారూ,
రిప్లయితొలగించండిమీ మూడు పూరణలూ బాగున్నవి. అభినందనలు.
మొదటి పూరణలో ‘వోనమాలు’ అన్నారు. ‘వు,వూ,వొ,వో’ అక్షరాలతో తెలుగు పదాలు లేవు.
‘గురువులె యోనమాలు’ అందాం.
*
సుబ్బారావు గారూ,
మీ పూరణ చాలా బాగుంది. అభినందనలు.
*
నారోజు రాజమౌళి గారూ,
‘శంకరాభరణం’ బ్లాగు మీకు స్వాగతం పలుకుతున్నది.
దాదాపు వారంరోజులుగా మీరు గత సమస్యలకు పంపిన పూరణలను చూస్తున్నాను. ఆరు పూరణలూ, ఒక దత్తపది, ఒక పద్య రచన పద్యాలను పంపించారు. పని ఒత్తిడి వల్ల ఆ పద్యాలపై స్పందించలేకపోయాను. అలస్యానికి మన్నించండి. మీ పద్యాలు చక్కని ధారతో విలసిల్లుతున్నాయి. సంతోషం... వీలైనంత తొందరలో వాటిపై నా విశ్లేషణ తెలియజేస్తాను. మీరు నిరుత్సాహపడక బ్లాగులో పద్యాలను వ్రాస్తూ ఉండండి..,
ఈనాటి మీ పూరణ బాగుంది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండిమరుమముతో బాలుర గని
యెరుగక బాలురను నెల్ల ఏడ్పించుచునూ
అరువుతొ బాలురకును శ్రీ
కరములు దిద్దంగలేని కరము కరమ్మే?
ధరను నిరక్షర కుక్షికి
రిప్లయితొలగించండిపరికింప నవిద్య కన్న పగతురు కలరే?
క్షరములు కానివి వినుమ-
క్కరములు దిద్దంగ లేని కరము కరమ్మే?
పరమేశుని నామములను
రిప్లయితొలగించండికరములు దిద్దంగ లేని కరము కరమ్మే ?
వర మిచ్చిన కరుణ మరచి
శరణా గతి కోర కున్న శాంభవి మెచ్చన్ !
జంగిడి రాజేందర్ గారూ,
రిప్లయితొలగించండిమీ ప్రయత్నం ప్రశంసనీయం.
మీ పూరణలో సందిగ్ధత ఉన్నది. మరుమము అంటే మర్మమా? కానీ మర్మానికి వికృతి మరుమము కాదు కదా! ఏడ్పించుచునూ అని దీర్ఘాంతంగా ప్రయోగించారు. అది ఏడ్పించుచున్. అరువుతొ అని హ్రస్వాంతంగా ‘తొ’ అన్నారు.
*
మిస్సన్న గారూ,
మీ పూరణ చాలా బాగుంది. అభినందనలు.
*
రాజేశ్వరి అక్కయ్యా,
మీ పూరణ బాగుంది. అభినందనలు.
అధికృత గణకులకు (for chartered accountants):
రిప్లయితొలగించండివిరివిగ నల్ల ధనమ్ము
న్నరచేతులు త్రిప్పి దాచు నాసాములకై
తిరకాసుగ నాదాయపు
కరములు దిద్దంగలేని కరము కరమ్మే?
కరము = పన్ను (కప్పము)