23, నవంబర్ 2012, శుక్రవారం

సమస్యా పూరణం - 885 (కమ్మని వరమొసఁగ)

కవిమిత్రులారా,
ఈరోజు పూరించవలసిన సమస్య ఇది ...
కమ్మని వరమొసగ మిగుల కళవళమొందెన్.
ఈ సమస్యను పంపిన కవిమిత్రులకు ధన్యవాదములు.

36 వ్యాఖ్యలు:

  1. ఇమ్ముగ పూజల నందుచు
    నెమ్మనమున దీవెనలిడ నెయ్యము తోడన్ !
    వమ్మగునని భక్తుల యెడ
    కమ్మని వర మొసగ మిగుల కళ వళ మొందెన్ !

    ప్రత్యుత్తరంతొలగించు
  2. ఇమ్మని మోక్షము నడుగగ
    అమ్మహదేవుని యొకండు యార్తిని వేడన్
    ఇమ్మహిలో రాజువుగా
    కమ్మని వరమొసఁగ మిగుల కళవళమొందెన్.

    ప్రత్యుత్తరంతొలగించు
  3. అమ్మా! చూచెద పాత్రల
    నిమ్మా! యని వేగ రామకృష్ణుడు త్రాగెన్
    పొమ్మనుచు వికటకవిగా
    కమ్మని వరమొసగ మిగుల కళవళమొందెన్

    ప్రత్యుత్తరంతొలగించు
  4. నంస్కారములు
    శ్రీ పండితుల వారి పద్యం అద్భుతం ....మార్వలెస్ !

    ప్రత్యుత్తరంతొలగించు
  5. అమ్మా! రాజేశ్వరి గారూ! శుభాశీస్సులు.
    ఏదో కమ్మని భావము తట్టినది - పద్యము వ్రాసేను. మీ ప్రశంసలకు చాల సంతోషము.
    స్వస్తి.

    ప్రత్యుత్తరంతొలగించు
  6. అమ్ముని నేర్పిన మంత్రము
    నెమ్మనమున దలచి తలచ నీరజ బంధున్
    అమ్మవు గమ్మనె, కుంతియు
    కమ్మని వరమొసగ మిగుల కళవళ మొందెన్

    ప్రత్యుత్తరంతొలగించు
  7. అమ్మను వరమడిగె నొకఁడు
    సొమ్ములఁగొన నమ్మ యొసగి శోభిలు మనుచున్,
    సొమ్ములు గని మెచ్చదు లో
    కమ్మని వరమొసఁగ మిగుల కళవళమొందెన్.
    http://andhraamrutham.blogspot.in/2012/11/blog-post_23.html

    ప్రత్యుత్తరంతొలగించు
  8. తమ్ముడు చి. డా. నరసింహమూర్తి పూరణ బాగున్నది.

    తమ్ముడు చేసిన పూరణ
    కమ్మని రుచు లొలుకుచుండె కావున బళిరా!
    కొమ్మని నే నాశీర్వా
    దమ్ములిడుదు నినుమడింప తత్ప్రతిభ సదా

    స్వస్తి.

    ప్రత్యుత్తరంతొలగించు
  9. శ్రీ శంక రయ్య గురుదేవులకు గారికి ,శ్రీ నేమాని గురు దేవులకు పాదాభి వందనము, ధన్యవాదములు దెలుపుచు

    ఆంద్రప్రదేశ్ గవర్నరు నరసింహన్ గారిపై
    ======*====
    రమ్ము నరసింహ!గైకొను
    మిమ్ముగ నాంధ్రకును బోయి యేలుము వడిగా
    నమ్మ బిలచి పారితోషమ్మున
    కమ్మని వర మొసగ ,మిగుల కళకళ మొందెన్


    శ్రీ నేమాని వారి రచనలపై
    ======*=====
    రామ జోగి వారి రచనల రుచి జూడ
    రామ రసము, భామ్మ రవ్వ హల్వ
    జామ తేనె రుచులు జాల చేరిన జివ్హ
    తామసమును దీర్చ తరము గాదు

    ప్రత్యుత్తరంతొలగించు

  10. అన్నయ్య గారికి, గురువు గారికి అభివాదములు !

    పూరణఁ జేసే ముందట
    నారాధన జేతు మిగుల నన్నల గురులన్
    వారిత్తురు నాశీస్సులు
    జేరువలో నున్న యట్లు జేకొన నేనున్ !

    ప్రత్యుత్తరంతొలగించు
  11. అమ్ముని దీ వన మేరకు
    నిమ్ముము నొక పుత్రు నాకు యినుడా ! దయ తోన్
    నమ్ము మని కుంతి బలుకను
    కమ్మని వర మొసగ , మిగుల కళ వళ మొందెన్

    ప్రత్యుత్తరంతొలగించు
  12. ఇమ్మనుచు పుత్రభాగ్యము
    నమ్మునివర్యుఁడు తపమ్ము నలయకఁ జేసెన్,
    కొమ్మని, యల్పాయుకు పిత
    కమ్మని వరమొసఁగ మిగుల కళవళమొందెన్.

    గురువు గారు,
    అల్పాయు(అల్పాయుష్కుడు)కు అన్నది తప్పేమో, అలాగే పితవు కమ్మని అనకుండా పిత కమ్మని అనడం తప్పేమో అనుకుంటున్నాను. ఇంకొక పూరణ చేయుటకు ప్రయత్నిస్తాను.
    సమస్యలో కూడా చిన్న సందేహము.
    వరమునొసగ / వరమొసగ ఏది సరి అయినది?
    కళవళమందెన్/ కళవళమొందెన్ వీటిలో కూడా ..?
    " ఒ" ఎక్కడ రావచ్చును? ఎక్కడ రాకూడదు?
    దయచేసి చెప్పగలరు.

    ప్రత్యుత్తరంతొలగించు
  13. అమ్మ యొసగిన వరమ్ములు
    వమ్ములు గావని యెఱిగిన వజ్రధరుడు దు
    ర్గమ్మ యొక దైత్యు నధిపతి
    కమ్మని వరమొసగ మిగుల కళవళ మొందెన్

    ప్రత్యుత్తరంతొలగించు
  14. యశోదా దేవి,

    ఇమ్మటె మంటిని దినుటకు
    నమ్మవటే నోట గనుము నళిని దళేక్షీ !
    రమ్మా ! యని తన కొమరుఁడు
    కమ్మని వరమీయ మిగుల కళవళ మొందెన్ !

    ప్రత్యుత్తరంతొలగించు
  15. మిత్రులారా!
    వరము నిచ్చే విషయములో శివానందలహరి లోని ఈ క్రింది శ్లోకమును ప్రస్తావించు కొనెదము:

    అశనం గరళం, ఫణీ కలాపో
    వసనం చర్మచ, వాహనం మహోక్షః
    మమ దాస్యసి కిం కిమస్తి శంభో?
    తవ పాదాంబుజ భక్తిమేవ దేహి

    ఒక భక్తుడు పరమేశ్వరుని ఈ విధముగా అడుగుచున్నాడు:
    స్వామీ! నీవు తిను ఆహారము గరళము; నీ ఆభరణము పాము;
    నీ వస్త్రము ఏనుగు తోలు; నీ వాహనము ఒక ముసలి ఎద్దు;
    మరి నాకు నీవు ఏమిటి ఈయగలవు? ఇవి యేవియును నాకు ఉపయోగపడవు కదా.
    సరే నీ పాద పద్మములలో భక్తి మాత్రమే ఇమ్ము - అదే నాకు కావలెను.
    చూచేరా - భక్తిని వరముగా ఇచ్చినచో కమ్మని వరమే కాని దానితో
    కళవళ పడ నక్కరలేదు.

    స్వస్తి.

    ప్రత్యుత్తరంతొలగించు
  16. రాజేశ్వరి అక్కయ్యా,
    మీ పూరణ బాగుంది. అభినందనలు.
    *
    గోలి హనుమచ్ఛాస్త్రి గారూ,
    బాగుంది మీ పూరణ. అభినందనలు.
    *
    పండిత నేమాని వారూ,
    తెనాలి రామకృష్ణుని గురించిన మీ పూరణ అద్భుతంగా ఉంది. అభినందనలు.
    *
    గన్నవరపు నరసింహ మూర్తి గారూ,
    నేమాని వారే మెచ్చి ఆశీర్వదిస్తూ పద్యం వ్రాసారంటే మీ పూరణకు వేరే ప్రశంసాపత్రం అవసరం లేదు. మీకు నా హృదయపూర్వక అభినందనలు.
    మీ రెండవ పూరణ కూడా బాగుంది. ‘నళిన దళేక్షా’ అనాలి కదా! అది టైపాటు కాబోలు.
    *
    చింతా రామకృష్ణా రావు గారూ,
    ‘మెచ్చదు లోకమ్మని’ చేసిన మీ పూరణ వైవిధ్యంగా, ప్రశస్తంగా ఉంది. అభినందనలు.
    *
    సుబ్బారావు గారూ,
    మీ పూరణ బాగుంది. అభినందనలు.
    రెండవ పాదాన్ని ఇలా సవరిద్దాం... ‘ఇమ్ము తనయు నొకని నాకు నినుడా దయతోన్’
    *
    లక్ష్మీదేవి గారూ,
    మీ పూరణ బాగుంది. అభినందనలు.
    ‘అల్పాయువునకు పిత’ అనవలసి ఉంటుంది. ‘క మ్మల్పాయువునకు పిత’ అందాం.
    ‘వర మొసగ, వరము నొసగ’ రెండూ సరైనవే.
    ‘అందు = పొందు, గ్రహించు’; ‘ఒందు = కలుగు, పొందు’ కనుక రెండూ సరైనవే.
    *
    నాగరాజు రవీందర్ గారూ,
    మీ పూరణ బాగుంది. అభినందనలు.

    ప్రత్యుత్తరంతొలగించు
  17. నేమాని వారికి ధన్యవాదములతో....

    తినునది గరళము, మెడఁ దా
    ల్చినదో సర్పమ్ము, త్వచము చీర, వహన మె
    ద్దని శంకించెను; భక్తుఁడు
    కమ్మని వరమీయ మిగుల కళవళ మొందెన్.

    (భక్తుడవుగా కమ్మని వరమీయ / భక్తుడు కమ్మదనముగల వరమీయ)

    ప్రత్యుత్తరంతొలగించు
  18. నమస్కారములు
    సోదరులు గన్నవరపు వారి పద్యం " గన్నా రసం కంటె మధు రంగా ఉంది.సరిగ్గా నాకూ అదే అలోచన వచ్చింది.ముని మంత్రం వలన సూర్యుడిచ్చిన వరం మధుర మైనదే ఐనా కుంతి కళవళ పడిందని వ్రాయాలను కున్నాను " కానీ నిద్ర కళ్ళకి పదాలు కూడ లేదు. తొందరగా వ్రాయాలన్న తపన .
    అది మీరు వ్రాసి ఆనందాన్ని కలిగించారు ధన్య వాదములు

    ప్రత్యుత్తరంతొలగించు
  19. అక్కయ్య గారికి వందనములు.ధన్యవాదములు. నాకు రాత్రి భోజనము తర్వాత 'చంద్రభాసురము ' త్రాగి నంత మత్తు కలుగుతుంది. నా రెండవ పూరణకు నాలుగు తప్పులు. నళిన దళేక్షా ! యని యశోదను సంబోధించానే యని ఉదయము నళిన దళేక్షీ ! యని సరిదిద్దాను. గురువు గారు టైపాటంటున్నారు. ఏమిటో ! టైపాటో , సాపాటో !

    ప్రత్యుత్తరంతొలగించు
  20. శంకరార్యా ! ధన్యవాదములు.
    గన్నవరపు వారూ! మొదటిది చక్కని ఔచిత్య పూరణ .
    "కమ్మని పూరణము మిగుల కళ కళ లాడెన్."

    ప్రత్యుత్తరంతొలగించు

  21. ఇమ్మని సంతానమ్మును
    కొమ్మక్కతి చేసె పూజ, గోపతి యపుడున్
    అమ్మా! యొక సుత కమ్మవు
    కమ్మని వరమొసగ మిగుల కళకళ మొందెన్ .

    ప్రత్యుత్తరంతొలగించు
  22. నమ్మని సిద్ధునిముందరఁ
    గొమ్మకునెదురాడలేక కూర్చొనఁ గని జ
    న్మమ్ములేడు దంపతులుగా
    కమ్మని వర మొసగ మిగుల కళ వళ మొందెన్ !

    ప్రత్యుత్తరంతొలగించు
  23. నరసింహమూర్తి గారూ,
    చిన్నికృష్ణుడి నోట సంయుక్తాలు, దిత్వాలు పలుకుతాయంటారా, పైగా సమస్త లోకాలు ఉన్నాయి కదా ..

    నా తల్లీ రా/వమ్మా అంటే?


    "ఇత్తురు నాశీస్సులు" ఒప్పేనంటారా? చెవికింపుగా లేదండీ.

    భవదీయుడు

    ప్రత్యుత్తరంతొలగించు
  24. రామకృష్ణ గారూ ! ధన్యవాదములు. < చిన్ని కృష్ణునకు ద్విత్వాక్షరాలు సమ్యుక్తాలు పలుకు తాయా ?> మరి అమ్మ పదము ద్విత్వమే కదా ! అసలు యిబ్బంది నా రెండవ పూరణ బాగా రాలేదు. భావన మంచిదే, అందుకే వదలివేయడము లేదు. ఈ మూడవ ప్రయత్నము చూడండి. మీరు కూడా ఓ ప్రయత్నము చేయండి.


    ఇమ్మటె మన్నుయు దినుటకు
    కొమ్మా ! నా నోట గలవె కుఘ్రాణమ్ముల్?
    అమ్మా ! కనుమని లేమకు
    కమ్మని వరమొసగ మిగుల కళవళ మొందెన్ !

    కు = భూమి ,కుఘ్రాణము = మట్టి వాసన.

    ప్రత్యుత్తరంతొలగించు
  25. రామకృష్ణ గారూ ! ఈ సవరణ చూడండి !

    అన్నయ్య గారికి, గురువు గారికి అభివాదములు !

    పూరణఁ జేసే ముందట
    నారాధన జేతు మిగుల నన్నల గురులన్
    వారిచ్చెడి యాశీస్సులు
    జేరువ నున్నటుల నేను జేకొందు నిటన్ !

    ప్రత్యుత్తరంతొలగించు
  26. గండూరి లక్ష్మినారాయణ గారూ,
    మీ పూరణ బాగుంది. అభినందనలు.
    ‘కొమ్మక్కతి’ ... ‘కొమ్మొక్కతి’కి టైపాటు కదా! ‘కొమ్మ యొకతి’ అంటే సరి.
    *
    రామకృష్ణ గారూ,
    బాగుంది మీ పూరణ. అభినందనలు.
    మూడవ పాదంలో మొదటి గణం ‘రగణం’ అయింది. ‘కూర్చొన పలు జ/న్మమ్ములకు దంపతులుగా’ అంటే ఎలా ఉంటుంది?

    ప్రత్యుత్తరంతొలగించు
  27. గురువుగారూ , చూసుకొనలేదండీ .. కొత్త ఛందాలు నేర్చుకోవటానికి బదులు కందాలలో కొత్త తప్పులు చేయటం నేర్చుకుంటున్నట్టున్నాను .. సవరణకు ధన్యవాదములు...
    భవదీయుడు

    ప్రత్యుత్తరంతొలగించు
  28. నరసింహ మూర్తి గారూ,
    మీ వాక్యానుసారం ప్రయత్నిస్తున్నాను. ఎన్ని తప్పులో మీరే చెప్పాలి మరి.

    ఇమ్మటె మన్నుయు దినుటకు?
    నమ్మవె నామాట?నాననాఘ్రాణముచే
    నమ్మా! నిజమెరుఁగ మనుచు
    కమ్మని వరమొసగ మిగుల కళవళ మొందెన్ !

    నామాటను + ఆనన+ ఆఘ్రాణము

    భవదీయుడు

    ప్రత్యుత్తరంతొలగించు


  29. కౌర వాదుల నిల కడతేర్తు నేనంచు
    పలుక సాగె గొప్ప బలుని వోలె
    ఉత్తరుని నుడులకు నూ కొట్టె బ్రార్థుడు
    కాకి నృత్యమాడె కేకి వొగడె.

    ప్రత్యుత్తరంతొలగించు
  30. ఇమ్ముగ భస్మాసురునకు
    నమ్ముచు మెచ్చుచు భళియని నౌరా యనగా
    వమ్మును వేగమె జేసెడి
    కమ్మని వరమొసఁగ; మిగుల కళవళమొందెన్

    వమ్ము = నాశనము

    ప్రత్యుత్తరంతొలగించు
  31. ఇమ్ముగ ప్రత్యక్షమయిన
    పిమ్మట భస్మాసురుండు ప్రీతిని కోరన్
    గమ్మున భోళా వేలుపు
    కమ్మని వరమొసఁగ మిగుల కళవళమొందెన్

    ప్రత్యుత్తరంతొలగించు