మన బ్లాగునకు పద్యాలు ప౦పి౦చే వారిలో ఒక. ఉన్నత మైన వ్యక్తి గలడు .ఆయనే ి- శ్రీ కె౦బాయి తిమ్మాజిరావుగారు
ఆయన వయస్సు 8 4. స౦వత్సరములు . ఇ౦త పెద్ద వయసు లోనూ సాహిత్యాభిలాష గలిగి పద్యరచనోత్సాహమును ఏమాత్ర౦ సడలనీక కొన్ని ఏ౦డ్ల క్రితము ను౦చి గూడ . ప్రతిదినము పూరణములు వ్రాసి ప౦పిస్తు ఉ౦టాడు . ఆయన సాహిత్యాభిమానాన్ని కవి హృదయాన్ని అభిన౦ది౦చ వలసి౦దే ! అదియును గాక ఆయన నిర౦తర పురాణ పఠ నానురక్తి గల వ్యక్తి
--------------------------------------------- నేను వ్యక్తిగత మగు ప్రేమచే ఆయనను శ్లాఘి౦చుట లేదు. ఆ పెద్దాయన పద్యరచనాభిలాషను కవితా చమత్కృత ని ే అభిన౦దిస్తున్నాను. -----------------------------------------------
**************************
శత వత్సరముల వరకు న మితమగు సాహిత్య సేవ. మేకొని గావి౦ చి తరి౦చుము తిమ్మాజీ ! చతురాస్యుని రాణి నిన్ను సతతము బ్రోచున్
****************************** ఇట్లు గు రు మూ ర్తి ఆ చా రి
కెంబాయి తిమ్మాజీ రావు గారూ, మీ పద్యరచానాభిలాష స్ఫూర్తిదాయకం. మీరు మా నాన్నగారికంటే నాలుగేళ్ళు చిన్నవాళ్ళు. వయోభారాన్ని గణించకుండా చక్కని పద్యాలు వ్రాస్తున్నందుకు సంతోషం. పితృసమానులైన మీకు పాదాభివందనాలు.
సహస్రచంద్ర దర్శన భాగ్యము నందిన కవి చంద్రులు శ్రీ కెంబాయి తిమ్మాజీరావు గారి పద్యరచనాభిలాషకు జోహార్లు. వారిని పరిపూర్ణాయుష్కులను జేసి అనుగ్రహించవలసినదని పరమేశ్వరుని కోరుకొంటున్నాను.
సుకవి మిత్రులు శ్రీ దువ్వూరి మిస్సన్న గారికి ధన్యవాదములు నేను వృద్ధ కవినే గాని కవివృద్దుడను గాను శుద్ధ కవిత్వము వ్రాయాలని నాతపన మీయందరి ప్రోత్సాహమే నాబలము
కవిమిత్రులకు నమస్కృతులు. ఉదయం మా బంధువులకు కాశీ ప్రసాదం పంచడానికి అక్కయ్య వాళ్ళ ఊరు వెళ్ళాను. వెంట టాబ్‍లెట్ ఉన్నా అక్కడ నెట్ అందుబాటులో లేక నా స్పందనలను వెంట వెంట తెలియజేయలేకపోయాను. మన్నించండి.
ఎవ్వఁడో వచ్చినిన్ను ద్ధరించు ననుచు
రిప్లయితొలగించండినెదురు జూచిన నేరీతి బదులు రాదు
నీకు నీవుగ గుండెను నిగ్ర హించి
బ్రతుకు బండిని సాగించ బలము హెచ్చు
రాజేశ్వరి అక్కయ్యా,
తొలగించండిమీ పద్యం బాగున్నది. అభినందనలు.
ఎవ్వడో వచ్చి నిన్నుద్ధరించు ననుచు
రిప్లయితొలగించండికలల గననేల కూలును గాలిమేడ
లై వృధాప్రయాస లవియు లక్షణముగ
నీ శ్రమయె నీకు రక్షయై నిల్చునిలన
ఆంజనేయ శర్మ గారూ,
తొలగించండిమీ పద్యం బాగున్నది. అభినందనలు.
ఎవ్వడో వచ్చి నిన్నుద్ధరించుననుచు
రిప్లయితొలగించండినెదురు జూచుచు నుండిన నేమి ఫలము ?
కష్టపడి పని చేసిన కార్య సిద్ధి
యగును తథ్యమిదియె నమ్ము మనవరతము.
2ఎవ్వడో వచ్చి నిన్నుద్ధరించుననుచు
కలలు గాంచుచు నుండిన కల్ల లౌను
నీదు బలముతో పని చేయ సఫల మగును.
డా. బల్లూరి ఉమాదేవి గారూ,
తొలగించండిమీ పద్యాలు బాగున్నవి. అభినందనలు.
రెండవపద్యంలో ఒక పాదం తప్పిపోయింది.
ఎవ్వడో వచ్చి నిన్నుద్ధరించు ననుచు
రిప్లయితొలగించండిఎదురు జూచిన నీస్థితి కుదుట పడదు
నిన్ను నువ్వుద్ధరించుకొనిన యతనము
సేయుటే మేలని ప్రవచి౦చె గీత
కెంబాయి తిమ్మాజీ రావు గారూ,
తొలగించండిమీ పద్యం బాగున్నది. అభినందనలు.
* గు రు మూ ర్తి ఆ చా రి *
రిప్లయితొలగించండిమన బ్లాగునకు పద్యాలు ప౦పి౦చే వారిలో ఒక. ఉన్నత మైన వ్యక్తి గలడు .ఆయనే
ి-
శ్రీ కె౦బాయి తిమ్మాజిరావుగారు
ఆయన వయస్సు 8 4. స౦వత్సరములు .
ఇ౦త పెద్ద వయసు లోనూ సాహిత్యాభిలాష
గలిగి పద్యరచనోత్సాహమును
ఏమాత్ర౦ సడలనీక కొన్ని ఏ౦డ్ల క్రితము ను౦చి గూడ . ప్రతిదినము పూరణములు
వ్రాసి ప౦పిస్తు ఉ౦టాడు .
ఆయన సాహిత్యాభిమానాన్ని కవి హృదయాన్ని అభిన౦ది౦చ వలసి౦దే !
అదియును గాక
ఆయన నిర౦తర పురాణ పఠ నానురక్తి గల వ్యక్తి
---------------------------------------------
నేను వ్యక్తిగత మగు ప్రేమచే ఆయనను శ్లాఘి౦చుట లేదు. ఆ పెద్దాయన పద్యరచనాభిలాషను కవితా చమత్కృత ని ే
అభిన౦దిస్తున్నాను.
-----------------------------------------------
**************************
శత వత్సరముల వరకు న
మితమగు సాహిత్య సేవ. మేకొని గావి౦
చి తరి౦చుము తిమ్మాజీ !
చతురాస్యుని రాణి నిన్ను సతతము బ్రోచున్
******************************
ఇట్లు
గు రు మూ ర్తి ఆ చా రి
శ్రీయుతులు,కవిమిత్రులు గురుమూర్తి ఆచారి గారికి ,మీస్నేహాభినందనకు ధన్యవాదములు గురుదేవులు శంకరయ్య గారిని కవిమిత్రుల౦దరినీ అసౌకర్యమునకు మన్ని౦చ వలయు నని ప్రార్దిస్తున్నాను.
తొలగించండిగురుమూర్తి ఆచారి గారూ,
తొలగించండితిమ్మాజీ రావు గారు నాకంటె పెద్దవారని అనుకున్నాను. కాని ఇంతటి వయోవృద్ధులని భావించలేదు. వారి విశేషాలు తెలిపినందుకు ధన్యవాదాలు.
కెంబాయి తిమ్మాజీ రావు గారూ,
తొలగించండిమీ పద్యరచానాభిలాష స్ఫూర్తిదాయకం. మీరు మా నాన్నగారికంటే నాలుగేళ్ళు చిన్నవాళ్ళు. వయోభారాన్ని గణించకుండా చక్కని పద్యాలు వ్రాస్తున్నందుకు సంతోషం. పితృసమానులైన మీకు పాదాభివందనాలు.
ఎవ్వడో వచ్చి నిన్ను ధ్ధ రించు ననుచు
రిప్లయితొలగించండిగలలు గనకుమ యెన్నడు కాంత ! నీవు
కీడు చేయువాం డ్రే గాని గేలు నీయ
రుగద యెవరును నోయమ్మ ! యుర్వి యందు
పోచిరాజు సుబ్బారావు గారూ,
తొలగించండిమీ పద్యం బాగున్నది. అభినందనలు.
రిప్లయితొలగించండిమన్నించండి.పొరపాటు జరిగింది.మూడవ పాదం మొదటిసగం నాల్గవ పాదం రెండవ సగం కలిపేశాను.
ఎవ్వడో వచ్చి నిన్నుద్దరించుననుచు
కలలు గాంచుచు నుండిన కల్ల లౌను
నీదు బలముతో నొనరించు నేపనైను
సర్వకాలము లందునుసఫల మగును.
డా. బల్లూరి ఉమాదేవి గారూ,
తొలగించండిసవరించిన మీ పద్యం బాగున్నది. అభినందనలు.
‘ఏపనైను’... ‘ఏ పనియైనను’ అని మీ అభిప్రాయం కాబోలు.
ఈ కామెంట్‌ను రచయిత తీసివేశారు.
రిప్లయితొలగించండిఎవ్వఁడో వచ్చి నిన్నుద్ధరించు ననుచు
రిప్లయితొలగించండిభ్రాంతి బడనేల? నీ ప్రతిభను మది నెఱ
నమ్మి చక్కటి కృషితోడ నరయు ఫలము
కృషియె మూలమీ జగతికి కీర్తి నొసగు
పోచిరాజు కామేశ్వర రావు గారూ,
తొలగించండిమీ పద్యం బాగున్నది. అభినందనలు.
ఎవ్వఁడో వచ్చి నిన్నుద్ధరించు ననుచు
రిప్లయితొలగించండినెదిరి చూడకు మికనైన నెడ్డివాడ
శ్రమయె ఫలమిచ్చు తప్పక సక్రమమున
చేయు మెవరికి చెయి సాప కోయి నీవు.
ఎవ్వఁడో వచ్చి నిన్నుద్ధరించు ననుచు
తొలగించండినెదురు చూడకు మికనైన నెడ్డివాడ
శ్రమయె ఫలమిచ్చు తప్పక సక్రమమున
చేయు మెవరికి చెయి సాప కోయి నీవు.
గండూరి లక్ష్మినారాయణ గారూ,
తొలగించండిమీ పద్యం బాగున్నది. అభినందనలు.
ఎవ్వరోవచ్చి నన్నుద్ధరింతురనుచు
రిప్లయితొలగించండియెదురుచూడంగ వలదయ్య యెరుకలేక
సాధనమ్ము న పనులన్ని జరిగి పోవు
నన్నబుధుల మాటల విను డనవరతము
అన్నపరెడ్డి సత్యనారాయణ రెడ్డి గారూ,
తొలగించండిమీ పద్యం బాగున్నది. అభినందనలు.
ఎవ్వడో వచ్చి నిన్నుద్దరించు ననుచు దలచకనె
రిప్లయితొలగించండిరువ్వుభావాలు గనుగొనిరోదనవిడనాడి తానె
సవ్వడేమియు జేయక మన సన్నది దెల్పినట్లుగనె
నవ్వుచు జేసెడి పనులు నలుగురు మెత్తురు జూడ.
2.ఎవ్వడో వచ్చి నిన్నుద్దరించుననుచు
తలచు తత్వంబు మరచియు ధైర్యమందు
కొంత ఆలోచనందున పంతమందు
చేయబూనిన కార్యాలుచేటుమాన్పు.
కె. ఈశ్వరప్ప గారూ,
తొలగించండిమీ రెండు పద్యాలు బాగున్నవి. అభినందనలు.
ఎవ్వఁడో వచ్చి ని న్నుద్ధరించు ననుచు
రిప్లయితొలగించండిభ్రాంతి కూడదు ఫల్గుణా! రణము జేయు
సమయ మాసన్నమాయెను సంశయమ్ము
వీడి విల్లందుకొనుము వివేకమతిని.
మిస్సన్న గారూ,
తొలగించండిమీ పద్యం బాగున్నది. అభినందనలు.
సహస్రచంద్ర దర్శన భాగ్యము నందిన కవి చంద్రులు శ్రీ కెంబాయి తిమ్మాజీరావు గారి పద్యరచనాభిలాషకు జోహార్లు. వారిని పరిపూర్ణాయుష్కులను జేసి అనుగ్రహించవలసినదని పరమేశ్వరుని కోరుకొంటున్నాను.
రిప్లయితొలగించండిసుకవి మిత్రులు శ్రీ దువ్వూరి మిస్సన్న గారికి ధన్యవాదములు
తొలగించండినేను వృద్ధ కవినే గాని కవివృద్దుడను గాను శుద్ధ కవిత్వము వ్రాయాలని నాతపన
మీయందరి ప్రోత్సాహమే నాబలము
సుకవి మిత్రులు శ్రీ కెంబాయి తిమ్మాజీ రావు గారూ! మీ పద్యరచనా వ్యాసంగ మమోఘము! మీకు శతసహస్ర వందనములు!
తొలగించండివృద్ధత్వము వయసునకే!
శుద్ధ మనమ్మునకుఁ గాదు! చూడఁగ విద్యా
వృద్ధుఁడవయ "కెంబాయి"! స
మృద్ధిగ పద్యములు వ్రాయు శ్రేష్ఠుఁడ వీవే!!
శ్రీయుతులుగుండు మధు సూదన్ గారికి మీ ప్రశంసలు నారచనాసక్తిని ఇనుమడింప జేస్తున్నాయి
తొలగించండిమీకు నాకృతజ్ఞతలు .ధన్య వాదములు
మిస్సన్న గారికి, గుండు మధుసూదన్ గారికి ధన్యవాదాలు.
తొలగించండిఎవ్వడో వచ్చి నిన్ను ద్ధరించు ననుచు
రిప్లయితొలగించండినెదురు తెన్నులు జూడకు నిదుర గాచి
నాత్మ శక్తియె తోడుగా నడుగు లేసి
సాగిపొమ్మిక నేస్తమా !జయము నీదె!!!
శైలజ గారూ,
తొలగించండిమీ పద్యం బాగున్నది. అభినందనలు.
ఎవ్వరో వచ్చి నన్నుద్ధరించుననుచు
రిప్లయితొలగించండినూహలన్ దేలిన ఫలితముండు నెట్లు?
పుడమిఁ బురుష ప్రయత్నమె పొందఁ జేయు
సకలమున్ శ్రద్ధయు, సబూరి జనులదైన!
గుండా వేంకట సుబ్బ సహదేవుడు గారూ,
తొలగించండిమీ పద్యం బాగున్నది. అభినందనలు.
మిత్రులందఱకు నమస్సులు!
రిప్లయితొలగించండి“ఎవ్వఁడో వచ్చి ని న్నుద్ధరింౘు ననుౘు
నెదురు తెన్నులు ౘూడక నీవె నిన్ను
వృద్ధి నొందింౘు కొనవలెఁ కృషినిఁ ౙలిపి!
లేనిౘో నీదు పతనమ్మె యౌను సుమ్ము!!"
గుండు మధుసూదన్ గారూ,
తొలగించండిమీ పద్యం బాగున్నది. అభినందనలు.
కవిమిత్రులకు నమస్కృతులు.
రిప్లయితొలగించండిఉదయం మా బంధువులకు కాశీ ప్రసాదం పంచడానికి అక్కయ్య వాళ్ళ ఊరు వెళ్ళాను. వెంట టాబ్‍లెట్ ఉన్నా అక్కడ నెట్ అందుబాటులో లేక నా స్పందనలను వెంట వెంట తెలియజేయలేకపోయాను. మన్నించండి.
"ఎవ్వడో వచ్చి నన్నుద్ధరించు ననుచు
రిప్లయితొలగించండితలువకను సినీ కవి పల్కు తలతు నెపుడు
నట్టి పలుకు నా బతుకున కర్ధ మొసగె
నా మహాకవి పాదాల కంజలింతు
ధనికొండ రవిప్రసాద్ గారూ,
రిప్లయితొలగించండిచక్కని పద్యరచన చేసారు. అభినందనలు.
"ఎవ్వఁడో వచ్చి నిన్నుద్ధరించు ననుచు"
రిప్లయితొలగించండిభరత మాతకు వేచెడి బాధ లేదు
తగుల బెట్టగ గలడిట వగల రేడు...
ఇంపు సొంపుల వంపుల డింపులయ్య :)