అన్నపరెడ్డి సత్యనారాయణ రెడ్డి గారూ, మీ పద్యం బాగుంది. అభినందనలు. బొమ్మతో విష్ణుమహేశ్వరులను కలిపి సమాసం చేయరాదు కదా! ‘బ్రహ్మవిష్ణుమహేశ్వరపాదములకు’ అంటే ఎలా ఉంటుంది?
కామేశ్వర రావు గారూ, మానిని అనేది 22వ ఆకృతి చ్ఛందంలోని 1797559వ వృత్తం. దీని గణాలు భభభభభభభగ.7, 13, 19వ అక్షరాలు యతి చెల్లుతాయి. భీమన 13వ అక్షర మొక్కటే యతి చెల్లుతుందని చెప్పి ఉదాహరణగా మాత్రం 7,13,19 అక్షరాలకు యతి చెల్లే పద్యాన్ని ఇచ్చాడు. అప్పకవి 13వ అక్షరానికే యతి చెప్పి అటువంటి ఉదాహరణమే ఇచ్చాడు. మీరిచ్చిన పద్యం అప్పకవి లక్షణానికి సరిపోతుంది. ఇక భీమన చెప్పిన లక్షణానికి ఉదాహరణ... బంగరుచేలయుఁ *బద్మనిభాక్షులు *బాహుచతుష్కము *భవ్యవిభో త్సంగిత శంఖసు*దర్శన శార్ఙ్గగ*దాముఖ చిహ్నము *తత్త్వము నీ లాంగము నీనది *యౌర సృజించు ని*జాశ్రిత దేహికి *నంతిక స ద్రంగశయానుఁ ది*రంబుగఁ జూచి క*రం బిదివో చతు*రత్వమునన్. (కళా. 2-149)
'జాశ్రిత' అన్న పదం లేదు. నిఘంటువులలోను లభించలేదు. మీరు ఈ పదాన్ని ఎక్కడనుండి స్వీకరించారో ఆ పద్యం కాని, వాక్యం కాని పూర్తిగా ఇవ్వండి. జ+ఆశ్రిత అని చూస్తే 'జ' అంటే చంద్రబీజమని నిఘంటువు చెప్తున్నది. దానిని ఆశ్రయించి ఉండేదని అర్థం వస్తున్నది. జా+శ్రిత అని చూస్తే 'జా' అంటే గెలుపు అని నిఘంటువు చెప్తున్నది. గెలుపును ఆశ్రయించి ఉండేదని అర్థం చెప్పుకోవచ్చు. ఏదేమైనా మీరా పద్యాన్నో, వాక్యాన్నో పూర్తిగ ఇస్తే సరైన వివరణ ఇవ్వడానికి అవకాశం ఉంటుంది.
నమ్మితిని నామనమున సనాతనులగు
రిప్లయితొలగించండివారిపద్దతు లెన్నియో దారిజుపి
నీతినియమాలునిష్ఠగ నిలుపునట్లు
సాగుజేయుచుసంఘమ్ము సాకుగాన.
కె. ఈశ్వరప్ప గారూ,
తొలగించండిమీ పద్యం బాగున్నది. అభినందనలు.
పోతన గారి ‘నమ్మితి నా మనంబున సనాతనులైన యుమామహేశులన్...’ పద్యానికి రూపాంతరం...
రిప్లయితొలగించండినమ్మితిని నా మనమున సనాతనులగు
నా యుమామహేశ్వరులను నాదిదంప
తులను మిమ్ము మేలుగ భజింతును గదమ్మ
హరినిఁ బతిఁ జేయుమమ్మ దయాంబురాశి!
పూజ్యులు శంకరయ్య గారికి వందనములు. శ్రీ పోతనామాత్యుని హృదయ వృత్తాన్ని తేట తెలుగు గీతిలో చక్కగా వర్ణించారు. కవిహృదయోత్పలాలు సుందరములు గదా!
తొలగించండికామేశ్వర రావు గారూ,
తొలగించండిధన్యవాదాలు.
1.నమ్మితిని నామనమున సనాతనులగు
రిప్లయితొలగించండికులపు దైవంబు లెల్లరన్ కూర్మి తోడ
మేమొనర్చు పూజల గొని మేలు జేయు
మనుచు మనసార కొలుతుము మమ్ము కావ.
2.నమ్మితిని నామనమున సనాతనులగు
పూర్వపు ఋషుల నెల్లను పుడమి పైన
దలచి మ్రొక్కులిడుచు నుందు దారి జూపు
నట్టి మార్గదర్శకులైన నార్యులకును.
3.నమ్మితిని నామనమున సనాతనులగు
నాది దంపతులైనట్టి నాదిశక్తి
మరియు పరమేశ్వరులనిల ;మమ్ము బ్రోచి
వివిధ శుభముల నిడుమని వేడు కొనుచు.
డా. బల్లూరి ఉమాదేవి గారూ,
తొలగించండిమీ మూడు పద్యాలు బాగున్నవి. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండినమ్మితిని నా మనమున సనాతనులగు
రిప్లయితొలగించండిధర్మ మూర్తుల ఋషి ప్రబోధముల నెల్ల
నాచరించెద సతతమ్ము నార్ష ధర్మ
పథమున చరించెద ను కడు భక్తి తోడ.
ఆంజనేయ శర్మ గారూ,
తొలగించండిమీ పద్యం బాగున్నది. అభినందనలు.
నమ్మితి ని నామనమున సనా తనులగు
రిప్లయితొలగించండిపార్వ తీ పర మేశ్వరు పాద పద్మ
ములను గడు గాఢ మగు బ్రేమ ముట్టి వడగ
నాది దంపతు లేగద, యార్య !వారు
పోచిరాజు సుబ్బారావు గారూ,
తొలగించండిమీ పద్యం బాగున్నది. అభినందనలు.
‘పార్వతీ పరమేశ్వర పాదపద్మ...’ అనండి.
నమ్మితిని నా మనమున సనాతనులగు
రిప్లయితొలగించండినాది దంపతుల శుభంకరావిరళ కృ
పారసామృత వీక్షణా ప్రసరణులను
పార్వతీ పరమేశుల భక్తి తోడ
పోచిరాజు కామేశ్వర రావు గారూ,
తొలగించండిమీ పద్యం చక్కగా ఉంది. అభినందనలు.
నమ్మితిని నామనమున సనాతనులగు
రిప్లయితొలగించండిబొమ్మ విష్ణు మహేశ్వరుల్ మువ్వుర, కడు
భక్తి పూజసలుపు చుంటి ప్రతిదినమ్ము
సంసరణపు బాధ లు వెస సమసిపోవ
అన్నపరెడ్డి సత్యనారాయణ రెడ్డి గారూ,
తొలగించండిమీ పద్యం బాగుంది. అభినందనలు.
బొమ్మతో విష్ణుమహేశ్వరులను కలిపి సమాసం చేయరాదు కదా! ‘బ్రహ్మవిష్ణుమహేశ్వరపాదములకు’ అంటే ఎలా ఉంటుంది?
నమ్మితిని నామనమున సనాతనులగు
రిప్లయితొలగించండికొన్నిపద్డతులెంచినేకోరిజేతు
శాస్త్రయుక్తంబు లైనట్టి సంపదనుచు
చేయబూనెద సంస్కృతి మాయనట్లు
కె. ఈశ్వరప్ప గారూ,
తొలగించండిమీ పద్యం బాగున్నది. అభినందనలు.
‘సనాతనములగు పద్ధతులు’ అనాలి కాని, సనాతనులగు పద్ధతులు అనరాదు కదా!
రిప్లయితొలగించండి* గు రు మూ ర్తి ఆ చా రి *
నమ్మితిని నా మనమున సనాతనులగు
బ్రహ్మ విష్ణు మహేశుల. ప్రత్యహమ్ము ;
స్వా౦తమున వారి గొల్వని జన్మ మి౦క >>
"భసిత నిక్షిప్త ఘృతముగ వ్యర్థ మగును
( భసిత నిక్షిప్త ఘృతము = బూడిదలో
ను౦చబడిన. నె య్యి )
్
గురుమూర్తి ఆచారి గారూ,
తొలగించండిమీ పద్యం బాగున్నది. అభినందనలు.
పూజ్యులు శంకరయ్య గారికి వందనములు. నాయీ సందేహమును నివృత్తి జేయ గోర్తాను.
రిప్లయితొలగించండిమానిని వృత్తములో రెండు రకములున్నవా?
భ , భ , భ , భ , భ , భ , భ , గ గణములతో 7,13,19 అక్షరాలు యతితో ఒకటి , 13 వ అక్షరము యతితో ఒకటీను.
మానిని. తమ్ములుఁ దానును ధర్మ తనూజుఁడు తత్ క్షణసంభృత సంభ్రముఁడై
అమ్మునినాథ వరేణ్యునకున్ వినయమ్మున మ్రొక్కి సమున్నత పీ
ఠమ్మున నుంచి యథావిధి పూజలొడంబడఁ జేసి మునీశ్వర నె
య్యమ్మున నీవిట వచ్చుట జేసి కృతార్థుల మైతిమి యిందఱమున్ భా. ఆ. 8-91
కామేశ్వర రావు గారూ,
తొలగించండిమానిని అనేది 22వ ఆకృతి చ్ఛందంలోని 1797559వ వృత్తం. దీని గణాలు భభభభభభభగ.7, 13, 19వ అక్షరాలు యతి చెల్లుతాయి. భీమన 13వ అక్షర మొక్కటే యతి చెల్లుతుందని చెప్పి ఉదాహరణగా మాత్రం 7,13,19 అక్షరాలకు యతి చెల్లే పద్యాన్ని ఇచ్చాడు. అప్పకవి 13వ అక్షరానికే యతి చెప్పి అటువంటి ఉదాహరణమే ఇచ్చాడు. మీరిచ్చిన పద్యం అప్పకవి లక్షణానికి సరిపోతుంది. ఇక భీమన చెప్పిన లక్షణానికి ఉదాహరణ...
బంగరుచేలయుఁ *బద్మనిభాక్షులు *బాహుచతుష్కము *భవ్యవిభో
త్సంగిత శంఖసు*దర్శన శార్ఙ్గగ*దాముఖ చిహ్నము *తత్త్వము నీ
లాంగము నీనది *యౌర సృజించు ని*జాశ్రిత దేహికి *నంతిక స
ద్రంగశయానుఁ ది*రంబుగఁ జూచి క*రం బిదివో చతు*రత్వమునన్. (కళా. 2-149)
పూజ్యులు శంకరయ్య గారికి వందనములు. నాసందేహమును నివృత్తి జేశారు. ధన్యవాదములు.
తొలగించండినమ్మితిని నా మనమున సనాతనులగు
రిప్లయితొలగించండిముగురు మూర్తుల నెపుడు నే పూజ జేతు
వారె నను గాచు చుందురు వారి కరుణె
కష్టములనుండి కాపాడి గాచుచుండు
గండూరి లక్ష్మినారాయణ గారూ,
తొలగించండిమీ పద్యం బాగున్నది. అభినందనలు.
నమ్మితిని నా మనమున సనాతనులగు
రిప్లయితొలగించండినాది దంపతుల దలచి యనవరతము
ధూప దీపము లీయుచు తుష్టి తోడ
వేడుకొందును నిత్యము విరుల గొలిచి!!!
శైలజ గారూ,
రిప్లయితొలగించండిమీ పద్యం బాగున్నది. అభినందనలు.
"ధుప దీపము లొసగుచు" అనండి.
నమ్మితిని నామనమున సనాతనులగు
రిప్లయితొలగించండిపార్వతీపరమేశుల భక్తిమీర
నాదిదంపతులనిగొల్తు నాశతోడ
వమ్ము చేయరు గదమ్మ నమ్మకమును
హరిను పతిజేసి భాగ్యమ్ము నందనిమ్ము
గుండా వేంకట సుబ్బ సహదేవుడు గారూ,
తొలగించండిమీ పద్యం బాగున్నది. అభినందనలు.
'జాశ్రిత' అన్న పదం లేదు. నిఘంటువులలోను లభించలేదు. మీరు ఈ పదాన్ని ఎక్కడనుండి స్వీకరించారో ఆ పద్యం కాని, వాక్యం కాని పూర్తిగా ఇవ్వండి.
రిప్లయితొలగించండిజ+ఆశ్రిత అని చూస్తే 'జ' అంటే చంద్రబీజమని నిఘంటువు చెప్తున్నది. దానిని ఆశ్రయించి ఉండేదని అర్థం వస్తున్నది.
జా+శ్రిత అని చూస్తే 'జా' అంటే గెలుపు అని నిఘంటువు చెప్తున్నది. గెలుపును ఆశ్రయించి ఉండేదని అర్థం చెప్పుకోవచ్చు.
ఏదేమైనా మీరా పద్యాన్నో, వాక్యాన్నో పూర్తిగ ఇస్తే సరైన వివరణ ఇవ్వడానికి అవకాశం ఉంటుంది.