12, నవంబర్ 2015, గురువారం

సమస్య - 1852 (శివునిఁ జంపె భీమసేనుఁ డలిగి)

కవిమిత్రులారా, 
ఈరోజు పూరించవలసిన సమస్య ఇది...
శివునిఁ జంపె భీమసేనుఁ డలిగి.

44 కామెంట్‌లు:

  1. ఈ కామెంట్‌ను బ్లాగ్ నిర్వాహకులు తీసివేశారు.

    రిప్లయితొలగించండి
  2. ఈ కామెంట్‌ను బ్లాగ్ నిర్వాహకులు తీసివేశారు.

    రిప్లయితొలగించండి
  3. ఆంజనేయ శర్మ గారూ,
    రాజేశ్వరి అక్కయ్యా,
    నేనిచ్చిన సమస్యలో యతిదోషాన్ని సహదేవుడు గారు తెలియజేశారు. ఇప్పుడు సవరించాను. సవరించిన సమస్యకు మరో పూరణ వ్రాయండి. మీకు ఇబ్బంది కలిగిస్తున్నందుకు మన్నించండి.

    రిప్లయితొలగించండి
    రిప్లయిలు
    1. అవును " చ " కి " సే " యతి కుదరదు కదా అని అనుమానం వచ్చింది.కానీ చెప్పేంత దాన్ని కాదు కదా అని వ్రాయ లేదు .ధన్య వాదములు

      తొలగించండి
    2. గురువుగారికి నమస్కారములు నేనే మీకు తెలపాలనుకున్నాను
      చక్రి-సేనుడు కాని మరిచి పోయి దానికి తగిన పద్యం రాసాను ఇబ్బందేం లేదండీ

      తొలగించండి
  4. ప్రత్య గాత్మ యనుచు బరమేశు నమ్మితి
    మాయ జూద మందు మామ శకుని
    యక్ష విద్య తోన కక్షగా నోడించె
    శివునిఁ జంపె భీమ సేనుఁ డలిగి

    రిప్లయితొలగించండి
  5. అక్కయ్యా,
    పద్యం వరకు బాగుంది. భావమే అవగాహన కాలేదు. కాస్త వివరించండి.

    రిప్లయితొలగించండి
    రిప్లయిలు
    1. నమస్కారములు
      త్రిగుణాత్మకుడని శివుణ్ణి నమ్మినందుకు శకుని వలన మాయజూదంలో ఓడించాడు అందుకే శివుడిమీద అలిగి శివుణ్ణి చంపాడు అని నాభావం .

      తొలగించండి

  6. ఎదిరి యుద్ధమందు నీపేర్లు గల్గిన
    కరి సమూహమంత యురికి రాగ
    శ్యామ,భీమ,రామ,చక్రి,యశ్వత్థామ
    శివునిఁ జంపె భీమ సేనుఁ డలిగి

    రిప్లయితొలగించండి
    రిప్లయిలు
    1. గోలి హనుమచ్ఛాస్త్రి గారూ,
      శివుడనే పేరు గలిగిన ఏనుగును భీముడు చంపాడన్న మీ పూరణ బాగున్నది. అభినందనలు.

      తొలగించండి
  7. కీచకుండువచ్చి కేలుజాపిపిలువ
    దాగి చూచుచుండ ద్రౌపదటను
    భీతిగొల్పుచుఁ, దలపించుచు లయకాల
    శివునిఁ, జంపె భీమ సేనుఁ డలిగి

    అన్వయక్లేశ మొకటైతే, ద్రౌపది, అటను సంధి చేయవచ్చా లేదా అని కూడా సందేహమండీ

    రిప్లయితొలగించండి
    రిప్లయిలు
    1. ఊకదంపుడు గారూ,
      అన్వయక్లేశం లేదు. పూరణ బాగుంది. అభినందనలు.
      ‘ద్రౌపది+అటను’ అన్నప్పుడు సంధి లేదు, యడాగమం వస్తుంది. అక్కడ ‘ద్రౌపది యట’ అనండి.

      తొలగించండి
    2. గురువుగారూ, ధన్యవాదములు.
      సవరించిన పద్యము:
      కీచకుండువచ్చి కేలుజాపిపిలువ
      దాగి చూచుచుండ ద్రౌపది యట
      భీతిగొల్పుచుఁ, దలపించుచు లయకాల
      శివునిఁ, జంపె భీమ సేనుఁ డలిగి

      తొలగించండి
  8. అసురు డైన వాడి నంతమ్ము గోరుచున్
    తల్లి యానతిగొని తరలె నతడు
    బకుని గెలువ గలుగు బలమునిమ్మని గోరె
    శివుని, జంపె భీమ సేనుడలిగి.

    రిప్లయితొలగించండి
  9. భక్తి తోడ నెపుడు బ్రార్ధించ వలయును
    శివుని, జంపె భీమ సేను డలిగి
    యుద్ధ రంగ మందు బద్ధ శ త్రువులను
    ధర్మ యుద్ధ మెయది వర్మ ! తెలియు

    రిప్లయితొలగించండి
  10. ద్రోవది సభకీడ్చ దుశ్శసేనుని వైపు
    గదను బట్టి రయమె కదలఁ జూడ
    నన్న సైగ తోడ నణచి పెట్టుచు లోని
    శివునిఁ జంపె భీమసేనుఁడలిగి!

    రిప్లయితొలగించండి
    రిప్లయిలు
    1. గుండా వేంకట సుబ్బ సహదేవుడు గారూ, (‘సహ’ తర్వాత స్పేస్ అవసరం లేదు కదా!),
      లోని శివుణ్ణి చంపాడన్న మీ పూరణ బాగుంది. అభినందనలు.

      తొలగించండి
    2. గురుదేవులకు ధన్యవాదములు.పొరపాటుగ స్పేస్ యివ్వడము జరిగింది. సవరించానండి.

      తొలగించండి
  11. పాత్రి పెండ్లి యాడె ప్రమదముగ పరమ
    శివుని, జంపె భీమసేనుడలిగి
    దంతకూరమందు ధార్తరాష్ట్రునిబట్టి
    బాస దీర్చుకొనెను వాతసుతుడు!!!

    రిప్లయితొలగించండి
  12. త్రిపుర దైత్యు లెదరు తిరుగిరి రుద్రుని
    శివునిఁ , జంపె భీమసేనుఁ డలిగి
    వారి నెల్ల నని నవారిత శక్తినిన్
    సంతసించి రెల్ల జనులు భువిని
    [ భీమసేనుఁ డు = శివుడు= భీమ శంకరుడు = భయంకరుడు]

    రిప్లయితొలగించండి
    రిప్లయిలు
    1. పోచిరాజు కామేశ్వర రావు గారూ,
      మీ పూరణ బాగున్నది. అభినందనలు.

      తొలగించండి
  13. అంబ పూజ సలిపె నత్యంత భక్తితో
    శివుని, చంపె భీమ సేను డలిగి
    తొడలు విరుగ గొట్టి దుర్యోధనుని తాను
    కృష్ణు డిచ్చినట్టి కిటుకు తోడ

    రిప్లయితొలగించండి
    రిప్లయిలు
    1. అన్నపరెడ్డి సత్యనారాయణ రెడ్డి గారూ,
      మీ పూరణ బాగున్నది. అభినందనలు.

      తొలగించండి


  14. గు రు మూ ర్తి ఆ చా రి
    --------------------

    హిమవదచలపుత్రి యెవ్వాని యర్ధా౦గి ?
    చక్రి యేమి జేసె చైద్యు నపుడు ?
    దుస్ససేను నెవరు ద్రు౦చెను రణమ౦దు ?
    శివుని | జ౦పె | భీమసేను డలిగి |

    ...............................................
    రె౦డవ పద్యము
    +++++++++++


    వణిజు డైన "శివుడు"వ్యాపారమున , స్నేహి
    తమ్ము మరచి , వ౦చనమ్ము సేయ. >
    పెద్ద కక్ష రగిలె "భీమసేన్"మదిలోన
    శివుని జ౦పె భీమసేను డలిగి

    రిప్లయితొలగించండి
    రిప్లయిలు
    1. గురుమూర్తి ఆచారి గారూ,
      మీ రెండు పూరణలు బాగున్నవి. అభినందనలు.

      తొలగించండి
  15. శివుడు”.”భీము” డనెడి స్నేహితుల్ “”కురు నాథు”,
    “భీమ” పాత్రలందు వెలయు చుండ్రి .
    నాటకమ్మున కురునాథు పాత్ర ధరించు
    శివుని జంపె భీమసేను డలిగి

    రిప్లయితొలగించండి
    రిప్లయిలు
    1. కెంబాయి తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించండి
  16. గురుదేవులకు నమస్సులు
    నిన్నటి దత్త పదికి పద్యము
    పాప కర్ముడు నరకుని రూపు మాపి
    తాప మడగించు మోహన రూప కృష్ణ!
    దీప తోరణ సేవ నందించు మమ్ము
    నితము బ్రోవుము మా నమస్కృతులు గొనుము

    రిప్లయితొలగించండి
    రిప్లయిలు
    1. కెంబాయి తిమ్మాజీ రావు గారూ,
      నిన్నటి దత్తపదికి మీ పూరణ బాగున్నది. అభినందనలు.
      ‘నరకుని రూప మడపి’ అనండి. దత్తపదం ‘రూప’ కదా!

      తొలగించండి
    2. తిమ్మాజీ రావు గారూ,
      మన్నించండి. నేను ‘మోహన రూప’ను గమనించలేదు.

      తొలగించండి
  17. శ్రీ భాగవతుల కృష్ణారావు గారి పూరణ

    బాల భీము చేష్ట పరిమితి మించగా
    నాట బొమ్మలీయ నాడుకొనగ
    కంఠమందునున్నకాల సర్పముగని
    శివుని జంపె భీమసేనుడలిగి

    రిప్లయితొలగించండి
  18. భక్తిభావమందుశక్తిగ వేడుము
    శివుని.”జంపె భీమసేను డలిగి
    రణమునందుబెదరిరాక్షస కృత్యాన
    కౌర వోత్తములనుకాటికంపె.

    రిప్లయితొలగించండి
  19. గురుదేవులసూచనకు ధన్యవాదములు .సత్తపదిలో "రూప"
    రెండవ పాదములో "మోహనరూప' సమాసములో నున్నది

    రిప్లయితొలగించండి
  20. మిత్రులందఱకు నమస్సులు!

    (జరాసంధుని పరాక్రమమును నిరోధింప నుంకించు భీముని నాపి యర్జునుఁడు శివుని జయమునీయుమని వేడుచుండఁగనే, యలిగిన భీముఁ డా జరాసంధునిం జంపినాఁడనుట)

    మగధరా ట్పరాక్రమ నిరుద్ధుఁ డా జరా
    సంధుఁ జంపఁ బోయె! సవ్యసాచి
    యాపి, "జయము నీయు" మని నెమ్మదిగ వేడె

    శివునిఁ! జంపె భీమసేనుఁ డలిగి!!

    (మగధరా ట్పరాక్రమ నిరుద్ధుఁడు=భీముఁడు)

    రిప్లయితొలగించండి
    రిప్లయిలు
    1. గుండు మధుసూదన్ గారూ,
      నిస్సందేహంగా మీ పూరణ అద్భుతంగా ఉంది. అభినందనలు.

      తొలగించండి