(పావలా కూలీకై నూనెపీపాను మోయుచు, నా పావలాతో గ్రుడ్డును కొని పొదిగించి, బయల్వెడలిన కోడి ద్వారా మరిన్ని గ్రుడ్లు పొంది, వాటిని పొదిగించి, మరిన్ని కోళ్ళను పొంది, కోళ్ళవ్యాపారము చేసి, ధనవంతుఁడనై మంచి భవనము కట్టుకొని, పెండ్లి చేసికొని, యొక కొడుకు పుట్టిన తదుపరి, యా పిల్లవాఁడిని నేనిటుల ముద్దిదుననుకొనుచు...నూనెపీపాను పట్టుకొనిన రెండు చేతులను విడచి, కొడుకును ముద్దాడిన ట్లభినయించఁగా నూనెపీపా క్రిందపడి నూనె యంతయు నొలికిపోవఁగా, యజమానికి నా ఖరీదు నీయలేక నౌకరుగా మాఱిన భీమన్నను మించిన మూర్ఖుఁడు లోకమందుండునా?....ఇది నా చిన్నతనమందుఁ జదివిన కథ...)
అనిశము ధనసంపాదన మునకై తలఁచుచును నూనె మోయుచు స్వప్నా లను కనెడునట్టి భీమ న్నను మించిన మూర్ఖుఁ డుండునా లోకమునన్?
కనివిని యెరుగని వింతలు
రిప్లయితొలగించండివినువీధు లనేలు చుండె వేయి విధమ్ముల్
మనసుకు తెలిసిన నిజమిది
నను మించిన మూర్ఖుఁ డుండునా లోకమునన్
రాజేశ్వరి అక్కయ్యా,
తొలగించండిమీ పూరణ బాగున్నది. అభినందనలు.
manasuku telisina nijamidi... baagundi akkayya garoo.
తొలగించండినను మించిన పామరుఁడును
రిప్లయితొలగించండినను మించిన పాపి మరియు నాస్తికుఁ డీశా!
నను మించిన దుష్టుండును
నను మించిన మూర్ఖుఁ డుండునా లోకమునన్.
‘ఊకదంపుడు’ గారూ,
తొలగించండిమీ పూరణ బాగున్నది. అభినందనలు.
గురువు గారూ,
తొలగించండిధన్యవాదములు . ఈ పూరణను కూడా పరిశీలించవలసినదిగా ప్రార్ధన
అనుమానము లేక సుయో
ధనుడే "మూర్ఖాగ్రణి" బిరుదమునకుఁ దగువాఁ
డనెదను, కాక, యెట వెతకి
నను, మించిన మూర్ఖుఁ డుండునా లోకమునన్.
ఈ కామెంట్‌ను రచయిత తీసివేశారు.
రిప్లయితొలగించండిఆంజనేయ శర్మ గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణ మొదటి పాదాన్ని ‘ధనమును వనితలపొందే’ అనండి. పొందు+ఎ అన్నపుడు యడాగమం రాదు.
గురువు గారికి నమస్కారములు.
తొలగించండిధనమును వనితల పొందే
ఘనమగు సౌఖ్యమని తలచి కామాంధుడనై
మనుగడ సాగించితినే
ననుమించిన మూర్ఖుడుండునా లోకమునన్
కనబడని పరాత్పరుఁ న
మ్మిన ఫలితమ్మేమి వాడు మిథ్యయె ననుచు
న్ననవరతము వాదించితి
ననుమించిన మూర్ఖుడుండునా లోకమునన్
శ్రీగురుభ్యోనమః
రిప్లయితొలగించండిజనులెల్లరు హితులేనని
మనకొరకై పాటుబడెడు మాన్యులటంచున్
వినిపించితి వాదమ్మును
నను మించిన మూర్ఖుఁ డుండునా లోకమునన్.
శ్రీపతి శాస్త్రి గారూ,
తొలగించండిమీ పూరణ బాగున్నది. అభినందనలు.
‘హితులే యని’ అనండి.
కని పెంచిన తల్లినిచట
రిప్లయితొలగించండిననాదరముతోడ జూచి నలుగురి లోనన్
ననవరతము చులకనయితి
నను మించిన మూర్ఖుడుండునా లోకమునన్.
2.అనయము వెంటబడి నడుగ
కొనుమంచు నొసగితి ధనము కూరిమి తోడన్
అనుమానింపక;రాదది
నను మించిన మూర్ఖుడుండునా లోకమునన్.
డా. బల్లూరి ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
‘వెంటబడి యడుగ’ అనండి.
ననుమిం చినమొన గాడును
రిప్లయితొలగించండిననుమించినఐమాటకారి కానంబడెనే?
ననుగురిచిదెలుప యిటులను
ననుమించిన మూర్ఖుడుండునాలోకమునన్
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
రెండవపాదంలో యతి తప్పింది. ‘నను మించిన మాటకారి నా కగపడడే’ అందామా?
కనబడని హరిని జూడగ
రిప్లయితొలగించండిననునిత్యము గిరుల ఝరుల నన్వేషిస్తూ
మనమున వెదకుట మరచితి
నను మించిన మూర్ఖుడుండు నాలోకమునన్!!!
శైలజ గారూ,
తొలగించండిమీ పూరణ బాగున్నది. అభినందనలు.
‘అన్వేషిస్తూ’ అని వ్యావహారికాన్ని ప్రయోగించారు. అక్కడ ‘అన్వేషింపన్’ అంటే ఎలా ఉంటుంది?
విననోపనుగురుబోధన
రిప్లయితొలగించండిమనసంతయుపదవిచుట్టె మసులుచునుండున్
ధనమే ప్రాధాన్యంబగు
ననుమించిన మూర్ఖుడుండునాలోకమునన్!!!
మంద పీతాంబర్ గారూ,
తొలగించండిమీ పూరణ బాగున్నది. అభినందనలు.
శ్రీ శంకరయ్య గురుదేవుల సవరణలకు ధన్యవాదములతో...
రిప్లయితొలగించండిధనార్జన యని కష్టముల నొందితిని
=============*==================
ధన వనమున నిలువ దలచి
వనామి రొయ్యలను పెంచి వానరుడయితిన్
నను మించిన దుష్టుండును,
నను మించిన మూర్ఖుఁ డుండునా లోకమునన్!
కందుల వరప్రసాద్ గారూ,
తొలగించండిస్వానుభవంగా మీరు చెప్పిన పూరణ బాగున్నది. అభినందనలు.
సానుభుతి తెల్పడం తప్ప నేనేం చేయగలను?
తిన్నని యొక్క యాలోచన........
రిప్లయితొలగించండివిను నా యెంగిలి నీటను
నిను తడిపితి దోషినగుచు నిలచితి స్వామీ!
ఘనులగు నీ భక్తులలో
నను మించిన మూర్ఖుఁడుండునా లోకమునన్.
సంపత్ కుమార్ శాస్త్రి గారూ,
తొలగించండిమీ పూరణ బాగున్నది. అభినందనలు.
తిన్నని యొక్క యాలోచన........
రిప్లయితొలగించండివిను నా యెంగిలి నీటను
నిను తడిపితి దోషినగుచు నిలచితి స్వామీ!
ఘనులగు నీ భక్తులలో
నను మించిన మూర్ఖుఁడుండునా లోకమునన్.
భక్త కబీరు దోహా:తనయందు నున్న దేవుని
రిప్లయితొలగించండిగన జాలక వెదకినాను కాశీ,కాబా,
ఘనబెత్లహాము నందున
నను మించిన మూర్ఖు డుండునా లోకమునన్
కెంబాయి తిమ్మాజీ రావు గారూ,
తొలగించండిమీ పూరణ ప్రశస్తంగా ఉంది. అభినందనలు.
పుండరీకుని వంటివారి స్వగతం...
రిప్లయితొలగించండికనిపెంచిన తలిదండ్రులె
కనబడు దైవమ్ములనుచు గమనించక నే
ననిశము బాధలు బెట్టితి
ననుమించిన మూర్ఖుడుండు నాలోకమునన్!!!
శైలజ గారూ,
తొలగించండిపుండరీకుని స్వగతంగా మీ రెండవ పూరణ చాల బాగుంది. అభినందనలు.
మోసపోయిన ఓ అభాగ్యుని ఆవేదన:
రిప్లయితొలగించండికొననట్టి లాటరీయది!
యొనగూర్చెను లక్షలనిన! నొసఁగితి బ్యాం
కు నమోదితముల, దోచిరి!
ననుమించిన మూర్ఖుడుండునా లోకమునన్!
గుండా వేంకట సుబ్బ సహదేవుడు గారూ,
తొలగించండిసైబర్ నేరాన్ని గురించిన మీ పూరణ బాగున్నది. అభినందనలు.
వనమేగి కట్టెలకుఁ దరు
రిప్లయితొలగించండివునెక్కి తానిలచిన ఘనపు విటపమును బూ
నెనొకడు ఖండింపంగఁ ద
నను మించిన మూర్ఖుఁ డుండునా లోకమునన్.
పోచిరాజు కామేశ్వర రావు గారూ,
తొలగించండి‘తనను’ అంటూ మీరు చెప్పిన పూరణ వైవిధ్యంగా ఉంది. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండి* గు రు మూ ర్తి ఆ చా రి *
రిప్లయితొలగించండి,,,,,,,,,,,,,,,,,,,,,,,,,,,,,,,
నను దైవ సన్నిభుని గా
ననుకొను సతి లక్ష్య పెట్ట . కరసి గణికల
న్ననురక్తిc. బతన మయితిని |
నను మి౦చిన మూర్ఖు డు౦డునా లోకమున్ !
గణిక = వేశ్య ె
గురుమూర్తి ఆచారి గారూ,
తొలగించండిమీ పూరణ బాగుంది. అభినందనలు.
ఇనవంశ రాజ చంద్రుడు
రిప్లయితొలగించండిజనవంద్యుండైన రామచంద్రుని మ్రొక్కన్
కననెంత గ్రుడ్డి వాడనొ
నను మించు మూర్ఖుడుండునా? లోకమునన్
చివరి పాదంలో... ననుమించినకు బదులు ననుమించు అని పొరబాటు దొర్లినది. క్షమార్హుడను,
రిప్లయితొలగించండికనిపెంచిన తలిదండ్రులు
రిప్లయితొలగించండికనుపించరు సేవచేయ గయములనందున్
పనిచేసెద పరుల కొరకు
ననుమించిన మూర్ఖుడుండునా లోకమునన్
అన్నపరెడ్డి సత్యనారాయణ రెడ్డి గారూ,
తొలగించండిమీ రెండు పూరణలు బాగున్నవి. అభినందనలు.
రెండవ పూరణలో ‘గయములనందున్’...?
గయము : ఇల్లు
తొలగించండిఈ కామెంట్‌ను రచయిత తీసివేశారు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండికె. ఈశ్వరప్ప గారూ,
తొలగించండిమంచి ప్రయత్నమే. పద్యం బాగున్నది.
కాని ‘ఆయనను’... ‘ఆయననను’ అయింది. ‘మనతో గడుపడు గాదె త|నను మించిన...’ అంటే ఎలా ఉంటుంది?
త నలోకమె తనదనుకొని
రిప్లయితొలగించండిమనుగడ సాగించుటందు మమతలు లేకన్
మనతో గడుపడు గాదెత
నను”మించిన మూర్ఖు డుండునా లోకమునన్?
కనకేమియు పూరించగ
రిప్లయితొలగించండిమనసునదోచినదియేదొ మరి వ్రాయంగా
అనఘా మన్నించుడు సరి
నను మించిన మూర్ఖుఁ డుండునా లోకమునన్
శశికాంత్ మల్లప్ప గారూ,
తొలగించండిమీ పూరణ బాగున్నది. అభినందనలు.
‘వ్రాయంగా’ అనడం వ్యావహారికం. ‘మరి వ్రాయగ నో| యనఘా...’ అనండి.
ధన్యవాదాలు గురువుగారూ..
తొలగించండికనకేమియు పూరించగ
మనసునదోచినదియేదొ మరి వ్రాయగనో
యనఘా మన్నించుడు సరి
నను మించిన మూర్ఖుఁ డుండునా లోకమునన్
అని గూలుచు రావణు డనె
రిప్లయితొలగించండిననిరుద్ధా ! నరుడ వనుచు నమ్మితి నాజి
న్నిను దైవముగా నెరుగని
నను మించిన మూర్ఖుఁ డుండునా లోకమునన్.
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
మిత్రులందఱకు నమస్సులు!
రిప్లయితొలగించండి(పావలా కూలీకై నూనెపీపాను మోయుచు, నా పావలాతో గ్రుడ్డును కొని పొదిగించి, బయల్వెడలిన కోడి ద్వారా మరిన్ని గ్రుడ్లు పొంది, వాటిని పొదిగించి, మరిన్ని కోళ్ళను పొంది, కోళ్ళవ్యాపారము చేసి, ధనవంతుఁడనై మంచి భవనము కట్టుకొని, పెండ్లి చేసికొని, యొక కొడుకు పుట్టిన తదుపరి, యా పిల్లవాఁడిని నేనిటుల ముద్దిదుననుకొనుచు...నూనెపీపాను పట్టుకొనిన రెండు చేతులను విడచి, కొడుకును ముద్దాడిన ట్లభినయించఁగా నూనెపీపా క్రిందపడి నూనె యంతయు నొలికిపోవఁగా, యజమానికి నా ఖరీదు నీయలేక నౌకరుగా మాఱిన భీమన్నను మించిన మూర్ఖుఁడు లోకమందుండునా?....ఇది నా చిన్నతనమందుఁ జదివిన కథ...)
అనిశము ధనసంపాదన
మునకై తలఁచుచును నూనె మోయుచు స్వప్నా
లను కనెడునట్టి భీమ
న్నను మించిన మూర్ఖుఁ డుండునా లోకమునన్?
గుండు మధుసూదన్ గారూ,
తొలగించండిచిన్నప్పుడు చదివిన కథను గుర్తుకు తెచ్చారు. ఇటువంటిదే పేలపిండి కథ కూడా ఉంది.
మీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిమనమున నూరట లేకయె
రిప్లయితొలగించండివినుచును నా బావ మాట వివశుడనౌచున్...
కననాయెనె నభిమన్యుని...
నను మించిన మూర్ఖుఁ డుండునా లోకమునన్!
రిప్లయితొలగించండికంది వారి మన్ కీ బాత్ :)
అనుమాన మేమియునులే!
నను మించిన మూర్ఖుఁ డుండునా లోకమునన్,
పనిలేని జిలేబీ పూ
రణల చదువ కర్మ కలిగె రసనయు బోయెన్ :)
జిలేబి
రాహులుడువాచ:
రిప్లయితొలగించండివినుచును మిత్రుల హితవులు
కనుగొని జందెమ్ము నొకటి గమ్మున దాల్చన్
తనువున తీటాయె గదర!
నను మించిన మూర్ఖుఁ డుండునా లోకమునన్ ?
రిప్లయితొలగించండిఅనమానములేదు సుమా
నను మించిన మూర్ఖుఁ డుండునా లోకమునన్
పనిలేక యనుదినమ్ము స
దనమున పూరణలచేసి తరియించితినే :)
జిలేబి