6, జనవరి 2016, బుధవారం

సమస్య – 1906 (కుందనమును కోమలాంగి...)

కవిమిత్రులారా,
ఈరోజు పూరించవలసిన సమస్య ఇది...
కుందనమును కోమలాంగి కోరదు సుమ్మీ!
(ఒకానొక అవధానంలో శ్రీ నరాల రామారెడ్డి గారు పూరించిన సమస్య)

65 కామెంట్‌లు:

  1. ఈ సమస్యకు శ్రీ నరాలా రామారెడ్డి గారు చాలా మంచి పూరణమిచ్చారండీ

    రిప్లయితొలగించు
  2. గురువు గారికి నమస్కారములు

    చందురునివంటి యందము
    పొందిక గలసద్గుణములె భూషణమై వె
    ల్గొందెడు పతి లభింపను
    కుందనమును కోమలాంగి కోరదు సుమ్మీ.

    రిప్లయితొలగించు
    రిప్లయిలు
    1. ఆంజనేయ శర్మ గారూ,
      మీ పూరణ బాగున్నది. అభినందనలు.
      మూడవపాదంలో గణదోషం. ‘వె|ల్గొందెడు పతియె లభింపగ’ అనండి.

      తొలగించు
    2. గురువు గారికి ధన్యవాదములు నాతొందరపాటు అక్షరం లోటైంది పతియె వుండాలి...అలానే రాసాను కూడా...

      తొలగించు
    3. చందురునివంటి యందము
      పొందిక గలసద్గుణములె భూషణమై వె
      ల్గొందెడు పతి యె లభింపను
      కుందనమును కోమలాంగి కోరదు సుమ్మీ.

      తొలగించు
  3. అందము చిందెడి పిల్లలు
    బంధనములె వరమటంచు బాధ్యత లందున్
    చందనము వంటి భర్తను
    కుందనమును కోమలాంగి కోరదు సుమ్మీ

    రిప్లయితొలగించు


  4. శుభోదయం:-

    అందము గా పతి కార్డుతొ
    చందము గవెడలి జిలేబి చక్కగ కొనునా
    నందము గరోయి నిక్కము
    కుందన మును కోమలాంగి కోరదు సుమ్మీ :)


    చీర్స్
    జిలేబి
    (సావేజిత)

    రిప్లయితొలగించు
    రిప్లయిలు
    1. జిలేబీ గారూ,
      మీ కందం సలక్షణంగా ఉంది. పూరణ బాగుంది. అభినందనలు.
      ‘కార్డుతొ’ అని ‘తో’ ప్రత్యయాన్ని హ్రస్వంగా ప్రయోగించరాదు. ‘కార్డున’ అనవచ్చు.

      తొలగించు
  5. చందురుని బోలు ముఖమున
    నందముగా బొట్టుబెట్టి యల్లుచు జడనే
    ముందర పతి చేతల కర
    కుందనమును కోమలాంగి కోరదు సుమ్మీ

    రిప్లయితొలగించు
    రిప్లయిలు
    1. గోలి హనుమచ్ఛాస్త్రి గారూ,
      ‘కరకుదనం’తో మీ పూరణ వైవిధ్యంగా ఉండి అలరించింది. అభినందనలు.

      తొలగించు
  6. సుందరి బొట్టును కాటుక
    నందముగా తీర్చి జేర నతి లలితముగా
    ముందర పతి చేతల కర
    కుందనమును కోమలాంగి కోరదు సుమ్మీ

    రిప్లయితొలగించు
    రిప్లయిలు
    1. గోలి హనుమచ్ఛాస్త్రి గారూ,
      మీ రెండవ పూరణ బాగున్నది. అభినందనలు.

      తొలగించు
  7. నా నిన్నటి పూరణ


    కొడుకు మడియ తాను కోపించి హరి ముందు
    ప్రతినజేయ " బావ ! బాగు " యనుచు
    మరణ శాసనమ్ము మదిలోన లిఖియించె
    సవ్యసాచిసఖుడు, సైంధవునకు.

    రిప్లయితొలగించు
    రిప్లయిలు
    1. గోలి హనుమచ్ఛాస్త్రి గారూ,
      నిన్నటి సమస్యకు మీ పూరణ బాగున్నది. అభినందనలు.

      తొలగించు
  8. సుందర రూపుడు మునిగణ
    వందితుడౌరామచంద్రు బతిగను పొందన్
    చందన చర్చితుడుండగ
    కుందనమును కోమలాంగి కోరదు సుమ్మీ

    రిప్లయితొలగించు
  9. అందమె కాదు గుణమ్మును
    సందడిఁ జేయు సహచరుని సన్నిధి వలచున్
    సుందర మైనను నకిలీ
    కుందనమును కోమలాంగి కోరదు సుమ్మీ!

    రిప్లయితొలగించు
    రిప్లయిలు
    1. గుండా వేంకట సుబ్బ సహదేవుడు గారూ,
      మీ పూరణ బాగున్నది. అభినందనలు.

      తొలగించు
    2. గురుదేవులకు ధన్యవాదములు. ఓ సాహితీ మిత్రుడు 'నకిలీ' బదులు మరే పదమైనా ప్రయత్నించమన్నారు.

      సవరించిన పూరణ:
      అందమె కాదు గుణమ్మును
      సందడిఁ జేయు సహచరుని సన్నిధి వలచున్
      సుందర మౌ పై పూతల
      కుందనమును కోమలాంగి కోరదు సుమ్మీ!

      తొలగించు
    3. గురుదేవులకు ధన్యవాదములు. ఓ సాహితీ మిత్రుడు 'నకిలీ' బదులు మరే పదమైనా ప్రయత్నించమన్నారు.

      సవరించిన పూరణ:
      అందమె కాదు గుణమ్మును
      సందడిఁ జేయు సహచరుని సన్నిధి వలచున్
      సుందర మౌ పై పూతల
      కుందనమును కోమలాంగి కోరదు సుమ్మీ!

      తొలగించు
  10. * గు రు మూ ర్తి ఆ చా రి *
    ,,,,,,,,,,,,,,,,,,,,,,,,,,,,,,

    కు౦దనపు సొమ్ములను సో
    కు౦దన మీనెడు జిలు౦గు కోకలు దాల్చన్
    పొ౦దునె త ని వి ? మగని కర
    కు౦దనము కోమలా౦గి కోరదు సు మ్మీ ! !

    రిప్లయితొలగించు
  11. చందనవనమును బోలిన
    మందారపు తోటలోన మగనితొ డుండన్
    సుందరమగుసంతున్నన్
    కుందనమును కోమలాంగి కోరదు సుమ్మీ.

    రిప్లయితొలగించు
    రిప్లయిలు
    1. డా. బల్లూరి ఉమాదేవి గారూ,
      మీ పూరణ బాగున్నది. అభినందనలు.
      ‘మగతో డుండన్’ అనండి.

      తొలగించు
  12. శతావధాని శ్రీ నరాల రామారెడ్డి గారి పూరణ.....

    మందస్మితముల జిమ్ముచు,
    చందన చూర్ణంబు మేనఁ జల్లిన రీతిన్
    చిందింపుము వలపుల, కఱ
    కుందనమును కోమలాంగి కోరదు సుమ్మీ!

    రిప్లయితొలగించు
  13. నందము నీయుచు మదికి
    న్నందించుచు తెలి వలపుల నభిహారికముల్
    ముందర పతియుండిన యే
    కుందనమును కోమలాంగి కోరదు సుమ్మీ!!!


    నందము =సంతోషము
    ప్రత్యుత్తరంతొలగించు

    రిప్లయితొలగించు
  14. అందమ్మున మన్మథుడై,
    చందమ్మున రఘుకులాబ్ధిచంద్రునిగ, హృదిన్
    బందీ సేసిన, తనపతి
    కుందనమును కోమలాంగి కోరదు సుమ్మీ!!!

    రిప్లయితొలగించు
    రిప్లయిలు
    1. కెంబాయి తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించు
  15. మరియొక పూరణ: అందపు తొలి రెయిని తన
    డెందములో వలపులన్ని డీలు పడంగన్
    కొందలము సేయు పతి కర
    కుందనమును కోమలాంగి కోరదు సుమ్మీ.
    కరకుందనము=కఠినము

    రిప్లయితొలగించు
    రిప్లయిలు
    1. కెంబాయి తిమ్మాజీ రావు గారూ,
      మీ రెండవ పూరణ బాగున్నది. అభినందనలు.
      ‘రెయిని’ టైపాటు...

      తొలగించు
  16. ఈ కామెంట్‌ను రచయిత తీసివేశారు.

    రిప్లయితొలగించు
    రిప్లయిలు
    1. కె. ఈశ్వరప్ప గారూ,
      మీ పూరణ బాగున్నది. అభినందనలు.
      ‘మంచమున’ అన్నది ‘మంచన’ అని టైపయింది.

      తొలగించు
  17. విందున బొమ్శగ బంచెను
    కుందనమును కోమలాంగి ,కోరదుసుమ్మీ
    యెందును దేనిని దానుగ
    ముందరగా దనకుననుచు మొండిగనెపుడున్

    రిప్లయితొలగించు
    రిప్లయిలు
    1. పోచిరాజు సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  18. మా తమ్ముడు, పోచిరాజు కామేశ్వర రావు పద్యము

    చందనపు బొమ్మ భంగిని
    నందము కను విందు జేయ నలరించె నటన్
    డెందమ్మున దా నితరుల
    కుందనమును కోమలాంగి కోరదు సుమ్మీ

    రిప్లయితొలగించు
    రిప్లయిలు
    1. పోచిరాజు కామేశ్వర రావు గారూ,
      మీ పూరణ బాగున్నది. అభినందనలు.

      తొలగించు
  19. ఈ కామెంట్‌ను రచయిత తీసివేశారు.

    రిప్లయితొలగించు
  20. గురుదేవులకు వందనములు టైపు దోషము సవరించిన పద్యము

    మరియొక పూరణ: అందపు తొలి రేయిని తన
    డెందములో వలపులన్ని డీలు పడంగన్
    కొందలము సేయు పతి కర
    కుందనమును కోమలాంగి కోరదు సుమ్మీ.
    కరకుందనము=కఠినపు

    రిప్లయితొలగించు
  21. గురుదేవులకు వందనములు టైపు దోషము సవరించిన పద్యము

    మరియొక పూరణ: అందపు తొలి రేయిని తన
    డెందములో వలపులన్ని డీలు పడంగన్
    కొందలము సేయు పతి కర
    కుందనమును కోమలాంగి కోరదు సుమ్మీ.
    కరకుందనము=కఠినపు

    రిప్లయితొలగించు
  22. శ్రీ శంకరయ్య గురుదేవులకు వినమ్రవందనములతో.....

    గురుదేవులను తప్పులున్న మన్నింప ప్రార్థన..


    తేటగీతి గర్భ ఆట వెలది కందము
    =============*============
    అందమయిన పద్య మలలు గందు మిచట
    గర్భ కవిత,ఖండికలను,గందమునను
    కుందనమగు కంది కుసుమ బందనమును
    కన్ను లదర,బంధు గణము గనును నేడు !

    ఆటవెలది

    అందమయిన పద్య మలలు గందు మిచట
    గర్భ కవిత,ఖండికలను,గంద,
    కుందనమగు కంది కుసుమ బందనమును
    కన్ను లదర,బంధు గణము గనును

    కందము
    అందమయిన పద్య మలలు
    గందు మిచట గర్భ కవిత, ఖండికలను,గం,
    కుందనమగు కంది కుసుమ
    బందనమును కన్ను లదర,బంధు గణము గన్ !

    (గం= గణపతి,కంది= శ్రీ కందిశంకరయ్య గురుదేవులు)

    రిప్లయితొలగించు
    రిప్లయిలు
    1. కందుల వరప్రసాద్ గారూ,
      మీ చిత్రకవిత్వాసక్తి నాకు ఆనందాన్ని కలిగించింది. గర్భకవిత్వ రచన ఎంతో శ్రమతో కూడినది. దానికి ముఖ్యంగా కావలసినది శబ్దజ్ఞానం. మీరు మీ ప్రయత్నంలో చాలవరకు సఫలమయ్యారు. స్వస్తి!

      తొలగించు
  23. సుందరమగు పతి హృదయా
    నందమె సర్వస్వమంచు నాలోచించున్
    అందరివలె కావలెనని
    కుందనమును కోమలాంగి కోరదు సుమ్మీ!

    రిప్లయితొలగించు
    రిప్లయిలు
    1. గండూరి లక్ష్మినారాయణ గారూ,
      మీ పూరణ బాగున్నది. అభినందనలు.

      తొలగించు
  24. కందము యతిగణ చందము
    అందముగను నాలుమగల నన్యోన్యతయౌ
    బంధముననుకొను సుందరి
    కుందనమును కోమలాంగి కోరదు సుమ్మీ
    2.ఎందును కట్నంబడుగక
    కుందనమును కోమలాంగి కోరదు సుమ్మీ
    అందరివలె నడిగినచో?
    అందపు నాభరణములను నందించవలెన్.

    రిప్లయితొలగించు
    రిప్లయిలు
    1. కె. ఈశ్వరప్ప గారూ,
      మీ రెండు పూరణలు బాగున్నవి. అభినందనలు.

      తొలగించు
  25. సుందరుడైనట్టి మగడు
    చందురు సరిపోలు నట్టి చక్కని సంతున్
    పొందిన పిమ్మట , తుష్టిన్
    కుందనమును కోమలాంగి కోరదు సుమ్మీ

    రిప్లయితొలగించు
    రిప్లయిలు
    1. అన్నపరెడ్డి సత్యనారాయణ రెడ్డి గారూ,
      మీ పూరణ బాగున్నది. అభినందనలు.

      తొలగించు
  26. చందురుని వంటిభర్తయు
    పందిరిమంచమున పూల పరిమళ మందున్
    పొందగు సుఖమున దేలుచు
    కుందనమును కోమలాంగి కోరదుసుమ్మీ

    రిప్లయితొలగించు
  27. చందన మద్దిన రీతిని
    మందస్మిత వదనుడైన మగని సరసనే
    పొందగ సతతము తలచును
    కుందనమును కోమలాంగి కోరదు సుమ్మీ!

    రిప్లయితొలగించు
    రిప్లయిలు
    1. భాగవతుల కృష్ణారావు గారూ,
      మీ పూరణ బాగున్నది. అభినందనలు

      తొలగించు
  28. సుందర రూపుడు పతియున్

    అందము నందులవకుశులు నగునందనులన్

    పొందిన కులసతి యెపుడున్

    కుందనమును కోమలాంగి కోరదు సుమ్మీ!

    డాక్టర్ మూలె రామమునిరెడ్డి.ప్రొద్దుటూరు వై.యస్.ఆర్.జిల్లా 7396564549

    రిప్లయితొలగించు
    రిప్లయిలు
    1. డా. మూలె రామమునిరెడ్డి గారూ,
      మీ పూరణ బాగున్నది. అభినందనలు.

      తొలగించు
  29. గురువుగారికి, పెద్దలకు నమస్కారం. కుందమనునేకుబేరుని నిధివలె కుందకము అనగా లోపము ఎరుగని కంజకవు అనగా చేమంతిపూవువు అని కందువన అనగా ఏకాంతములో మగడు పొగడగా ఆమె దానికి మించి మరే కుందనమూ కోరదు అన్న భావనలో రాసినది. దయచేసి భావాన్నీ, పద్యాన్నీ పరిశీలించి నా తప్పులు తెలియచేయగలరు. ధన్యవాదాలు.

    కుందమమనెడునిదివలెనే
    కుందక మెరుగని పడతివి కుంజక వనుచూ
    కందువనమగడుబొగడగ
    కుందనమును కోమలాంగి కోరదు సుమ్మీ!

    రిప్లయితొలగించు
    రిప్లయిలు
    1. వేదుల సుభద్ర గారూ,
      మీ పూరణ బాగున్నది. అభినందనలు.
      ‘కుంజక మనుచున్’ అనండి. ‘అనుచూ’ అనడం గ్రామ్యం.

      తొలగించు
  30. సందడి డిస్కో డాన్సున
    వందల త్రొక్కిడి నడుమను భంగుల సేవన్
    చిందులు త్రొక్కెడి వేళను
    కుందనమును కోమలాంగి కోరదు సుమ్మీ!

    రిప్లయితొలగించు
    రిప్లయిలు
    1. ప్రభాకర శాస్త్రి గారూ,
      ఎన్నాళ్ళకు మళ్ళీ మీ పూరణ కంట బడింది! సంతోషం.
      మీ పూరణ బాగున్నది. అభినందనలు.

      తొలగించు

    2. కంది వారు ఇవ్వాళే నిదుర వీడినట్టున్నారు :) పాత టపాలలో జీపీయెస్ వారి కల్లోలాలు తెలియక పోయె ఆ ప్రొటెస్టు తరువాయి :)


      జిలేబి

      తొలగించు


  31. ఛందస్సుల పద్యంబుల
    భందిలముల కోరుగాని పద్మార్పిత తా
    కొందల పడదు సుమీ మేల్
    కుందనమును కోమలాంగి కోరదు సుమ్మీ!

    జిలేబి

    రిప్లయితొలగించు
  32. మందుడు వచించు నిటులన్:
    "కుందనమును కోమలాంగి కోరదు సుమ్మీ!"
    అందముగా దిద్దుమిటుల:
    "కుందనమును కోమలాంగి కోరును సుమ్మీ!"

    రిప్లయితొలగించు