3, జనవరి 2016, ఆదివారం

సమస్య – 1903 (చైత్రమందు వినాయక...)

కవిమిత్రులారా,
ఈరోజు పూరించవలసిన సమస్య ఇది...
చైత్రమందు వినాయక చవితి వచ్చు.

42 కామెంట్‌లు:

  1. ప్రజలు వేడ్కతో జరపరే రామనవమి
    చైత్రమందు, వినాయక చవితి వచ్చు
    భాద్రపదమాస మున శుక్ల పక్షమందు
    సార్వజనికోత్సవమ్ముల సంబరములు

    రిప్లయితొలగించండి
  2. చిగురు వేయును తరువులు పొగరు విరియ
    చైత్ర మందు,వినాయక చవితి వచ్చు
    భాద్ర పదశుద్ధ చతుర్ద్ది బహుళ ప్రీతి
    వర్ష ఋతువది కావున హర్ష మొంది

    రిప్లయితొలగించండి
    రిప్లయిలు
    1. రాజేశ్వరి అక్కయ్యా,
      మీ పూరణ బాగున్నది. అభినందనలు.
      మూడవ పాదంలో గణదోషం. ‘చతుర్థి’ అన్నదాన్ని ‘చతుర్థికి’ అనండి.

      తొలగించండి
    2. చిగురు వేయును తరువులు పొగరు విరియ
      చైత్ర మందు,వినాయక చవితి వచ్చు
      భాద్ర పదశుద్ధ చతుర్ద్దికి బహుళ ప్రీతి
      వర్ష ఋతువది కావున హర్ష మొంది

      తొలగించండి
  3. మాస్టారు, చిన్ని చిన్ని కథలు అప్పుడప్పుడూ పోస్ట్ చేస్తే బాగుంటాయేమో! గళ్ళనుడి కట్టు, ప్రహేళికలు వేయుటలేదు ఈ మధ్య. మరలా మొదలపెట్టండి సారూ!

    రిప్లయితొలగించండి
    రిప్లయిలు
    1. చంద్రశేఖర్ గారూ,
      నాకూ ఇవ్వాలనే ఉంది. సమయాభావం, ఓపిక లేకపోవడం వల్ల వీలు చిక్కడం లేదు. ప్రయత్నిస్తాను. ధన్యవాదాలు.

      తొలగించండి
  4. శ్రీగురుభ్యోనమః

    వత్సరారంభ పర్వంబు వచ్చు నెపుడు?
    చేరి గణనాయకుని గొల్చి సిద్ధి బొంద
    భక్త జనులకు ననుకూల వ్రతము? జూడ
    చైత్రమందు, వినాయక చవితి వచ్చు.

    రిప్లయితొలగించండి
  5. పండుగలు పెక్కు , తెలుగు సంవత్సరాది
    చైత్రమందు,వినాయక చవితి వచ్చు
    బాద్ర పదమందు, నెలనెలాపండగొకటి
    వచ్చుచుండును శుభములనిచ్చుచుండు !!!

    రిప్లయితొలగించండి
  6. కనుల పండువగాను,యుగాది వచ్చె
    చైత్రమందు,వినాయకచవితి వచ్చు
    శ్రావణంబు తదుపరి మాసంబు నందు
    ఆచరింతురెల్ల జనులు యవని యందు.

    రిప్లయితొలగించండి
    రిప్లయిలు
    1. డా. బల్లూరి ఉమాదేవి గారూ,
      మీ పూరణ బాగుంది. అభినందనలు.
      ‘జనులు+అవని’ అన్నపుడు యడాగమం రాదు. ‘జనులు హర్ష మొదవ’ అందామా?

      తొలగించండి
  7. నా నిన్నటి పూరణ

    ఆయన బ్రతికున్నప్పుడు
    ఈ యమహా తోల నేర్పె నిదిగో చెల్లీ
    ఆయముని గలిసె నాతడు
    ఈయమ వేగంబు జూడు మిక భయమేలా !

    రిప్లయితొలగించండి
  8. మీలో యెవరు కోటీశ్వరుడు లో ఒకని " పాట్లు"


    నాల్గు ఆప్షన్ల నిచ్చెగా " నాగు " గారు
    హెల్పు లైన్లేవి లేవుగా యేమిచేతు
    ఫిక్సు జేయంగ జెప్పితి ఫియరు లేక
    చైత్రమందు వినాయక చవితి వచ్చు.

    రిప్లయితొలగించండి
    రిప్లయిలు
    1. గోలి హనుమచ్ఛాస్త్రి గారూ,
      మీ పూరణ బాగుంది. అభినందనలు.
      విషయాన్ని బట్టి అన్యభాషాపదాల ప్రయోగం ఆమోదయోగ్యమే.

      తొలగించండి
  9. అరుగుదెంచు నుగాదియే వరముగాను
    చైత్రమందు,వినాయకచవితి వచ్చు
    భాద్రపదశుద్ధ చవితిన భవ్యముగను
    జరుపు కొందురు ప్రజలెల్ల సంతసముగ!!!


    రిప్లయితొలగించండి
  10. విఘ్ననాధుని కొక్క కోవెలను దీర్చ
    పూనుకొంటిమి యూరి విబుధులమెల్ల
    భాద్రపద ప్రతిష్టోత్సవ ప్రభల మాదు
    చైత్రమందు వినాయక చవితి వచ్చు!

    (చైత్రము=గుడి)

    రిప్లయితొలగించండి
    రిప్లయిలు
    1. గుండా వేంకట సుబ్బ సహదేవుడు గారూ,
      ‘చైత్రము’నకున్న అన్యార్థంతో చక్కని పూరణ చెప్పారు. అభినందనలు.

      తొలగించండి
  11. రమ్య ముగవచ్చు పండుగ రామనవమి
    చైత్రమందు,వినాయకచవితివచ్చు
    భాద్రపదశుధ్ఢచవితినిభవ్యముగను
    పండుగలువచ్చుశుభములువడయు కొరకు

    రిప్లయితొలగించండి
    రిప్లయిలు
    1. పోచిరాజు సుబ్బారావు గారూ,
      మీ పూరణ బాగున్నది. అభినందనలు.

      తొలగించండి
  12. వచ్చు నాది యుగాదియే వరములీయ
    చైత్రమందు, వినాయక చవితి వచ్చు
    భాద్రపద మాస మందున, భక్తితోడ
    బొజ్జ దేవరన్ గొలుతురు పొలుపుమీర

    రిప్లయితొలగించండి
    రిప్లయిలు
    1. గండూరి లక్ష్మినారాయణ గారూ,
      మీ పూరణ బాగున్నది. అభినందనలు.

      తొలగించండి
  13. పేద కడుపులు నింపెడు పెన్నిధగుచు
    రామకల్యాణ శోభలు రహిని గలుగు
    చైత్రమందు-వినాయక చవితి వచ్చు
    భాద్రపదమున ప్రాశస్త్య పర్వమనగ!

    రిప్లయితొలగించండి
    రిప్లయిలు
    1. పొన్నెకంటి సూర్యనారాయణ గారూ,
      మీ పూరణ బాగున్నది. అభినందనలు.
      ‘పెన్నిధి+అగు’ అన్నపుడు యడాగమం వస్తుంది. ‘పెన్నిధి యయి’ అనండి.

      తొలగించండి
  14. మిత్రులందఱకు నమస్సులు!

    ఇది యథాసంఖ్యమను నలంకృతియ కనుఁడు
    మాన్య! వచ్చు యుగాది యే మాసమందు?
    భాద్రపద మాసమున వచ్చు పర్వమేది?
    చైత్రమందు! వినాయక చవితి వచ్చు!

    రిప్లయితొలగించండి
    రిప్లయిలు
    1. గుండు మధుసూదన్ గారూ,
      వైవిధ్యమైన మీ పూరణ బాగున్నది. అభినందనలు.

      తొలగించండి
  15. పేద కడుపులు నింపెడు పెన్నిధగుచు
    రామకల్యాణ శోభలు రహిని గలుగు
    చైత్రమందు-వినాయక చవితి వచ్చు
    భాద్రపదమున ప్రాశస్త్య పర్వమనగ!

    రిప్లయితొలగించండి
  16. భాద్రపద శుద్ద చవితిన పర్వ దినము
    నందు విఘ్నవినాశన మొందఁ దలచి
    పుడమి జనులెల్ల భక్తిని పూజ సేయ
    చైత్రమందు వినాయక చవితి వచ్చు.

    రిప్లయితొలగించండి
    రిప్లయిలు
    1. పోచిరాజు కామేశ్వర రావు గారూ,
      మీ పూరణ బాగున్నది. అభినందనలు.

      తొలగించండి
  17. క్రమాలంకారంనందు పురాణ
    -----------------------------------------
    పువ్వునవ్వుల పులకింత పుట్టు టెపుడు?
    బాద్రపద శుక్లచవితికి పండుగేది?
    భక్తియందున పూజించ శక్తిరాద?
    1.చైత్రమందు.2.వినాయకచవితి.3.వచ్చు.
    3.

    రిప్లయితొలగించండి
  18. ప్రతిమలను జేయు వృత్తిలో బ్రతుకు వారి
    రమ్య మూర్తుల సృష్టి యారంభమగును
    చైత్రమందు, వినాయక చవితి వచ్చు
    ననుచు వేలాది బొమ్మల నమ్మ దలచి

    రిప్లయితొలగించండి
    రిప్లయిలు
    1. ఆంజనేయ శర్మ గారూ,
      మీ పూరణ వైవిధ్యంగా ఉండి అలరింపజేసింది. అభినందనలు.
      (నిన్న ప్రయాణపు టలసటలో ఇది కెంబాయి వారి పూరణగా పొరబడ్డాను. మన్నించండి.)

      తొలగించండి
  19. రమణి కౌసల్య దశరథురాణి కాన్పు
    సుఖముగ జరుగ పురమున సుదతులెల్ల
    చైత్రమందు, వినాయక చవితి వచ్చు
    వేళ వ్రతము లొనర్చిరి విహిత విధిని

    రిప్లయితొలగించండి
  20. రమణి కౌసల్య దశరథురాణి కాన్పు
    సుఖముగ జరుగ పురమున సుదతులెల్ల
    చైత్రమందు, వినాయక చవితి వచ్చు
    వేళ వ్రతము లొనర్చిరి విహిత విధిని

    రిప్లయితొలగించండి
    రిప్లయిలు
    1. కెంబాయి తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించండి
  21. కప్ప కొక్కొరొ యనికూయ కలియుగాన


    కుక్క కడుపున పందిపు ట్టక్కజముగ

    తప్పు గాదని ఒప్పని చెప్పి నపుడు

    చైత్ర మందు వినాయక చవితి వచ్చు


    డాక్టర్ మూలె రామమునిరెడ్డి విశ్రాంత తెలుగు పండితులు ప్రొద్దుటూరు

    రిప్లయితొలగించండి
    రిప్లయిలు
    1. డా. మూలె రామముని రెడ్డి గారూ,
      మీ పూరణ బాగున్నది. అభినందనలు.

      తొలగించండి