మిస్సన్న గారూ, ధన్యవాదాలు. ‘సీతాపహరి’ విషయంలో నాకూ సందిగ్ధతే. ఉదయం గుండు మధుసూదన్ గారు కూడా అభ్యంతరాన్ని తెలిపారు. అపహారము, అపహరము రెండు పదాలూ ఉన్నాయి. అపహారము చేసేవాడు ‘అపహారి’, అపహరము చేసేవాడు ‘అపహరి’ అని భావించాను. సంస్కృతంలో పాండిత్యమున్న వారి నెవరినైనా అడిగి సమాధానం చెప్తాను.
పచ్చని యరణ్యము, సూర్య కిరణముల రానీయని, లో పాము కప్పకు శత్రువు విష్ణువు పద్దతియది. సూర్య చంద్రులాకాశముననుండి యలరుచునుండగా గుఱ్ఱమును సింహము కోతి చూస్తుండగా చంపెను.
గురువు గారికి సుకవి మిత్రులకు నమస్సుమాంజలులు
రిప్లయితొలగించండికొలను చెంత మ్రాను కొమ్మపై నచిలుక
కాంచు చుండ వచ్చె గాలిదిండి
మడుగు సరసనున్న మండూకమును చేరి
హరిని హరి హరించె హరి కనంగ
గాలిదిండి= పాము
మొదటి.... హరి= కప్ప
రెండవ.....హరి= పాము
మూడవ....హరి=చిలుక
ఆంజనేయ శర్మ గారూ,
తొలగించండిమీ పూరణ బాగున్నది. అభినందనలు.
సరిగ్గా నేనుకూడా అలాగే వ్రాయా లనుకున్నాను .లంచ్ తిని వచ్చేలోగా శర్మ గారూ .........?
రిప్లయితొలగించండిచాలా చాలా బాగుంది హాట్సాఫ్ !
ధన్యవాదాలు అక్కయ్య గారూ....నమస్కారం
రిప్లయితొలగించండిహరిని గాంచి కలువ విరిసె ముదముగాను
రిప్లయితొలగించండిగగన మందు తొలగె కమల ధరుడు
నయము గాను పాట హరికంఠ మునవిందు
హరిని హరిహరించె హరి కనంగ
------------------------------
హరి = చంద్రుడు
కమలధరుడు = సూర్యుడు[హరి]
హరికంఠము = కోకిలకంఠము
రాజేశ్వరి అక్కయ్యా,
తొలగించండిమీ పూరణ బాగున్నది. అభినందనలు.
ఆకలియడరంగ హరిభుక్కు దరిచేరి
రిప్లయితొలగించండికరము వేగ దూకె కప్ప పైకి
చిలుక వణుకు చుండ చెట్టుపై గూర్చుండి
హరిని హరి హరించె హరికనంగ
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
వానరబలమెల్ల వారధి నిర్మింప
రిప్లయితొలగించండిసాగరమ్ము దాటి శౌర్య మడర
దశముఖుఁ దనునట్టి దానవున్ సీతాప
హరిని హరి హరించె హరి కనంగ.
(హరి=రాముడు, హరి=వానరుడగు సుగ్రీవుడు)
గురువుగారూ మీ పూరణ మనోజ్ఞంగా ఉంది.
తొలగించండిసీతాపహారి ని సీతాపహరి అని కూడా అనవచ్చునా?
మిస్సన్న గారూ,
తొలగించండిధన్యవాదాలు.
‘సీతాపహరి’ విషయంలో నాకూ సందిగ్ధతే. ఉదయం గుండు మధుసూదన్ గారు కూడా అభ్యంతరాన్ని తెలిపారు.
అపహారము, అపహరము రెండు పదాలూ ఉన్నాయి. అపహారము చేసేవాడు ‘అపహారి’, అపహరము చేసేవాడు ‘అపహరి’ అని భావించాను. సంస్కృతంలో పాండిత్యమున్న వారి నెవరినైనా అడిగి సమాధానం చెప్తాను.
సరసున నొక మకరి కరిపాదముఁబట్ట
రిప్లయితొలగించండికిరణుడుఁగన వగచి హరిని వేడ
పరుగు పరుగన నటకరుగుచు దాని యో
హరిని హరి హరించె హరికనంగన్!
(ఓహరి=నేను తగినవాఁడను నేనే తగినవాఁడనని పోటుమగలలో నొకరికొకరికిఁ గలిగిన తలఁపు)
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
హరియనగను కప్ప మరియొక్క టర్థము
రిప్లయితొలగించండిహరికి పాము యగును సరి మరొకటి
హరియనంగ కోతి యా వరుసను విను
హరిని హరి హరించె హరి కనంగ.
గోలి హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
‘పాము+అగును’ అన్నపుడు యడాగమం రాదు. ‘పాము నగును’ అనండి.
మాస్టరుగారూ ... ధన్యవాదములు..సరిచేశాను.
తొలగించండిహరియనగను కప్ప మరియొక్క టర్థము
హరికి పాము నగును సరి మరొకటి
హరియనంగ కోతి యా వరుసను విను
హరిని హరి హరించె హరి కనంగ.
కోతి కొమ్మ పైన గూర్చుని యుండగా
రిప్లయితొలగించండిగంతు లేస్తు వచ్చె కప్ప యొకటి
గుబురులందు దాగు గోకర్ణమదిజూచి
హరిని హరి హరించె హరి కనంగ!!!
శైలజ గారూ,
తొలగించండిమీ పూరణ బాగున్నది. అభినందనలు.
‘ఏస్తు’ అని గ్రామ్యాన్ని వాడారు. ‘గంతు లిడుచు’ అనండి.
హరి వనంబున హరి హరుల రానీయని
రిప్లయితొలగించండిహరి హరికి నరియగు హరి విధ మది
హరి హరులు నభమున నలరుచు నుండగ
హరిని హరి హరించె హరి కనంగ.
పచ్చని యరణ్యము, సూర్య కిరణముల రానీయని, లో పాము కప్పకు శత్రువు విష్ణువు పద్దతియది. సూర్య చంద్రులాకాశముననుండి యలరుచునుండగా గుఱ్ఱమును సింహము కోతి చూస్తుండగా చంపెను.
తొలగించండిపోచిరాజు కామేశ్వర రావు గారూ,
తొలగించండిమీ పూరణ బాగున్నది. అభినందనలు.
మడుగునందుమిగుల మాటుగనుండ యా
రిప్లయితొలగించండిహరినిహరిహ రించె, హరికనంగ
వేలకొలది నతుల విడువక యిడగను
హరియె కాచిమనల నాదుకొనును
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
తరువు పైన నిక్కి హరి జానకిని చూడ
రిప్లయితొలగించండిహరియు జేరె కొలను దరికి భృతికి
పుట్టనున్న హరియు బస్సున పడగెత్తె
హరిని హరి హరించె హరి కనంగ.
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
కనకకశిపు డెవరి జెనకెను? నరహరి
రిప్లయితొలగించండియెవ్వ? రతడు దనుజు నేమి చేసె?
దనుజసుతుడు భక్తి దండ మిడె నెపుడు?
హరిని, హరి, హరించె, హరి కనంగ!
మిస్సన్న గారూ,
తొలగించండితగిన ఐతిహ్యాన్ని ఎన్నుకొని ప్రశస్తమైన పూరణ చెప్పారు. అభినందనలు.
తరువు పైన హరియె పరికించి చూడంగ
రిప్లయితొలగించండిపుట్టలోని హరియె చెట్టు చెంత
చెరువు గట్టు నున్న హరినిగాంచుచువచ్చి
హరిని హరి హరించె హరికనంగ
ఆంజనేయ శాస్త్రి గారూ,
తొలగించండిమీ పూరణ బాగున్నది. అభినందనలు.
హరి,హరి,హరి,హరి,,హరియును
రిప్లయితొలగించండిహరిత హరి దయ హరిహరుని నాదరణమునన్
హరిహర యందుండగనే
హరిని హరి హరించె హరికనంగను విధిగా|
{హరి=కోతి2.హరి=పాము3.హరి=కప్ప4.హరి=చిలుక5.హరి=నెమలి,హరితహరి=సూర్యుడు,
హరిహర=కర్నాటకంబున పట్టణము
కె. ఈశ్వరప్ప గారూ,
తొలగించండిమీ పూరణలో చూపిన శబ్దవైచిత్రి ప్రశంసార్హం. బాగుంది. అభినందనలు.
సరసిలోకరి యెవరిని సన్నుతించె
రిప్లయితొలగించండిమకరి నెవ్వరే విధమునే మార్చి రచట
యేనికకు నెప్పుడేరీతి ముదమయ్యె
హరినిహరి హరించె హరి కనగ .
డా. బల్లూరి ఉమాదేవి గారూ,
తొలగించండిమీ భావం బాగుంది. కాని సమస్య ఆటవెలది అయితే మీరు తేటగీతి వ్రాశారు. సవరించండి.
హరి యెచటర యనగ హరి యిచటయెచట
రిప్లయితొలగించండిహరియె; గనుము తండ్రి హరియె నీవు
హరియె నేను; వేడ హరిని వచ్చె హరియు
హరిని హరి హరించె హరి కనంగ !
జిలేబి
జిలేబీ గారూ,
తొలగించండిమీ పూరణ, అందలి ‘లాజిక్కు’ బాగున్నవి. అభినందనలు.
అందరి పూరణలు బాగున్నాయి.అందరకూ అభినందనలు
రిప్లయితొలగించండిఅందరి పూరణలు బాగున్నాయి.అందరకూ అభినందనలు
రిప్లయితొలగించండిమన్నించండి పొరపాటు.
రిప్లయితొలగించండిసరసిఁకరి యెవరిని సన్నుతించి కొలిచె
మాయ చేసి రెవరు మకరి నచట
హస్తి కెప్పుడిలను హర్షంబు కలిగేను
హరిని హరి హరించె హరి కనగ.
డా. బల్లూరి ఉమాదేవి గారూ,
రిప్లయితొలగించండిసవరించిన మీ పూరణ బాగున్నది. అభినందనలు.
అరసున్నా ఉన్నప్పుడు 'సరసిఁ గరి' అనండి. 'కలిగేను' వ్యావహారికం. 'కలిగెను' అనండి.