29, జనవరి 2016, శుక్రవారం

సమస్య – 1928 (వివాద నిలయములు...)

కవిమిత్రులారా,
ఈరోజు పూరించవలసిన సమస్య ఇది...
వివాద నిలయములు విశ్వవిద్యాలయముల్.
(నిన్నటినుండి జ్వరం. మధ్యాహ్నంనుండి తీవ్రమయింది. కష్టంమీద సమస్యను షెడ్యూల్ చేశాను. పద్యరచన శీర్షికను ఇవ్వలేకపోతున్నాను. మన్నించండి.)

59 కామెంట్‌లు:

  1. నమస్కారములు
    ముందుగా మీ ఆరోగ్యము జాగ్రత్త గా చూసుకోండి శ్రమదీసుకుని ఇలా సమస్యలు ఇస్తే మాకు మనసు బాధగా ఉంటుంది.ఆరోగ్యం జాగ్రత్త .తొందరగా కోలుకోవాలని ఆశీర్వదించి.అక్క

    రిప్లయితొలగించు
  2. గురువు గారికీ, కవిమిత్రులకు నమస్సుమాంజలులు

    గురువు గారూ ఆరోగ్యము జాగ్రత్త


    భవితను దిద్దెడు గుడులని
    యువతయె జేరి నచట తమ యునికిని జాట
    న్నవలక్షణులై మసలెడు
    వివాద నిలయములు విశ్వ విద్యాలయముల్ 1.

    వివరింపను వింతేమిటి?
    యవలక్షణ మైన నేత లధమపు చర్యల్
    యువకులను రెచ్చ గొట్టెడు
    వివాద నిలయములు విశ్వ విద్యాలయముల్

    రిప్లయితొలగించు
    రిప్లయిలు
    1. ఆంజనేయ శర్మ గారూ,
      ధన్యవాదాలు.
      మీ రెండు పూరణలు బాగున్నవి. అభినందనలు.
      మొదటిపూరణలో ‘...జేరి యచట...’ అనండి.

      తొలగించు
  3. లవలేశము తిలకించని
    వివాద నిలయములు విశ్వ విద్యాలయముల్
    భవితను మరచిన యువకులు
    వివరణ లేకుండ యలజడి భీభత్స ముగన్

    రిప్లయితొలగించు
    రిప్లయిలు
    1. రాజేశ్వరి అక్కయ్యా,
      మీ పూరణ బాగున్నది. అభినందనలు.
      నాల్గవపాదంలో గణదోషం. ‘వివరణ లేకనె యలజడి...’ అనండి.

      తొలగించు
    2. లవలేశము తిలకించని
      వివాద నిలయములు విశ్వ విద్యాలయముల్
      భవితను మరచిన యువకులు
      వివరణ లేకనె యలజడి భీభత్స ముగన్

      తొలగించు
  4. కంది వారు,

    ఆరోగ్యము జాగ్రత్త !

    అవనిన చదువుల నెల్లను
    అవసరముగ చదువ వెళితి ఆంధ్రా వర్సిటి
    అవురా ! గంటిని అచటను
    వివాద నిలయములు విశ్వ విద్యాలయముల్

    సావేజిత
    జిలేబి

    రిప్లయితొలగించు
    రిప్లయిలు
    1. జిలేబీ గారూ,
      ధన్యవాదాలు.
      మీ పూరణ బాగున్నది. అభినందనలు.
      ‘అవని’ ఇకారంతం. దానిని ‘అవనిన్, అవనిని’ అనాలి. ‘ఎల్లను-అవసరము’ అని విసంధిగా వ్రాశారు. ‘...చదువుల నన్నిటి| నవససరముగ..’ అనండి. రెండవపాదం దీర్ధంతో అంతం కావాలి. ‘ఆంధ్ర వర్సిటీ’ అనండి. ‘అవురా’ తరువాత సరళాదేశం అవసరం లేదు. ‘కంటిని-అచటను’ అని విసంధిగా వ్రాశారు. ‘అవురా! కాంచితి నచటను’ అనండి.

      తొలగించు
    2. మిత్రులందఱకు నమస్సులు!

      ఆంధ్రవర్సిటీ యనిన గణభంగమగును గదా!

      తొలగించు
    3. గుండు మధుసూదన్ గారూ,
      నిజమే. నేను గమనించలేదు. ధన్యవాదాలు.

      తొలగించు

  5. అవురా వినగను తెలిసెను
    వివాద నిలయములు విశ్వ విద్యాలయముల్
    కవచము తొడిగితి వెళితిక
    రవాలము గదయు ఢమఢమ రావము తోడన్

    రిప్లయితొలగించు
    రిప్లయిలు
    1. జిలేబీ గారూ,
      మీ రెండవ పూరణ బాగున్నది. అభినందనలు.
      ‘వెళితిని’ అనడం వ్యావహారికం. ‘కవచము తొడిగి వెడలితి క...’ అనండి.

      తొలగించు
  6. శంకరయ్య గారికి జ్వరముతగ్గి స్వస్ధత చేకూరాలని ఆపార్వతీ పరమే శ్వరులను కోరుకొనుచున్నాను

    రిప్లయితొలగించు
  7. జవసత్వములిడ మానుచు
    శవాల యరుణోదయమ్ము జాతికొసంగన్
    సవరించలేని పాలక
    వివాద నిలయములు విశ్వ విద్యాలయముల్!

    రిప్లయితొలగించు
    రిప్లయిలు
    1. గురుదేవులకు త్వరగా స్వస్థత చేకూర ప్రార్థన.

      తొలగించు
    2. గురుదేవులకు త్వరగా స్వస్థత చేకూర ప్రార్థన.

      తొలగించు
    3. గుండా వేంకట సుబ్బ సహదేవుడు గారూ,
      మీ పూరణ బాగున్నది. అభినందనలు.
      ధన్యవాదాలు.

      తొలగించు
  8. రిప్లయిలు
    1. మీకు త్వరగా స్వస్థత చేకూరాలని కోరుకుంటూ

      ప్రవిమల సంస్థానమ్ములు
      వివేక విజ్ఞాన నిధులు విద్యార్థులకున్
      భవితవ్య దాయకమ్ముల
      వివాద నిలయములు విశ్వవిద్యాలయముల్.

      తొలగించు
    2. పోచిరాజు కామేశ్వర రావు గారూ,
      ధన్యవాదాలు.
      మీ పూరణ బాగున్నది. అభినందనలు.

      తొలగించు
  9. భువిలో నెక్కడ జూచిన
    వివాద నిలయములువిశ్వవిద్యాలయముల్
    రవములునరుపులతోనట
    వివశతయగునట్ల యుండె వింటే సాయీ!

    రిప్లయితొలగించు
    రిప్లయిలు
    1. పోచిరాజు సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  10. మాస్టరు గారూ ! ఆరోగ్యము జాగ్రత్తగా చూచుకొనగలరు...త్వరగా మీకు స్వస్థత చేకూరాలని ఆకాంక్షించుచున్నాను.



    అవి చదువు నేర్ప బూనగ
    నవలక్షణ 'పాలిట్రిక్సు ' లావేశముతో
    నవనవ విధముల జేరగ
    వివాద నిలయములు విశ్వవిద్యాలయముల్.

    రిప్లయితొలగించు
    రిప్లయిలు
    1. గోలి హనుమచ్ఛాస్త్రి గారూ,
      ధన్యవాదాలు.
      మీ పూరణ బాగున్నది. అభినందనలు.

      తొలగించు
  11. గురువు గారూ ఆరోగ్యము జాగ్రత్తగా చూచుకొనగలరు...త్వరగా మీకు స్వస్థత చేకూరాలని ఆకాంక్షించుచున్నాను.

    రిప్లయితొలగించు
  12. జవసత్వములిడ మానుచు
    శవాల యరుణోదయమ్ము జాతికొసంగన్
    సవరించలేని పాలక
    వివాద నిలయములు విశ్వ విద్యాలయముల్!

    రిప్లయితొలగించు
  13. ఛవి కట ప్రాధాన్యత లే
    క వివక్షత జూపి సకల కైంకర్యములున్
    సువిధు లాచార్యుల కను
    వివాద నిలయములు విశ్వ విద్యాలయముల్

    రిప్లయితొలగించు
  14. "నవగతి పరిశోధన లీ
    ప్రవిమల పర్యావరణము బాగు పరచునా?"
    వివిధము లగు చర్చలతో
    వివాద నిలయములు విశ్వ విద్యాలయముల్!

    రిప్లయితొలగించు
  15. "నవగతి పరిశోధన లీ
    ప్రవిమల పర్యావరణము బాగు పరచునా?"
    వివిధము లగు చర్చలతో
    వివాద నిలయములు విశ్వ విద్యాలయముల్!

    రిప్లయితొలగించు
    రిప్లయిలు
    1. కెంబాయి తిమ్మాజీ రావు గారూ,
      మీ రెండు పూరణలు బాగున్నవి. అభినందనలు.

      తొలగించు
  16. భవితను గూర్చి తలంచక
    నవిరళమున శాంతి తోడ నడుగిడ యువకుల్
    వివిధ మతముల, తెగలతో
    వివాదనిలయములు విశ్వ విద్యాలయముల్

    రిప్లయితొలగించు
    రిప్లయిలు
    1. అన్నపరెడ్డి సత్యనారాయణ రెడ్డి గారూ,
      మీ పూరణ బాగున్నది. అభినందనలు.

      తొలగించు
  17. యువతకు యీదేశములో
    భవికము విచ్ఛిన్నమయెడి ప్రకటన లిడగా
    నవ యువకుల ప్రతి ఘటనలు
    వివాద నిలయములు విశ్వవిద్యాలయముల్.

    రిప్లయితొలగించు
    రిప్లయిలు
    1. భాగవతుల కృష్ణారావు గారూ,
      మీ పూరణ బాగున్నది. అభినందనలు.
      ‘యువతకు నీదేశములో...’ అనాలి కదా!

      తొలగించు
  18. భవితను తీరిచి దిద్దగ
    యువతకుతగువిద్యనేర్పు యోగ్యులుకరువై
    యవినీతి మయులు గనపడు
    వివాదనిలయములు విశ్వవిద్యాలయముల్

    రిప్లయితొలగించు
  19. నవభారతనిర్మాతలు
    యువకులు కులపిచ్చిముదుర యుక్తాయుక్త
    మ్మువదలు దురిచ్చట గనగ
    వివాద నిలయము విశ్వవిద్యాలయముల్ .

    ఎవడిని గొట్టిన నెవ్వడు
    నువల దనుచు జెప్పవలదు నోరెత్తినచో
    యువకులు కులములు నొకటౌ
    వివాద నిలయము విశ్వ విద్యాలయముల్

    రిప్లయితొలగించు
  20. నవయుగ మందున చదువులు
    వివాదనిలయములు|విశ్వ విద్యాలయముల్
    భవితకుబంగము గూర్చగ
    అవిరళ కృషి ఫలిత మంత అవమానములే|
    2.అవివేకంబును మాన్పెడి
    వివరణలనుబంచగలుగు విద్యాలయముల్
    నివురును గప్పిన నిప్పుగ
    వివాద నిలయములు|విశ్వ విద్యాలయముల్.

    రిప్లయితొలగించు
    రిప్లయిలు
    1. కె. ఈశ్వరప్ప గారూ,
      మీ రెండు పూరణలు బాగున్నవి. అభినందనలు.

      తొలగించు
  21. * గు రు మూ ర్తి ఆ చా రి *
    ,,,,,,,,,,,,,,,,,,,,,,,,,,,,,,,,

    అవినీతి నాయకులకున్
    జెవి యొగ్గుచు చదువు లెక్క సేయక చను బల్
    చవటలచే నయ్యెను గద
    వివాద నిలయములు విశ్వ విద్యాలయముల్

    రిప్లయితొలగించు
  22. * గు రు మూ ర్తి ఆ చా రి *
    ,,,,,,,,,,,,,,,,,,,,,,,,,,,,,,,,,,

    అవురా ! " ర్యాగి౦గులు " నె
    క్కువ యయె " సూసైడులు " మరి కోకొల్ల లయెన్
    " లవు గేమ్సు " ముదిరి పోయెను
    వివాద నిలయములు విశ్వ విద్యాలయముల్

    రిప్లయితొలగించు
    రిప్లయిలు
    1. గురుమూర్తి ఆచారి గారూ,
      మీ రెండవ పూరణ (అన్యదేశ్యాలున్నా) బాగున్నది. అభినందనలు.

      తొలగించు
  23. ​యువతను తీరిచి దిద్ద ​​బ్ర
    భవించి​ శాస్త్రముల, కళల పలు విషయములన్
    ప్రవచింపక నయ్యెను గద
    వివాద నిలయములు విశ్వవిద్యాలయముల్​!

    రిప్లయితొలగించు
  24. అవగాహన కొరత వలన
    వివరంబులనరయకుండ విద్యార్థులెల్లన్
    యవివేకముతో చెడుటకు
    వివాద నిలయములు విశ్వవిద్యాలయముల్

    రిప్లయితొలగించు
    రిప్లయిలు
    1. డా. బల్లూరి ఉమాదేవి గారూ,
      మీ పూరణ బాగున్నది. అభినందనలు.
      ‘విద్యార్థులెల్లన్’ అన్నచోట గణదోషం. ‘ఎల్లన్+ అవివేకము’ అన్నపుడు యడాగమం రాదు. ‘విద్యార్థులు తా| మవివేకముతో...’ అనండి.

      తొలగించు
  25. నవ తరపు స్వార్థ ఘర్షణ
    భవమొందెను రాజకీయ ప్రభలత్వముతో
    భవిషత్తే మగునో ఈ
    వివాద నిలయములు విశ్వవిద్యాలయముల్

    రిప్లయితొలగించు
    రిప్లయిలు
    1. గండూరి లక్ష్మినారాయణ గారూ,
      మీ పూరణ బాగున్నది. అభినందనలు.
      ‘ప్రబలత్వము’ టైపాటు వలన ‘ప్రభలత’మయింది. ‘భవిషత్తు అన్న పదం లేదు. ‘భవితవ్య మేమగునొ యీ...’ అనండి.

      తొలగించు
  26. ఏవా దంబులు లేకన్

    సువాద సుందర తలపులు సుంతయు రాకన్

    కువాద ములెక్కు వైనన్

    వివాద నిలయములు విశ్వ విద్యాలయముల్

    విద్వాన్ డాక్టర్ మూలె రామమునిరెడ్డి ప్రొద్దుటూరు


    రిప్లయితొలగించు
    రిప్లయిలు
    1. డా. మూలె రామముని రెడ్డి గారూ,
      మీ పూరణ బాగున్నది. అభినందనలు.

      తొలగించు
  27. చవిగొని కులమత గొడవల
    వివశత్వముతో రణగొణ పీడిత నదము
    న్నవిరళమౌ భాషణతో
    వివాద నిలయములు విశ్వవిద్యాలయముల్

    ...అన్నీ విద్యార్థుల "దుష్ట" సమాసములే :)

    రిప్లయితొలగించు


  28. అవియివి యని యన్నియు సూ
    వివాద నిలయములు! విశ్వవిద్యాలయముల్,
    కవిరాట్ వాటికి మూలము
    చెవియొగ్గి వినదగనివయ చెకుముకి పలుకుల్:)

    జిలేబి

    రిప్లయితొలగించు