సమస్యాపూరణం – 1190 (ముంచినట్టివాఁడె)

కవిమిత్రులారా,
ఈరోజు పూరించవలసిన సమస్య ఇది .....
ముంచినట్టివాఁడె పూజ్యుఁడయ్య!
ఈ సమస్యను పంపిన గోలి హనుమచ్ఛాస్త్రి గారికి ధన్యవాదములు.

పద్య రచన – 480 (గ్రామ దేవతలు)

కవిమిత్రులారా,
ఈనాటి పద్యరచనకు అంశము....

“గ్రామ దేవతలు”

సమస్యలు కావలెను...

సాహితీ మిత్రులారా!
          లోకంలో అందరూ ఏవో కొన్ని సమస్యలతో సతమతమౌతున్నారు. నా సమస్య ‘సమస్యలు లేకపోవడం’! అంటే నాకు ఆర్థిక, కుటుంబ, ఆరోగ్య సమస్యలు లేవని కాదు. సామాజిక, రాజకీయ సమస్యల చర్చలతో నాకు పనిలేదు. వాటికోసం కావలసినన్ని బ్లాగులున్నాయి.
          దాదాపు నాలుగు సంవత్సరాలుగా ‘శంకరాభరణం’ బ్లాగు సమస్యాపూరణం శీర్షికను నిర్వహిస్తున్నది. రోజుకొక సమస్య చొప్పున ఇస్తూ 1200ల సంఖ్యను చేరబోతున్నది. ఇందులో మిత్రులు పంపినవి, మిత్రుల బ్లాగులనుండి, గతంలో జరిగిన అవధానాల నుండి, సాహిత్య గ్రంథాలనుండి సేకరించినవి దాదాపు సగం ఉండవచ్చు. మిగతా సగం నేను సృష్టించినవి. కొత్త సమస్యను సృష్టించడానికి ఒక్కొక్కసారి చాలా ఇబ్బంది పడవలసి వస్తున్నది. ఏదో ఒకటి ఇవ్వాలి కనుక అప్పటికప్పుడు ఆలోచించి ఇస్తున్న సమస్యల్లో అప్పుడప్పుడు ఔచిత్యం లోపించడమో, పేలవంగా ఉండడమో జరుగుతున్నది. అందువల్ల సమస్యలను సృష్టించడం నాకు పెద్ద సమస్య అయి కూర్చుంది.
          సమస్యలను పూరించడం కష్టం కాని, సమస్యలను తయారు చేయడం సులభమే!
          మిత్రులు సమస్యలను తయారు చేసిగాని, సేకరించి గాని పంపి ‘శంకరాభరణం’ బ్లాగు చేస్తున్న సాహితీ యజ్ఞానికి తోడ్పడవలసిందిగా మనవి.
          ఎన్నో ఏళ్ళుగా ‘ఆకాశవాణి’ వారు సమస్యా పూరణ శీర్షికను నిర్వహిస్తున్నారు. ఆ సమస్యలను సేకరించే అవకాశం ఉందా?
          ఇది అందరి బ్లాగు. ఇది నిరాటంకంగా కొనసాగడానికి సహకరించ వలసిందిగా సవినయంగా వేడుకొంటున్నాను.
          సమస్యలను, మీ సలహాలను క్రింది మెయిల్‍కు పంపండి.
          shankarkandi@gmail.com

సమస్యాపూరణం – 1189 (జారుల కృత్యములు)

కవిమిత్రులారా,
ఈరోజు పూరించవలసిన సమస్య ఇది .....
జారుల కృత్యములు మనకు సంతోష మిడున్.

పద్య రచన – 479 (శివ కుటుంబము)

కవిమిత్రులారా,
ఈనాటి పద్యరచనకు అంశము....

“శివ కుటుంబము”

ఈ అంశమును సూచించిన మిస్సన్న గారికి ధన్యవాదములు.

సమస్యాపూరణం – 1188 (కాలుఁడు హిమశైలసుతకు)

కవిమిత్రులారా,
ఈరోజు పూరించవలసిన సమస్య ఇది .....
కాలుఁడు హిమశైలసుతకుఁ గాంతుం డయ్యెన్.

పద్య రచన – 478 (పరనింద)

కవిమిత్రులారా,
ఈనాటి పద్యరచనకు అంశము....
“పరనింద”

సమస్యాపూరణం – 1187 (అప్పు లేనివాఁడె)

కవిమిత్రులారా,
ఈరోజు పూరించవలసిన సమస్య ఇది .....
అప్పు లేనివాఁడె యధముఁడు గద.

పద్య రచన – 477 (దొంగల ముఠా)

కవిమిత్రులారా,
ఈనాటి పద్యరచనకు అంశము....
 “దొంగల ముఠా” 
ఈ అంశమును సూచించిన పోచిరాజు సుబ్బారావు గారికి ధన్యవాదాలు.

శుభాశీస్సుమ మాల

శ్రీరస్తు!               శుభమస్తు!               సౌభాగ్యమస్తు!

శ్రీ గన్నవరపు వరాహ నరసింహ మూర్తి, శ్రీమతి నాగమణి దంపతుల కుమారుని వివాహ సందర్భముగా  

నూతన వధూవరులకు శుభాకాంక్షలతో...

శుభాశీస్సుమ మాల

వధువు: చి.ల.సౌ. హారిక

వరుడు : చి. భార్గవ నారాయణ మూర్తి

శ్రీరమా సముపేత నారాయణుని బోలె

సకల సల్లక్షణ సహితులైన

భద్రమూర్తులు నవ వధువును వరుడును

తనరారుచుండ నేత్రముల విందు 

గాగ నీ పావన కళ్యాణ వేదిపై

బంధు మిత్రాళి సంబరములలరు

వేద మంత్రాలతో నాదస్వరములతో

సముచిత కోలాహలముల తోడ

శ్రీకరములగు బహ్వలంకృతుల తోడ

వివిధ కాంతులతో చాల వెలుగు చున్న

భవ్య కళ్యాణ పర్వ వైభవవరమిది

అఖిల మంగళప్రదమయి యలరు గాక!

వధువు హారిక సకల సౌభాగ్య కలిత

పరిగె కుల పుణ్యముల రాశి పావన మతి,

వరుడు గన్నవరపు కుల వార్ధిజుండు

అపర నారాయణుండు విద్యాధికుండు.  

శ్రీ వధూ వరులకు శ్రీరస్తు శుభమస్తు!

భాగ్య వృద్ధిరస్తు భద్రమస్తు!

సకల వాంఛితఫల సంప్రాప్తిరస్తంచు

ఆశిషముల గూర్తు సాదరమతి.

అమలిన జీవితమ్ముల నిరంతర ధర్మపరాయణాత్ములై

సమ రస భావజాలముల సంతతమున్ వెలుగొందు చుండగా

ప్రముదిత మానసాబ్జులయి భాసిలుడీ సుఖ  శాంతులొప్పగా

మిము కృపతోడ బ్రోచుచును మేలొనగూర్తురు గాక వేలుపుల్

జయము మంగళ మూర్తులారా!

జయము సత్కుల దీప్తులారా!

జయము నిర్మల హృదయులారా!

జయము మీ కవకున్. 

నేమాని రామజోగి సన్యాసి రావు

& బాలా త్రిపుర సుందరి

సమస్యాపూరణం – 1186 (రోఁకటిపో టౌషధము)

కవిమిత్రులారా,
ఈరోజు పూరించవలసిన సమస్య ఇది .....
రోఁకటిపో టౌషధము శిరోవేదనకున్.

పద్య రచన – 476 (పోస్టు కార్డు)

కవిమిత్రులారా,
ఈనాటి పద్యరచనకు అంశము....

“పోస్టు కార్డు”

ఈ అంశమును సూచించిన పరుచూరి వంశీ గారికి ధన్యవాదాలు.

సమస్యాపూరణం – 1185 (గతి లేని మనుష్యుఁడే)

కవిమిత్రులారా,
ఈరోజు పూరించవలసిన సమస్య ఇది .....
గతి లేని మనుష్యుఁడే సుగతుఁ డనఁగఁ దగున్.

పద్య రచన – 475 (కారాగారము)

కవిమిత్రులారా,
ఈనాటి పద్యరచనకు అంశము....

“కారాగారము”

సమస్యాపూరణం – 1184 (సంతస మొసంగు మనకెల్ల)

కవిమిత్రులారా,
ఈరోజు పూరించవలసిన సమస్య ఇది .....
సంతస మొసంగు మనకెల్లఁ జావుకబురు.

పద్య రచన – 474 (కరివేపాకు)

కవిమిత్రులారా,
ఈనాటి పద్యరచనకు అంశము....

“కరివేపాకు”
ఈ అంశాన్ని పంపిన పోచిరాజు సుబ్బారావు గారికి ధన్యవాదాలు.

హనుమానంద లహరి

హనుమానంద లహరి

 హనుమంతా! శ్రీ హనుమంతా! జయ

అనుపమ బల గుణ ధీమంతా!

రామహితాగ్రణి హనుమంతా! జయ

రామకార్యరత! హనుమంతా!

భాగవతోత్తమ! హనుమంతా! జయ

యోగివరేణ్యా! హనుమంతా!

హీర శరీరా! హనుమంతా! జయ

ధీర శూరవర! హనుమంతా!

శాంత విభూషణ! హనుమంతా! జయ

శాంతి సుఖప్రద! హనుమంతా!

జ్ఞాన నిధానా! హనుమంతా! జయ

ధ్యాన పరాయణ! హనుమంతా!

ధర్మ రక్షకా! హనుమంతా! జయ

దుర్మదాంధ హర! హనుమంతా!

అంజనాతనయ! హనుమంతా! జయ

రంజిత రఘువర! హనుమంతా!

శుభకర! శ్రీకర! హనుమంతా! జయ

అభయవరప్రద! హనుమంతా!

శంకరాంశ భవ! హనుమంతా! జయ

సంకట నాశక! హనుమంతా!

కేసరి నందన! హనుమంతా! జయ

భాసుర చరితా! హనుమంతా!

వానర నాయక! హనుమంతా! జయ

దానవ నాశక! హనుమంతా!

సురవర వందిత! హనుమంతా! జయ

పరమానందా! హనుమంతా!

భాను కోటి నిభ! హనుమంతా! జయ

జ్ఞాన మహార్ణవ! హనుమంతా!

అవనిజార్తి హర! హనుమంతా! జయ

పవమానాత్మజ! హనుమంతా!

అక్షయ సంహర! హనుమంతా! జయ

రాక్షస నాశక! హనుమంతా!

రావణ మదహర! హనుమంతా! జయ

పావన శీలా! హనుమంతా!

వారిధి లంఘన! హనుమంతా! జయ

వీరవరేణ్యా! హనుమంతా!

రవిసుత సచివా! హనుమంతా! జయ

సవినయ భావా! హనుమంతా!

సుందర రూపా! హనుమంతా! జయ

మందస్మిత ముఖ! హనుమంతా!

వేదవిదుత్తమ! హనుమంతా! జయ

వేదాంత ప్రియ! హనుమంతా!

పరమ దయాకర! హనుమంతా! జయ

సరసవచోనిధి! హనుమంతా!

గిరివర విగ్రహ! హనుమంతా! జయ

గిరిధర! జయకర! హనుమంతా!

లంకాధ్వంసక! హనుమంతా! జయ

పంకజాక్ష హిత! హనుమంతా!

దీనజనావన! హనుమంతా! జయ

గాన వినోదన! హనుమంతా!

రామపదార్చక! హనుమంతా!! జయ

ప్రేమరసాకర! హనుమంతా!

సకల భయాపహ! హనుమంతా! జయ

సుకృత గుణార్ణవ! హనుమంతా!

భావి విధాతా! హనుమంతా! జయ

భావాతీతా! హనుమంతా!

కామిత దాయక! హనుమంతా! జయ

శేముషీ విభవ! హనుమంతా!

గురుపద భూషణ! హనుమంతా! జయ

పరమార్థ ప్రద! హనుమంతా!

విజయ రథస్థా! హనుమంతా! జయ

విజయోత్సాహా! హనుమంతా!

విజితేంద్రియచయ! హనుమంతా! జయ

విజయ వరప్రద! హనుమంతా!

రోగ వినాశక! హనుమంతా! జయ

యోగమార్గరత! హనుమంతా!

దుష్ట నివారణ! హనుమంతా! జయ

శిష్ట జనావన! హనుమంతా!

అనుపమాన జవ! హనుమంతా! జయ

అనుత్తమప్రియ! హనుమంతా!

శోక నాశకా! హనుమంతా! జయ

లోకరక్షకా! హనుమంతా!

గ్రహ పీడాపహ! హనుమంతా! జయ

బహుగుణ శోభిత! హనుమంతా!

భవబంధాంతక! హనుమంతా! జయ

త్రివిధ తాపహర! హనుమంతా!

రామనామ ప్రియ! హనుమంతా! జయ

రామానుజ హిత! హనుమంతా!

వందనమయ్యా! హనుమంతా! జయ

చందన కల్పక! హనుమంతా!

పండిత నేమాని రామజోగి సన్యాసి రావు

సమస్యాపూరణం – 1183 (ముట్లుడిగిన సతికి)

కవిమిత్రులారా,
ఈరోజు పూరించవలసిన సమస్య ఇది .....
ముట్లుడిగిన సతికి నొక్క పుత్రుఁడు పుట్టెన్.
(జంధ్యాల సుబ్రహ్మణ్య శాస్త్రి గారి కరీంనగర్ శతావధానం నుండి)

పద్య రచన – 473 (దోమ)

కవిమిత్రులారా,
ఈనాటి పద్యరచనకు అంశము....

“దోమ”

సమస్యాపూరణం – 1182 (జింకను గని బెదరి పాఱె)

కవిమిత్రులారా,
ఈరోజు పూరించవలసిన సమస్య ఇది .....
జింకను గని బెదరి పాఱెఁ జిఱుతపులి వడిన్.

పద్య రచన – 472 (విశ్వాస ఘాతకుఁడు)

కవిమిత్రులారా,
ఈనాటి పద్యరచనకు అంశము....
“విశ్వాస ఘాతకుఁడు”

సమస్యాపూరణం – 1181 (దనుజులు హరి భజన)

కవిమిత్రులారా,
ఈరోజు పూరించవలసిన సమస్య ఇది .....
దనుజులు హరి భజనఁ జేయు ధన్యులు సుమతుల్.

పద్య రచన – 471 (జూదము)

కవిమిత్రులారా,
ఈనాటి పద్యరచనకు అంశము....
“జూదము”

సమస్యాపూరణం – 1180 (శిష్టజనాళి మెచ్చెదరె)

కవిమిత్రులారా,
ఈరోజు పూరించవలసిన సమస్య ఇది .....
శిష్ట జనాళి మెచ్చెదరె శ్రీరమణీ హృదయేశు నచ్యుతున్.

పద్య రచన – 470 (ఋణానుబంధము)

కవిమిత్రులారా,
ఈనాటి పద్యరచనకు అంశము....
“ఋణానుబంధము”

దురాశ (గేయకథ)

కళ్యాణకటక మను పట్టణములోన
కలఁడు భైరవుఁ డనెడు వేటగాఁ డొకఁడు
వాఁ డొక్కనాఁడు విల్లమ్ములును వలలు
పట్టుకొని వింధ్యాటవికి వేట కేగె;
నొకచోట నెరపెట్టి మరుగైన చోట
నొదిగి కూర్చుండి వాఁ డెదురుచూడంగ
నటువచ్చు మృగ మొక్కదానినే చంపి
కట్టి కఱ్ఱకు మోసికొని వచ్చుచుండ
నడగొండ వలె నొక్క పందినే చూచె;
“నేమి నా భాగ్యమీ పంది మాంసమ్ము
దొరికె”నని సంతోషపడి మృగము దించి
బాణమ్ము సంధించి పందినే వేసె;
దెబ్బ తిన్నట్టి యా పంది కోపమున
శరవేగమున వచ్చి కోరతోఁ గొట్టె;
మొదలు నరికిన చెట్టు వలె భైరవుండు
బాధతో అఱచి నేలను గూలి చచ్చె;
బాణమ్ము తగిలి యా సూకరము మడిసె;
నా కిరాతుని, పంది కాళ్ల త్రొక్కిడికి
నచటఁ దిరుగాడు నొక పాము మరణించె;
దీర్ఘరావము పేరు గల నక్క యొకటి
తిండికై వనములోఁ దిరుగాడుచుండి
యచ్చోటి కేతెంచి చచ్చిపడియున్న
మృగ, కిరాతులఁ, బందిఁ, బాములను జూచి
“పుష్కలంబుగ నాకు భుక్తి దొరికినది,
మూడు మాసముల కీ మాంసమ్ము చాలు,
నీ కిరాతుని మాంస మొక నెలకు చాలు,
మృగ సూకరములు రెండు నెలలకు చాలు,
నీ పాము మాంస మొక దినమునకు తిండి,
యీ పూట యాకలికి నీ వింటినారి
నరముతో సరిపెట్టుకొందు”నని తలఁచి,
వింటినారిని పంటితోఁ ద్రెంచగానె
పట్టు తప్పిన విల్లు బలముగా వచ్చి
దాని రొమ్మున తాకఁగా నేలఁ గూలి
బాధతోడ విలవిల తన్నుకొని చచ్చె;
నవసరమ్మును మించి కూడఁబెట్టకుఁడు
లోభగుణ మెంత గతి తెచ్చెనో కనుఁడు.

(ఎప్పుడో విద్యార్థుల కోరికపై వారి పాఠ్యపుస్తకములోని కథకు నేనిచ్చిన గేయరూపము)

సమస్యాపూరణం – 1179 (పుస్తకములఁ జదువువాని)

కవిమిత్రులారా,
ఈరోజు పూరించవలసిన సమస్య ఇది .....
పుస్తకములఁ జదువువాని బుద్ధి నశించున్.

పద్య రచన – 469 (శబ్ద కాలుష్యము)

కవిమిత్రులారా,
ఈనాటి పద్యరచనకు అంశము....
“శబ్ద కాలుష్యము”

ఓంకార గీతము

పల్లవి :
ఓం నమశ్శివాయ యంచు ఓం నమశ్శివాయ యంచు
ఓం నమశ్శివాయ యంచు జపము సేయరే || ఓం ||

ఓంకారమే బ్రహ్మ మోంకారమే విశ్వ
మోంకారమే సర్వ మో సుధీమతీ! || ఓం ||

ఓంకారమే ధాత ఓంకారమే చక్రి
ఓంకారమే శూలి ఓ సుధీమతీ! || ఓం ||

ఓంకారమే సత్య మోంకారమే జ్ఞాన 
మోంకారమే యనంత మో సుధీమతీ! || ఓం ||

ఓంకారమే ధ్యేయ మోంకారమే జ్ఞేయ
మోంకారమే శ్రేయ మో సుధీమతీ! || ఓం ||

ఓంకారమే యొజ్జ ఓంకారమే శ్రద్ధ
ఓంకారమే సిద్ధి ఓ సుధీమతీ! || ఓం ||

పండిత నేమాని రామజోగి సన్యాసిరావు

సమస్యాపూరణం – 1178 (మూఢమతు లాదరింత్రు)

కవిమిత్రులారా,
ఈరోజు పూరించవలసిన సమస్య ఇది .....
మూఢమతు లాదరింత్రు ముముక్షువులను.

పద్య రచన – 468 (గణేశ నిమజ్జనము)

కవిమిత్రులారా,
ఈనాటి పద్యరచనకు అంశము.... 

 గణేశ నిమజ్జనము

సమస్యాపూరణం – 1177 (తాతను వివాహమాడెను)

కవిమిత్రులారా,
ఈరోజు పూరించవలసిన సమస్య ఇది .....
తాతను వివాహమాడెను తరుణి మెచ్చి.

పద్య రచన – 467 (జోలపాట)

కవిమిత్రులారా,
ఈనాటి పద్యరచనకు అంశము....
“జోలపాట”

సమస్యాపూరణం – 1176 (బలరాముఁడు లంకఁ జేర)

కవిమిత్రులారా,
ఈరోజు పూరించవలసిన సమస్య ఇది .....
బలరాముఁడు లంకఁ జేర వారధిఁ గట్టెన్.

పద్య రచన – 466 (తన్మయత్వము)

కవిమిత్రులారా,
ఈనాటి పద్యరచనకు అంశము....
“తన్మయత్వము”

సమస్యాపూరణం – 1175 (అమృతము సేవించి సురలు)

కవిమిత్రులారా,
ఈరోజు పూరించవలసిన సమస్య ఇది .....
అమృతము సేవించి సురలు హతులైరి గదా!

పద్య రచన – 465 (గుడి గంట - బడి గంట)

కవిమిత్రులారా,
ఈనాటి పద్యరచనకు అంశము....
“గుడి గంట - బడి గంట”

సమస్యాపూరణం – 1174 (భాష కేలనయ్య)

కవిమిత్రులారా,
ఈరోజు పూరించవలసిన సమస్య ఇది .....
భాష కేలనయ్య వ్యాకరణము.

పద్య రచన – 464 (గుణత్రయము)

కవిమిత్రులారా,
ఈనాటి పద్యరచనకు అంశము....
“గుణత్రయము”

సమస్యాపూరణం – 1173 (పంజరమున నున్న చిలుక)

కవిమిత్రులారా,
ఈరోజు పూరించవలసిన సమస్య ఇది .....
పంజరమున నున్న చిలుక పక్కున నవ్వెన్.

పద్య రచన – 463 (తులసి కోట)

కవిమిత్రులారా,
ఈనాటి పద్యరచనకు అంశము....

“తులసి కోట”
ఈ అంశమును పంపిన పరుచూరి వంశీ గారికి ధన్యవాదాలు.

సమస్యాపూరణం – 1172 (బానిస బ్రతుకే నయమని)

కవిమిత్రులారా,
ఈరోజు పూరించవలసిన సమస్య ఇది .....
బానిస బ్రతుకే నయమని పలికెను గాంధీ.

పద్య రచన – 462 (పట్టు విడుపులు)

కవిమిత్రులారా,
ఈనాటి పద్యరచనకు అంశము....
“పట్టు విడుపులు”

ఈ అంశమును సూచించిన పోచిరాజు సుబ్బారావు గారికి ధన్యవాదాలు.

సమస్యాపూరణం – 1171 (పాయసమ్మునఁ గారమ్ము)

కవిమిత్రులారా,
ఈరోజు పూరించవలసిన సమస్య ఇది .....
పాయసమ్మునఁ గారమ్ము వేయఁదగును.

పద్య రచన – 461 (వేటపాలెము)

కవిమిత్రులారా,
ఈనాటి పద్యరచనకు అంశము....

“వేటపాలెము”

సమస్యాపూరణం – 1170 (కలఁడే విజ్ఞానఖని)

కవిమిత్రులారా,
ఈరోజు పూరించవలసిన సమస్య ఇది .....
కలఁడే విజ్ఞానఖని శకారుని కంటెన్.

పద్య రచన – 460 (పునర్జన్మ)

కవిమిత్రులారా,
ఈనాటి పద్యరచనకు అంశము....
“పునర్జన్మ”
ఈ అంశాన్ని పంపిన పోచిరాజు సుబ్బారావు గారికి ధన్యవాదాలు.

ఏకవింశతి పత్ర పూజ (పాట)

ఏకవింశతి పత్ర పూజ (పాట)

ఏకదంతా! నీ కిదే మా - ఏకవింశతి పత్రపూజ

కరుణతో మా కొసగవయ్యా - కలిమి బలిమిని విఘ్నరాజా        || ఏకదంతా ||

సుముఖ! వీతభయా! సదయ! నీ - కిదియె మాచీపత్రము

ఓ గణాధిప! శాశ్వతా! నీ - కిదియె బృహతీపత్రము

శ్రీ ఉమాసుత! గజస్తుత్యా! - బిల్వపత్ర మ్మిదియె నీకు

హే గజానన! అవ్యయా! నీ - కిదియె దూర్వాయుగ్మము

హరతనూభవ! గణపతీ! దు-త్తూరపత్ర మ్మిదియె నీకు

మౌనినుత! లంబోదరా! నీ - కిదియె బదరీపత్రము

హే గుహాగ్రజ! గ్రహపతి! అపా-మార్గపత్ర మ్మిదియె నీకు

భక్తవాంఛిత దాయకాయ వి-నాయకాయ నమో నమః          || ఏకదంతా ||

శ్రీపతీ! గజకర్ణకా! నీ - కిదియె తులసీపత్రము

ఏకదంత! దయాయుతా! గతి! - చూతపత్ర మ్మిదియె నీకు

వికట! ఇంద్రశ్రీప్రదా! కర-వీరపత్ర మ్మిదియె నీకు

భిన్నదంతా! దాంత! విష్ణు-క్రాంతపత్ర మ్మిదియె నీకు

వటు! ద్విజప్రియా! నిరంజన! - దాడిమీపత్రమ్ము నీకు

కామీ! సర్వేశ్వరా! దేవ-దారుపత్ర మ్మిదియె నీకు

ఫాలచంద్ర! సమాహితా! నీ - కిదియె మరువకపత్రము

భక్తవాంఛిత దాయకాయ వి-నాయకాయ నమో నమః          || ఏకదంతా ||

హేరంబా! హే చతుర! సింధు-వారపత్ర మ్మిదియె నీకు

శూర్పకర్ణ! అకల్మషా! నీ - కిదియె జాజీపత్రము

హే సురాగ్రజ! పాపహర! ఇదె - గండకీపత్రమ్ము నీకు

అధ్యక్ష! ఇభవక్త్ర! శుద్ధా! - శమీపత్ర మ్మిదియె నీకు

హే వినాయక! శక్తియుత! అ-శ్వత్థపత్ర మ్మిదియె నీకు

దేవ! సురసేవిత! కృతీ! నీ - కిదియె అర్జునపత్రము

కపిల! కలికల్మష వినాశక! - అర్కపత్ర మ్మిదియె నీకు

భక్తవాంఛిత దాయకాయ వి-నాయకాయ నమో నమః       || ఏకదంతా ||

(దాదాపు పదేళ్ళ క్రితం మా వీధిలో గణేశమండపం వాళ్ళ కోరికపై వ్రాసి ఇచ్చిన పాట)

వినాయక స్తుతి

వినాయక స్తుతి

వినాయకం విచిత్రాంగం

విఘ్న కారణ వారణమ్ |

విజ్ఞాన యోగదం దేవం

విఘ్నరాజ మహంభజే ||

భానుకోటి సహస్రాభం

భవానీ నందనాగ్రజమ్ |

భాగ్యదం భవరోగఘ్నం

భావాతీత మహంభజే ||

మహాకవిం మహాతేజం

మహేశ్వర తనూభవమ్ |

మహానందప్రదాతారం

మహాత్మాన మహంభజే ||

గంధసింధురరాడ్వక్త్రం

గంధర్వ ప్రముఖార్చితమ్ |

గంధలేపిత దివ్యాంగం

గణనాథ మహంభజే ||

మునిబృంద సమారాధ్యం

మూషికాద్భుత వాహనమ్ |

మూలాధారాంబుజావాసం

మోక్షప్రద మహంభజే ||

 శ్రీగణేశం చిదానందం

శ్రీమత్ప్రమథ నాయకమ్ |

శ్రీకరం చిన్మయాకారం

శివాత్మజ మహంభజే ||

వరప్రదం ప్రసన్నాస్యం

వరసిద్ధి వినాయకమ్ |

వందారు భక్త మందారం

వారణాస్య మహంభజే ||

త్రిలోకేశ సమారాధ్యం

త్రివిధాపన్నివారణమ్ |

త్రిజగఛ్ఛ్రేయదం నిత్యం

త్రికాలజ్ఞ మహంభజే ||

సర్వదా సర్వదాతారం

సర్వ విఘ్న నివారణమ్ |

సర్వ జ్ఞాన సుధాసింధుం

సర్వాత్మక మహంభజే ||

నేమాని రామజోగి సన్యాసి రావు