అయ్యా! హనుమఛ్ఛాస్త్రి గారూ! శుభాశీస్సులు. మీరు మంచి ప్రయత్నము చేసేరు. రో కటిపోటు అని విడదీసేరు. కటి అనునది సంస్కృత పదము దాని తరువాత పోటు అనే తెలుగు పదముతో సమాసము చేయరాదు కదా. పరిశీలించండి. స్వస్తి.
కవిమిత్రులకు నమస్కృతులు. ఊళ్ళో లేని కారణంగా ఈరోజు సమస్యలను, పద్యాలను సమీక్షించలేక పోతున్నాను. ప్రయాణంలో ఉండి దారిలో ఉన్న నెట్ సెంటర్ నుండి ఈ వ్యాఖ్య పెడుతున్నాను. దయచేసి ఈ ఒక్కరోజు పరస్పర గుణదోష విచారణ చేసికొనవలసిందిగా మనవి. అసౌకర్యానికి మన్నించండి.
శ్రీపండిత నేమాని గురువులకు నమస్సులతో
రిప్లయితొలగించండిరూకలు గావలె కొనుటకు,
కోకలకందం బిడుటకు కుచ్చిళ్ళెపుడున్,
రోకటి సరకులు నలుగగ
రోఁకటిపో, టౌషధము శిరోవేదనకున్.
చీకటి కాకుల గోలకు
రిప్లయితొలగించండిరోకటి పోటౌష ధము శిరో వేదనకున్
యాకటికి మ్రింగ రోకలి
నాకమ్మే శరణ మంట నళిన దళేక్షా !
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
రోకటిపోటుతో చేసే వైద్యమే రోకటిశాస్త్రం :
01)
______________________________
లోకమున బక్క వారికి
రోకటి పోటౌషధము ! శి - రో వేదనకున్
లోకమున నెన్ను కొనుటకు
లోకోత్తరమైన మందు - లున్నవి గనినన్ !
______________________________
బక్కవారు = బక్కచిక్కిన పిల్లలు
రోఁకటిశాస్త్రము = చిన్నబిడ్డలు సన్నగా ఉన్నపుడు, రోటిలో కూర్చుండబెట్టి, ముగ్గురు ముత్తైదువులు
పసుపుకుంకుమ పూసిన రోకళ్ల నెత్తి 'పొడుతునా, వేతునా' అని బెదరించి రోకళ్లతో తాకుట.
(చి) [ఇట్లు చేసిన ఆ బిడ్డ తుండువలె బలియునని నమ్మకము.]
లోకోత్తరము = మిక్కిలి ప్రసిద్ధమైనది లేక శ్రేష్ఠమైనది
"శిరోవేదన"
రిప్లయితొలగించండిశంకరార్యా ! సంధికార్యం వివరించండి !
అయ్యా! శ్రీ వసంత కిశోర్ గారూ!
రిప్లయితొలగించండిశిరోవేదన అనునది సంస్కృత సమాసము. శిరః + వేదన = శిరోవేదన.
స్వస్తి.
ఈ కథను చూచి యొక్కడు
రిప్లయితొలగించండిరోకటి పోటౌషధము శిరోవేదనకున్
గైకొమ్మని వేయగనే
రోకటితో పోయె నొప్పి రోగియు గూలెన్
సందేహ నివృత్తి గావించిన
రిప్లయితొలగించండినేమాని వారికి ధన్యవాదములు !
శిరోవేదచే విసిగి వేసారిన యొకఁడు విధిలేక పలికిన సందర్భము...
రిప్లయితొలగించండి"లోకము నందలి మందులు
చేకొని పెక్కులుగ వేయఁ జిత్రము, పోదే
నాకీ తలనొప్పి! యిఁకన్
రోఁకటిపో టౌషధము శిరోవేదనకున్!!"
ఈకాలపు వైద్యమ్మే
రిప్లయితొలగించండియాకూ పంక్చరని వచ్చె నాహా చూడన్
' డాకటరు సింగు ' చెప్పెను
రో ! కటిపో టౌషధము శిరోవేదనకున్.
అయ్యా! హనుమఛ్ఛాస్త్రి గారూ! శుభాశీస్సులు.
రిప్లయితొలగించండిమీరు మంచి ప్రయత్నము చేసేరు. రో కటిపోటు అని విడదీసేరు. కటి అనునది సంస్కృత పదము దాని తరువాత పోటు అనే తెలుగు పదముతో సమాసము చేయరాదు కదా. పరిశీలించండి. స్వస్తి.
గురు వర్యులకు నమస్కారములతో...
రిప్లయితొలగించండిరోకలి పోటుకు నలుగును
పోకగ వడ్లును తిలలకు పొట్టును తీయున్
లోకమునందురు పూర్వము
రోఁకటిపో టౌషధము శిరోవేదనకున్
చేకొని నొసగిన మందులు
రిప్లయితొలగించండిమాకులనున్ మ్రింగ లేర ? మాన్పెద నిడుముల్
పైకము కిచ్చెద మృదువగు
రోఁకటి పోటౌషధము ! శిరోవేదనకున్!!
ఈ కాలములో కూడా కల్వములో నూరిన మందులను వాడుతాము. మా తాతగారు ఆయుర్వేద వైద్యమునకు రోకట్లో లేహ్యాలు దంపించడము నాకు గుర్తే !
శ్రీ శంకరయ్య గురుదేవులకు , శ్రీ నేమాని గురుదేవులకు పాదాభివందనములతో ..
రిప్లయితొలగించండినిన్నటి దినము నెట్ సమస్య మరియు బంధువులతో వ్యస్తుడనైతిని గురువుగారు,
నేటి రాజకియములపై
==========*============
కోకలు గట్టి దిరుగుచు కోవిధులమని బలుకుచు
కాకలు దీరిన వృద్ద కాంగ్రేసు నాయకు లెల్ల
నీకలు పీకుచునుండె నీనాడు హస్తిన లోన,
చేకొన్న మందులు వారి చేతుల జిల్లులు బెట్ట
రోఁకటి పోటౌషధము శిరోవేదనకు నని దలచె!
సాఁకక వేధించ సతిని
రిప్లయితొలగించండిరూకల కొరకై,వగచుచు రోకలి పోటున్
దాకించఁ గూలె పతియే!
రోకటి పోటౌషధము శిరోవేదనకున్!
మరియొక ప్రయత్నము:
రిప్లయితొలగించండిరోకటి పోటౌషధముగ
శ్రీకృష్ణుని యన్న ప్రజకు జేసెను వైద్యం
బో కవివర! శంకర! విను
రోకటి పోటౌషధము శిరోవేదనకున్
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిలోకులు పలుగాకులు చీ
రిప్లయితొలగించండికాకుపరచుచు తలనొప్పి కలిగించుదు రా
లోకుల నెదిరించి నిలువ
రోఁకటి పోటౌషధము శిరోవేదనకున్
చీకటి చేతల నేతకు
రిప్లయితొలగించండిరోకటి పోటౌషధము శిరో వేదనకున్
ఆకలి కన్నము దొంగల
మూకకు శిక్షావసరము భూతలమందున్ .
పూజ్యగురుదేవులు శ౦కరయ్య గారికి వందనములు
రిప్లయితొలగించండిపేకాడి రాతిరంతయు
వేకువ పతి యిల్లు జేరి వేదన యనగా
ఠీకుగ తెలిపెను పెండ్లము
రోకటి పోటౌషధము శిరోవేదనకున్
రోకటి పోటున నలుగును
రిప్లయితొలగించండిషీకాయలు నంతెకాని శిరమున కదియా!
ఈకలికాలపు మాటలు
రోకటి పోటౌషధము శిరోవేదనకున్
చీకాకు చెంది యరచుట
రిప్లయితొలగించండిరోకటిపో, టౌషధము శిరోవేదనకున్
శ్రీకరమగు శాంతంబును
చేకొని విశ్రాంతి గొనుట క్షితివారలకున్
చీకాకు చెంది యరచుట
రిప్లయితొలగించండిరోకటిపో, టౌషధము శిరోవేదనకున్
శ్రీకరమగు శాంతంబును
చేకొని విశ్రాంతి గొనుట క్షితివారలకున్
కాకుల వలె పోటీపడి
రిప్లయితొలగించండిపోకిరి జను లరచుచు తలపోటు నిడగ నా
పోకిరి జనుల మదమణచ
రోకటి పోటౌషధము శిరోవేదనకున్
కవిమిత్రులకు నమస్కృతులు.
రిప్లయితొలగించండిఊళ్ళో లేని కారణంగా ఈరోజు సమస్యలను, పద్యాలను సమీక్షించలేక పోతున్నాను. ప్రయాణంలో ఉండి దారిలో ఉన్న నెట్ సెంటర్ నుండి ఈ వ్యాఖ్య పెడుతున్నాను. దయచేసి ఈ ఒక్కరోజు పరస్పర గుణదోష విచారణ చేసికొనవలసిందిగా మనవి.
అసౌకర్యానికి మన్నించండి.
రమణారెడ్డి; సూర్యకాంతం
రిప్లయితొలగించండిఆకలి కేకలు వేయగ
పాకము సరిలేదటంచు పడవేయంగా
సాకులు చూపెడి వారల
రోకటి పోటౌషధము. శిరోవేదనకున్?
శ్రీ నేమాని గారూ ! ధన్యవాదములు..మీరు సూచించిన విధముగా నా పూరణ లోని దోషమును సవరించుచున్నాను....
రిప్లయితొలగించండిఈకాలపు వైద్యమ్మే
యాకూ పంక్చరని వచ్చె నాహా చూడన్
మోకాలి మీద నొక్కులు
రోకటిపో టౌషధము శిరోవేదనకున్.
మోకాలి మెట్టు లెక్కరె
రిప్లయితొలగించండిచీకాకులు దీరుటకిట శ్రీహరి భక్తుల్
శ్రీకరమది యెట్లన్నన్
రోఁకటి పోటౌషధము శిరోవేదనకున్!
కేకలు వేయుచు సుదతియె
రిప్లయితొలగించండితాకకు సీతమ్మననుచు దండము తోడన్
దూకగ దశకంఠునిపై
రోఁకటిపో టౌషధము శిరోవేదనకున్