గుండు మధుసూదన్ గారూ, అద్భుతమైన మీ పూరణతో బ్లాగుకు శుభోదయం అయింది. ‘భవత్ + అనుజులు’ అంటూ మీరు చేసిన పూరణను నేను ఊహించలేదు. చాలా బాగుంది. అభినందనలు. * రాజేశ్వరి అక్కయ్యా, పద్యం చాలా బాగుంది. అభినందనలు. అయితే ఈ మాటలను ఎవరేసందర్భంలో అన్నారు? * తోపెల్ల బాలసుబ్రహ్మణ్య శర్మ గారూ, మీ ఉద్దేశ్యం ‘పాండు తనూజు’లా? అలా అయితే ‘పాండవుడు’ అంటేనే పాండుతనూజుడు. అంతే కాక ‘తనుజుడు’ అనరాదు కదా! లేక నేనే మీ భావాన్ని అవగాహన చేసికొనలేక పోయానా? దయచేసి వివరణ ఇవ్వండి.
శ్రీరామచండ్రుడు గారు వ్రాసిన మహాభారత సారసంగ్రహము నందు అంబాలికకు జన్మించినవాడు”పాండువు” అను ఉండుటచే మరియు ఆంధ్రవాచస్పత్యము ( కొట్రశ్యామలకామశాస్త్రి) నందు “తనుజ = కుమార్తె, తనుజుడు = కుమారుడు అని ఉండుటచే పాండురాజ తనయులుగా స్వీకరించితిని. అయితే పద్యమునందు “పాండువునకున్” వ్రాయుటకు బదులుగా “ పాండవునకున్” అని తప్పు వ్రాసితిని. ఇందలి తప్పొప్పులు పెద్దలు చెప్పవలెను. నేనశక్తుడను.
గోలి హనుమచ్ఛాస్త్రి గారూ, మీ పూరణ బాగుంది. అభినందనలు. * వరప్రసాద్ గారూ, మీ పూరణ చక్కగా ఉంది. అభినందనలు. * చింతా రామకృష్ణారావు గారూ, క్రమాలంకార పద్ధతిలో మీ పూరణ చాలా బాగుంది. అభినందనలు. * శైలజ గారూ, మీ పూరణ బాగుంది. అభినందనలు.
సుబ్బారావు గారూ, బాగుంది మీ పూరణ. అభినందనలు. మొదటి పాదంలో గణదోషం ఉంది. * సంపత్ కుమార్ శాస్త్రి గారూ, మీ పూరణ బాగుంది. అభినందనలు. * కెంబాయి తిమ్మాజీ రావు గారూ, మీ పూరణ బాగుంది. అభినందనలు. * మంద పీతాంబర్ గారూ, బాగుంది మీ పూరణ. అభినందనలు. * లక్ష్మీదేవి గారూ, మీ పూరణ చక్కగా ఉంది. అభినందనలు. * బొడ్డు శంకరయ్య గారూ, విరుపుతో మంచి పూరణ చెప్పారు. అభినందనలు.
నారదుఁడు ధర్మజునితోఁ బలికిన సందర్భము...
రిప్లయితొలగించండివిను, ధర్మరాజ! కన, భవ
దనుజులు హరి భజనఁ జేయు ధన్యులు, సుమతుల్,
ఘనతర ధీగుణ యుతులును,
వనజాక్ష విశిష్ట చరణ వందన నిరతుల్!
ఘనమగు పాపపు జగతిని
రిప్లయితొలగించండిమనుజుల కంటెను నయమట మహిషా సురుడౌ
గనుమయ్య కమల గర్భుడ
దనుజులు హరి భజన జేయు ధన్యులు సుమతుల్
శ్రీపండిత నేమాని గురువులకు నమస్సులతో
రిప్లయితొలగించండిద్రుపద పురోహితులు కౌరవ సంసత్తున ధృతరాష్టునితో పల్కుచూ:
అనయమున పాండవునకున్
దనుజులు హరిభజనఁ జేయు ధన్యులు సుమతుల్
పెబకువన నరిభయంకరు
లని వినలేదా? మరియిక యని మాన్పవలెన్.
గుండు మధుసూదన్ గారూ,
రిప్లయితొలగించండిఅద్భుతమైన మీ పూరణతో బ్లాగుకు శుభోదయం అయింది. ‘భవత్ + అనుజులు’ అంటూ మీరు చేసిన పూరణను నేను ఊహించలేదు. చాలా బాగుంది. అభినందనలు.
*
రాజేశ్వరి అక్కయ్యా,
పద్యం చాలా బాగుంది. అభినందనలు.
అయితే ఈ మాటలను ఎవరేసందర్భంలో అన్నారు?
*
తోపెల్ల బాలసుబ్రహ్మణ్య శర్మ గారూ,
మీ ఉద్దేశ్యం ‘పాండు తనూజు’లా? అలా అయితే ‘పాండవుడు’ అంటేనే పాండుతనూజుడు. అంతే కాక ‘తనుజుడు’ అనరాదు కదా!
లేక నేనే మీ భావాన్ని అవగాహన చేసికొనలేక పోయానా? దయచేసి వివరణ ఇవ్వండి.
గురువులకు ధన్య వాదములు
రిప్లయితొలగించండిజరుగుతున్న అక్రమాలకి మనమే భగవంతునికి విన్నవించు కుంటు న్నట్టు
అదన్న మాట నా ఉద్దేశ్యం
ఈ కామెంట్‌ను రచయిత తీసివేశారు.
రిప్లయితొలగించండిమధుసూదన్ గారూ బాగుంది.. అభినందనలు.
రిప్లయితొలగించండినేనూ మధుసూదన్ గారి బాట లోనే....
మనుజుడు కాడాకృష్ణుడు
దనుజుల గూల్చంగ దిగిన త్రాతౌ హరియే
విను ధర్మజ నీవున్ భవ
దనుజులు హరి భజనఁ జేయు ధన్యులు సుమతుల్.
శ్రీ శంకరయ్య గురుదేవులకు,శ్రీ నేమాని గురుదేవులకు పాదాభివందనములతో ..
రిప్లయితొలగించండిశ్రీ శంకరయ్య గురుదేవులకు ధన్యవాదములు.
=======*========
అనవరతమ్ము వలదు వల
దనుచు హరిని,భువిని వైరి వనుచు భయమునన్
మునిగిరి నామామృతమున (మునిగిరి నామాంబుధిలో )
దనుజులు హరిభజనఁ జేయు ధన్యులు,సుమతుల్!
తనపనికొఱకితరులదగు
రిప్లయితొలగించండిపని చెరచెడివారలెవరు? పావనులెవ రీ
జన హితమును కోరు నెవరు?
దనుజులు. హరి భజనఁ జేయు ధన్యులు. సుమతుల్.
అనియెను! ప్రహ్లాదుడు,సఖులు,
రిప్లయితొలగించండిదనుజులకొమరులనుబిలచి దానవు లారా!
వినరే ! హరియే దైవము
దనుజులు హరి భజన జేయు ధన్యులు సుమతుల్
శంకరార్యులకు నమస్సులు. పద్మశ్రీ పుల్లెల
రిప్లయితొలగించండిశ్రీరామచండ్రుడు గారు వ్రాసిన మహాభారత సారసంగ్రహము నందు అంబాలికకు జన్మించినవాడు”పాండువు” అను ఉండుటచే మరియు ఆంధ్రవాచస్పత్యము ( కొట్రశ్యామలకామశాస్త్రి) నందు “తనుజ = కుమార్తె, తనుజుడు = కుమారుడు అని ఉండుటచే పాండురాజ తనయులుగా స్వీకరించితిని. అయితే పద్యమునందు “పాండువునకున్” వ్రాయుటకు బదులుగా “ పాండవునకున్” అని తప్పు వ్రాసితిని. ఇందలి తప్పొప్పులు పెద్దలు చెప్పవలెను. నేనశక్తుడను.
గోలి హనుమచ్ఛాస్త్రి గారూ,
రిప్లయితొలగించండిమీ పూరణ బాగుంది. అభినందనలు.
*
వరప్రసాద్ గారూ,
మీ పూరణ చక్కగా ఉంది. అభినందనలు.
*
చింతా రామకృష్ణారావు గారూ,
క్రమాలంకార పద్ధతిలో మీ పూరణ చాలా బాగుంది. అభినందనలు.
*
శైలజ గారూ,
మీ పూరణ బాగుంది. అభినందనలు.
వినుము మఱి రాజగు పాండు
రిప్లయితొలగించండిదనుజులు హరి భజన జేయు ధన్యులు సుమతుల్
అనవరతము కృష్ణు మనన
మెనరంగా జేతు రార్య ! యె ప్పు డు మదిలోన్
శ్రీ గుండుమధుసూధన్ గారికి ప్రత్యేకాభినందనలు.
రిప్లయితొలగించండికను ప్రహ్లాదుని వలనన్
దనుజులు హరిభజన జేయు ధన్యులు, సుమతుల్
మనుజులఁ దనుజులనెంచరు
వనవాసమునందునైన వదలరు భక్తిన్.
పూజ్యులు గురుదేవులు శంకరయ్య గారికి వందనములు
రిప్లయితొలగించండిక్షణికము బుద్బుదము లగు నీ
తనువు లశాశ్వతము లనుచు తత్పరభక్తిన్
మునిగిన ప్రహ్లాడుడుయు త
దనుజులు హరి భజన జేయు ధన్యులు సుమతుల్
ఈ కామెంట్‌ను రచయిత తీసివేశారు.
రిప్లయితొలగించండిమనసే మందిరమనుకొని
రిప్లయితొలగించండిమనసున హరిహరుల నిల్ప మంగళ ప్రదమౌ
మనుజులె కనబడు దివిజులు
దనుజులు ,హరిభజన జేయు ధన్యులు సుమతుల్!!!
మిత్రులు శ్రీ కంది శంకరయ్యగారికి ధన్యవాదములు. సాహితీ మిత్రులు శ్రీ గోలి హనుమచ్ఛాస్త్రి మఱియు శ్రీ సంపత్ కుమార్ శాస్త్రి గార్లకు మనఃపూర్వక ధన్యవాదములు.
రిప్లయితొలగించండిశ్రీ గుండు మధుసూదన్ గారి పూరణ ప్రశస్తంగా ఉంది. హృదయ పూర్వక అభినందనలు.
రిప్లయితొలగించండికనికరమును హరి చూపుచు
రిప్లయితొలగించండితనలోపల చేర్చు ననుట తథ్యము మహిలో.
మనుజులు, సురులును, పశువులు,
దనుజులు, హరి భజనఁ జేయు ధన్యులు- సుమతుల్.
ఎవరైనా హరి భజన జేయు ధన్యులైతే , సుమతులై హరి కనికరమున హరిలో జేరగలుగుట తథ్యము.
శ్రీ మంద పీతాంబర్ గారికి ధన్యవాదములు.
రిప్లయితొలగించండిఘన వైరులు శ్రీహరికిని
రిప్లయితొలగించండిదనుజులు; హరి భజనఁ జేయు ధన్యులు సుమతుల్
మనమున దలతురు నిత్యము
వినయముగా భక్తితోడ వేడుచు నతనిన్
సుబ్బారావు గారూ,
రిప్లయితొలగించండిబాగుంది మీ పూరణ. అభినందనలు.
మొదటి పాదంలో గణదోషం ఉంది.
*
సంపత్ కుమార్ శాస్త్రి గారూ,
మీ పూరణ బాగుంది. అభినందనలు.
*
కెంబాయి తిమ్మాజీ రావు గారూ,
మీ పూరణ బాగుంది. అభినందనలు.
*
మంద పీతాంబర్ గారూ,
బాగుంది మీ పూరణ. అభినందనలు.
*
లక్ష్మీదేవి గారూ,
మీ పూరణ చక్కగా ఉంది. అభినందనలు.
*
బొడ్డు శంకరయ్య గారూ,
విరుపుతో మంచి పూరణ చెప్పారు. అభినందనలు.
కనుకలి గలిగిన హరినిన్
రిప్లయితొలగించండికనుమోడిచి మొరను బెట్ట కాచు తడవునన్
అనునిత్యము భక్త జనులు,
దనుజులు హరి భజన జేయ ధన్యులు సుమతుల్
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
బాల ప్రహ్లాదుడూ, బలి చక్రవర్తీ దనుజులైనా
హరిభక్తులూ మంచివారూ గదా :
01)
_________________________________
తన తండ్రి నెదిరి నిల్చిన
తనయుడు ప్రహ్లాదుడు, మరి - ధర్మపు దీక్షన్
దనరిన బలియును , కారే
దనుజులు , హరి భజనఁ జేయు - ధన్యులు , సుమతుల్ !
_________________________________
కనివిని యెరుగని రకములు
రిప్లయితొలగించండికనుగొనుచు సురలను బెట్టు కష్టపు విధముల్
మనమున సతతము దలచెడి
దనుజులు హరి భజనఁ జేయు ధన్యులు సుమతుల్
రిప్లయితొలగించండివనితా! గర్వపు మనుజులు
దనుజులు! హరి భజనఁ జేయు ధన్యులు సుమతుల్,
వనమాలిని మదితలచు సు
జనులమ్మ ! నమనము లిడుము జయము జయమనన్!
జిలేబి
రణముల నోడగ పరిపరి
రిప్లయితొలగించండికనుగొని వడి భాజపాల కమ్మని కిటుకుల్
కొనగను వోట్లను కాంగ్రెసు
దనుజులు హరి భజనఁ జేయు ధన్యులు సుమతుల్
రిప్లయితొలగించండిమనసుని గట్టిగ నిలుపుచు
దనుజులు హరి భజనఁ జేయు ధన్యులు సుమతుల్
ఘనముగ కాగలరయ ము
క్తిని కోరుచు విభుని చేర తిరముగ కొల్వన్ !
జిలేబి