కవిమిత్రులకు శుభోదయం... ఈమధ్య నా ఇంటర్‌నెట్ ఇబ్బంది పెడుతున్నది. ఈనాటి పద్యరచన, సమస్యలను షెడ్యూల్ చెయ్యడానికి నిన్న సాయంత్రం నుండి అర్ధరాత్రి వరకు ఎంత ప్రయత్నించినా వీలుకాలేదు. ఇప్పుడుకూడా ఇది నా సిస్టం కాదు. వ్యాఖ్యలు పోస్ట్ చేయాలన్నా ఇబ్బంది అవుతున్నది.
పండిత నేమాని వారూ, రాజకీయప్రణాళికలపై మీ వ్యంగ్యోక్తిగా పూరణ చాలా బాగుంది. అభినందనలు. * గుండు మధుసూదన్ గారూ, వియ్యాలవారి ఛలోక్తిగా మీ పూరణ బాగుంది. అభినందనలు. * శ్రీ యెర్రాజి జయసారథి గారూ, విరుపుతో చక్కని పూరణ చెప్పారు. అభినందనలు. * సుబ్బారావు గారూ, మీరూ జయసారథి గారి బాటే పట్టారు. బాగుంది మీ పూరణ. అభినందనలు. ‘వేయ నొప్పు నాలువేపుడు..’ అనండి. * శైలజ గారూ, మీ మొదటి పూరణ కల్తీల గురించి, రెండవ పూరణ మమ‘కారం’ గురించి చెప్తూ బాగున్నవి. అభినందనలు. మొదటి పాదంలో ‘పాయసమును’ అనడంలో టైపాటువల్ల ను పోయినట్టుంది. * మంద పీతాంబర్ గారూ, కూడదంటూ సమస్యను పరాస్తు చేసిన మీ పూరణ బాగుంది. అభినందనలు. * వరప్రసాద్ గారూ, మీ మూడు పూరణలూ వైవిధ్యంగా ఉండి అలరిస్తున్నాయి. అభినందనలు.
నాగరాజు రవీందర్ గారూ, మీ పూరణ చాలా బాగుంది. అభినందనలు. * రాజేశ్వరి అక్కయ్యా, మీ పూరణ బాగుంది. అభినందనలు. * కెంబాయి తిమ్మాజీరావు గారూ, ప్రస్తుత పరిస్థితులకు అన్వయిస్తూ మీరు చేసిన పూరణ బాగున్నది. అభినందనలు. ‘వలెను + అనుచు’ అన్నప్పుడు యడాగమం రాదు. అక్కడ ‘వలెన/టంచు’ అనండి. * బొడ్డు శంకరయ్య గారూ, మీ రెండు పూరణలు వైవిధ్యంగా ఉన్నాయి. అభినందనలు. ఎంత మధుమేహ రోగులైనా పాయసంలో కారం వేసుకుంటారా? :-)
కవిమిత్రులకు శుభోదయం...
రిప్లయితొలగించండిఈమధ్య నా ఇంటర్‌నెట్ ఇబ్బంది పెడుతున్నది. ఈనాటి పద్యరచన, సమస్యలను షెడ్యూల్ చెయ్యడానికి నిన్న సాయంత్రం నుండి అర్ధరాత్రి వరకు ఎంత ప్రయత్నించినా వీలుకాలేదు. ఇప్పుడుకూడా ఇది నా సిస్టం కాదు. వ్యాఖ్యలు పోస్ట్ చేయాలన్నా ఇబ్బంది అవుతున్నది.
రాజకీయములందు చిత్రములు మెండు
రిప్లయితొలగించండినాల్గు కాలాలు బ్రతుకంగ నాయకులకు
కలవనేక ప్రణాళికల్ కాంచు డొకటి
పాయసమ్మున గారమ్ము వేయవలెను
ఈ కామెంట్‌ను రచయిత తీసివేశారు.
రిప్లయితొలగించండిపెండ్లివారింటికి వేంచేసిన వియ్యాలవా రాఁడు పెండ్లివారితో మేలమాడు సందర్భము...
రిప్లయితొలగించండి"పాయసమ్మునఁ గారమ్ము వేయవలెను;
కూరలోఁ జక్కెరను వేయగా రుచియగు;
మజ్జిగా యిది? పా"లని మఱి మఱి నగి,
మేల మాడిరి యచట వియ్యాలవారు!
వేడియున్నపుడును తేనె వేయవలెను
రిప్లయితొలగించండిపాయసమ్మున; గారమ్ము వేయదగును
కూరలకు మంచి గుణములు కోరికోరి
జిహ్వకింపైన రుచు లను చేర్చుటకయి.
వేడి యుండగ చక్కెర వేయదగును
రిప్లయితొలగించండిపాయసమ్మున , గారమ్ము వేయదగును
ఆలు వేపుడు రుచిగను నాహ రించ
ఉప్పు కారాల వలననే నొప్పు కూర .
పూజ్య గురుదేవులకు నమస్సుమాంజలులతో
రిప్లయితొలగించండిపాలయందును కలియును పంపునీరు
పంచదారను చేరును పాడురవ్వ
పాయసమ్మున గారమ్ము వేయదగును
కల్తీ గానిదేమున్నది కాలమందు...
పాయసమ్ము చేయగ పరమశుభము
పాయసమ్ము ను తిన్నను పరమ రుచియు
పాయసమ్ము న మమకారపాలు కలిపి
పాయసమ్మున గారమ్ము వేయవలెను ...
తినుట భారమౌ కారమ్ము తీపిలేక
రిప్లయితొలగించండివేరు వేరైన రుచులకై ,వేయదగు ప
కోడి యందున కారమ్ము;కూడదుగద
పాయసమ్మున కారమ్మువేయ;దగును
పంచ దారను వేయంగ పాలతోడ !!!
జీడి పప్పులు పలుకులు వాడవలెను
రిప్లయితొలగించండిపాయసమ్మున ; గారమ్ము వేయదగును
కూర లందున తగురీతి, కొత్తిమీర
కాడ లల్లము వెల్లుల్లి కలుప దగును
శ్రీ శంకరయ్య గురుదేవులకు, శ్రీ నేమాని గురుదేవులకు వినమ్రవందనములతో..
రిప్లయితొలగించండిసరదాగా:
=====*=====
చీమలను జంపి దినిచున్న దోమలకును,
చక్కెరకు సరితూగెడి సహజులకును,
పాయ సమ్మున గారమ్ము వేయ దగును
శాప భయము వలదు నీకు సత్యభామ!
( చీమలను = సామాన్యులను, దోమలకు= రాక్షసులకు )
======*=======
పగ"టి" నిగనిగల తోడ పచ్చనోట్లను పొందినట్టి
నగరజీవి సద్గురువని నమ్మి దిరుగు చున్న పాప
"జగతి" జనులకెల్ల పాయ సమ్మున గారమ్ము వేయ
దగును,పాప భయము వలదు ధరణి పైనను సత్యభామ!
(పగ= పగలు "టి" ట్రేడ్ మార్క్, పగ"టి" = అధికారము, నగరజీవి= కలుషమ్మున దిరుగువాడు)
=====*======
వలదు వలదు చెల్లి పాయస మందున,
పండుగ దినమందు బావతోడ
సరసమాడ పాయ సమ్మున గారమ్ము
వేయ దగును నీవు వేడ్కతోడ!
పండిత నేమాని వారూ,
రిప్లయితొలగించండిరాజకీయప్రణాళికలపై మీ వ్యంగ్యోక్తిగా పూరణ చాలా బాగుంది. అభినందనలు.
*
గుండు మధుసూదన్ గారూ,
వియ్యాలవారి ఛలోక్తిగా మీ పూరణ బాగుంది. అభినందనలు.
*
శ్రీ యెర్రాజి జయసారథి గారూ,
విరుపుతో చక్కని పూరణ చెప్పారు. అభినందనలు.
*
సుబ్బారావు గారూ,
మీరూ జయసారథి గారి బాటే పట్టారు. బాగుంది మీ పూరణ. అభినందనలు.
‘వేయ నొప్పు నాలువేపుడు..’ అనండి.
*
శైలజ గారూ,
మీ మొదటి పూరణ కల్తీల గురించి, రెండవ పూరణ మమ‘కారం’ గురించి చెప్తూ బాగున్నవి. అభినందనలు.
మొదటి పాదంలో ‘పాయసమును’ అనడంలో టైపాటువల్ల ను పోయినట్టుంది.
*
మంద పీతాంబర్ గారూ,
కూడదంటూ సమస్యను పరాస్తు చేసిన మీ పూరణ బాగుంది. అభినందనలు.
*
వరప్రసాద్ గారూ,
మీ మూడు పూరణలూ వైవిధ్యంగా ఉండి అలరిస్తున్నాయి. అభినందనలు.
వాయ సమ్ములు తినగను పాయ సమ్ము
రిప్లయితొలగించండితీపి తరుగుచు తరుగుచు తిక్త మవగ
మనిషి మనిషికి నడుమను మమత బెంచ
పాయ సమ్మున ఁ గారమ్ము వేయఁ దగును
శ్రీ శంకరయ్య గారికి నమస్కారములు
రిప్లయితొలగించండిశ్రీ పండిత నేమాని గారికి వందనములు
కలిసియుండిన తెలుగులఖ్యాతి ప్రగతి
యినుమడింపగ కొందరి కనులు కుట్ట
జీడిపప్పులు కిసిమిసుల్ క్షీరమిళిత
పాయసమ్మున గారము వేయవలెను
యనుచు తెలగాణ మును విభజన మొనర్చె
వేయ వలయును చక్కెర, నేయి, తేనె
రిప్లయితొలగించండిపాయసమ్మున; గారమ్ము వేయ దగును
కూరలోన తగు విధమ్ము, కొత్తిమీర,
ఉల్లి, వెల్లుల్లి, కరివేప, ఉప్పు కూడ
బాగు కానట్టి మధు మేహ రోగ మున్న
రిప్లయితొలగించండివార లాహార నియమాలు, వైద్యుల సల
హాలు పాటింపగా వలె నందు వలన
పాయసమ్మున గారమ్ము వేయ దగును
రిప్లయితొలగించండిపాయసమ్మును వండగా పత్ని నడిగి
పంచదారను తెమ్మని భార్య చెప్ప
బద్ధకముతోడ నిట్లనె భర్త 'నేడు
పాయసమ్మున గారమ్ము వేయవలెను.'
నాగరాజు రవీందర్ గారూ,
రిప్లయితొలగించండిమీ పూరణ చాలా బాగుంది. అభినందనలు.
*
రాజేశ్వరి అక్కయ్యా,
మీ పూరణ బాగుంది. అభినందనలు.
*
కెంబాయి తిమ్మాజీరావు గారూ,
ప్రస్తుత పరిస్థితులకు అన్వయిస్తూ మీరు చేసిన పూరణ బాగున్నది. అభినందనలు.
‘వలెను + అనుచు’ అన్నప్పుడు యడాగమం రాదు. అక్కడ ‘వలెన/టంచు’ అనండి.
*
బొడ్డు శంకరయ్య గారూ,
మీ రెండు పూరణలు వైవిధ్యంగా ఉన్నాయి. అభినందనలు.
ఎంత మధుమేహ రోగులైనా పాయసంలో కారం వేసుకుంటారా? :-)
మిస్సన్న గారూ,
రిప్లయితొలగించండిబద్ధకిస్టు మొగుడిపై మీ పూరణ బాగుంది. అభినందనలు.
రోషమిసుమంత చూపక రోజుగడపు
రిప్లయితొలగించండిపాలకులకును రోషము పట్టజేయ
సభకు దయచేయుడంచును చాల బిలచి
పాయసమ్మున గారమ్ము వేయదగును.