రాజేశ్వరి అక్కయ్యా, జూదంలో రాజ్యాలు పోగొట్టుకున్న ఇద్దరి గురించి రెండు పద్యాలను వ్రాసారు. బాగున్నవి. అభినందనలు. రెండవ పద్యం మూడవ పాదంలో గణదోషం. ఆ పాదాన్ని ‘కులసతి దమయంతి మిగుల’ అందాం. * గుండు మధుసూదన్ గారూ, ధర్మజుని ప్రస్తావనతో మీ పద్యం బాగుంది. అభినందనలు. * తోపెల్ల బాలసుబ్రహ్మణ్య శర్మ గారూ, జూదం వలన నష్టాలను చాలా బాగుగా పద్యంలో చెప్పారు. అభినందనలు.
గోలి హనుమచ్ఛాస్త్రి గారూ, మీ పద్యం ‘వారెవ్వా’ అనిపించింది. అభినందనలు. * శైలజ గారూ, మంచి పద్యం చెప్పారు. అభినందనలు. చివర ‘పాలయిరి గదా’ అనండి. * సుబ్బారావు గారూ, మీ పద్యం బాగుంది. అభినందనలు.
జూదముపై మంచి మంచి పద్యాలను రచించిన కవిమిత్రులు... వసంత కిశోర్ గారికి, బొడ్డు శంకరయ్య గారూ, సంపత్ కుమార్ శాస్త్రి గారూ, మంద పీతాంబర్ గారూ, లక్ష్మీదేవి గారూ, అభినందనలు, ధన్యవాదాలు. * కెంబాయి తిమ్మాజీ రావు గారూ, ఖండిక లాగా చక్కని పద్యాలను రచించారు. అభినందనలు. ‘తగదు + ఎందుకు’, ‘ఆయెను + ఇక’, ‘పెద్దలు + ఎవరున్’, ‘జూదము + అది’ అన్నప్పుడు సంధి జరుగుతుంది. అక్కడ ‘అనగూడ దెందుకనగా’, ‘జూదమ్ముగ నయె నిక నీ’, ‘పెద్ద లెవారున్’, ‘జూద/మ్మది యిది యని’ అంటే సరి! ‘పదవులు నెన్నికలు’ అనండి.
మోదముగ జూద మాడిన
రిప్లయితొలగించండిబాధగ నడవులకు నేగె ప్రభువు లనంగా
కాదని మోహము వీడిన
ఖేదమునకు దూర మైన గీష్పతు లౌగా !
ధర్మజుఁడు జూదమాడియుఁ దనదు రాజ్య
రిప్లయితొలగించండిసంపదలఁ గోలుపోయి, విచార పడక,
యపుడు నారణ్యవాస గతాత్ముఁ డయ్యు,
ద్రౌపదినిఁ, దమ్ములనుఁ గూడి, తరలె నయ్య!
శ్రీపండిత నేమాని గురువులకు నమస్సులతో
రిప్లయితొలగించండిఆయురారోగ్యభాగ్యంబు లంతరించు
పరువు మర్యాదలంతట పారిపోవు
సతిపతుల మధ్య కలహాలు సాగుచుండి
చూడ సంసారమే గూలు జూద మాడ.
నలుడట జూదము నాడగ
రిప్లయితొలగించండినిల నోడెను తెలివి మాలి నిడుముల పాలై
కులపాలి దమయంతి దారను
విల పింపగ విడచె నడవి వీడని ప్రేమన్
రాజేశ్వరి అక్కయ్యా,
రిప్లయితొలగించండిజూదంలో రాజ్యాలు పోగొట్టుకున్న ఇద్దరి గురించి రెండు పద్యాలను వ్రాసారు. బాగున్నవి. అభినందనలు.
రెండవ పద్యం మూడవ పాదంలో గణదోషం. ఆ పాదాన్ని ‘కులసతి దమయంతి మిగుల’ అందాం.
*
గుండు మధుసూదన్ గారూ,
ధర్మజుని ప్రస్తావనతో మీ పద్యం బాగుంది. అభినందనలు.
*
తోపెల్ల బాలసుబ్రహ్మణ్య శర్మ గారూ,
జూదం వలన నష్టాలను చాలా బాగుగా పద్యంలో చెప్పారు. అభినందనలు.
జూదములో వారెవ్వా !
రిప్లయితొలగించండిరాదోయీ సిరుల మూట, రాజులె పోయెన్
ఖేదముజెందుచు నడవికి
కాదన వారెవ్వరైన గలరే చెపుమా !
జూదము లాడిన జనులకు
రిప్లయితొలగించండివేదన మిగులును బ్రతుకున వేడుక లేదే
జూదము లాడిన ప్రభువులె
భాధల పాలై ఆడవుల బడితిరి గాదా
వ్యసనము లన్నిటి కంటెను
రిప్లయితొలగించండివ్యసనము మఱి జూద మరయ వ్యధలను గూర్చున్
వ్యసనంబు లేడు రకములు
వ్యసనంబుల దరికి బోక వర్తిలు మెపుడున్
ఈ కామెంట్‌ను రచయిత తీసివేశారు.
రిప్లయితొలగించండిగోలి హనుమచ్ఛాస్త్రి గారూ,
రిప్లయితొలగించండిమీ పద్యం ‘వారెవ్వా’ అనిపించింది. అభినందనలు.
*
శైలజ గారూ,
మంచి పద్యం చెప్పారు. అభినందనలు.
చివర ‘పాలయిరి గదా’ అనండి.
*
సుబ్బారావు గారూ,
మీ పద్యం బాగుంది. అభినందనలు.
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
జూదమాడి పాండవులు పడిన బాధలు ఎవరికీ వద్దు !
01)
________________________________
బాధ లొందిరి కుంతిపుత్రులు - పాడు జూదము వల్లనే
వేద నొందిరి కాన కేగిరి - వీగిపోవుట చేతనే !
జూదమాడిన వేదనే మరి - చోద్యమించుక లేదులే !
వాదనెందుకు ఖేదమెందుకు - వద్దు జూదము సోదరా !
________________________________
జూదంబాడిన కలుగప
రిప్లయితొలగించండివాదము ధనహాని జరుగు వాసి నశించున్
జూదరి యను ముద్ర పడును
పేదరికము దాపురించు వీడుము మిత్రా
సప్తవ్యసనంబుల ని
రిప్లయితొలగించండిక్షిప్తముగానుండి జనుల చెంతకు చేరెన్
వ్యాప్తంబగు జూదముచేఁ
ప్రాప్తంబగు కష్టనష్టఫలములు జగతిన్.
జూదము కానేకాదు వి
రిప్లయితొలగించండినోదము,జూదమున గెలిచి నూర్వురు కొడుకుల్
వేదన మిగిల్చిరి,నా
మోదము దెలిపిన ప్రభువుకు మూర్ఖత్వముతో !!!
పేరు తలుపగ రానట్టి విషపు వ్యసన
రిప్లయితొలగించండిముల నొకటి యిది యలవడు మూర్ఖ జనుల
సర్వ నాశమునొనరించు సైపరాదు
మిత్రవర్గము మారదె శత్రువుగను.
పూజ్యులు గురుదేవులు శంకరయ్య గారికి వందనములు
రిప్లయితొలగించండిఈనాటిద యీ జూదము
ఏనాడో ధర్మజుండు ఏలిక నలుడున్
పోనాడిరి రాజ్యములను
కానల తిరుగాడి చుండి కటకట బడుచున్
జూదములాడుట నేరము
కాదా యన దగదు ఎందుకనగా బ్రతుకే
జూదమ్మాయెను యిక నీ
వేదన వినిపించుకోరు పెద్దలు ఎవరున్
చదువులు జూదమ్మాయెను
పదవులు ఎన్నికలు గెల్వ పార్టీ నేతల్
బెదరక నాడిన జూదము
అది యిది అని జెప్పనేల అక్షమదమ్మే
తురగపు పరుగుల జూదము
మరి ధనములు పెంచు స్టాకు మార్కెటు జూద
మ్మరయగ రులిటీ చక్రము
మురిపెముగా నాడు మూడు ముక్కల యాటల్
పల్లెలలో పులి జూదము
పల్లీయులు మెచ్చు కోడి పందెపు జూద
మ్మిల్లిల్లు గుల్ల జేయుచు
పిల్లల, పెండ్లము రుధిరము పీల్చుట గనమే
జూదముపై మంచి మంచి పద్యాలను రచించిన కవిమిత్రులు...
రిప్లయితొలగించండివసంత కిశోర్ గారికి,
బొడ్డు శంకరయ్య గారూ,
సంపత్ కుమార్ శాస్త్రి గారూ,
మంద పీతాంబర్ గారూ,
లక్ష్మీదేవి గారూ,
అభినందనలు, ధన్యవాదాలు.
*
కెంబాయి తిమ్మాజీ రావు గారూ,
ఖండిక లాగా చక్కని పద్యాలను రచించారు. అభినందనలు.
‘తగదు + ఎందుకు’, ‘ఆయెను + ఇక’, ‘పెద్దలు + ఎవరున్’, ‘జూదము + అది’ అన్నప్పుడు సంధి జరుగుతుంది. అక్కడ ‘అనగూడ దెందుకనగా’, ‘జూదమ్ముగ నయె నిక నీ’, ‘పెద్ద లెవారున్’, ‘జూద/మ్మది యిది యని’ అంటే సరి!
‘పదవులు నెన్నికలు’ అనండి.
మంద పీతాంబర్ గారూ,
రిప్లయితొలగించండిమూడవ పాదంలో గణదోషం. టైపాటు కావచ్చు. ‘వేదనను మిగిల్చిరి నా’ అని ఉండాలనుకుంటాను.
శ్రీ శంకరయ్య గారికి వందనములు
రిప్లయితొలగించండిఅది టైపాటే ‘వేదనను మిగిల్చిరి'గా గమనించ గలరు.
అన్నవస్త్రములందున ఆశపోవు
రిప్లయితొలగించండిఆలుబిడ్డలనెప్పుడు అరచుచుండు
వ్యర్థమవునండి జీవనమర్థముడుగు
జూదమిచ్చును మిక్కిలి ఖేదములను.
ప్రభల రామలక్ష్మి గారూ,
రిప్లయితొలగించండిచాలా మంచి పద్యాన్ని చెప్పారు. అభినంచనలు.