శ్రీ శంకరయ్య గురుదేవులకు, శ్రీ నేమాని గురుదేవులకు పాదాభివందనములతో .
శ్రీ శంకరయ్య గురుదేవులకు ధన్యవాదములు.
శ్రీ నేమాని గురుదేవులకు ధన్యవాదములు.
మా యింటిలో నిన్న సాయంత్రము నుండి నెట్ పనిచేయుటలేదు, కావున గురుదేవుల సవరణ ఇప్పుడు జూచితిని. సవరణలకు పాదాభివందనములు.
ఉత్సాహ గర్భిత మధ్యాక్కర రామునిపై వ్రాసితిని సమస్యాపూరణకుడా రామునిపై నున్నది. =======*=========== రాము బలుకు విన్న వారు ప్రాభవమును పొందె గాదె , రామ కథను బాడు జనుల రాత్రి పగలు రమ్య మౌను రాముని మది నిల్పి నడువ రాదు దరికి మృత్యు వైన రాముని మన సార బిలువ రాక్షస తతి దూర మౌను.
రాజేశ్వరి అక్కయ్యా, మీ పూరణ బాగుంది. అభినందనలు. మూడవ పాదంలో ‘బాహు’ అన్నప్పుడు గణదోషం. అక్కడ ‘దో/ర్బలరాముడు’ లేదా ‘భుజ/బలరాముడు’ అందాం. * వసంత కిశోర్ గారూ, మీ రెండు పూరణలూ బాగున్నవి. అభినందనలు. మొదటి పూరణలో ‘జలముల యందున్’ లేదా ‘జలములలోనన్’ అనండి. * పండిత నేమాని వారూ, ‘రాజత్ బలరాముని’ మీ పూరణము ప్రశస్తంగా ఉంది. అభినందనలు. * గుండు మధుసూదన్ గారూ, ‘ధీబలుడు, వానర యుత బలుడైన రాముని’పై మీ రెండు పూరణలూ చాలా బాగున్నవి. అభినందనలు. * గోలి హనుమచ్ఛాస్త్రి గారూ, సబలమైన భావంతో చక్కని పూరణ చెప్పారు. అభినందనలు. * మంద పీతాంబర్ గారూ, ‘సద్గుణబలం’తో అలరారుతున్నది మీ పూరణ. అభినందనలు. * వరప్రసాద్ గారూ, మీ ఉత్సాహ గర్భిత మధ్యాక్కర చాలా బాగుంది. ‘సుగుణ బలరాముని’పై మీ పూరణ బాగుంది. అభినందనలు. * ఏల్చూరి మురళీధర రావు గారూ, అబల - రాముడు అన్న వైవిధ్యమైన విరుపుతో మీ పూరణ అద్భుతంగా ఉంది. అభినందనలు. * ‘శీనా’ శ్రీనివాస్ గారూ, ‘భయద బలరాముడు’ అంటూ మీరు చేసిన పూరణ బాగుంది. అభినందనలు. * శ్యామల రావు గారూ, సుదీర్ఘ సమాసంతో మనోహరమైన పూరణ చెప్పారు. అభినందనలు. * బొడ్డు శంకరయ్య గారూ, ప్రబల శిలలతో మీ పూరణ వైవిధ్యంగా బాగుంది. అభినందనలు. * కుసుమ సుదర్శన్ గారూ, మంచి ప్రయత్నం. బాగుంది. అభినందనలు. ‘బలగాన్ని’ అనే వ్యావహారిక పదప్రయోగం తప్ప అంతా సలక్షణంగా ఉంది. రెండవ పాదాన్ని ‘బలగమ్మును హతము సేయ వానర సేనన్’ అనండి. అలాగే ‘జలధిని’ అంటే సరి!
లక్ష్మీదేవి గారూ, మీ పూరణ బాగుంది. అభినందనలు. * నాగరాజు రవీందర్ గారూ, విరుపుతో మంచి పూరణ చెప్పారు. అభినందనలు. ‘శ్రీరాముం/ డవలీలగ’ అనండి. * మిస్సన్న గారూ, ‘అబల!’ అని సంబోధిస్తూ చక్కని పూరణ చెప్పారు. అభినందనలు.
అల రావణు హతమార్చగ
రిప్లయితొలగించండికలకలమున కదలి రంత కపివరు లెల్లన్
శిలతతి సేతువుపై బాహు
బల ...రాముడు లంక జేర వారధి గట్టెన్
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
నిజ భుజ బల రాముఁడు గదా శ్రీరాముడు :
01)
____________________________
బలవంతులైన కోతులు
జలజల పారెడు సముద్ర - జలముల నందున్
శిలలను జార్చగ, నిజ భుజ
బల రాముఁడు లంకఁ జేర - వారధిఁ గట్టెన్ !
____________________________
నల నీలాదులు కొండల
రిప్లయితొలగించండిజలనిధిపై వేయుచుండి చక్కగ బేర్చన్
జలరాశిపైని రాజత్
బలరాముడు లంక జేర వారధి గట్టెన్
తులలేని వర విరాజితు
రిప్లయితొలగించండిబలగర్వితుఁ బంక్తికంఠుఁ బరిమార్చంగన్
దలఁచిన వానరయుత ధీ
బల రాముఁడు లంకఁ జేర వారధిఁ గట్టెన్!
ధనుర్విద్యాబల రాముఁడు గదా శ్రీరాముడు :
రిప్లయితొలగించండి02)
____________________________
తులలేని సుగుణ ధాముడు
వెలకట్టగ లేని మేటి - వీరుం డవనిన్
విలువైన ధనుర్విద్యా
బల రాముఁడు లంకఁ జేర - వారధిఁ గట్టెన్ !
____________________________
కలువల కన్నుల కార్చకు
రిప్లయితొలగించండివిలపించుచు కంటినీరు వేగమె వచ్చున్
లలనా!సీతా ! వినుమ స
బల! రాముఁడు లంకఁ జేర వారధిఁ గట్టెన్
జలనిధి దాటగ, వానర
రిప్లయితొలగించండిబలశాలురు తోడుగాగ, భాసుర లీలన్
ఖలులన్ ద్రుంచగ సద్గుణ
బల రాముడు, లంక జేర వారధిగట్టెన్!!!
శ్రీ శంకరయ్య గురుదేవులకు, శ్రీ నేమాని గురుదేవులకు పాదాభివందనములతో .
రిప్లయితొలగించండిశ్రీ శంకరయ్య గురుదేవులకు ధన్యవాదములు.
శ్రీ నేమాని గురుదేవులకు ధన్యవాదములు.
మా యింటిలో నిన్న సాయంత్రము నుండి నెట్ పనిచేయుటలేదు, కావున గురుదేవుల సవరణ ఇప్పుడు జూచితిని. సవరణలకు పాదాభివందనములు.
ఉత్సాహ గర్భిత మధ్యాక్కర రామునిపై వ్రాసితిని సమస్యాపూరణకుడా రామునిపై నున్నది.
=======*===========
రాము బలుకు విన్న వారు ప్రాభవమును పొందె గాదె ,
రామ కథను బాడు జనుల రాత్రి పగలు రమ్య మౌను
రాముని మది నిల్పి నడువ రాదు దరికి మృత్యు వైన
రాముని మన సార బిలువ రాక్షస తతి దూర మౌను.
బలవంతులైన కపులను
రిప్లయితొలగించండిపలువురినెల్లకలుపుకుని పలుకగమేలై
తలపడె నిజముగ వానర
బల రాముడు లంకజేర వారధి గట్టెన్
అల కృష్ణున కన్నయె యీ
రిప్లయితొలగించండిబలరాముడు , లంక జేర వారధి గట్టెన్
జలధిం బెను రాళ్ళు బఱచి
బలములనే జూపు కొనుచు వానర సేనల్
శ్రీ శంకరయ్య గురుదేవులకు,శ్రీ నేమాని గురుదేవులకు పాదాభివందనములతో .
రిప్లయితొలగించండి=============*=========
అలయక సొలయక వానర
బల శాలుల తోడ వైరి బల శాలుల పై
సలుప రణము నమిత సుగుణ
బల రాముఁడు లంకఁ జేర వారధిఁ గట్టెన్!
మాన్యులు శ్రీ శంకరయ్య గారికి
రిప్లయితొలగించండినమస్సులతో,
ఇలగొంగఁ బంక్తికంధరు
బలిమినిఁ బరిమార్పఁ గడఁగి ప్రాణేశ్వరి న
ర్మిలిఁ జేకొన నిల్లాలి, న
బల రాముఁడు లంకఁ జేర వారధిఁ గట్టెన్.
సప్రశ్రయంగా,
ఏల్చూరి మురళీధరరావు
కులకాంతను రావణుడను
రిప్లయితొలగించండిమలినాత్ముడు చెరను బెట్ట మర్కట సైన్యం
బులు, రాఘవుడు, రిపు భయద
బలరాముడు, లంక జేర వారధి గట్టెన్
క. అలిగి విలుకాడుఁ భూమం
రిప్లయితొలగించండిడలపీడనదనుజవిషవిటపవనదావా
నలభయదాకృతి యగు దో
ర్బలరాముఁడు లంకఁ జేర వారధిఁ గట్టెన్.
బలశాలి రావణాసురు
రిప్లయితొలగించండిడిల లంకకు సాధ్వి సీత నెత్తుకు పోవన్
జలధిన వేసెడు శిలలు ప్ర
బల, రాముడు లంక జేర వారథి గట్టెన్.
కలహము గోరిన రావణు
రిప్లయితొలగించండిబలగాన్నిహతమొనరించ వానర సేనన్
జలధిన శిలలనుజార్చి, సు
బల రాముడు లంకజేర వారధి గట్టెన్
తప్పులున్న సవరించ మనవి...
నా రెండవ పూరణము:
రిప్లయితొలగించండిఖలు, విధి వరబల గర్వితు,
నిలా తనయఁ జెఱను నిడిన నీచు, దశాస్యున్,
బొలియింపఁగ, వానర యుత
బల రాముఁడు లంకఁ జేర వారధిఁ గట్టెన్! (2)
తలలను పదియింటిని దా
రిప్లయితొలగించండిసుళువుగ ద్రుంచంగ కదలె; శోభాలీలన్
జలనిధి పైనను నతులిత
బల రాముఁడు లంకఁ జేర వారధిఁ గట్టెన్.
హలమును చేత ధరించెను
రిప్లయితొలగించండిబలరాముడు ; లంక జేర వారధి గట్టెన్
జలజాక్షుడు శ్రీరాముడు
అలవోకగ జలధి దాటి యసురుల జంపెన్
విలపించెడు సీతఁ గని య-
రిప్లయితొలగించండినల పల్కెను, శోక మేల, నమ్ముము నా ప-
ల్కుల, నీ కష్టము దీరు న-
బల! రాముఁడు లంకఁ జేర వారధిఁ గట్టెన్.
(అనల: విభీషణుని పెద్ద కూతురు)
రాజేశ్వరి అక్కయ్యా,
రిప్లయితొలగించండిమీ పూరణ బాగుంది. అభినందనలు.
మూడవ పాదంలో ‘బాహు’ అన్నప్పుడు గణదోషం. అక్కడ ‘దో/ర్బలరాముడు’ లేదా ‘భుజ/బలరాముడు’ అందాం.
*
వసంత కిశోర్ గారూ,
మీ రెండు పూరణలూ బాగున్నవి. అభినందనలు.
మొదటి పూరణలో ‘జలముల యందున్’ లేదా ‘జలములలోనన్’ అనండి.
*
పండిత నేమాని వారూ,
‘రాజత్ బలరాముని’ మీ పూరణము ప్రశస్తంగా ఉంది. అభినందనలు.
*
గుండు మధుసూదన్ గారూ,
‘ధీబలుడు, వానర యుత బలుడైన రాముని’పై మీ రెండు పూరణలూ చాలా బాగున్నవి. అభినందనలు.
*
గోలి హనుమచ్ఛాస్త్రి గారూ,
సబలమైన భావంతో చక్కని పూరణ చెప్పారు. అభినందనలు.
*
మంద పీతాంబర్ గారూ,
‘సద్గుణబలం’తో అలరారుతున్నది మీ పూరణ. అభినందనలు.
*
వరప్రసాద్ గారూ,
మీ ఉత్సాహ గర్భిత మధ్యాక్కర చాలా బాగుంది.
‘సుగుణ బలరాముని’పై మీ పూరణ బాగుంది. అభినందనలు.
*
ఏల్చూరి మురళీధర రావు గారూ,
అబల - రాముడు అన్న వైవిధ్యమైన విరుపుతో మీ పూరణ అద్భుతంగా ఉంది. అభినందనలు.
*
‘శీనా’ శ్రీనివాస్ గారూ,
‘భయద బలరాముడు’ అంటూ మీరు చేసిన పూరణ బాగుంది. అభినందనలు.
*
శ్యామల రావు గారూ,
సుదీర్ఘ సమాసంతో మనోహరమైన పూరణ చెప్పారు. అభినందనలు.
*
బొడ్డు శంకరయ్య గారూ,
ప్రబల శిలలతో మీ పూరణ వైవిధ్యంగా బాగుంది. అభినందనలు.
*
కుసుమ సుదర్శన్ గారూ,
మంచి ప్రయత్నం. బాగుంది. అభినందనలు.
‘బలగాన్ని’ అనే వ్యావహారిక పదప్రయోగం తప్ప అంతా సలక్షణంగా ఉంది. రెండవ పాదాన్ని ‘బలగమ్మును హతము సేయ వానర సేనన్’ అనండి. అలాగే ‘జలధిని’ అంటే సరి!
లక్ష్మీదేవి గారూ,
రిప్లయితొలగించండిమీ పూరణ బాగుంది. అభినందనలు.
*
నాగరాజు రవీందర్ గారూ,
విరుపుతో మంచి పూరణ చెప్పారు. అభినందనలు.
‘శ్రీరాముం/ డవలీలగ’ అనండి.
*
మిస్సన్న గారూ,
‘అబల!’ అని సంబోధిస్తూ చక్కని పూరణ చెప్పారు. అభినందనలు.
పూజ్యగురుదేవులు శంకరయ్య గారికి వందనములు
రిప్లయితొలగించండిఖలుడౌ రావణు వాసము
నలువైపుల జలధియున్న నగరము కాగా
ఖలుని వధించంగా నతి
బల రాముడు లంక జేర వారధి గట్టెన్
కలయా వైష్ణవ మాయా!
రిప్లయితొలగించండిబిలబిల కోతులు నుడతలు బింకము తోడన్
కిలకిల కిచకిచ మనుచున్ -
బలరాముఁడు! లంకఁ జేర వారధిఁ గట్టెన్!
రిప్లయితొలగించండిపలుమార్లుచదివి నావే
జిలేబి రామాయణమ్ము !చిలుకప లుకలే
న? లవట్లాడితివి ? యెచట
బలరాముఁడు లంకఁ జేర వారధిఁ గట్టెన్?
జిలేబి
అల రాముని సేతు వచట
రిప్లయితొలగించండివిలపించి సునామియందు వీడగ నుసురున్
వలవల యేడ్చుచు గబగబ
బలరాముఁడు లంకఁ జేర వారధిఁ గట్టెన్ 😊