8, మార్చి 2014, శనివారం

సమస్యాపూరణం - 1345 (సీతకు రాఘవుఁడు పుట్టి)

కవిమిత్రులారా,
ఈరోజు పూరించవలసిన సమస్య ఇది...
సీతకు రాఘవుఁడు పుట్టి శివధను వెత్తెన్.

23 కామెంట్‌లు:

  1. చేతంబు లలరజేయుచు
    మాతకు కౌసల్య కొసగ మహితానందం
    బాతన్వికి నాథుండై
    సీతకు, రాఘవుడుపుట్టి శివధనువెత్తెన్.

    రిప్లయితొలగించండి
  2. భూతలము నందు దొరికిన
    సీతకు , రాఘవుడు పుట్టి శివ ధను వెత్తెన్
    నేతగు జనకుని పుత్రిక
    ప్రీతిగ నాతని కిసతిగ ప్రేమను గెలిచెన్

    రిప్లయితొలగించండి
  3. భూతలముననాధుండై
    సీతకు,రాఘవుడుపుట్టి శివధనువెత్తెన్
    మాతగు కౌసల్యకతడు
    ప్రీతిని గలిగించితల్లి ప్రేమను బొందెన్

    రిప్లయితొలగించండి
  4. ఈ తరుణిని పెండ్లాడగ
    నే తగు వరు వెదకి చేతు నిటు పెళ్ళనుచున్
    ప్రీతిగ జనకుడు వెదకగ
    సీతకు, రాఘవుఁడు పుట్టి శివధను వెత్తెన్.

    రిప్లయితొలగించండి
  5. త్రేతను జనకుని పుత్రిక
    సీతకు, రాఘవుఁడు పుట్టి శివధను వెత్తెన్
    ప్రీతిని వరుడై నిలువగ;
    పాతకుడగు దైత్యునడచె పరమాత్ముండే

    రిప్లయితొలగించండి
  6. నూతనచరితమొ? యొక య
    జ్ఞాతకవీశ్వరు మహేంద్రజాలమొ, యకటా
    వ్రాతలలో లోపమొ? యే
    సీతకు రాఘవుడుపుట్టి శివధనువెత్తెన్?

    రిప్లయితొలగించండి
  7. అవధాని గారూ.
    మీ యథావృత్త స్ఫురణ భీభత్సః అని నా బోటి పామరుడు చెప్పక తప్పదు.ధన్యవాదాలు.మహేంద్రజాలము బదులు పదేంద్రజాలం అని అంటే..

    రిప్లయితొలగించండి
  8. సీతమ్మ తండ్రి యెవ్వడు ?
    కౌతుకముగ దశరథునకు కడకేమయ్యెన్ ?
    తా తండ్రియయ్యె జనకుడు
    సీతకు , రాఘవుడు పుట్టి శివధనువెత్తెన్.

    రిప్లయితొలగించండి
  9. మాతా మాలక్ష్మి మహీ
    జాతగ బుట్టగ.రఘు కుల చంద్రుడు హరియే
    భూతలమున సరి జోడై
    సీతకు, రాఘవుడు పుట్టి శివధనువెత్తెన్

    రిప్లయితొలగించండి
  10. గీతను బోధించిన కం
    జాత నయనయుగము వాడు సత్యకు నెటులో
    త్రేతాయుగమున భర్తగ
    సీతకు రాఘవుడు బుట్టె శివధనువెత్తన్!

    రిప్లయితొలగించండి
  11. భూతలమున, పతిగాగన్
    సీతకు, రాముడు పుట్టి శివధను వెత్తెన్
    మాతకు తండ్రిచ్చిన వర
    మాతడు విని బహుముదమున నడవులకేగెన్

    రిప్లయితొలగించండి
  12. మాతయె యగుగద యీ భువి
    సీ తకు; రాఘవుడు పుట్టి శివ ధను వెత్తెన్
    మాతగు నా కౌసల్యకు
    మాతా! సేవింతు నమ్మ ! మరువక నిన్నున్

    రిప్లయితొలగించండి
  13. హరి వేంకట సత్యనారాయణ మూర్తి గారూ,
    మీ పూరణ బాగుంది. అభినందనలు.
    *
    రాజేశ్వరి అక్కయ్యా,
    మీ పూరణ బాగుంది. అభినందనలు.
    *
    శైలజ గారూ,
    మీ పూరణ బాగుంది. అభినందనలు.
    ‘మాత + అగు’ అన్నపుడు సంధి లేదు. యడాగమం వస్తుంది. అక్కడ ‘మాత యయిన కౌసల్యకు’ అనండి.
    *
    గోలి హనుమచ్ఛాస్త్రి గారికి,
    మీ పూరణ బాగుంది. అభినందనలు.
    *
    నాగరాజు రవీందర్ గారూ,
    మీ పూరణ బాగుంది. అభినందనలు.
    *
    భాగవతుల కృష్ణారావు గారూ,
    బాగుంది మీ పూరణ. అభినందనలు.
    *
    "అష్టావధాని" రాంభట్ల పార్వతీశ్వర శర్మ గారూ,
    సమస్యను ప్రశ్నార్థకంగా మార్చి చక్కని పూరణ చెప్పారు. అభినందనలు.
    *
    విజయ్ రాఘవేంద్ర గారూ,
    మీ వ్యాఖ్య వ్యాజస్తుతియో, వ్యాజనిందయో అర్థం కావడం లేదు.
    *
    డా. మాడుగుల అనిల్ శర్మ గారూ,
    బహుకాల దర్శనం. సంతోషం.
    ప్రశ్నోత్తర రూపంలో మీ పూరణ బాగున్నది. అభినందనలు.
    *
    సహదేవుడు గారూ,
    మీ పూరణ బాగున్నది. అభినందనలు.
    ‘మాతా మాలక్ష్మి’ అన్నదానిని ‘మాత మహాలక్ష్మి’ అనండి.
    *
    బొడ్డు శంకరయ్య గారూ,
    మీ పూరణ బాగున్నది. అభినందనలు.
    *
    అన్నపరెడ్డి సత్యనారాయణ రెడ్డి గారికి,
    మీ పూరణ బాగుంది. అభినందనలు.
    ‘రాఘవుడు’ అన్నదాన్ని ... ‘రాముడు’ అనడంతో గణదోషం ఏర్పడింది.
    *
    సుబ్బారావు గారూ,
    మీ పూరణ బాగుంది. అభినందనలు.

    రిప్లయితొలగించండి
    రిప్లయిలు
    1. సందేహం కలిగించినందుకు మన్నించగలరు.ఇది ముమ్మాటికీ వ్యాజస్తుతి.పద్య రచన నేరుచ్కునే క్రమం లో అవధాని గారి పూరణ చదివి, అది నచ్చి వారితో అలా అన్నాను గురువుగారూ.
      I said it on a positive note.

      తొలగించండి
  14. పెండ్లి..పునరావృత్తమైనదని... చిన్న సవరణతో...

    ఈ తరుణి లక్ష్మి రూపము
    నే తగు వరు వెదకి చేతు నిటు పెళ్ళనుచున్
    ప్రీతిగ జనకుడు వెదకగ
    సీతకు, రాఘవుఁడు పుట్టి శివధను వెత్తెన్.

    రిప్లయితొలగించండి
  15. సీతను రాముని దెలియక
    కోతల గోయుచును దిరుగు కుజను డొకండీ
    రీతి బలికె నక్కట యొక
    సీతకు రాఘవుడు పుట్టి శివ ధనువెత్తెన్

    రిప్లయితొలగించండి
  16. గోలి హనుమచ్ఛాస్త్రి గారూ,
    సవరించిన మీ పూరణ ఇంకా బాగుంది. అభినందనలు.
    *
    విజయ్ రాఘవేంద్ర గారూ,
    సంతోషం. అపార్థం చేసుకున్నందుకు మన్నించండి.
    *
    పండిత నేమాని వారూ,
    కుజనుడి మాటగా మీ పూరణ బాగుంది. అభినందనలు.

    రిప్లయితొలగించండి
  17. పూజ్యులు గురుదేవులు శంకరయ్య గారికి వందనములు
    నాతికి భర్తగు రీతిని
    సీతకు రాఘవుడు . పుట్టి శివధనువెత్తెన్
    చేతో మోదముగా భూ
    నేతల జేజేల మ్రోత నింగిని దాకన్

    రిప్లయితొలగించండి
  18. కెంబాయి తిమ్మాజీ రావు గారూ,
    మీ పూరణ బాగుంది. అభినందనలు.
    ‘భర్త + అగు’ అన్నప్పుడు యడాగమం వస్తుంది. అక్కడ పతి యగు అంటే సరి.

    రిప్లయితొలగించండి
  19. పోతన పుత్రుడ! శుంఠా!
    జీతము కోసమె బ్రతుకెడు చిన్మయ రూపా!
    నీ తలకాయర! ఎచ్చట
    సీతకు రాఘవుఁడు పుట్టి శివధను వెత్తెన్?

    రిప్లయితొలగించండి


  20. మాతా! జిలేబి! వలదే
    జోతల చేర్చుచు పలికెద ఝూటీ బాత్ యే
    లా తప్పుతడకలె! నెపుడె
    సీతకు రాఘవుఁడు పుట్టి శివధను వెత్తెన్?


    జిలేబి

    రిప్లయితొలగించండి


  21. ఆ తల్లి లక్ష్మి రూపపు
    సీతకు, రాఘవుఁడు పుట్టి శివధను వెత్తెన్
    తా తాళిని కట్టంగన్
    చూతము రారండి రండి సుందర మూర్తిన్!


    జిలేబి

    రిప్లయితొలగించండి