16, నవంబర్ 2015, సోమవారం

సమస్య - 1856 (కాకర చేఁ దన్నమాట...)

కవిమిత్రులారా, 
ఈరోజు పూరించవలసిన సమస్య ఇది...
కాకర చేఁ దన్నమాట కల్లయె సుమ్మీ.

45 కామెంట్‌లు:

  1. లోకుల మాటలు విడుమిక
    నీ కరమునఁ జేసి వెట్ట, నీ కన్నులలో
    నా కన్ను లుంచి నేఁగొనఁ
    గాకర చేఁ దన్నమాట కల్లయె సుమ్మీ.

    రిప్లయితొలగించండి
    రిప్లయిలు
    1. ఊకదంపుడు గారూ,
      బాగుంది మీ పూరణ. అభినందనలు.
      ‘క్త్వార్థంబైన యిత్తునకు సంధి లేదు’ అన్నది గసడదవాదేశానికి కూడ వర్తిస్తుంది. ‘చేసి+పెట్ట’ అన్నప్పుడు గసడదవాదేశ సంధి రాదు. ‘చేసి పెట్ట’ అనే ఉంటుంది.

      తొలగించండి
    2. గురువుగారూ, మన్నించండి,
      సవరించిన పద్యము
      లోకుల మాటలు విడుమిక
      నీ కరమునఁ జేసి పెట్ట, నీ కన్నులలో
      నా కన్ను లుంచి నేఁగొనఁ
      గాకర చేఁ దన్నమాట కల్లయె సుమ్మీ.

      తొలగించండి
  2. వాకబు జేసిన తెలియును
    ప్రాకటముగ వండి తినిన ప్రాముఖ్య మటన్
    సాకము మేలగు వంటికి
    కాకర చేదన్న మాట కల్లయె సుమ్మీ

    రిప్లయితొలగించండి
  3. గురువు గారికి ప్రణామములు ..సుకవి మిత్రులకు అభినందనలు

    లోకము లోమధు మేహుల
    శాకమనెడు కీర్తినొంది సకల జనాళిన్
    తా కుశలతనొస గెడునా
    కాకర చేదన్న మాట కల్లయె సుమ్మీ

    రిప్లయితొలగించండి
  4. లోకుల మాటలు నమ్ముచు
    కాకర చేదంచు విడువ కాయము చెడుటన్
    నిక్కము ;తినుటయు మానకు
    కాకర చేదన్న మాట కల్లయె సుమ్మీ.

    రిప్లయితొలగించండి
  5. నా కలల రాణి నీవే
    నాకైతివి భార్యగాను నమ్ముము, నిజమే
    నీ కరము చేత వండిన
    కాకర చేఁ దన్నమాట కల్లయె సుమ్మీ.

    రిప్లయితొలగించండి
  6. భీకరముగ నుడి వితిరే
    కాకర చేదన్న మాట కల్లయె సుమ్మీ
    కాకర చేదుగ నుండక
    యేకర ణి ని దీయ నుండు నీ శా ! చెపుమా .

    రిప్లయితొలగించండి
  7. శాకములందున మేటిగ
    నాకారము జూడ గరకు నౌషధగుణముల్
    ప్రాకటముగ నిచ్చెడు నా
    కాకర చేదన్నమాట కల్లయె సుమ్మీ!!!

    రిప్లయితొలగించండి
  8. కీకారణ్యములె యొసగు
    నీ కుంభిని వర్షపాత మెవ్విధి నైనన్
    నాక చరాంబుదముల ఫల
    కాకర చేఁ దన్నమాట కల్లయె సుమ్మీ.
    [ఫలక + ఆకర = ఫలకాకర = ఫలకలకు నిలయమైనది, కొండ; చేఁదు= ఆకర్షించు]

    రిప్లయితొలగించండి
    రిప్లయిలు
    1. పాకములందు ప్రశస్తము
      శాకము చేదైన నెట్టి సంతాపములం
      జేకూర్ఛ దనామయమున్
      కాకర చేఁదన్నమాట కల్లయె సుమ్మీ

      తొలగించండి
    2. పోచిరాజు కామేశ్వర రావు గారూ,
      మీ రెండు పూరణలు బాగున్నది. అభినందనలు.
      ఫలకాకర... అని విభక్తి ప్రత్యయం లేకుండా వ్రాయరాదు కదా!

      తొలగించండి
  9. ఆకాకరకాయలెపుడు
    నీకాలము దొరుకుచుండు నిబ్బ డి గానే
    కైకొనుడి ష్టముగా నా
    కాకర చేదన్న మాట కల్లయె సుమ్మీ

    రిప్లయితొలగించండి
    రిప్లయిలు
    1. అన్నపరెడ్డి సత్యనారాయణ రెడ్డి గారూ,
      మీ పూరణ బాగున్నది. అభినందనలు.

      తొలగించండి
  10. ఆకాకర రుచికరమౌ
    నాకాకర ధరయు మిన్న యైనను కొందున్
    నాకెంతో యిష్ట మ్మా
    కాకర చేఁ దన్నమాట కల్లయె సుమ్మీ.

    రిప్లయితొలగించండి
  11. సోకిన చక్కర రోగికి
    కాకర చేదన్నమాట కల్లయె సుమ్మీ
    లోకులవలె తాననినవి
    వేకము నశియించినట్లె –విలువలు సున్నా.|
    2.కాకర నౌషధ గుణములు
    సోకిన|రోగాలుదగ్గు సోమరికైనా
    లోకులకది చేదు నిజము
    కాకరచేదన్నమాట కల్లయె సుమ్మీ

    రిప్లయితొలగించండి
    రిప్లయిలు
    1. కె. ఈశ్వరప్ప గారూ,
      మీ రెండు పూరణలు బాగున్నవి. అభినందనలు.
      సున్నా, సోమరికైనా... అని వ్యావహారికాలను ప్రయోగించారు. విలువలు తొలగున్, సోమరికైనన్... అనండి.

      తొలగించండి
  12. ఏకబిగిని శ్రమజేయుచు
    నాకలితో నున్న వాని కాహార మిడన్
    నూకల గంజియె నమృతము
    కాకర చేదన్నమాట కల్లయె సుమ్మీ .

    రిప్లయితొలగించండి
    రిప్లయిలు
    1. కెంబాయి తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించండి
  13. ఏకబిగిని శ్రమజేయుచు
    నాకలితో నున్న వాని కాహార మిడన్
    నూకల గంజియె నమృతము
    కాకర చేదన్నమాట కల్లయె సుమ్మీ .

    రిప్లయితొలగించండి
  14. రాకూడని మధుమేహము
    చే, కుందుచునున్న రోగి, చెప్పెను కవితన్
    "శాకము చక్కెర పాకమె
    కాకర; చేఁ దన్నమాట కల్లయె సుమ్మీ.

    చేకూరగ నారోగ్యము
    కాకర చిక్కుడును గోబి క్యారటులు తినన్
    శాకము ప్రియమైనను నా
    కాకర చేఁ దన్నమాట కల్లయె సుమ్మీ.

    రిప్లయితొలగించండి
    రిప్లయిలు
    1. భాగవతుల కృష్ణారావు గారూ,
      మీ రెండు పూరణలు బాగున్నవి. అభినందనలు.

      తొలగించండి

  15. * గు రు మూ ర్తి ఆ చా రి *

    కాకరకు పులుసు పి౦డుచు
    శాకము వ౦డుకొని తిన పస౦దుగ. ను౦డున్
    శాక మొసగు నొడలునకున్
    కాకర చేదన్న మాట కల్లయె సుమ్మీ

    ీ ( శాకమొసగు = శక్తి నొసగు )

    రిప్లయితొలగించండి
  16. శాకముల సంకరమునన్
    లోకమ్మున తారుమారు రుచులే మిగులు
    న్నేకారముండదు మిరప
    కాకర చేదన్న మాట కల్లయె సుమ్మీ!

    రిప్లయితొలగించండి
    రిప్లయిలు
    1. గుండా వేంకట సుబ్బ సహదేవుడు గారూ,
      మీ పూరణ బాగున్నది. అభినందనలు.

      తొలగించండి
  17. మిత్రులందఱకు నమస్సులు!

    లోకుల రోగము మాన్పఁగఁ
    జేకొను మాత్రలవి మిగుల చేఁదగు నటులే
    కాఁకర గుణముల నెన్నఁగఁ

    గాఁకర చేఁదన్న మాట కల్లయె సుమ్మీ!!

    రిప్లయితొలగించండి
    రిప్లయిలు
    1. గుండు మధుసూదన్ గారూ,
      మీ పూరణ బాగున్నది. అభినందనలు.

      తొలగించండి
    2. శ్రీ శంకరయ్య గారికి నంస్కారం . పూరణములు పోస్ట్ చేయుటలో నేను చేసిన విధానం సరియైనదేనా ? (ప్రత్యుత్తరం కాలం లో పోస్ట్ చెయ్యటం ) . అది కాక వ్యాఖ్యలలోకి వెడితే అది మెయిల్స్ లోకి తీస్కు వెడుతున్నది. దయచేసి పూరణలు పోస్ట్ చేసే విధానం తెలియజేయ వలసినది.

      తొలగించండి
  18. లోకోద్ధరణమ్మే శ్రే
    యోకార్యమ్మనుచు సాయి యోగీశుండై
    తాకగ నా వేపాకులుఁ
    గాకర, చేఁ దన్న మాట కల్లయె సుమ్మీ!



    రిప్లయితొలగించండి
  19. కాకర చేదని బెదరక
    మాకొక యవకాశమిండు మారును రుచియే
    యీ కారము బెల్లముతో
    కాకర చేదన్న మాట కల్లయె సుమ్మీ !

    (వంటవాళ్లు చేదు లేకుండా కాకరకాయ వేయిస్తా మని , తమకి అవకాశమివ్వమనీ డుగుతున్నారు.)

    రిప్లయితొలగించండి
  20. పీకగ గింజలు గుజ్జును
    మూకుడు నూనెను సలసల మురుకుల వోలెన్
    చీకాకుగ వేయించగ
    కాకర చేఁ దన్నమాట కల్లయె సుమ్మీ

    రిప్లయితొలగించండి
  21. భీకరమౌ బెల్లముతో
    ప్రాకారము దద్దరిల్ల వంటల గదినిన్
    పాకము పట్టగ నత్తయ
    కాకర చేఁ దన్నమాట కల్లయె సుమ్మీ

    రిప్లయితొలగించండి